صدفه جعلتنى احبك حلقات خاصه للقط ولولو

حلقه خاصه من صدفه جعلتنى أحبك 1

حلقه خاصه ...من صدفه جعلتنى أحبك
بقلم : لبنى طارق
تفاعل ... ورأيكم لو سمحتم على الحلقه 👉💃💃
سبحان الله عدد خلقه ورضا نفسه ومداد كلماته
لا حول ولا قوة إلا بالله العلى العظيم ...
لا إله إلا انت سبحانك انى كنت من الظالمين ...
💗💗💗💙💙💙💚💚💚
💗💗💗💙💙💙💚💚💚💚💚💚

💚 تابعونى على حسابى فيس بوك lolo tarik
مر 5 سنوات ... على أبطالنا ... الذين تغيرت طباعهم ..  وملامحهم نوعا ..  ما ....
*******
مروان دخل الفيلا بعد رجوعه من الشغل ... وبيدور على  الثلاثى الشقى .... ومراته الا جننته بحبها الزياده ... ورد فعلها الغير متوقع تماما ....
محمد : حمدالله على السلامه ...
مروان : الله يسلمك يابابا ... هى الفيلا هاديه كدا ليه ... فين المجرمين ...
محمد  : 😂😂😂 انت مخلف 3 بلطجيه ... ايه يابنى ... العيال جننو روقيه الهاديه العاقله ... ومراتك كملت عليها .. 
مروان : 😂😂😂 سما ... هى الا جننت العيال .. وجننتنى معاها ... هما فين ...
محمد : ملبسه العيال جلاليب ... وهى كمان .. وبيمثلو مسرحية العيال كبرت ... وروقيه عامله نفسها الجمهور ...لوحدها  😂😂😂😂
مروان : 😂😂 وانت ما قطعتش تذكره ودخلت المسرحيه ليه
محمد : انا ... هما سابونى فى حالى ...  لابسونى النضاره وعملونى أبوهم ... ويادوب خلعت منهم بالعافيه ... 
أتفضلو .. أهم جاين ورا بعض أهم ...
سما وهى لابسه جلبيه بيضه قصيره ... وابنها  يوسف و بلال وأمجد .... ومنظرهم يضحك جدا ...
سما :  بابا جه .. يا ولاد ... وجريو عليه .. كلهم ...
يوسف : مش كنت جيت حضرت المسرحيه ...
مروان : معلش خليها المسرحيه الجايه .. 
بلال : خلاص أنت تمثل معانا دلوقتى ... حته صغننه
مروان : ها أمثل ايه بقى ان شاء الله
أمجد : ها تمثل جاموسه
سما وروقيه ومحمد : 😂😂😂😂
مروان :  ابوك ها يمثل جاموسه عشان جاب أشكالكم ..
بلال : لا يابابا ... أفهم ... انت ها تمثل دور ... جاموسه راحت تقابل جاموسه ...
يوسف : بيرد ... مالقتهاش جاموسه ياليلى ..
مروان : ايه طلعت بقره ...
أمجد : ايوا طلعت برا ....
كلهم : 😂😂😂😂
مروان : هو دا الا أمكم بتعلمهولكم .... اطلعو ياله ... غيرو ..  وشوفو وراكم ايه    ...
يوسف وأمجد وبلال : حاضر يا بابا  .... وطلعو على فوق .. 
مروان : سلم على روقيه .... وعلى سما  .... وبعدين مسك سما .. انتى مش ها تبطلى تجننى العيال معاكى ..
سما : والله يا مروان هما مجانين لوحدهم  ..
مروان : بيبص لابوه وأمه ... بعد اذنكم يا شباب ... فى واحده ... لازم أعقلها .... وشال سما على كتفه زى عادته وطالع على فوق .... لقى التلاته واقفين عند اوضته . .
بلال : هو انت واخد ماما وداخل الاوضه تعمل ايه
مروان : داخل العب
سما : 😂😂😂 تلعبو معانا ...
