صدفه جعلتنى احبك حلقات خاصه للقط ولولو

حلقه خاصه 4

حلقه خاصه صدفه جعلتنى أحبك  4
تفاعل ورايكم الجميل على الحلقه 👉💃💃
اللهم أجرنى من النار .... يارب لك الحمد كما ينبغى لجلال وجهك ولعظيم سلطانك
💗💗💗💗💗💙💙💙💙💙💚💚💚💚💚💚
لولو ... نزلت بعد ما وصلها مروان ... ومروح هو وسما 
وطلعت على طول على اوضتها ... ما اتكلمتش مع حد فضلت السكوت لأول مره ... وكانت فى حاله غير الحاله ....
****************
مروان : بيبص فى تليفونه وهو بيرن ... ايه دا ... القط ... هو انا لحقت ... وبيبص لسما .. مش عارف لو قالى حاجه ها أقوله ايه ...
سما : رد يا مروان ... وشوفه طيب
مروان : حبيبى لحقت أوحشك ...
ثائر : بضحك ياباشا أنت على طول واحشنى ...
مروان : بيغمز لسما وبيضحك ... خيررر فى حاجه حصلت تانى ...
ثائر : لا ابدا ... بس كنت عايز أطمن على أنسه لولو ... عامله ايه دلوقتى ...
مروان : تمام الحمد لله ... بس أنت صوتك ماله ... واطى كدا وحنين ...
ثائر : 😂😂😂 منا برا الخدمه وكدا يعنى ... فا نعيش الحريه ...
مروان : عيش ... مفيش أحلى من الحريه ... عايز حاجه
ثائر : مش ها أشوفك يا باشا ... انا ملحقتش أقعد معاااك
مروان : بيضحك لسما من غير صوت ... وبيقوله ... وانا كمان عايز أقعد معاااك ... واعتذر ليك لو لولو دايقتك يعنى ...
ثائر : لا ابدا ... ولا دايقتنى ولا عملت أى حاجه
مروان : خالص
ثائر : خالص صدقنى
مروان : عيب عليك ... صادق ... وقفل وهو بيضحك بصوته كله ....
سما : بتضحك ... طيب خلى بالك من الطريق ...
مروان : الواد مش حاسس بيقول ايه .. جننته
سما : 😂😂😂 اذا كان روك ... مش عارفين كل ما يشوفها بيجيله حالة من الهبل غير طبيعيه ... أمى الحمد لله قربت تكلم نفسها ... سمر ها تولدها قبل أوانها ... حتى زوزه ياعينى بقت محتاسه مفيش على لسانها غير لولو    لولو ...
مروان : جباره وربنا .... بقولك ايه يا سمسمه ....
سما : عيونى وقلبى .... قول كل الا أنت عايزه
مروان : ايه رايك نقضى انهارده فى شقتنا .... بقالنا كتير ماروحناش هناك ...
سما : ياريت يا مروان ...
مروان : بيضحك انتى جايه فى أى حاجه ...
سما : ايون ... يابنى ... الفرصه بتيجى مره واحده ...
مروان : 😂😂😂  دلوقتى بقى كل طموحك فرصه معايا ...
سما : اه يا مروانى ... بجد الحياه أختلفت ... والمسؤليه كبرت .... ومشاكل العيال كل يوم بتزيد مش بتقل ... وبقيت حاسه انى حياتى متقيده مش زى الاول خالص ... وبندم على كل لحظه وفرصه كان ممكن نبقى مع بعض فيها وانا ضيعتها ... عرفت دلوقتى انها صعب تتكرر ...
مروان : مسك ايديها باسها ...  مفيش حاجه صعبه وها تعيشى أحلى من الا عشتيه ... وولادنا معانا ... دلوقتى بقى عيشى اللحظه ...
سما : أكيد يا حبيبى ... مش ها أضيع ثانيه واحده من عمرى وانا جمبك تانى .. 
*************************
ثائر : ركب عربيته ... ومشغل الكاسيت عالى .. جدا وبيغنى مع الاغنيه الا شغاله ... ولمح حاجه على الكرسى الا جمبه ... لقائها سلسله دهب بتاعت لولو ... مسكها وقربها منه ... وبيتنفس ريحتها ... حاسس انه متخدر .... مش طبيعى ... وبيفتكر لما كالو الايس كريم مع بعض ... ومش مصدق ان فى بنت ممكن تكون على طبيعتها بالطريقه دى لايمكن ... عفويه قوووى .... فضل ماسك السلسه فى ايده ومبسوط حاسس انه طاير ... وبيفتكر كل ملامحها وشقاوتها ... وكلامها عليه ... وقعد يضحك جامد ...  لحد ما روح البيت ودخل على اوضته ...
