جهزت "تميمه" و "نرمين" وصحيوا بدرى نزلوا من بيت "سناء" شافوا "هشام" واقف مستنيهم ع عربيته :
_ هشام
ابتسم "هشام": مقدرتش اول يوم ليكم فى شرم تككونوا لوحدكم
لسه هتتكلم "تميمه" قاطعها "هشام" : عارف انتم مش صغيريين ولا ضعاف انتم "هالك" فى شكل نسائى
ضحكوا : بس انت المفروض تسافر
_عادى يعنى لما ااجل سفرى يوم عاوزه تحرمينى اوصلكم واقضى معاهم كام ساعه بعد ما انتم هتبعدوا كده وهشوفكم كل فين وفين
اتكلمت "نرمين": والله يا اتش انت مفيش زيك اتجوزى وهتنبسط صدقنى
ضحكك"هشام": وانا موافق اخلص الحوارات اللى عندى وهفضالك
بصتله بصه تناكه: دا لو لقتنى مش يمكن اجنبى يعجب بيا ياخدنى ونطفش ع بره
_ اجنبى مره واحده
ضحكت "نرمين": اصله اكيد مش هيفكر التفكير العقيم بتاع هنا مش هيفرق معاه معايا اهل ولا معايا سندوتش
ضحكوا : يلا يا فليسوفه اركبى العربيه
ركبوا العربيه وطول الطريق ضحك وكلام وكانت "تميمه" قاعده جنب "هشام" طلب منهم "هشام" يرتاحوا لوقت ما يوصلوا وهو بيسوق ,, نامت "نرمين" ورغم مقاوحه "تميمه" كانت حاطه سماعات الهاند فرى وغمضت عينيها ونامت,, وقف فى استراحه وكان باين عليهم الارهاق مرضاش يصحيهم خرج من العربيه ووقف جنب باب "تميمه" وبص عليها و حس انها مش مرتاحه فى نومتها ,, قرب منها وحاول يرجع ظهر الكرسى لورا وبيحاول يعدل راس "تميمه" وكان قريب منها للحظات سرح وهو باصص ليها وابتسم وقال بصوت واطى (هتوحشينى ) انتبهه لصوت عامل البنزينه انه خلص وحط البنزين ورجع كمل سواقه لوقت ما وصلوا شرم ,, نزلت "تميمه" من العربيه باصه ع السما وابتسامه كبيره ع وشها اخدت نفس لمرحله الجديده من حياتها وانها هتبدءها بكل ثقه واراده من غير خوف ولا ضعف وقفت جنبها "نرمين" مسكت ايديها وبصوا لبعض وابتسموا :
_ يلا ..
_ يلا ..
اتجهوا مع "هشام" لمكان المطعم وقابلو صاحب المطعم واتعرفوا ع بعض :
_ هو الشغل المتاح اتنين واحده هتكون ويتر والتانيه فى المطبخ
_ كويس جدااا .. انا هكون الويتر و"نرمين" فى المطبخ هى بتحب الاكل
_ وان شاء الله مش هنخذلك ومش هتندم ع اختيارك لينا
ابتسم "مالك المطعم": مستر "هشام" اكبر شهاده ضمان وواضح انكم تستحقوا
طلب من حد من الموجودين يعرفوهم اماكنهم ويستلموا اليونفورم ووقف مع "هشام":
_ مش محتاج اوصيكم عليهم هما اكتر من عيلتى ومش هسمح لحد يأذيهم ولا بكلمه
_ متقلقش يا مستر"هشام"
_ وزى ما قولتلك محدش يعرف عنهم حاجه ولا اى معلومات هما بنتين عاديين جايين من القاهره يشتغلوا زى اى حد طبيعى ,, لا دار ولا ايتام ولا اى كلمه تجرحهم
_ متقلقش انا عرفت الاستف كله ان انا طلبت من شركه توظيف وبعتوهم لينا ,,متقلقش
_ والسكن ؟
_ قولتلك متقلقش هيكونوا مع بعض فى غرفه واحده فى سكن انا جهزته ليهم مكانه مش بعيد عن هنا 10 دقائف بالظبط تمشيه ...واتكلمت مع جيم وقولتلهم ان فى مدربه زومبا جايه من القاهره وعن طريقه هتدى دروس لنزلاء الفنادق ,, كل حاجه طلبتها اتنفذت
_ الاهم ميبنش ان انا قولت اى حاجه ,,كل حاجه تبان طبيعى
_ اوكيه ,,,