أمجد : ها نلعب ايه معاكو ...
مروان : أستغاميه ... احنا ها نستخبى فى الاوضه ... وانتو أستخبو عند تيتا وجدو تحت ...
يوسف : برخامه ... لا انا ها أستخبى معاكو ..
مروان : ليه يا رزل ... ما الدنيا واسعه ... داقت فى وشك عايز تستخبى معانا  . 
يوسف : ايوا ... انا ها أستخبى مع ماما ... وانت أستخبى عند مامتك ...
مروان : ايوا كل واحد يروح لأمه يعنى ...
سما : 😂😂😂😂 الواد دا بيفهم يا مروانى ...
مروان : انتى تسكتى خالص ...
سما : تمام يا فندم ...
مروان : انزل يابنى مع اخواتك الله يهديك ...
أمجد : ها ننزل بس بشرط ...
مروان : بتتشرطو كمان ... عايز ايه أنت التانى ..
أمجد : لما تخلص لعب مع ماما ... تنزل تلعب معانا زى ما لعبت مع ماما ...
مروان : ضحك بصوته كله ..  لا يا حبيبى .. مش ها ينفع ..  .
سما : ماشى خلاص  ... انا ها أخليه يلعب معاكو ..  ياله نعد من 1 ل3 .. تكونو أختافيتو على تحت .. وبصوت عالى 1 ..  2 ..  3 ... وبتبص لمروان وبتضحك ... راحوووو
مروان : دخل بيها الاوضه ... وقفل الباب .. ونزلها ... وهى لسا فى حضنه ... وحشتينى ... انتى مسلطه العيال دى علينا ...
سما : تصدق انا شكيت ان أنت الا مسلطهم . . وحاوطت راقبته بأيدبها . .  وانت كمان وحشتنى يا مروانى  ... 
مروان : ايه رايك نجيب 3 بنات ... مع ال3 دول ... عشان روقيه ومحمد يطفشو ... 😂😂😂😂
سما : 😂😂😂 لا حرام كفايه بنوته واحده
مروان : انتى مش مضمونه يا حبيبتى
سما : ولا أنت ... والله ... واوعى كدا
مروان : تعالى بالجلبيه الا أنتى لابساه دى ... انتى ناقصه تبقى أوزعه أكتر من كدا ...
سما : 😂😂😂 أنت الا طويل انا مش أوزعه ... بس ايه رايك .. ومسكه طرف الجلبيه من الناحيتن  وبتلف ... جميله صح ....
مروان : شالها ... وهى بين ايديه ... ومركز فى عينيها ..... أنتى أجمل واحده شوفتها فى حياتى ... كل يوم بتحلوى وبتجننينى أكتر وأكتر ... تفتكرى ها أبطل أحبك أمتى ...
سما : لفت ايديها على راقبته .... عمرك ما ها تبطل تحبنى .... عارف ليه .... عشان أنا بعشقك ... وكل يوم وانا بصلى ... بدعى ربنا يقربك منى أكتر وتحبنى أكتر وأكتر ..
مروان بضحك : انتى بتصلى
سما : اه وربنا ... وضربته على صدره ... ما انت بتصلى بيا ... وولادك ...
مروان : تصدقى ... وبيضحك وبيقول لها ... ها تصدقى ان شاء الله .... انا كمان بدعى نفس الدعوه ... انزلى بقى وانتى شبهه الاطفال كدا ... غيرى الليله دى ...
سما : بأبتسامه ودلع ... حاضر يا مروانى ...
******************
معتز :  مرنا ... يا مرنا ....
مرنا : حبيبى ... حمدالله على السلامه ...
معتز : حضنها وباسها ... الله يسلمك ... وابنه جه جرى عليه ..  وشاله وبيحضنه وبيبوسه .... ودخل لوالده ... الاوضه .... عامل ايه دلوقتى ...
أحمد : أنت مين ... ياحبيبى ...