********************
لولو رمت نفسها على السرير ... بإهمال ... ومبسوطه مش عارفه ليه ... وكل ما تفتكر انها عكتها ... تدايق .. أمتى بقى تمسك نفسها ولسانها .... وأفتكرت لما عملت نفسها مغمى عليها عشان تخرج من الموقف كله .... بتحط ايديها على راقبتها .... اوبس فين السلسه بقى ... معقول وقعت منى ... بتفتح شنطته ... لقت ورقه صغيره مكتوب فيها رقم تليفون ... وجمب الرقم ها أبقى مبسوط قوى لو اتكررت الخروجه ... ومش ها أبطل أكل أيس كريم ... القط .. 
لولو مسكت الورقه وعيونها بتلمع ... ومبسوطه ... واتلكتت فى السلسه وبتتصل على الرقم تعتذر له وتسأله على السلسه ... واهو بالمره يسيف الرقم عنده 😂😂😂
ثائر : الووو
لولو : فتحه الخط ومش بترد ... بس صوت نفسها واضح قوووى فى المكالمه
ثائر : طيب بتتصلى ليه ادام مش عايز تتكلمى ... لولو ردى عليا ...
لولو : باندفاااع عرفت منين انى لولو ..
ثائر : 😂😂😂 احساس ... انى مش ها انام انهارده غير لما أسمع صوتك ...
لولو : بتتصنع الجديه ... انا اتصلت عشان أسألك على السلسه بتاعتى أصلى مش لقياااها ...
ثائر : بس كدا
لولو  : يعنى واعتذر لك عن الا حصل منى فى حقك ... انت احرجتنى الصراحه .. المفروض كنت قولتلى
ثائر : هههههه الفضول خالانى أسيبك براحتك ... عشان أعرف تعرفينى منين ... بس كرهتينى فى القط معقول بيتريقو عليا كدا ...
لولو : انا الوحيده الا اتريقت هههههه أسمك صعب ... أشمعنا القط يعنى ...
ثائر : المميزين لهم أسماء خاصه بتعبر عن مهارتهم  .. 
لولو : وانت بقى لسا قط صغنون ... هههه
ثائر : ههههههه ايوا لسا صغنون ...
لولو : طيب مش زعلان منى 
ثائر : بالعكس انا مبسوط جدا ... ان الوحش بنفسه بيحبنى كدا ... لا وكمان عايز يجوزنى ... ماتعرفيش انتى رفعتى روحى المعنويه جدا ...
لولو : احممم ... ممكن تقولى بقى سلسلتى معاك ...
ثائر  : لو معايا ... ها تقابلينى ...
لولو : لا ها أقول للوحش يجبها منك
ثائر : هى كدا مش معاياااا ... ها تقابلينى بنفسك ... يبقى معايا .... منا مش ها أكل أيس كريم لوحدى ...
لولو : خلاص ... هاتهالى الكليه ...
ثائر : انتى فى كلية ايه ... وانا أجبها لك
لولو : كلية تربيه رياضيه جامعه ......
ثائر : من النجمه ها تلاقينى عندك ...
لولو : تصبح على خير ...
ثائر : هاتصدقينى لو قولتك مش قادر أقولها
لولو : بمكر تقول ايه
ثائر : وانتى من أهله ..... ولولو قفلت فى وشه وقالتله أديك قولتها... وهو بيضحك .... من التركيبه الغريبه دى ...  
***********************
روقيه : أخيرا الولاد نامت ... تاعبونى ...
أحمد : العيال بتستغلنا يا حبيبتى ...
روقيه : أسوء أستغلال ... بس على قلبى زى العسل 
أحمد : عارف والله عشان كدا ساكت ... وحشتينى يا روقيه
روقيه : هههههه منا قدامك ليل ونهار ... وكمان خلاص انت عجزت وبقيت جد ...
أحمد : أنا شباب أكتر من ولادك ... تحبى تشوفى ...
