(Unicode)
" ဟင်းတွေက အရသာဘယ်လိုလဲ ခငယ်"
" ကောင်းတယ်"
ဆေးထည့်ပေးနေသော ခခသည် ခံ့ညားအမေးကို ပြန်ဖြေလာပုံမှာ ပြတ်တောင်းတောင်း ။
သို့သော် လိမ်နေတာမဟုတ်တာတော့ သေချာသည်။
" ဘာလိုလို နဲ့ မနက်ဖြန်ဆို ခွဲရတော့မယ် "
အန်တီချိုတို့ ပြန်လာတော့မည် ဖြစ်၍ ခပ်ဆွေးဆွေးဆိုလိုက်တော့ ဆေးထည့်ပေးနေသော ခခ လက်ကလေးများ ငြိမ်သွားသည်။
" ကိုယ်တော့ လွမ်းနေတော့မှာပဲ... "
" မတွေ့ရတော့မယ့် သူတွေမှ မဟုတ်တာ "
နံရံဆီက အကြည့်မခွာဘဲ
ပြောလာသော ခခပုံလေးမှာ ချစ်စဖွယ်။ခံ့ညားမှာ အလွန် အသည်းယားမိလာတာကြောင့် ခန္ဓာကိုယ်လေးကို ဆွဲလှည့်ကာ ခပ်တင်းတင်း ဖက်ထားလိုက်တော့ ပုံမှန်လို သူမရုန်း ။
သို့သော် ပြန်လည် ဖက်တွယ်ခြင်းမျိုးလည်း
မရှိ။ကျောက်ရုပ်ကလေးလိုသာ တောင့်တောင့်လေးဖြစ်လို့နေသည်။
"ဒီနေ့စိတ်မကြည်ဘူးလား... ကိုယ့်ကိုလည်း
တစ်နေကုန်စကားမပြောဘူး... မျက်နှာလည်း မကောင်းဘူး... ဘာတွေ စိတ်ညစ်စရာရှိလို့လဲ ပြောပါဦး ခငယ်လေးရဲ့"ဖက်ထားလျက်ပင် ဆံပင်တွေကြား လက်ကိုလျှိုသွင်းလိုက်ပြီး အသာအယာ ထိုးဖွရင်း မေးလိုက်တော့ သက်ပြင်းချသံ သဲ့သဲ့လေး ကြားရသည်။
ခံ့ညား ပုခုံးပေါ် တင်ထားသော မေးဖျားလေးမှာလည်း ပိုလို့ နစ်ဝင်သွားသယောင် ။
"ဒီလိုပါပဲ စိတ်ရှုပ်လို့ "
လေသံတိုးဖျဖျလေးသည် ခံ့ညားကို သွက်သွက်ခါသွားစေသည်။
" ဘာဖြစ်လို့လဲ... ဘယ်သူ့ကြောင့်လဲ ခငယ်"
" ကျွန်တော် မပြောပြချင်ဘူး "
" ဒါဆိုရင်လည်း စိတ်ညစ်စေရမယ့် အကြောင်းတွေကို အခုကစ မေ့ပစ်လိုက်တော့... "
" တခြား ကိစ္စတွေကို မေ့လို့ရပေမယ့် သူက တော့မရဘူး"
သူ ဆိုတာက...။
YOU ARE READING
အပိုဆု
RomanceTitle : APo Hsu Genre : Own Creation / BL Tags : Romance Cover Artist : Moon U Author : Yaung Che Nway Both Zawgyi and Unicode fonts are available in this fiction.