معتز : انا معتز أبنك ...
أحمد : انا أبنى زقرد صغنون .... أنت شحط كبير ...
معتز : 😂😂😂 ياحبيبى ... الزقرد دا ابنى ... والشحط دا ابنك ...
مرنا :  😂😂😂 خلاص يا معتز بقى 
أحمد : أهو حتى أسأل مراتى ... وهى تقولك
أحمد : مراتك مين دى
أحمد : القمر الا واقفه جمبك دى ... تعالى هنا واقفه جمب الواد دا ليه ... 
مرنا : 😂😂😂😂😂
معتز : أنت ورثتنى بالحيا ... خدت الاتنين الا حيلتى ... ونسبتهم ليك ... سيف ابنى ... ومرنا مراتى ... وانا ابنك
أحمد : أخرج برا يا ولد ... تعالو يا حبايبى ...
معتز : بعياط مصطنع : أنت ليه على طول تخرجنى برا حياتك ... واى حد تانى ممكن يدخل فيها غيرى ... دا أنا ابنك ... ملكش غيرى ...
أحمد : بتكلم ... مين يا حبيبى ...
معتز : بكلم أمى .. 😂😂😂 ... وراح لأبوه باسه وخرج من الاوضه ... وساب معاه سيف..
مرنا : مش ها تبطل رخامه على عمو.....
معتز : انا ... الا برخم ... الراجل دا فظيع وربنا .... هو رجع ينسى كتير ليه تانى ....
مرنا : معلش يا حبيبى ... أنت شايف ... نايم تعبان  ودا مأثر عليه ... بردو ... وأنت مشغول جدا ... كنا بنخرجه بيغير جو وبيتكلم ... ويشوف الناس ... دلوقتى مش بيخرج من اوضته ... 
معتز بزعل : غصب عنى أعمل ايه ... ربنا يسهل .  واليومين الا جاين .. نخرجه ونعمل كل حاجه ....
مرنا : ان شاء الله .... ياله عشان تاخد شاور وتغير ...  وأنت حلو كدا وبتغرينى ...
معتز : ضحك .. بغريكى لأيه ... عشان أنا مستعد لأى أغراء ... دلوقتى حالا ....
مرنا : بصوت كالهمس  توء ... توء ... انت فهمتنى غلط ... مش الاغراء دا
معتز : لا انا عايز من دا ....
مرنا : طيب تعالى بس نتفاهم فى اوضتنا قبل ما نتقفش ...
معتز : كنت لسا ها أقولها ... اه وربنا ....
**********************
رجائى : دخل  الشقه ... لقى ولاده نايمين ... وأميره فى المطبخ .... وجه من وراها وحضنها ... ودفن راسه فى رقبتها ..... حبيبى بيعمل ايه ....
أميره بأبتسامه : بعمل الاكل قبل ما الولاد يصحو ... حمدالله على السلامه ...
رجائى : وحشتينى .... وندى و عمر ... وحشونى قوى ...
أميره : لفت لرجائى .... عارف مبطلوش يسئلو عليك ... احنا فى الاجازه ... وتعبونى الاتنين ... وخصوصا ندى ...
رجائى : ليه كدا
أميره : عايز تقعد عند سما هههههههه وتسيبنا ... لا ومطلعه شنطتها ... وشالت كل الكتب وحاجتها ... وحاطه فيهم الهدوم وشوز بتاعها ... ومصممه تكلم سما عشان تبعت لها عربيه تاخدها ...
رجائى : ههههههههه بتحب سما قوى ... والخوف من عيال مروان  بلطجيه ....... انا ها أدخل أغير واريح شويه ... على مل تخلصى ... انا جعان جدا ...
أميره : حاضر يا حبيبى ... وهو دخل ونام شويه ... ولقى ندى وعمر ... فوق دماغه ... 
عمر : بابى ... أنت جيت أمتى ..
ندى : بتبوسه ... ونايمه فوقيه .. حبيبى يا بابى وحشتنى ...
