فصليتي ارملة

بارت الاول

بارت_الاول
مرحبا اني دنيا عمري ١٨ سنه صف ثالث متوسط مسائي لان جنت اهتم بالتليفون والابتوب مفاظيه اقرة آخر همي الكتاب بس المشكلة انجح🤣شلون ماعرف
مواصفاتي بيضة خدود وغمازات طولي ١٦٧ شعري مو كولش طويل بس جاي اهتم بي اكثر شي علمود يطول
اهتم بشرتي بس محفيت عيوني عسلي عائلتي ابوية وامي واخوية أكبر مني بخمس سنوات المهم

دنيا : مامااااا اجه الخط راح اروح
صعدت بخط المدرسة سلمت وكعدت كالعادة دائما اول واحد اسلم علية علي ابو الخط نظل نسئل عن بعض ونسولف احنه والبنات جانت كية نوصل للمدرسة تبدأ الدروس الامتحانات واني كل همي اريد اطلع من المدرسة وارجع للابتوب اظل اعلك اغاني واركص لو العب بالمكياج
وابدل وأظل اخذ سلفي دك الجرس ٣٦ : ٥ طلعنا البنات علي ابو الخط ماجة ظلينه ننتظر اني بيه مشكلة حيل اكره الولد لان يزحفون ويخافون على خواتهم ادري اختك حرام وحنه فاجرات حلال تتسلون بنات الناس ظليت مدنكة اسمع حجي البنات هذا يخبل ابو كفشة لج يشك شك من الجمال

دنيا : اجه علي ابو الخط
علي : شبيج..شفت دنيا تريد تنفجر من الغضب عيونها حمر
دنيا: مابيه شي ..من ارجع اراسلك احجيلك
علي : وك
دنيا: وصلت للبيت دزيت مسج لعلي سبحت وبدلت ونزلت اتغدة كعدت يم اهلي تفرجت تلفزيون لحد ١٠ وصعدت لغرفتي ( ملاحظة* طبعا اكو اساتذا على اليوتيوب ادرس عليهم بس مافتح كتابي ماعرف ليش هههه )
دنيا: لكيت رسائل من علي
على: هلو دنيا شبيج مو على بعضج احد ضوجج
دنيا:لا بس البنات يتغزلن بذاك وهذا ولا يكولن راس اهلي ينزل
علي : خوفتيني كبر لفج عبالي واحد من الجريذية مضوجج
دنيا: لا يمعود تربيتك
علي : والنعم يلة اذا خلصتي دراستج نامي
دنيا: وك بس اكمل وانام
علي : تصبحين على خير
دنيا: اجمعين
رحت كتبت وحليت المواد الي منطينياها وقريت على الابتوب و ب ١٢ تعبت ونمت كعدت بل ٨ تريكت وسبحت كويت شعري بل ١٠ رجعت قريت بل يوتيوب صارت ١٢:٣٠ خلصت تبديل وسويت تسريحة مدرسية لشعري ولبست حجابي ونزلت لكيت الخط موجود صعدت سلمت محد رد بس علي وصلنه للمدرسة كتلة علي ليش ميحجن ويايه
علي: تصرفاتهن يجيبن الي سمعة ماقبل هيج يسون
دنيت: لا علي يحقدن علية هيج
علي : نجبي ولي للمدرسة يلة
دنيا: هههه وك تمون خويي
فتت للمدرسة وكعدت بالرحلة وفتحت كتابي وقريت لان نهاية السنه قربت بعد ٣ اشهر كالعادة روتين زفت
ماعندي صديقات بس نسيت اكلكم( اني امتلك صوت حلو )
يجتمعن علية علمود اغنيلهم
طلعنه راحوا كل الخطوط نفس الزفت ظلوا الزواحف رقموا كم بنيه واني كمت ارجف من الغضب راسي يوجعني حيل
اجه ولد
..... : عيني يلي بايع ثكل شبيك رفع وجهك خلي نشوفك
دنيا: لازم ترضه على اختك تباوع على ولد ساقطين مثلك
......: حترمي نفسج كح....ام المسائي
دنيا: رفعت وجهي بوجها وركعته بوكس على خشمه
اخذوا اصدقائة البنات ظلن مصدومات اجه الخط صعدوا
دنيا : (بصوت عالي ) أقسم بالله الخالق الكون كلة والجمعنه من غير ميعاد الي اشوفها رافعه عينها بعين ولد لا احسب الله ماخلقها والقرآن والله ثم والله ثم والله اكتلها بشارع
علي : سكت
دنيا: علي وصلني للبيت نزلت
سلمت وصعدت لغرفتي لكيت مسجات من علي (دنيا عندج حق بس لاتعلين صوتج بعد )
دزيتله(وك بس ضربته بوكس 😂)علي (هسة يدكوكم فصل ولج) دنيا (هية تايهتلهم هذا حقي )علي (مخبلة والله يلة باي😂) راح وظليت كاعدة بغرفتي ماعرف شبيه مخنوكة اريد ابجي طلعت روحي من الدنيا شمجاي اسوي واطلع غضبي اختنك اكثر كعدت داكلب باليوتيوب شفت سورة البقرة شغلتها اسمعها وردد ويه القارء لحد مانمت كعدت الصبح مرتاحه ١٢ الظهر اجه الخط

