خَواطر ضائعة

لي؟!

شعور لما تكون زعلان وحاسس بثقل جواتك وبدك حدا يخفف عنك بس هالحدا مو موجود ولا حتى قريب منك هو بس وهم لا أكتر ولا أقل وهم بترسمو بعقلك لتخفف عن حالك وعن روحك بس كل ما تلاقي بصيص أم أنك شوي تحس بالسعاده بيجي شيء و بيعكر عليك كل هالسعادة و برجعك للحضيض بتحس رجع كل شيء اسود بتجي لتثق بحدا هالحدا بخون الثقة بتجي لتحب حدا بيطلع بحب غيرك بتجي لتحكي لشخص بتلاقي هالشخص بيسمع من هون و بروح بيحكي عليك من هون أما أن تلاقي حدا تثق فيه و تحكيله كل شيء ويخفف عنك مستحيل
لاء وبكل قلب حقير بيجو بيسألوك لي هيك قلبك لي هيك تعاملك؟!
لا والله ولاشيء من نفسيتكم الظريفة و طريقة تعاملكم الاظرف و حكيكم يلي بيفتح النفس زيادة عن اللزوم
صرنا بزمن مافيك تحكي لحدا عنك لانو لح يحكي عليك
ومافيك تثق بحدا وتتعلق فيه لأنو لح يتركك و يطعن هالثقة يلي أنت عاطيه ياها
وكل ما يشوفوك مبسوط بخلوك تبكي
هالزمن هاد صار كلو بيحاكيك لمصلحة واذا ما عطيتهم ياها لح يدمروك من جوا
لي صرنا هيك؟! لي وصلنا ل هي درجة؟! قلة دين؟! قلة أخلاق؟! قلة محبة؟! قلة نخوة؟! قلة طيبة قلب؟!
والله في منا لسا عندو دين و بيعرف الدين صح وعندهم اخلاقهم ومحبة وقلبهم طيب كتير وفي نخوة لي ل هي الدرجة عم نتعب ؟! لي ل هي درجة عم نكتئب؟!
لي ماعم نضحك ضحكة من جواتنا؟!
لي دايماً ضحكة بس مصطنعة؟!
لي دايماً دموعنا محبوسة جواتنا و عيونا؟!
لي وصلنا لهون؟!
والله تعبت روحنا حاج والله حرام💔🥺