رجائى ... نزلهم وحضنهم ... وباسهم ... وبيقول لهم وحشتونى .... وقعد يلعب معاهم ... ويزغز .. فيهم ... ... وقامو جريو وهما بيضحكو جدا ... وهو بيضحك ويجرى وراهم ....
ندى : هههههههه خلاص يا بابى ...
عمر : تانى ... تانى ...
رجائى :  تعالو هنا ... عملتو ايه فى مامى وانا مش موجود ...
عمر : انا مش بعمل حاجه .. وحشه ... وبسمع الكلام ...
رجائى : أميره قعدت جمبه ... وهى مبسوطه ... وبيقول لندى ... العصفوره قالتلى انك جهزتى شنتطك وعايزا تسيبى البيت ...
ندى : العصفوره دى انا عارفها وبتوطى صوتها  ...
رجائى بيوطى صوته : ومقرب عليها ... مين هى
ندى : قربت منه وفى ودنه ... مامى ... هى العصفوره بتاعتك .. صح
رجائى : ههههه ايوا صح ... عايزا تسيبى البيت ليه ...
ندى : خالتو سما وحشتنى ... وكمان يوسف وحشنى ...
رجائى : بيكتم الضحكه ... ايوا أشمعنا يوسف الا وحشك ... المفروض ولاد عمو مروان كلهم يوحشوكى ... عشان هما أخواتك ...
ندى : بعفويه لا يابابى ... انا ويوسف ها نتجوز ... وعمو مروان قالى ها أجوزك ليوسف ...
رجائى : لا والله ... وعمو مروان قالك ايه تانى ... .
ندى : ها يعملنا فرح كبير ..  بس لما نكبر ...
رجائى : بيبص لأميره مروان فسد أخلاق بنتى ... لما أشوف وشه ....
أميره  : 😂😂😂😂
ندى : بص يابابى ... وبترقص وبتلف ... انا بعمل زى خلتو سما .... بترقص كدا ....
رجائى : العيال دى ماتروحش هناك تانى ...
عمر : يابابى ... احنا بنحب عمو مروان وخالتو سما ..  وهى وعدتنى ها تجيب بنت وتجوزهالى
رجائى : الله ... الله ... دا حاطين عنيهم على العيلين بتوعى ...
ندى بدئت تعيط : بابى انت ازاى مش عايزنا نروح لهم ... انا زعلانه منك ... وخدت عمر وداخله الاوضه .....
رجائى : تعالو ... وحضنهم ...بقلم : لبنى طارق ..... وبيقول لهم بهزر ...
أميره : بابا بيحب عمو مروان وخالتو سما زيكو ...
رجائى : اه بحبهم ... بس بلاش موضوع الجواز ... ماشى احنا صغيرين واخوات ...
ندى : لا انا بحب يوسف وها أتجوزه ...
رجائى : دانتى مصممه
أميره : 😂😂😂😂 ما تحاولش انا تعبت فى أقنعها ... الفكره لازقت ....
رجائى بيبص لندى ... فعلا لازقت
ندى : بتهز راسها ... ايوا يا بابى ...
رجائى : بضحك على بركة الله ...
😂😂😂😂😂
*********************
لولو : تعالى كدا يا سمر وانتى شبه البلونه الا ها تفرقع فى وشى ...
سمر : هههههه اه يا مجرمه ... انا تعبانه  .... وانتى بتجربى تمارين الكليه بتاعتك فيا ...
لولو : عشان لما تفقسى ... تجيبى عيل بصحه جيده .. وتقومى تجرى بعد الولاده ... بدال ما تنامى جمبه ... والطفل السليم ... بيحب الجسم السليم ...
سمر : اه يانى ... انا جايبكى تقعدى معايا ...عشان تريحينى ... والا تتعبينى ...
لولو : أستنى ... يا بلونة  العيله ... الجرس بيرن .. وراحت فتحت ... اهلا ... كريم باشا ....
