ﺻﺤﻴﺖ ﺍﻟﺼﺒﺎﺡ ﺍﺩﻭﺷﺖ ﻭ ﺻﻠﻴﺖ ﺍﻟﺼﺒﺢ ﻃﻠﻌﺘﺎ ﻟﻘﻴﺖ ﺍﻟﺒﻴﺖ ﺻﺎﻧﻲ ﻭﻣﺤﻤﺪ ﻡ ﺟﺎﺀ !!!
ﻣﻊ ﺍﻧﻲ ﻡ ﻋﻨﺪﻱ ﻟﻴﻬﻮ ﺷﻲ ﻗﻌﺪﺗﺎ ﺍﻓﻜﺮ ﺩﻱ ﻣﻨﻮ ﺍﻻﺗﻜﻠﻢ ﻣﻌﺎﻫﺎ ﻭﻟﻲ ﻣﺸﻰ ﻳﻘﺎﺑﻠﻪ ، ﻭﻟﻰ ﻣﻦ ﺍﻣﺲ ﻣﺎﺟﺎﺀ ﻃﺮﺩﺕ ﺍﻻﻓﻜﺎﺭ ﺩﻱ ﻛﻠﻬﺎ ﻣﻦ ﺭﺍﺳﻲ ﺩﺧﻠﺖ ﺍﻟﻤﻄﺒﺦ ﻋﻤﻠﺖ ﺷﺎﻱ ﻭﺷﺮﺑﺘﺎ ....
ﻣﺮﺓ ﻓﺘﺮﻩ ﻭﻣﺤﻤﺪ ﻛﺎﻥ ﺑﻴﺠﻲ ﻳﺒﻴﺖ ﻓﻲ ﻏﺮﻓﺘﻮ ﺍﻟﺘﺎﻧﻴﻪ ﻭﻣﺎﺑﺸﻮﻓﻮ ﺍﺳﺎﺳﺎ ﺍﻻ ﻭﻫﻮ ﻃﺎﻟﻊ ﺍﻟﺸﻐﻞ !!!
ﺍﻟﺠﺎﻣﻌﻪ ﻗﺮﺑﺖ ﺗﻔﺘﺢ ، ﻭﺍﻻﻳﺎﻣﺎﺕ ﻣﺮﺓ ﻭﻓﺘﺤﺖ ﻭﻧﺰﻟﻨﺎ ﻓﻌﻼ ،ﺍﻭﻝ ﺯﻭﻝ ﻟﻘﻴﺘﻮ ﻭﺍﻧﺎ ﺩﺍﺧﻠﻪ ﺍﻟﺠﺎﻣﻌﻪ ﻛﺎﻥ ﺍﺳﻼﻡ ، ﻛﺎﻥ ﺑﻴﻌﺎﻳﻦ ﻟﻲ ﺑﻴﻌﻴﻦ ﻣﻜﺴﻮﺭﻩ ، ﻡ ﻗﺪﺭﺕ ﺍﻋﻴﻦ ﻟﻴﻬﻮ ﻭﻃﻮﺍﻟﻲ ﺩﺧﻠﺖ ، ﺑﻌﺪ ﺧﻠﺼﺖ ﻣﺤﺎﺿﺮﺍﺕ ﻭﺟﻴﺖ ﻃﺎﻟﻌﻪ ، ﻟﻘﻴﺘﻮ ﻗﺎﻝ ﻟﻲ ﻣﻤﻜﻦ ﺍﺗﻜﻠﻢ ﻣﻌﺎﻙ ، ﻗﻠﺖ ﻟﻴﻪ ﻧﺘﻜﻠﻢ ﻓﻲ ﺷﻨﻮ ﻭﺯﻱ ﻣﺎﺷﺎﻳﻒ ﺍﻧﺎ ﺯﻭﻟﻪ ﻣﺘﺰﻭﺟﻪ ﻭﻣﺎﻓﻲ ﺣﺎﺟﻪ ﻣﻤﻜﻦ ﺗﺨﻠﻴﻨﻲ ﺍﺗﻜﻠﻢ ﻣﻌﺎﻙ ، ﻃﺒﻌﺎ ﻗﻠﺖ ﺍﻟﻜﻼﻡ ﺩﺍ ﻭﻣﺸﻴﺖ ﻣﺎﻋﺎﺭﻓﻪ ﺍﻟﺨﻼﻧﻲ ﻣﻨﺪﻓﻌﻪ ﻛﺪﻩ ﺷﻨﻮ ...
