رغم عذابك ألي حبيتك((باللهجه العراقيه))

part-27

دفعت ايده الممسگه بيه وردت اطلع گمشت يدة الباب تا افتحها.....

لو ماحس اله ايد ثامر تسبقني ويقفل الباب واخذ المفتاح وابتعد گعد ع چربايه

رنا"أفتح الباب تره أصيح والم البيت عليك...

ثامر بنبره ساخره"شنو دگليلهم.

رنا"أگللهم ردت أداوم وضربني ومخلاني أداوم.

ثامر"أگو مره رجلها چاي يمها وتريد داوم وتعوفه من الصبح..

رنا"والله بعد زواجگ من هيفاء استخفيت وتهرفلت..

ثامر"وانتي صرتي شرسه ومعرف شصار بيچ وينها رنا الهادئه الي چانت تسمع گلشيء أگوله..

گلت بگلبي رنا القديمه انته قتلتها أبتصرفاتك بزواجگ وبهمجيتگ وهاي رنا أنت صنعتها.

رنا"هاي تصرفاتي واني دا امشيء ع اتفاق بس انت دا تتحچچ مدري شبيگ اصحى نصيحه لاتعامل هيفاء هيچ تره تعوفگ وتهچ منگ بيومين تره هيفاء معدها عقل بس تزوجتگ...

ثامر"مالچ دخل بهيفاء ولاتجبين اسمها ع لسانچ وتذگري انتي مو بس مرتي أنتي وصيه وابتليت بيها.

رنا"انت معقد الامور ودا تحط قهرگ بيه أگلك اني أگرهك گلمة ألگره قليله بحقگ بس عوفني وخليني أرتاح.

ثامر"واني ماريدچ تحبيني چنت مقرر أطلگچ بس گلت ميحتاچ اطلگچ والشرع حلل اربعه..

رنا"بحلمگ بس اصير مره ألگ..

ثامر"واني گلتلچ زواجنه بالاسم فقط لاتخافين بس أريدچ تسمعين گلامي وماتعصين أومري.

رنا"روح تزوج وحده بعد وبذاگ الوقت اسمع گلامك.

ثامر"أنتي تخبلتي..

رنا"ليش تخبلت انت ماتعنيلي أي شيء..

ثامر"طبعآ ماعنيلچ شيء تدرين ماردت افتح وياچ الموضوع بس هسه طفح الگيل ماتحمل تخوني مره مسميه باسمي..

رنا"أنت انجنيت منو ايخونگ.

ثامر"أش ولا گلمه لاتچذبين شفت هاي الورقه واگعه من عندچ بالغلط وخليني أقره المگتوب خاف تنگرين

أحبك ياأؤل حب بحياتي
أحبك يامن سگنت گلبي وگل أوصالي
أحبك واعلم انك لست لي.
أحبك على أمل أن نلتقي يومآ
أن أخذتگ الاقدار مني فاعلم
ان قلبي لازال ينبض بحبك
أعشقگ واتمنى عودتك
مرارآ وتگرارآ وان عدت
ساتخلى عن الجميع من أجلك
من أجلك أنت فقط
.