كريم : لولو .... أهلا ... اهلا ....  عامله ايه ...
لولو : تمام يا وحش ... ادخل ... بلونتك ها تفرقع جوا ومستنياك .... 😂😂😂😂
كريم : 😂😂😂 اه لو سمعتك ... ها تجبيه لنفسك ...
ودخل لقى سمر واخده وضع رياضى معين ... جرى عليها .. وبيقومها ... انتى بتعملى ايه يا سمر ...
سمر : لولو قالتلى ... أعمل رياضه ..  عشان الولاده تبقى سهله ... والطفل السليم ... فى الجسم السليم  ..
كريم :  لولو الله يسترك ... اختك ياختى .. دوختنا على ما حصل حمل ... والحمد لله ... ها تطلعى جنانك علينا ...
لولو : ما تخفش انا بعمل الصح ... صدقنى ..
كريم : وفريه بعد الولاده ... عايزك تطلعى عليها طموحك ... واحلامك ... عايزها ترجع تانى نانسى عجرم ...
لولو : 😂😂😂😂 هى ها تبقى عجرم ... ملهاش دعوه بنانسى ....
سمر : ضربت كريم على صدره ... بتتريق عليا انت وهى حضرتك ... طيب اوعى كدا ... وعلى الله تتكلم معايا ...
كريم : لا بهزر ... تعالى هنا . . خدى يابت
لولو : 😂😂😂😂 قالشتك ... شخصيتك جباره ... يا وحش ...
كريم : لا دا أنتى ما شوفتيش حاجه ... دا أنا ها أطلع عنيها ... وبيطلع ايده وينزلها ... بس أصبرى ...
لولو : واضح مش محتاجه كلام 😂😂😂
كريم  بيحايل فى سمر بقاله ساعه ... ومش راضيه تكلمه ... وقعدو وبياكلو مع بعض ... 
كريم : بصى يالولو ... بقى عشان الامور تبقى واضحه ... دلع تانى ... سمعانى ... هاه ... سمعانى ... مفيش خلاص ..
لولو : 😂😂😂😂 كله إلا الدلع
كريم : بصوت عالى ... لا خلاص .... وكمان بقى ... مفيش ياحبيبى يا كرمله ... يا روحى يا كرمله ...  مفيش
لولو : 😂😂😂😂 مفيش ايه كرمله ...
كريم : ولا كرمله ... ولا شيبسى  .. ولا حتى فراخ مشويه ... قفلنا الكانتين  خلاص ...
سمر ضحكت غصب عنها .... انت رخم.... بس بحبك يا كرمله
كريم : بيبص للولو ... مش قولتلك ... انا جبار يا بنتى
لولو : انت ها تقولى .... منا شايفه وربنا ....أسيبك بقى انت والقمبله الذريه بتاعتك دى ... واروح لكرملتى ... وحشتى هى وعبده وزوزه 
********************
عبد العزيز :  هى لولو ها ترجع  أمتى
كريمه : كلمتنى حالا وبتقولى محتاجين اى حاجه تجبها وهى جايه ....
فايزه : وحشتنى جدا .... وسما ... كمان ...
كريمه : انا عايز اروح لسما يا عبده ... العيال واحشونى ..
عبد العزيز :  ومين سمعك ... وحشتنى شاقوتهم ولماضتهم ... بكرا ان شاء الله نروح لهم ....
فايزه : روحو وانا بعد ما خلص شغلى فى الفيلا الا معايا ها أحصلكم على هناك ...
كريمه : ان شاء الله يا حبيبتى ... هى سما ها تكون معاكى
فايزه : لا .... ادام مروان موجود ... مش ها تعرف تيجى معايا
وبعد مرور وقت .....
لولو : السلام عليكم ... يا أهل الدار ... أشتجنا لكم والله ...
عبد العزيز : أخيرا شرفتى ... فيها ايه لما تجيبى أختك ... وتيجو تقعدو هنا ....