ﺍﻧﺘﻬﻰ ﺍﻻﺳﺒﻮﻉ ﻭﺟﺎ ﻳﻮﻡ ﺍﻟﺠﻤﻌﻪ ، ﺟﺎﻧﻲ ﻣﺤﻤﺪ ﻣﻦ ﺍﻟﺼﺒﺎﺡ ﺍﻧﺎ ﻛﻨﺘﺎ ﺑﺸﺮﺏ ﻓﻲ ﺍﻟﺸﺎﻱ ﻟﻘﻴﺘﻮ ﺟﺎ ﺩﺍﺧﻞ ﺍﻟﻤﻄﺒﺦ ﻭﺷﺎﻳﻞ ﺍﻛﻴﺎﺱ ﻛﺘﻴﺮﻩ ﻗﻠﺖ ﻟﻴﻬﻮ ﻓﻲ ﺍﻳﻪ ، ﻗﺎﻝ ﻟﻲ ﻋﺎﺯﻡ ﺍﺻﺤﺎﺑﻲ ﻭﻳﺎﺭﻳﺖ ﺗﻠﺒﺴﻲ ﺣﺎﺟﻪ ﻣﺮﺗﺒﻪ ﺍﻭﻛﻲ ، ﺍﻧﺎ ﺑﻄﺒﻌﻲ ﻡ ﺑﺨﺖ ﻣﻴﻜﺐ ﻧﻬﺎﺍﺍﻱ ﻭﺍﻏﻠﺐ ﻣﻼﺑﺴﻲ ﻋﺒﺎﻳﺎﺕ ﻭﺑﺠﺎﻣﺎﺕ ﻃﻮﻳﻠﻪ ﻭﻟﻤﻦ ﻳﻜﻮﻥ ﻗﺎﻋﺪﻩ ﻓﻲ ﺍﻟﺒﻴﺖ ﺑﻠﺒﺲ ﻋﺒﺎﻳﺔ ﺍﻟﺼﻼﻩ ، ﻗﻠﺖ ﻟﻴﻪ ﻓﻲ ﺍﻟﻨﻬﺎﻳﻪ ﻫﻢ ﺍﺻﺤﺎﺑﻚ ﺍﻧﺎ ﺍﻟﺪﺧﻠﻨﻲ ﺷﻨﻮ ، ﻗﺎﻝ ﻟﻲ ﺑﺰﻫﺞ ﺑﺼﻔﺘﻚ ﻣﺮﺗﻲ ، ﺟﺮﺱ ﺍﻟﺒﺎﺏ ﺿﺮﺑﺖ ﻓﺘﺤﺘﺎ ﻟﻘﻴﺘﻬﺎ ﻭﺣﺪﻩ ﻻﺑﺴﻪ ﺑﻨﻄﻠﻮﻥ ﺟﻨﺰ ﺍﺳﻮﺩ ﻭﺑﻠﻮﺯﻩ ﻟﻠﻜﻤﺮ ﻭﻋﺎﻣﻠﻪ ﺷﻌﺮﻫﺎ ﻛﻴﺮﻟﻲ ﻭﻓﻜﺎﻫﻮ ﻭﺟﺎﺩﻋﻪ ﻃﺮﺣﻪ ﻓﻲ ﻛﺘﻔﻬﺎ ﻻﺑﺴﻪ ﺍﺳﺒﻮﺭﺕ ﺍﺩﺩﺱ ﺍﻧﺎ ﺑﻌﺎﻳﻦ ﻟﻴﻬﺎ ﺟﺎﺕ ﺩﺍﺧﻠﻪ ﻣﻦ ﺩﻭﻥ ﻣﺎﺗﻌﺎﻳﻦ ﻟﻲ، ﻭﺩﺧﻠﺖ ﺍﻟﻤﻄﺒﺦ ، ﺍﺳﺘﻐﺮﺑﺖ ﻣﻦ ﺍﻧﻮ ﻫﻲ ﻛﻴﻒ ﺑﺘﻌﺮﻑ ﺍﻟﻤﻄﺒﺦ ، ﻛﺎﻥ ﺑﺘﻨﺎﺩﻱ ﻋﻠﻰ ﻣﺤﻤﺪ ﺑﺤﻤﻮﻭﻭﺩﻱ ﻭﻳﻨﻚ ، ﺩﺧﻠﺖ ﻭﺭﺍﻫﻮ ﻗﺎﻟﺖ ﻟﻴﻬﻮ ﺟﺒﺘﺎ ﻗﺎﺋﻤﻪ ﺍﻻﻛﻼﺕ ﺍﻧﺎ ﺣﺎﺍﻋﻤﻞ ﺳﻠﻄﻪ ﻇﺮﻳﻔﻪ ﺍﻭﻛﻲ ، ﻗﺎﻝ ﻟﻴﻪ ﻃﻴﺐ ﺣﺒﻴﺒﺘﻲ ، ﺩﺍ ﻛﻠﻮ ﻭﺍﻧﺎ ﻣﻘﻬﻴﻪ ﺑﻌﺎﻳﻦ ﻟﻴﻬﻢ ، ﺟﺪ ﻛﻨﺘﺎ ﻣﺨﻠﻮﻋﻪ ﻓﻲ ﺍﻻﻧﺴﺎﻥ ﺩﺍ ، ﺩﺧﻠﺖ ﻏﺮﻓﺘﻲ ﻭﺑﻘﻴﺖ ﺍﺑﻜﻲ ، ﻓﻲ ﺍﻟﺒﻴﺌﻪ ﺍﻟﻌﺎﻳﺸﻪ ﻓﻴﻬﺎ ﺍﻧﺎ ، ﻓﺘﺤﺖ ﺍﻟﺸﻴﺖ ﻋﻠﺸﺎﻥ ﺍﻗﺮﺍ ﺟﺎﺀ ﻓﻲ ﺑﺎﻟﻲ ﺍﺳﻼﻡ ، ﻃﻮﺍﻟﻲ ﺷﻠﺖ ﺗﻠﻔﻮﻧﻲ ﻭﺩﺧﻠﺖ ﺍﻟﻔﻴﺲ ﺑﻘﻴﺖ ﺍﻋﺎﻳﻦ ﻉ ﺍﻟﻄﻠﺐ ﺍﻟﻤﻌﻠﻖ ﻟﻴﻬﻮ ﻣﺪﻩ ﻃﻮﻳﻠﻪ ، ﺍﺗﺠﺎﻫﻠﺘﻮ ، ﻭﺷﻔﺖ ﺍﺧﺮ ﺑﻮﺳﺖ ﻟﻴﻬﻮ ﻛﺎﻥ ﻳﻮﻡ ﻋﺮﺳﻲ ، ﻛﺎﺗﺐ ﻓﻴﻬﻮ " ﻟﻘﺪ ﺣﻠﻤﺖ ﻭﺍﺣﻼﻣﻲ ﻳﺤﻘﻘﻬﺎ ﺷﺨﺼﺎ ﺍﺧﺮ " ، ﺟﺎﺗﻨﻲ ﻛﻤﻴﻪ ﺑﺘﺎﻋﺖ ﻣﺸﺎﻋﺮ ﻣﻠﺨﺒﻄﻪ ﻗﻔﻠﺖ ﺗﻠﻔﻮﻧﻲ ﻭﻧﻤﺘﺎ ...