روقيه : هههههههه لا وعلى ايه احنا كدا حلوين ... مازن وفاطمه وجوجو وحشونى قوى ... هو ابنك قلبه جمد علينا كدا ليه ...
أحمد : انا بهدلته انهارده ... لما كلمنى ... قولتو انت اعتبرتنا موتنا وماعتش ليك أهل ...  انا ندمت لما وافقته يمسك فرع الشركه برا
روقيه : ماكنتش زعلته كدا يا احمد ... انت عارف بيحبنا وما يقدرش يستغنى عننا ... بس بيستسهل .. والشغل واخد وقته
أحمد : ايه قيمة الفلوس والشغل واحنا ناسين نفسنا ... لو مش ها نتبسط بيها ونفضل نجمعها وبس يبقى احنا كدا ألات متعرفش معنى الحياه ...
روقيه : عندك حق ... الفرق بين مروان ومازن .... ان مروان رغم شغله وكل الهم الا وراه ... عمره ما نسينا ولا اتخلى عن عيلته ومراته وولاده ... وبيحب يستمتع بكل لحظه معاهم ومعانا ....
أحمد : تعرفى رغم انه حابب شغله .. وفى مكانه كبيره بس طول الوقت قلقان عليه .... خايف يا روقيه كل ما يخرج من الباب ... بحط ايدى على قلبى ...
روقيه : بس يا محمود ما تكملش الله يخليك ... ربنا ما يحرمنا منه وبحفظه ....
احمد : يارب ياروقيه .... ودخل عليهم مرنا ومعتز ورجائى وأميره ....
أحمد : انا قولت السهره طويله ...
رجائى : مروان خد سما ولولو وروح وقولنا ملوش لزوم نكمل ... وكريم مشى هو كمان عشان سمر ... امال فين مروان
أحمد : لسا ماجاااش ... شكله ها يطول برا ... بس مروان مشى من الحفله ليه ...
مرنا : هههههههههه لولو .. عملت فيهم فصل انما ايه ...
أميره : لولو طلعت أجن من سما بمراحل ....
روقيه : اوعو تقولو انها كسفت مروان قدام القط دا
مرنا : كلمنا مروان بعد ما مشى من الحفله كان لسا منزل لولو وبيقولى ها اروح .... وقصت لهم كل شئ ...
أحمد وروقيه : 😂😂😂😂
رجائى : لا والواد ياعينى صدق ان مغمى عليها ... وقعت قلبنا كلنا .... بس الله وأعلم اتريقت عليه قالتلو ايه ...
معتز : ههههههه هى ها تتوصى بيه قوووى ... المهم ان بعد دا كله وعايز يشوف مروان ويقعد معااااه ... ونفى كل حاجه
أحمد : يابنى البنت واضح انها تلقائيه وبتتعامل بعفويه شديده مع أى حد ... ودا طبعا يغفر لها أى كلام قالته ...
معتز : بس القط واد شقى ... مش سهل ... هو فى كل حاجه حلوه إالا البنات .... ومروان بيقول ها يهدى
رجائى : يعنى ما انت كنت زير نساء ... ههههه ودلوقتى بقت أخلاقك عاليه ... اشمعنا هو ..
مرنا : بتبص لمعتز .... زير يا معتز ... زيرر
معتز : دا جزمه وبيوقع الدنيا ..انا مش زير خالص ...
رجائى : دا كان كل يوم ... كل يوم ايه كل ساعه مع واحده شكل ....
مرنا : بتبص لمعتز ... كل ساعه يا جبااار ... بتخنى يامعتز ...
معتز : وربنا أبدا ... دا كداب ... ها أخونك ازاى هو انا كنت أعرفك .... الله يخربيتك يابعيد ...
أحمد وروقيه : 😂😂😂
أميره : بطل رخامه بقى ... ما تصدقيش يا مرنا ... دا بيغمز لى وهو بيقول كدا ...
مرنا : بتبص لمعتز ... يعنى أنت مش زير ياحبيبى ...
معتز : وربنا كان نفسى ... 😂😂😂 بس عملت أكتفاء ذاتى بيكى ....
مرنا : مصداقك يا موعاااا ...
كلهم : 😂😂😂😂😂
أحمد : رجائى انت واميره باتو معانا ... وفعلا رجائى وأميره فضلو معاهم ....
******.*****
مروان شايل سما وداخل بيها الشقه ... وقفل الباب برجله ...