دنيا : صعدت بالخط وسلمت كالعادة محد يرد غير علي نزلت من الخط دخلت للمدرسة خلص الدوام طلعت انتظر الخط شفت الي ضربته بوكس واكف هو وجماعته اجه علية
..... : مرحبا
دنيا : لازم عاجبك تنكتل
......: مارد عليج بس اني جاي اعتذر فعلا غلطت عليج وموشوية الكلمة جانت جبيرة اسف مرة ثانية
دنيا: خوية ماكو داعي تعتذر اذا تريد بنيه الفيس والانستا موجود حرام تشوه سمعتها بالعلان على العموم مصار شي
اني مستعدة ادفع تعويض على الضربة مال بارحة جدا آسفة
.......: يمعودة بس شويه تاذيت مصار شي بالمناسبة اسمي
يوسف
دنيا : أهلا وسهلا اسمي دنيا هاي البنيه الي تحارشت بيها البارحة وخلي جماعتك يبتعدون من المدارس عيب
يوسف: هههه يله باي فرصة
دنيا: عجبني 😂... اجه الخط سلمت على اهلي وتغديت وصعدت لغرفتي شويه ونزلت كملت روتيني

مر شهر ونص واني كملت الامتحانات وبعد مافكرت بلالتزام بالصلاة لتزمت بصلاتي الحمد لله وتركت الاغاني بس ادندن بيني وبين نفسي
يوم الاربعاء رجعت للبيت بابا كال لاداومين باجر جاين خطار لامج نظفوا البيت
خابرت مدرستي وكتلها كعدت الصبح ملكيت احد غسلت البيت مسحت الاخشاب مال غرف والمطبخ وعطرته وصار يخبش لحد ١ الظهر اجوي اهلي حميت الغدة وعفتهم
(طبعا غرفتي بيها حمام خاص وبلكونه على الشارع العام وعبلك بيت غرفتي تخبل ) صعدت سبحت وكويت شعري و حطيت مرطب ومسكارة وعدلت وجهي ندك الباب طلعت للبلكونه شفت ٣ نسوان و يوسف وياهم لطمت على صدري عزة هذا شجابة
دخلت امي النسوان وصاحتني صبيت عصير وفتت قدمت خجلاني يمه كمت اصب عرك هههه المهم طلعت لغرفتي وشفت يوسف واكف مبين متوتر يروح ويجي اخذتله كم صورة وكعدت بغرفتي ورا شويه راحوا والبيت هدوء نمت كعدني اخوية
محمد : لج هايشة كومي
دنيا : 😣😣لاتكول هايشة هسة حنزل اصبر اطلع برة
محمد : ثول بابا يريدج ستعجلي
دنيا: هففف نازلة... نزلت لكيتهم كاعدين
بابا : حبيبتي ...حضني
دنيا: روحها
محمد : نهجم بيت البامية
دنيا:😑
بابا : هذولي الناس الي اجوي طلبوا يدج فإني مراح ارد جواب الا اذا انتي تريدين
دنيا: نصدمت ...ههههه بابا لحظة هو منين شنو اسمة شمعرفة بيه
ماما : والله هو كردي وجاي لبغداد لاقاربة هنا عود شافج وعاجبتة اخلاقج وكال بدال الشباك ندخل من الباب اسمه يوسف
دنيا: (عزة طلع كردي اكول الولد يخبل )
امممم
بابا: فكري و باجر نردلهم خبر
دنيا : يلة تصبحون على خير
الكل : اجمعين
دنيا: صعدت لغرفتي فتحت تليفوني راسلت مدرستي حجيتلها كولشي
جوابها: تعرفي علية بالخطوبة والله يسهل اذا من نصيبج
مر الجمعة والسبت دائما أنظف البيت واعزلة
يوم الاحد داومت شفته من بعيد واكف اشرلي هلو بيدة اني ظليت ارجف دخلت للمدرسة وطلعت نتظرت الخط اجة يوسف
يوسف : هلو مرتي
دنيا : صدمني بكلمتة ... عفوا
يوسف : شبيج الخميس جيت اخطبج اني الي نركعت بوكس منج
دنيا : باي ...اجه الخط عن اذنك