العقوق ✨ ( مكتمله )

الحلـقـة السـادسـه 💍💗

#العقوق ✨

    ....<< الـحـلـقـه السـادسـه  🦅💛 >>....

        .... < روايـات كـارمن 🎶💛 > ....

————————————————-

وعند الرجال كان يعول مـراد ومعاه الباقية .... وتدرس سيارة مصفحه .....

مالك :-  حي من هادو !! 😳...
مـراد :- غر استنى ، انت رد بالك من هني ، وتو انـي نطلعلهم 💗 ...
مالك :- تممم ...

طبعـا بشيـر كان معاهم بودانـه ... والفضول قتله بيش يعرف من هذا الي مثير اهتمام بنته 🤕 ...
مـراد :- السلام عليكم ... تفضل خوي ؟؟...
الراجـل :- بيت شهـااب ال### ....
مـراد :- بالزبط ...
الراجـل :- هه صار انت مـراد !!
مـراد :- اي ...
الراجـل :- والله بوك العزيز خـاش في صفقة مخـدرات ، والمبلغ ربع مليون ... وهو وقع رهـان علـى البيت هذا ... وانت شوف رايك ....
بشيـر :- بعيد عنهم ... 😱😱😱
مـراد :- يتكلم بجديه .. ورافع رأسه فوق من هيبته ✨ ... أسبوع واحد .. نتم فيه كل شـي ويكون عندكم ..
الراجـل :- تاريتك فهيم ....
مـراد :- قرب منه ومسح على كتفه ... وقال كونـي تفهمـت معاك بالشـوويه مش يعني انـي سـااهل ..  وضرب على كتفه بالشوي .. ماننصحكش بيا ! رد بالك مني 😉 ومشـي .....
الراجـل. 2 :- ينفعنا ؟....
الراجـل 1 :- شكلـه ...

—————————————
....
سندس :- حي عليك كيف بتديري هكي يا تقوى ؟... عيب عليك !!...
تقوى :- هذا حاجات تخصني .. واني كان وانحصل عليه مايولي اسمي تقوه .. ونكسر خشم الفرخه هاديكا.....
سندس :- به شن بتديري ؟؟....
قعدت تقوى تحكي .. وبينما هي تفضح في روحهـا في حد كان يسمع ويسجل ...
تقوى :- وبسس ، بعدها معاش عندهم خيار الا يجوزوني ليه ، وهو مش حيرفض يكفي سمعة بـوه في الأرض وأمه الي انتحرت ، ومافيش حد حيوقف معاه ، اي وحق انتـي تعرفي محمد < خوها > مستحيل يخليه في حاله ..
نمارق :- اووو خطط جهنميه تو نحط عيني على واحد وبيش نلقاك واقفتلي عاد 😂😉 ...
تقوى :- ولا يهمككك 😂😉 ...

طبعـا من الواضح انه تقوى تخطط تتهم مـراد بقضيه شرف 😱 .. وزعما شن حيصير .....

———————————————-
.... < روايـات كـارمن 🎶💛 > ....

في الليل وبالتحديد الساعه 1:00 .....

في الممر

سمـر :- مرودي جييت 😈 ...
مـراد :- لا والله قعدت غادي 😂 ... خيرك تشبحي هكي شن في ؟؟....
سمـر :- تبي الحق .. بنموت من الجوع 😶 ..
مـراد :- وخيرك ما تسمسمتي ؟؟...
سمـر :- اسكت يا حقير .. بعدين انت عارفني اكل القديم مانحباش 😑 ...
طلعتلهم نغم ....
نغم :- تبـو الحق ، حتى انـي زي سمـر 🙂 .....
مـراد :- اللهم اعني على ما ابتلاني 🤦🏽‍♀️ ... غر بالله جايين الساعه 1 شن تبوني نديرلكم توه ؟....
نغم :- انت اصلا خيرك هكي راه عادي الجوع ماليشي وقت 🙂 ....
مـراد :- شبحلها بطرف عينه 😍 ... وضحك ..
سمـر :- 😡😒😒😒😒.... به شن توه ؟
مـراد :- تعرفو ألي يجوع في الوقت هذا شن يدير ؟؟؟ ....
نغم وسمر :- شنييي 😍😍😍 ....
مـراد :- ينخمددد 😶 ... وخش وخلاهم ...
سمـر :- حيوان 😡 .....
نغم :- ياروحي مرات تعبان 😶 ...
سمـر :- 😒😒😒 ...
نغم :- نديرو بطاطا ؟؟
سمـر :-  فكره حلوه للاسف بس مانعرفش نقليها 🙂 !..
نغم :- عساس انـي 🙂 ... بس يلا نتوكلـو .....