سما : لفت ايديها حوالين رقبة مروان .. ... لسا بتحبنى زى الاول ...
مروان : وهو مبتسم ... أكتر بكتير من الاول ... انتى بتعملى فيا ايه ... كل يوم بيعدى بقول ممكن حبنا دا يقل ... او ازهق منك بس مش عارف ...
سما : قربت على شافيفه ... وبتوسه بوسه خاطفه ..  وبهمس .. مش ها تعرف تزهق منى ... ومش ها تقدر .. ها تفضل تحبنى زى ما بحبك .. والا ها أحسبك ومش ها أخليك تشوف غيرى ...
مروان : قعد على الكنبه وهو مستمتع جدا ... وهى قاعده على  رجله  .... ريح ضهره لورا وهى نامت على صدره ...
سما : تعرف نفسى أفضل كدا للصبح ... فى حضنك على وضعنا دا ...
مروان : أبتسم وبيلعب فى شعرها ... وانا مش ها أخلى فى نفسك حاجه ... اينعم ها أقوم ضهرى مقسوم حتتين ... بس عشان خاطرك أستحمل ...
سما : ههههههه خلاص فى حل وسط ..
مروان : ايه هو
سما : ننام على الكنبه جمب بعض ..
مروان : احنا الاتنين جمب بعض انا لو فردت ايدى وانا نايم ها تنزل عند الجيران تحت .. 
سما : ههههههههههه دى ايدك وإلا سبت البلكونه .. 
مروان : ههههههه تعالى بقى ... عشان تعرفى هى ايه ... وسما زى عادتها قامت تجرى  ... ومروان يجرى وراها ... مسكها .... انتى لازم تقطعى نفسنا .. ومدهاااش فرصه لأى حاجه .. وقرب على شافيفها ... وبهمس وحشتينى ...  وغرق معاها وبيها ... فى شوقه ولهفته ليها ... مابين حب وهمسات كتير بتعبر عن الا جواهم ... لحد ما ماغلبهم النوم ...
*********************
ابتدى يوم جديد ... مختلف تمام لثائر ولولو ... الا قلبها طب ...  وعقلها ماسبهاش تتهنى بنومها من كتر التفكيررر فيه ... قامت بكل النشاط جهزت على غير عادتها ... ونزلت بسرعه ... ركبت العجله بتاعتها ... هى وسيله الموصلات المفضله عندها ... ووصلت الكليه ... وحضرت محاضرتها ... وخلصت كل الا وراها ... وتليفونها رن ... وقلبها دق مع كل رنه ...
لولو : الووو ...
ثائر : اتاخرت عليكى صح ...
لولو : لا ابدا ... انا لسا مخلصه محاضراتى حالا .. جبت السلسه ...
ثائر : ههههه جبتها ما تقلقيش ... اطلعى انا قدام الكليه ...
لولو خرجت ... وراحت عنده ... وبتقوله من غير أى مقدمات ... هااات ..
ثائر : لا كدا انا أزعل ... يعنى حتى المشوار ملوش أى تقدير عندك ...
لولو : شكلك كدا مش سهل .... وانا بحب الدوغرى ... فين بقى خلينى أمشى ... وبتتمشى وهى بتكلمه راحه عند عجلتها ...
ثائر : ممكن أحتفظ بيها ... واوعدك ها ادهالك بس مش دلوقتى ... .
لولو : قول بقى انك طمعان فيها ...
ثائر : وهو مبتسم ومركز فى عينها ... اه طمعان فيها وفى صحبتها .... ياله بقى تعالى اركبى عشان عازمك على ايس كريم ...
لولو : أنسى يا قط ... لا ايس كريم ولا السلسه ... وبعد اذنك ... وبتشاور بايديها وبتقول تاكسى ... وركبت عجلتها ومشيت ..
ثائر : ضحك بصوته كله ... على الا عملته وركب عربيته بسرعه ... ومشى جمبها وهى ركبه العجله ... وقرب منها ... وبيتكلم معاها .... حلوه تاكسى دى ..  جامده ... شكلك ها تتعبينى ...
لولو : مبتسمه ... انت الا ها تتعب نفسك ... وخلى بالك لو أنت قط .... انا أقطقط منك ...  ها تخربش .. ها أعض ..
ثائر : 😂😂😂😂 ياواد يا شرس .... كنتى غير امبارح ...
لولو : امبارح وضع وانهارده وضع تااانى والا ايه ...
ثائر : والا ايه ... انا ها أفضل ماشى تاتا   تاتا ... كدا ... انزلى من على العجله وتعالى اركبى معاياااا ...
لولو : توء توء ... بعينك أيها القط الثائر ...
ثائر : ضحك بصوته كله .... انتى ردودك جباره ... دى بردو جامده ...
لولو : بعد اذنك بقى ... وسرعت حركتها جدا بالعجله ... وهو بيلحقها بالعربيه ...
ثائر : مبتسم جدا ... وعجبته لولو قوى ... ما اتوقعش ابدا ان لولو الا كانت معاه امبارح هى هى لولو ... الا قدامه دلوقتى ... فضل ماشى وراها لحد ما وصلت البيت وطلعت بسرعه جدا .... وكلم ... مروان .. وخد منه عنوان الفيلا عشان يروح يقعد معاااه شويه ... ومروان وافق لان وصل الفيلا هو وسما بعد ما قضو ليله رومانسيه جدا .... وبلغهم ان ثائر جاااى يقعد معاهم ....
***************
لولو داخله تغنى ... وبتلف ...
كريمه : كسبتى اليانصيب  والا ايه .. 
لولو : يانصيب ... انتى طلعه من فيلم من التلاتينات ... ارحمينى يا حجه ...
عبدالعزيز : 😂😂😂😂 وبيبص لكريمه وبيقول لها عندها حق ...
كريمه : مسكت القزازه ... الا جمبها وحدفت لولو بيها  ..
لولو : انتى مجهزاها جمبك ..  بالمره بقى عشان تحدفينى بالقرزازه التانيه ... انا نازله ...
عبدالعزيز : راحه فين يا لولو .. 
لولو : راحه لوحش الوحوش ... وحشنى
كريمه : وحش لما يلهفك يابعيده .. 
لولو : 😂😂😂 لا يا كرمله ... عدليها ... وقوليلى قط لما يلهفك يالولو ...
عبد العزيز : ماحكتيش عملتى ايه امبارح ...
لولو : تفتكر ياعبده  .. بنتك الجباره .. ممكن تعمل ايه .. غير ان سما ومروان يشدو فى شعرهم ...
كريمه : فقعتى مرارتى ... ها تعملى فينا ايه تانى  ..
لولو : قربت عليها وقعدت على رجلها ... وعماله تبوس فيها ... وحياتى يا كركر .. تقدرى تستغنى عنى ..
كريمه : مبتسمه ..... لاء
لولو : لو سبتلك البيت واتجوزت ... هاتعيشى ازاى من غيرى ...
كريمه : اتجوزى وملكيش دعوه ... جبتيلى الضغط والمراره ... وربنا يستر من السكر ..
لولو : قامت ... جبتلك دا كله ... طب على الله يطمر فيكى ...
عبدالعزيز : 😂😂😂😂😂😂 قصف جبهه
لولو : بتسقف وبتقول يا عبده ياجامد .... هات بوسه بما انك اتعلمت اللغه .. 
كريمه : مسكت القزازه التانيه حدفتها بيها ...
لولو : مسكت راسها ... اه رشقت فى الجبهه
😂😂😂😂
*******************
فاطمه : بجد يامازن ... يعنى حجزت ... ها نسافر اخيرا ..
مازن : اخر الاسبوع ان شاء الله .. تعالى ياجوجو ... مالك ..
جورى : بابى انا مش عايز أعيش هنا تانى .. 
مازن : ليه ..
جورى : عشان انا وماما على طول قاعدين لوحدنا ومليش أصحاب فى مدرستى
مازن : ليه يا حبيبتى ملكيش أصحاب  فى المدرسه ...
جورى : مش عارفه يابابى ... انا مابحبش أكلم حد ..
مازن  : لاء لازم يبقى ليكى أصدقاء ... ماينفعش تفضلى لوحدك ...
جورى : طيب لما نسافر بيبقى ليا اصدقاء كتير ... ممكن نسافر تيتا وجدو وحشونى ... وعمو مروان ... وخالتو سما ..  كلهم ... كلهم ... وحشونى ..
مازن : حضنها جامد ... حاضر ..  انا شكلى عكتها معاكو كلكو ...