لولو : ها نجبها تفرقع فى وشنا وتعمل لنا إنقلاب فى الشقه ... خليها فى شقتها ... هو انا يا عبده  .. حديد ... ها أخدمها والا أخدمكو ....
عبدالعزيز : هههههههههه يعنى محلقا عليها فى بيتها عشان تخدميها لوحدها .... انتى دماااغ أعوذ بالله ...
لولو : عبده أسكت الله يخليك لكريمه تسمعك وتنفخنى أنا
كريمه : أسمع ايه بقى
لولو : الله دى حضرت...
كريمه : عفريت انا يا أم لسانين .... عمرك ماها تقصى لسانك ... يابنتى لسانك حصانك إن صونته صانك ... وان هينته هانك ...
لولو :  لسانك حمارك ايه ياماما .بقلم : لبنى طارق .. ارحمينى من أمثالك دى يا كريمه .... دا انا جمب الاشكال الا برا ... بلسم ... وبتمد فيها بلسم .... يتحط على الجرح يطيب
كريمه بعصبيه : انتى يحطوكى على الجرح يتكهرب ... يولع ... وبتقرب عليها وبصوتها كله صبرنى يارب على البلوه دى .... وسابتها ودخلت.... المطبخ .... وفايزه بتضحك هى وعبد العزيز ...
لولو : بتشاور بصباعها ... ومبرقه ... وبتقول مين دى يا عبده .... هى كريمه جرالها ايه
فايزه : جننتيها .... يابنتى ... انتى جباره
لولو بتضحك ... وربنا عارفه  ...
فايزه : تعالى عايزاكى
لولو : ياله يا جميل .... هو انا ليا بركه غير زوزه حبيبة قلبى  .. ولقت ازازه ميه فاضيه راشقه فى دماغها ..  اه ... ايه ياكريمه انتى بتجيبى الازايز دى عشانى ..  انا ها أمنع دخولها البيت دا تانى .... 😂😂😂😂 ودخلت مع فايزه ... جايبه إكسسورات للشقه الا قاعدين فيها ...  عايزا تاخد رأيها ... وقالت لها ان مروان كلم ابوها ... عشان يقضو اليوم معاهم بكرا .....
*************
سما : نايما على دراع مروان وبصاله ...  بتفكر فى ايه
مروان : ههههههه بفتكر اول يوم شفتك فيه هنا ...
سما : اه يوم ما حبستنى ... وكلبشت ايدى فى الكنبه... لا ونمت .... نوم ... جايلك نفس تنام ...
مروان : اول يوم انام فيه براحتى جدا .... فوق ما تتخيلى ... مش عارف الراحه دى كانت جايه منين
سما : كنت مفترى يا مروان ... بتتلذذ بتعذيبى ..
مروان :  هههههههه الصراحه ايوا ... طول الوقت عايز أنكشك ... ادايقك ... أحرق دمك ...بس كنت بزعل من نفسى قوى ... 
سما :  ياله ربنا رزقك بتلاته أرزل منك و ها يخلصو منك ...
مروان : 3 بلطجيه ... وبيبص لها ورئيسة العصابه أمهم ...
سما :  ههههههه ان كان عاجبك يا مروانى ...
مروان : عاجبنى ... وعاجبنى ... وبيقرب من وشها  ... وبهمس ... وعاجبنى ...
سما  : ضحكت بصوتها كله ....
مروان حط ايده على بقئها ... اخرسى ها تفضحينا  .. 
سما  : هو مازن ... وفاطمه مش ناوين يرجعوو 
مروان : اخويااا تحسى انه خلع ... ما صدق ... خليه يضيع عمره كله فى السفر وبعده عننا ...
سما : ربنا معاهم ... بس ينزلو يقعدو معانا ونشوفهم ..  كلمه ... ما تسبهوش كدا
مروان : حاضر .... ياستى ...
