الشيخ & العشگ

بارت 43

جاسر . . اي اول مطلع الدكتور خابرتهم طمنتهم و الوالده كامت تهلهل من الفرحة

فهد . . اي زين سويت . و سجى

جاسر . . كتله جانت تبجي من طمنته نامت تريد تحجي وياه لو متكدر

فهد . . لا خابره اشوفه ليش تبجي

جاسر . . راح افتح كاميرا

دك جاسر على رقم سجى جاوبت حرمته كلله روحي على سجى نحجي وياها اخذت التلفون و راحت على سجى الي جانت نايمه و متدري شيصير يمه

فهد . . خيتي قربي التلفون من اذنه انه اكعده
قربت التلفون منه جاسر طلع من الغرفة عمود احجي على راحتي

فهد . . سجى حبي . . سجاوي يروحي اكعدي

شفته تحركت تفرك بعينه بس ماباوع على تلفون يمكن جانت تباوع على حرمت جاسر بعيدن باوع للجهاز شافتني بتسمتله كامت تبجي اخذ التلفون من لبنيه
و كامت تحجي

سجى . . حبيبي فهد الحمد لله على سلامتك والله خفت عليك

فهد . . يول ليش تبجين مو ياتني كلشي مبيه و العملية نجحت الحمد لله

سجى . . يعني انت زين خما تتوجع

فهد . . وجع قليل لتفكرين شلونج بالامتحانات
من سئلتنه نزلت راسه . . شمصخمه يول بس لا مجاوبين من ورايه

سجى . . لا لا والله مجاوبه بكلهن بس اليوم الكيميه شوية ما ركزت بيه جان بالي يمك

فهد . . ارتاحي و لا تفكرين اني زين خلي تفكيرج كله بالامتحان اريد معدل عالية عمود ادخلج ب اكبر الجامعات

سجى . . صدك فهد تخليني اكمل دراستي
فهد . . جا عليش مخليج تمتحنين غير تدخلين جامعة و تصيري دكتورة لو صيدلانية لو متريدين

سجى . . لا لا شلوون ماريد بس عبالي ماتقبل
فهد . . لا اقبل بس بشروط

سجى . . شني
فهد . . الله كريم تعرفيهن لتستعجلين كملي امتحانات و طلعي معدل و يصير حجي ثانية بينه

سجى . . ماشي
فهد . . يله حبيبي تعبت ماكدر اضل كاعد بطني تأذيني راح اسده و باجر هم ارجع احجي وياج ماشي حبي

سجى . . تمام دير بالك على نفسك
فهد . . تدللين من عيوني انتبهي لدراستج و قري بتركيز

سجى . . ماشي
فهد . . في امان الله
سجى . . الله وياك

سديته منه و خليته على الميز الي يمي باوعت جانو مخلين دولكه مال مي و كلاص بصفه . . بويه وآلله عطشان شلون بي هل دكتور شوكت يخليني اشرب

درت وجهي عمود لا اعطش اكثر جنت مرتاج على السرير حركت نفسي شوية و رجعت تمددت عسى اكدر انام فد ساعة و اكعد لا وجع و لا عطش

. . . . . . . . . . . .

سما

سديت التلفون ويه جاسر و كمت اشوف سجى
فتحت الباب جان انتبه على شخص يركض على الدرج
رحت دشوف منو مالكيت احد كلت يمكن ياسر نزل ماهتميت