وصلوا لباب ووصلهم "هشام" لسكن وكان عباره عن شقه فيها بنات غيرهم وهما ليهم غرفه لوحدهم وكانت كويسه فرحت "نرمين" جدااا وارتاحت "تميمه" وراقب "هشام" رد فعل "تميمه" وفرح انها ارتاحت ,, نزلوا لف معاهم شرم يلقوا نظره وقعدوا فى مطعم :
_ المكان تحفه يا اتش ياريتنا كنا جينا هنا من زمان
_ كل شئ بميعاده يا نرمو المهم مرتاحه
_ جدااا
_ وانتى يا "توما" ؟
ابتسمت"تميمه": الحمد الله انا متفائله خير بالبدايه دى المكان مريح والشغل كويس وهنا بحر والسما
_ يعنى هتطيرى براحتك
ضحكتك "تميمه": مش اوى كده ,,لكن متفائله ان شاء الله تكون بدايه خير
اتدخلت "نرمين": "تميمه" لو انضربت قنبله نوويه هتفضل متفائله متقلقش عليها دى مخزون تفائل بيتوزع ع الكل ومنهم انا
_ ماشى ياام لسان
رد "هشام": جميل انك متفائله
ابتسمت "تميمه": اصل لما اكتئب واتشأئم فى حاجه هتحصل ,,بالعكس التفائل ان فى حاجه كويسه هتحصل حتى لو محصلتش كفايه السعادة المؤقته دى وبعدين مفيش حاجه اسمها مستحيل لما تتمسك بحاجه واعتقاد ان اللى جى مهما كان خير هيحصلك الخير فى مره انت مش مرتبلها ,, ربنا كبير
_ ونعم بالله ,, "تميمه" بقت عميقه اوى يا نرمو
_ اوى اوى يا اتش
_ اتريقوا براحتكم ولا ههتز وهفضل اقول ان شاء الله اللى جى هيكون خير واحلى من اللى فات
ابتسم "هشام" : ان شاء الله ,, اسمعونى كويس انا الفتره الجايه هسافر كتير علشان اضبط كذا مشروع يساعد ع حل مشاكل الشركه والقروض ودا مش معناه انى هبعد عنكم بالعكس لو احتاجتوا اى حاجه تكلمونى ولو انتم مقولتهوش هعرف ووقتها هتكون بزعل
ضحكت"نرمين": تقصدنى انى هفتن ماشى متقلقش
_ متقلقش كله هيكون تمام ,, انت مسافر امتى ؟
_دلواقتى علشان موعد طياره الساعه 7 الصبح يا دوب الحق
_ طيب يلا بينا
قاموا من مكانهم واتجهوا للسكن وسبقت "نرمين" ودخلت العماره ووقفت "تميمه" مد ايده "هشام":
_ يلا اقولك سلام دلواقتى
مدت ايديها : سلام ,,توصل بالسلامه
مسك ايديها : "تميمه" انتى مبسوطه بجد ,, مرتاحه
_ اه صدقنى حاسه براحه نوعا ما ودى بدايه كويسه
حط ايده التانيه ع ايدها فى ايده ومسكها : "تميمه" مهما كان بيحصلك وهيحصلك انا عاوز اكون اول حد يعرف
_ "هشام" الله يعينك فى اللى انت فيه
قرب خطوه : انتى مش ااقل من اللى انا مشغول به ,, انتى اهم منهم عندى بلاش تعملى فرق واى وقت كلمينى هتلاقينى قدامك حتى لو كنت فين هجيلك
ابتسمت"تميمه": حاضر
بنبره هاديه : انتى عارفه انك هتوحشينى جداا هفتقد وجودك اوى
_ ماانا قولتلك اخطف رجلك وتعالى
_ ان شاء الله ,,سلام
_ سلام
مكنش عاوز يسيب ايديها بصتله "تميمه" وابتسمت :
_ تاخد ايدى معاك ويرضيك اكون من غير ايد
انتبه "هشام" وضحكك وبهزار : اخد ايد ليه لما فى يوم هاجى اخدك كلك
ضحكك"تميمه": يا جامد
سلكمت عليه واتجهت ل باب العماره وملامح وشها متغيره اخدت نفس ودخلت مدخل العماره وكان ضلمه شافت فى وشها "نرمين" اتخضت:
_ يخرب عقلك بتعملى ايه هنا خضتينى ؟
_ المفتاح معاكى مش معايا وبعدين حبيت استمتع بالمشهد الرومانسى دا
خبطها ع راسها : رومانسى ايه اطلعى قدامى
وقف "هشام" لغايه ما طللعت السكن وركب عربيته ومشى ,, دخلت "نرمين" و "تميمه" غرفتهم :