يوسف : بيخبط على الباب ... ما تخرجو بقى .. انتو  بتلعبو هنا بقالكو كتيرررر
مروان : هو الواد دا رزل كدا ليه ... لا ولازقه
سما : هههههههه اطلعلو طيب ...
مروان : قام ... ولابس بنطلون الترنج بس وبيفتح الباب حته صغيره .... عايز ايه ..  مش اتفقنا ... احنا ننزل لوحدنا ...
يوسف : هو انت بتعمل ايه
مروان : أنت مالك .... هو فى حد مسلطك عليا ... انزل تحت وانا نازل انا وماما ... 
يوسف : طيب خلى ماما ... تنزل معايا ...
مروان : بقولك ايه ... عشان انت مش بتسمع الكلام ... لو ما نزلتش ..  مش ها تلعب معايا رياضه تانى ... اتفقنا
يوسف : خلاص ... خلاص ... نازل
.... وبعدها بشويه مروان وسما  .  نزلو .. 
مروان قاعد ... وحواليه ولاده التلاته ....
محمد : أعزم حماك واصحابك يقضو اليوم عندنا بكرا ...
مروان : حاضر يا بابا ...
روقيه : ومرنا كمان ....
مروان : أكيد يا روكا ها تيجى يعنى .. 
روقيه : سمسمه تعالى يا حبيبتى ..  نحط الاكل على السفره ..
سما : حاضر يا روكا ..... ياله ... وخلصو واتغدو ... ومروان وسما بدئو يلعبو مع عيالهم  .... وقضو وقت جميل جدا مع بعض...
********************
مر اليوم سريعا فى حياة ابطالنا .... وأشرقت شمس يوم جديد .... ذهبية اللون ....
**********
رجائى : ندى انزلى من على بابى وسبينى نايم شويه .... 
عمر : واقف جمب السرير ... بابى قوم ... عشان أنت وحشتنا ...
أميره : طيب شويه كدا وبابى يقوم ... عشان ها نروح عند عمو مروان وخالتو سما  .....
ندى : بجد يامامى .... ونزلت جرى من على بابها ... انا ها أجهز شنتطى ...
رجائى : البت نسيتنا ... خدى هنا ... ندى ... عمر ... راحوو  
أميره : ههههههههههه تعالى لحد مروان وسما ... وبينسونا تماما .... قوم بقى عشان مش ها يسيبونا ننام ..
رجائى : وربنا لنروح من دلوقتى ... وها ارخم عليهم واطلع عنيهم الاتنين ... قومى يا أميره ... قومى  .. هو مروان ورايا وها ارتاح ... وطلع تليفونه وكلم معتز وكريم ... وقال لهم ان مروان بيستعجلهم عشان يروحو له دلوقتى ... يقولولو ... طيب خليها بعد الضهر لسا الساعه 7 ... يقول لاء خلصو بدال ما أجى أخدكم من بيوتكم ...
أميره : ههههههههههههه وفعلا جهزو كلهم ... وراحو لمروان
*******************
مروان : بيعمل تمارينه ومعاااه يوسف وبلال وأمجد .... انا مش عايز دلع .....  بتعملو ... ايه ...
يوسف : يابابا .... التمارين كتير قوى انهارده ...
مروان : انتو فاكرين انكو كل مره ها تعملو نفس العدد .... امال ها يبقى عندكم لياقه بدنيه ازاى ... لازم تتطورو كل يوم ... فاهمين ..
أمجد : يابابا هو احنا لما يبقى عندنا لياقه وزيك ... ها أبقى ظابط ...
مروان أنت عايز تبقى ظابط
أمجد : لاء ... 
مروان : طب عايز تكون ايه ...
أمجد :  عايز ابقى عسكرى ...
يوسف وبلال بيضحكو ....
مروان : بتضحكو على ايه ... المجند او العسكرى دا ما يقلش ابدا عن بابا حاجه .... ومهم زيه بالظبط .... وبيضحى بنفسه عشان بلده وعشان وعشان الناس كلها بدون أى مقابل .... فا لازم نقدرهم ويبقى ليهم مكانه خاصه فى قلوبنا كلنا ....
