ခံစားချက် ဆိုတဲ့ အဓိပ္ပာယ်က ဘာများလဲ ။
အနားမှာရှိရင် စိတ်လှုပ်ရှားတာမျိုး ၊ နှစ်ယောက်အတူရှိတိုင်း အနေခက်မိတာမျိုး ၊ သူ့ရှေ့ရောက်ရင် အလိုအလျောက် ကလေးဆန်မိသွားတတ်တာမျိုး...
ဒါမျိုးတွေများလား...
ခခ တွေခနဲ ဖြစ်သွားမိသည် ။
ဒါပေမယ့် ခံစားချက်ရှိတယ်ဆိုရင်တောင် အဆုံးသတ်မှာ ယောက်ျားလေးနှစ်ယောက်ဟာ ပေါင်းစည်းဖို့မှ မဖြစ်နိုင်ဘဲ... ။
ခခသည် စူးခနဲဖြစ်သွားသော ခံစားချက်နှင့်အတူ ခေါင်းကို ခါရမ်းပစ်လိုက်ပြီး
" မ..ရှိဘူး ဘာ ခံစားချက်မှ"
" အင်း... ပြီးတာပါပဲ ဒါဆိုလည်း... တစ်ခုတော့ ငါနင့်ကိုပြောချင်တယ်... ငါ အစောက ပြောလိုက်တယ်ဆိုတာ ဖြစ်နိုင်ချေရှိတာတွေပါပဲ... ငါတို့ စကားကြောင့်နဲ့ နင့်ကိုနင် တွန်းအားပေးဖို့ မလိုဘူးနော် ... "
" ငါနားလည်ပါတယ်... "
ခခအဖြေကြောင့် ရတီက ဘာမှ ဆက်မပြောတော့။
မကြာသေးမီကမှ စိုပြေနေခဲ့သော စကားလေးသည် မီးကိုရေနှင့် ငြိမ်းလိုက်သလို ရုတ်ချည်း
ငြိမ်ကျသွားတော့သည်။သေချာတာတစ်ခုကတော့ သူတို့ အားလုံး၏
အတွေးကိုယ်စီထဲတွင် 'ခံ့ညား' ဆိုသော သူကတော့ သေချာပေါက် ပါနေပေလိမ့်မည်။***
ညနေ ကျောင်းဆင်းတော့ အသင့်စောင့်ကြိုနေသော ကားရှိရာဆီ ခခ သွားလိုက်သည် ။
ကားပေါ်ရောက်တော့ ခံ့ညားကို ဘာစကားတစ်ခွန်းမှ မဆိုဖြစ်။
အခုချိန်မှာ ခခ စိတ်တွေအတော်လေး ရှုပ်ထွေးနေသည်။
မရေရာသော ခံစားချက် တပွေ့တပိုက်နှင့်မို့
ဖြစ်နိုင်လျှင် ခံ့ညားနှင့် မျက်နှာချင်းပင် မဆိုင်ချင်ပါ။စကားမဆိုဘဲ ခခ ငေးငိုင်နေတော့ အလိုက်သိသော သူသည် ခပ်ဆိတ်ဆိတ်သာ ။
ကားမောင်းရင်း မကြာခဏ ခခဘက် စောင်းငဲ့ကြည့်နေတာမျိုးကိုတော့ သတိထားမိပါသည်။
YOU ARE READING
အပိုဆု
RomanceTitle : APo Hsu Genre : Own Creation / BL Tags : Romance Cover Artist : Moon U Author : Yaung Che Nway Both Zawgyi and Unicode fonts are available in this fiction.
အပိုင်း-၂၃
Start from the beginning