_ " والله بيحبك
_ مين دا
_ "هشام" يا "تميمه" انتى مش ملاحظه كده ولا ايه دا واحنا راجعين شوفته وهو بيعدل الكرسى ليكى وفضل باصص ليكى انا قولت هيديكى بوسه كده لكن طلع مؤدب ,, وملامحه وهو بيكلمك من شويا ومكنش عاوز يسيب ايدك ودا كلنا فى البيت كنا ملاحظين كده انتى كنتى مختلفه ومميزه عنده وعند ماما "سميه" ,, واضح جداا انه بيحبك و ,,,
_بس بس ,,وانتى عرفتى كل دا منين حبيتى قبل كده وانا معرفش
_ دا بالاحساس يا عديمه الاحساس ,,
_ وضبى هدومك يلا انا داخله الحمام اخد شاور كده
مسكت ايديها "نرمين": نصيحه من اختك عايشه معاكى وعارفه قد ايه قلبك موجوع من الدنيا بتعمله فيكى وفيا وانك لوحدك فى دوامه ملهاش اخر ,, بلاش تجمدى قلبك وسط كل اللى بتعمليه والحرب اللى دخلها مع الدنيا والظروف بلاش تقفلى على قلبك ويجمد وترفضى سبيى قلبك يعيش وعيشى يا "تميمه" انتى تستاهلى تحبى وتتحبى ,,
_ ايه الكلام العميق دا وبتتريقى عليا
_ انا مبهزرش يا رخمه
_ طيب يا فليسوفه خلصى اللى وراكى و نامى علشان هنصحى من بدرى
اليوم دا "تميمه" منمتش وصحيت للفجر قامت اتوضت وصلت وبصت من شباك الغرفه وكان القمر ظاهر ارتاحت لما شافته ودعت " يارب انا جاهله اللى جى يارب قوينى والقرارات اللى اخدتها تكون صح ومندمش عليها بعدين "
نامت ساعه واحده صحيت "تميمه" و "نرمين" بنشاط صلوا الصبح وفطروا ونزلوا ع المطعم دخلت "نرمين" المطبخ و "تميمه" كانت فى الصاله رافعه شعرها ديل حصان وابتدا تتعامل مع الزبائن ب ابتسامه وزملائها فى المكان كانوا كويسين ,,, و"نرمين" فى المطبخ كانت مخضوضه لكن بساطتها خلتهم يحبوها وخصوصا انها طول الوقت بتضحك وكانت مساعده الشيفات وكانت بتتعلم منهم بالنظر عملى غير اللى فى التليفزيون ,, فى مره جربت تعمل تورته ل واحد من التيم معاها فى المطبخ بمناسبه عيد ميلاده عجب الشيف جداا وكل اللى اكلو منه عجبهم حتى مالك المطعم ف اقترح الشيف ان "نرمين" تكون شيف مساعد فى الحلويات ودى فرح "نرمين" جدااا فى مده قصيره كسبت الكل ومحاولاتها تثبت نفسها وتجرب حد لو هتفشل زود ثقتها فى نفسها اكتر وطبعا وجود "تميمه" كان اكبر حافز اللى دايما كانت دايما تشجعها متخفش من الفشل وانها متستسلمش تحاول دايما حتى لو فشلت لان الفشل خطوه اساسيه للوصول للنجاح,, كان يومهم طول اليوم فى المطعم وبليل يرجعوا يناموا ويصحوا تانى يوم ينزلوا شغلهم ,,, لاحظت "تميمه" انهم بيشغلوا ميوزك وهى مكنتش قادره تتمالك نفسها دخلت فى المود ورقصت فى مره قدامهم وهى بتقدم الطلبات والكل انبهر بيها ف اقترحت انهم فىشفت الليل يشغلوا ميوزك معينه فيها حركه منهم يعمل روح للمكان وهى كمان تقدم الطلبات بطريقه لذيذه ومختلفه عن المعتاد ,, وافق مالك المطعم ع الفكره ولما بدئو الفكره نالت اعجاب الزبائن لدرجه انهم فى زبائن دائمين للمكان فى الوقت دا علشان يتفرجوا ع "تميمه" ويستمتعوا بالوقت الموجودين فيه ودا زود الحجوزات وكان الكل حب المكان لانهم بيكونوا محتاجين بيفصلوا عن اليوم بحاجه ممتعه ,, مطعم "تميمه" كان مختلف تمسك بالفكره وبكده اصبح مميز وله زبائنه الدائمين ,,, كان "هشام" سافر وكان دايما بيتابع "تميمه" بالتليفون وكانت بتحكيله عن كل حاجه وهو مبسوط انه شايفها مبسوطه ,, بعد فتره ع حسب خطه "هشام" مالك المطعم عرض على "تميمه" تشتغل مدربه زومبا فى جيم ووافقت "تميمه" واتقسم وقتها ع حسب الجدول وعن طريق الجيم كان فى فنادق النزلاء بيطلبوا مدربه زومبا ساعتين الصبح واقترحوا "تميمه" وكان زياده دخل ليها وكانت حياه "تميمه" سعيده انها بتشتغل وبتعمل الحاجه اللى بتحبها واللى مريحها اكتر معامله الناس مختلفه لان اغلبهم مغتربين محدش سئل فين اهلك ولا انتى مين ,,, فى يوم كانت "نرمين" فى المطبخ بتعمل حاجه خرجت "تميمه" تستناها بره زهقت من الانتظار فقامت تتمشى ودا كان غير طبيعه "تميمه" وهى بتتمشى شافت فى الساحه مجموعه ناس واقفين متجمعين وصوت ميوزك عالى ,, قربت منهم وتشوف متجمعين ع ايه شافت مجموعه من الشباب عددهم 6 بيرقصوا بريك دانس وهيب بوب وبيعملوا شو والاجانب واللموجودين فى المكان بيتفرجوا ومهتمين ومستمعين ,, وقفت وكانت مبسوطه انها شايفاهم وهى واقف كانت بتتمايل وتتحرك فى مكانها لفت نظر شاب من المجموعه شدها من ايديها وانضمت ليهم ومعترضتش "تميمه" بالعكس دخلت وسطهم واندمجت وكانت فى منتهى السعاده ,, خلص العرض صقفوا ليهم الموجودين ومشيت "تميمه" ,, بعد ما مشيت كان حركاتها ابهرت الشباب وكانوا يتمنوا انها تكون معاهم ,,, مر كام يوم والشباب فى العرض اللى عملوه فى حد من اللى بيتفرج عليهم سألهم ع "تميمه" لكن قالولهم انهم ميعرفهاش ,, ف واحد منهم اقترح انهم يضموها ليهم لو هى حايه لكن مكنوش يعرفوا حاجه عنها لانها كان يومها يا المطعم للسكن يا للجيم يا لفندق لدرس الزومبا وعلاقتها محددوه ,, وفى يوم شاب منهم كان بيوصل حاجه لزبون قاعد فى المطعم بس بره وشاف "تميمه" وهى بتقدم الطلبات ودخل واتفرج ع طريقتها وحس انها بتحب الرقص زيهم ,, استناها لما خلصت وهى و "نرمين" ماشين وبيضحكوا ف خبط ع كتفها خبطته "تميمه" بالشنطه:
_ ايه اللى عملته دا ؟
_ انا اسف مقصدش حاجه بجد انا اسف
بتمشى "تميمه" وجهلها كلام بصوت عالى وحافظ ع مسافه بينهم : تحبى تشاركينا فى عروضنا احنا اللى انتى شاركينا فى عرض فى الساحه معاهم الاسبوع اللى فات فاكره
وقفت "تميمه" وبصتله: ايه ؟
قرب منها بخطوات خوف : من غير عنف ,, انا اسمى "ماندو" واحد من الجروب اللى شوفتيهم واحنا حسينا انك زينا بتحبى الرقص تحبى تشاركينا وتكونى واحده مننا
ردت "نرمين ": هو ينفع ..؟
ب ابتسامه : جدااا ,, ولو هى مدخلتش معانا مين هيكون هى مكانها وسطنا
سكتت "تميمه" وكمل "ماندو" كلامه : انتى مختلفه عن اى بنت شوفناها هنا ومعانا هتكونى مميزه بنت مع جروب شباب وهنكسر الدنيا لان شغفك هو هو شغفنا .. ايه رايك ( اترددت "تميمه" ترد ايوه او لا ) فكرى ولو قررتى احنا بكره الساعه 10 هنعمل العرض فى الساحه فى نفس المكان هنستناكى يا ,,
اتكلمت "نرمين": "توما" ,, "تميمه"
ابتسم : هنستاكى يا "توما" باى ,,
مشى الشاب ووقفت "تميمه" مش مصدقه اللى سمعته وبصت ل "نرمين" ورجعت ع البيت متردده :
_ انتى زنقتينى معاهم كده ..