******************
ثائر : وصل الفيلا وسلم عليهم كلهم ... وقاعدين فى الجنينه ..  وروك كان جمب مروان ... وثائر بحكم شغله وتعامله مع الحيوانات ... فا روك خد عليه بسرعه  .. عكس لولو .. 😂😂😂 ...
مروان : كنت فين ... .
ثائر : بلف بالعربيه ... فاقولت أكلمك واجى أقعد معاك شويه ...
معتز : منور ياقط ...
ثائر : بوجودكم ... ماشاء الله كلكم هنا ...
رجائى : ها نروح من بعض فين يعنى ...
يوسف : قرب من ثائر وبيسلم عليه ووراه أمجد وبلال ... وسيف وعمرو وندى ....
ثائر : مين تبع مين بقى
مروان : يوسف وامجد وبلال ولادى ... وسيف ابن معتز وعمرو وندى ولاد رجائى ...
ثائر : ربنا يبارك لكم فيهم ..
رجائى : بمكر ... مش ناااوى ... ما تعملش زينا وتتجوز على كبرر وتفضل مقاضيها .. 
ثائر : هههههه لما الاقى بنت الحلال ..
معتز : انت لسا ملقتهاش ...
مروان بصوت واطى الله يخربيتكم ..
ثائر : لا لسا ... ومره واحده لقى روك هاااج تماما وطالع يجرى ... ولولو بتلف بالعجله .. وطارت بيها على برا .. 😂😂😂 ... ومروان ومعتز ورجائى ورا روك ..  وثائر من خضتة من الموقف قام يجرى وراهم هو كمان  ....
معتز : مسك روك وبيشده جامد يدخله جوا ... ومروان مسك العجله بأيد ... ولولو فى ايده التانيه ...
مروان : 😂😂😂 أموت واعرف فى ايه بينك وبينه .. 
لولو : 😂😂😂😂 مرات ابوه الا عيشته فى قهر وزل بعيد عنك ... ذنب الناس بيخلصه روك فيا
ثائر : بيضحك بصوته كله هو ورجائى .. ودخلو الفيلا ... ومعتز رجع لهم ... وبيكلم لولو ... ها نسفر الكلب يتعالج برا بسببك ... 😂😂😂 بيشوفك بيتجنن ...
لولو : انا أجنن أصلا ... واوعى كدا ادخل للحريم ... عشان انتو مش ها تبطلو تريقه .. 
ثائر : بعد اذنك ياباشا ... ممكن أعلاج انا الموضوع دا .. 
مروان : اذا كان انا مقدرتش  ..
ثائر : ها نجرب ... تعالى يا انسه لولو ... ودينى عند روك ..
لولو : ولما ينتقم منى حضرتك ... هاتنفعنى دا نفسه يجبنى تحت سنانه ابن الورمه ....
ثائر : 😂😂 ماتخافيش انا معاكى ... وخدها لوحده وراحو عند روك .... بصى ما تخافيش منه ... وخلى عندك ثبات قدامه ...
لولو : ثبات مين ... دا ضيعلى روكبى الله ينتقم منه
ثائر : ههههه لا ماتخافيش ... ووقف عند الشباك ... وروك بدء يعلى فى أصوات غضبه ... هو دخل عنده ... وفضل واقف قدامه بثبات وبيأمره ... يسكت ويقعد .. وبعد فتره صغيره سمع الكلام ونفذ وقعد يمسد عليه ... ويلاعبه ... ومسكه جامد من الطوق الا فى رقبته ... وطلع بيه قدام لولو ....
لولو : واقفه مرعوبه .. من منظره ونظارته لها ... واصواته ..
ثائر : أقفى هاديه ... لانك بتدايقه با إلا بتعمليه دا ... وهو شامم ريحة خوفك عشان كدا بيجرى وراكى ... خليكى متماسكه ... 
لولو : بتحاول تتماسك ... وبتقرب منه زى ما ثائر بيطلب منها ... وروك كل ما يبتدى يثور ... ثائر يسيطر عليه تماما ...قعدت جمبه وهى مطمنه ان ثائر ماسكه كويس جدا ... وهو قاعد قدامها ... وبتمسد عليه ... وبدئت تمسك راسه ... وبتقوله والله بحبك ... بس انا مش عارفه أنت زعلان منى ليه ... .