أمجد : يعنى يا بابا .. لو بقيت عسكرى ها تحبنى ...
مروان : يا حبيبى أنت فى أى وضع بحبك ... بس العسكرى ... مش مهنه أساسيه ...دى تأدية خدمه عليك فى الجيش بتبقى فتره مؤقته فى حياتك .... انت بقى نفسك تشتغل ايه .... غير العسكرى او المجند ...
أمجد : عايز ابقى مهندس ابنى عماره كبيره ...
مروان : حلو قوى .... وانت يا يوسف ...
يوسف :  انا بقى عايز ابقى ظابط زيك ... وقوى ماحدش يقدر عليا ... والا يكلمنى أضربه
بلال : ايوا ما أنت فى المدرسه بتضرب أى حد وبتقول انا ابن ظابط
مروان : فعلا الكلام دا
يوسف : ايوا ...
مروان : طيب أقعدو كدا ... انا شكلى فاتنى كتير قوى معاكو ... أستاذ يوسف المحترم ... أنت بتحب بابا
يوسف : بحبك جدا ... وعايز أبقى زيك
مروان : عايز تبقى زيى ..  يبقى أولا تكون عارف ان بابا مش بيضرب حد بدون وجه حق .... إلا إذا  انا مجبر انى اتعامل معاه بالعنف ..... يعنى مش بضرب وخلاص ...  ولو انا أستغليت انى ظابط وأفترى على الناس وأضربهم بدون وجه حق وأستغل سلطتى لدا .... يبقى انا كدا خونت القسم الا أقسمته قدام ربنا ... وانسان فاسد .... لانى مكلف بحماية الناس مش أزيتهم ... أنت كدا ها تخلى زمايلك يكرهونى ... ويكرهوك ... لازم نبقى محترمين ونحترم الا حوالينا ولو نقدر نساعدهم نساعدهم ... مش نضربهم ونقول انا ابن ظابط ....
يوسف : انا أسف يا بابا ...
مروان : انا مش عايزك تتأسف ليا ... انا عايزك تبقى محبوب وتتعود تكون متعاون مع الا حواليك ...ودا يبقى وعد منك 
يوسف : وعد يابابا ...
مروان : وانت بقى يا أستاذ بلال ...  نفسك تكون ايه ...
بلال : أنا بحب مستر عبد الحميد بتاع العربى وعايز ابقى زيه
مروان : مدرس يعنى ... جميل قوى ... بقلم : لبنى طارق... وعندك بقى الصبر وبتعرف توصل المعلومه لأى حد حواليك عشان تقدر تكون ناجح وتطلع أطفال زيك كدا بيحبو التعليم وبلدهم
بلال : ما انا ها أتعلم يابابا ... من مستر عبد الحميد
مروان : خلاص اتفقنا..... عايزين بقى نكون أصحاب ... عشان ولادى الحلوين كبرو وبقو فاهمين كل حاجه ... مش ها تخبو عليا حاجه .... وقبل ما تعملو اى حاجه تاخدو رأيى ... انا مش موجود ... عندكو تلاته أحلى من بعض ... تيتا وجدو وماما ... اوكى
كلهم : اوكى يا بابا ...
مروان : ياله بقى نكمل التمارين
كلهم : يوووواه ... تعبنا ... وماشين وسايبين مروان
مروان : خد ياد ... انت وهو ... انت يالا ... ههههههههههه العيال دى ها تجنن أمى ..
* ****************

****************
لو مقولتوش رايكم على الحلقه ... ها ازعل جدا ..... 😓😓

💗💗💗💙💙💙💚💚💚💚
بقلم : لبنى طارق
💗💗💗💙💙💙💚💚💚

اعملو تصويت لكل حلقه عشان الروايه تنجح دوس على علامة النجمه