_ عينى فى عينك ,, انتى عاوزه لكن متردده لانك بتعشقى الرقص مش مجرد حركتين حافظاهم ودى فرصه يلا مش انتى بتؤمنى بفرص القدر وان اللى جى خير ,, جربى ولو مرتحتيش اخلعى بسيطه ولو حد ضايقك هاتهولى المطبخ اعملهولك شوربه بنادمين بالصوص الابيض ,, زى ما بتقولى اعملى اللى بحبه انتى كمان اعملى اللى بتحبيه وانجوى يا بيبى
ضحكت "تميمه" وحضنت "نرمين " ... وفكرتها "نرمين" ان الصح انها تقول ل "هشام" لكن مقالتش قررت انها تحكيله لما تقابلهم وتعرف منهم الدنيا عامله ازاى والحكايه كلها ... تانى يوم خلصت شغلها واتجهت للمكان وبدؤ عرضهم شافها "ماندو" شدها واندمجت معاهم والجمع كان اكتر حواليهم ,, خلصوا وقعدوا يقسموا الفلوس اللى اتحطت ليهم و"تميمه" معاهم ومسك 5 دولار :
- ايه دا ؟
_ دا عربون مقداما ع انك وافقتى وجيبتى اهلا بيكى معانا
اتكلموا معاها واتعرفوا عليها وعليهم وعرفت انهم مجموعه من الشباب شغاليين اشغال مختلفه فى شرم اللى شغال فى مطعم وفى فندق وفى محل وبليل بيجتمعوا مع بعض وبيعملوا عروضهم مرتين فى الاسبوع ودا لانهم كلهم اللى جمعهم حبهم لميوزك والرقص ,, حست "تميمه" انها داخله عالم كانت بتتفرج عليه فى الفيديوهات اليوتيوب وحبت الفكره جداا ووافقت تتنضم معاهم وقالت انها هتساعدهم فى تصميم الراقصات ,,, رجعت البيت وكانت بتفكر تتصل ب "هشام" اتصل هو وحكتله :
_ لا طبعا مش موافق
_ مش موافق ع ايه هو انا بقولك هرقص فى كباريه
_ ازاى هتكونى وسط 6 شباب ولوحدك
_ يعنى ايه لو بنات كان عادى ؟
_ "تميمه" انا قلقان عليكى ..مش ممكن يطلعوا شباب مش كويسين ولحظى انك بنت واحده وسطهم
_ اولا العروض فى الشارع يعنى مكان مفتوح مش مقفول ,, ثانيا انا عارفه هعمل ايه وقادره اخلى اللى قدامى ميتعداش حدوده معايا مش اول مره اتعامل مع اغراب يعنى وهما باين انهم كويسين ولما هعرفهم اكتر هقدر احكم عليهم وبعدين انا هجرب لو مرتحتش هسيبهم بسيطه وانا قولتلهم كده ,, بلاش القلق الاوفر دا كله هيكون بخير
_ تمام يا "توما" انا قولتلك انا معاكى فى اى قرار هتاخديه المهم خلى بالك ع نفسك ويوميا تقرير باللى بتعمليه
_ حاضر