ثائر : كدا مزعله كل حاجه منك ... حتى انا .. واتجرء ومسك ايديها ..
لولو : شدت ايديها بسرعه ... وقامت طلعت على برا .. وثائر دخل الكلب .. وطلع وراها ...
مروان : ايه الاخبار ...
ثائر : كله تمام ... هى بس تبطل خوف منه وتأكله ... وها يحبها أكتر منكم ... وبيوجه كلامه للولو ... راعيه عشان يراعيكى ...
معتز : بيبص لمروان هو ورجائى وبيقوله واخدلى بالك أنت ...
مروان : طيب ادخلى يا لولو على جوا ياله .... وانت تعالى هنا ...  أقعد ... ايه رايك تخرج معانا  .. .
ثائر : لسا ها يرد ...
مروان : تليفونه رن ... وكان كريم ... ايه يابنى اهدى
كريم : بقلق وخوف ... سمر بتولد ... وتعبانه قوى يامروان ... بلغهم انت ... ياريتنى سبتها امبارح عند مامتها ...
مروان : طيب أنت فين
كريم : فى مستشفى ال ........ وقفل ... ومروان قال لهم وكلهم راحو لكريم بعد ما بلغو عبدالعزيز ....
هبه : اهدى ياكريم ... هو اول ولاده متعبه كدا ...
مجدى : ربنا يقومها بالسلامه ..   واخته واخوه وكلهم قاعدين حواليه ... الوقت بيمر ببطئ شديد عليهم ومحدش خرج يطمنهم ...  وبعد فتره كبيره ... خرجو والممرضه معاها بنوته جميله ...
كريم : سمر عامله ايه
الممرضه : كويسه الحمد لله ...ها نفوقها وتطلع على اوضتها .. 
سما وعبد العزيز وكريمه وفايزه ولولو  كأنهم اول مره يتنفسووو
مروان بضحك : أخيرا فى بنوته ... شرفت تحل المشكله شويه ... مع رجالة المستقبل الا هايقطعو نفسهم على ندى ..
كلهم ضحكو ...
كريم : لا بنوتى غير وماحدش ها يقرب منها 
رجائى : اتوكس كان غيرك أشطر ... دا عصابة على بابا ... وشهراير
كلهم : 😂😂😂
معتز : ها تسميها ايه ...
كريم : ها أسميها دنيااا ... زى ما اتفقنا انا وسمر . . وبعد شويه سمر خرجت وكلهم باركو لها ... وقعدو معاهم شويه .. وكله روحو ... وثائر كان مبسوط قوى بالجو العائلى الا رابطهم كلهم مع بعض ... وطول الوقت مركز مع لولو وتصرفاتها ... وحركتها ..
*************
ثائر : بيتصل على لولو بعد ما روحو ...
لولو : يخربيت كدا هو كل شويه ها يتصل ... أعمل ايه انا ..
فايزه : مالك يالولو ..  ماسكه التليفون ومابترديش ليه ..
لولو : زوزه .... أصل دماغى بتوجعنى ... ومليش مزاج أكلم حد ... ها انام بقى عشان ورايا كليه الصبح وبعد الكليه ورايا سمر ....
فايزه : بس لسا بدرى ها تنامى من دلوقتى
لولو : اه يادوب ....
فايزه : طيب انا خارجه أقعد مع كريمه وعبدالعزيز ... ونشوف ها نعمل ايه لسمر لما تخرج من المستشفى بكرا ان شاء الله  ..
لولو : ماشى .. ممكن تقفللى النور والباب ... وفايزه خرجت ... وثائر بيتصل تانى ...
لولو : وبعدين بقى .... خليك رن ... وعملت الفون سايلنت .... وبتحاول تنام .... مش عارفه ... بعد فتره جابت الفون ... يالهوووى ايه دا .. 17مره ... وبيتصل تانى ...
ثائر : يعنى لو شوفتك قدامى دلوقتى ها أخنقك ... بتنفضيلى .... على فكره لو طقت فى دماغى ها تلاقينى جوا اوضتك ...
لولو : يا سلام ... دا الا هو ازاى يعنى ...
ثائر : مش عايزا تعرفى سمونى القط ليه ... تحبى اوريكى ..
لولو : مايهمنيش ... عايز ايه انت دلوقتى
ثائر : انتى مجنونه  .. دا اول يوم شوفتك ولا تعرفينى والا أعرفك ... خرجتى معايا وعزمتينى على ايس كريم ... ومن ساعة ما عرفتى انا مين وانتى سايقه فيها وعايشه الدور عليا .....
لولو : انت ازاى تكلمنى كدا .... أكلمك او لاء انا حره ... ومش مجبوره على حاجه ... اما بقى خروج معاك انا مخرجتش انا سألتك على مكان ... وانت عزمت عليا توصلنى ... وعشان ماعرفش المنطقه ركبت معاك مش أكتر من كدا ....
ثائر : يعنى ايه بقى .... ها تفضلى سايقه فيها لحد أمتى يعنى ....
لولو : اتكلم معايا بأسلوب كويس ... هو انت عايز منى ايه أصلا ...
ثائر : ايه ... هبله ... مش فاهمه انا عايز ايه ... عايز اتعرف على سعتك ... أقرب من حضرتك ... فهمتى
لولو : بعصبيه من طريقته المهينه .... وانا بقى مش عايزا أعرف ساعتك .... وقفلت الفون ...
ثائر : بعصبيه ... كدا ... ماشى .. مش انا الا يتعمل معاه كدا ...
****************
مرت الايام بعد خروج سمر من المستشفى وتقريبا كدا أهلها كل يوم عندها ... ولولو فرغت نفسها ... وقاعده معاها ... وبتتهرب من ثائر بعد طريقة كلامه معاها ..  وما بتحاولش تروح عند سما عشان خايفه تقابله ... حظرت رقمه ... وما بتردش على أى ارقام غريبه ...  
.............
ثائر : اتملكته حاله من الجنون .... ونفسه يشوفها قدامه ... ومش عارف يعمل ايه ... وخلاص كلهم راجعين شغلهم ... وهو كمان وماقدرش لا يشوفها ولا حتى يكلمها ...
مروان : مالك يا ثائر ... مبوذ ليه ..
معتز : فى ايه يابنى ...
ثائر : مفيش حاجه ... مدايق بس عشان ماما وبابا مش عايزين ينزلو يقضو اجازه معايا
رجائى : هما على طول مسافرين كدا
ثائر : ايوا ...
كريم : مسافرين فين ...
ثائر : هما مش برا البلد .... هما مسافرين جوا البلد .. عايشين فى شرم ... وتقريبا كدا هاجرو القاهره خالص ما بقوش يحبو يقعدو فيها ... بيقولو زحمه و دوشه ...
معتز بيغمز له : دا أنت مظبط نفسك أكيد كل زياره ليهم الميه والوجه الحسن ...
ثائر بيضحك : يعنى على قدى ...
رجائى : يا واد يا نمس قول كلام غير دا ... على قدك ازاى ... احنا بنحبك اه بس بنسمع عنك بلاوى ...  والا ايه يا مروان
مروان : مسيره يهدى .... اخرة العلاقات ايه يعنى زوجه وبيت وأولاد .... يطلعو عينه ويطلعو على جدته القديم والجديد ....
ثائر : مش انا الا أتنازل عن حريتى ... ابدا ... انا كدا حلو قوى ... 
معتز : مفيش أمل نجوزك يعنى ...
ثائر : كان ابويا وأمى قدرو علياااا  رغم انى ابنهم الوحيد ... بس أخر ما زهقووو سابونى وبطلو الكلام وسابولى القاهره 😂😂😂 بالمره ...
مروان :  انت ماكبرتش قوى ... لسا ليك شويه وتعقل .... كلنا كنا زيك عايزين نعيش حياتنا وبس ... 
ثائر : مش عارف بس عمتا اتجوز ليه وانا كل الا نفسى فيه بعمله من غير جواز ووجع دماغ ....
مروان : تخيل بقالك معايا سنتين .... بدربك وشغلك كله معايا .... اول مره أعرف انك ضايع كدا .... انت فى الشغل ملكش زي .... فى الحياه الخاصه عكاك ...
ثائر : أحلى حاجه ياباشا ... العك .. 
مروان بدء يفكر انه اتسرع لما كان فاكر انه مناسب للولو .... وادايق من تفكيره جدا ... وبيقول كويس ان محصلش علاقه بينهم من أى نوع .....
💗💗💗💙💙💙💚💚💚
بقلم : لبنى طارق
❤❤❤❤❤❤❤
🤗