رغم عذابك ألي حبيتك((باللهجه العراقيه))

part-2

هديل"على الاقل جماعة السادس يحترمونهم خما مثلنه يگومنه برزاله ويگعدونه برزاله..

فتنه للبيت وبدلت ملابسي وخلصت وحطتلي ماما غده وگعدت اتغده..
هديل"صدگ عندي بشاره لچ صار دوامي صباحي يعني راح أداوم أروح وياچ واچي وياچ..
ماما"أي والله خوش خبر بس مو تعوفين دروسچ وتجيني أبقي بمدرستچ اني أمرچ وأخذچ..
هديل"حبابه واذأ أشتگتلچ شون وهي بيناتنه بس الحايط...

ماما"گولي تردين تتهربين من الدراسه ليش يابنتي أدرسي تره محد يفيدچ غير شهادتچ أحمدي الله وأشكريه مطالبه منچ شيء حتى ألماعون متعرفين تغسلينه مدللتچ أحسن دلال لذلك أدرسي وخليني أفتخر بيچ..

هديل"دللي ماما...گملت غدايه وفت لغرفتي..

ألتهيت ونسيت أعرفگم عن نفسي أسمي هديل محمد عمري 15سنه هذا العمر ينادولنه سن المراهقه لگن أحس روحي أگبر من بنات چيلي....أني بصف الرابع علمي...طموحي لحد ألان ماحاطه فگره بالي عليه....بابا أمام جامع وعايلتنه متدينه بس مانلبس نقاب بابا متقاعد...وماما...معلمه.....أني أخر العنگود (يعني أصغر وحده بيهم)أحنه بنات2و2ولد....أني أداوم بس ما أقره أبد يومي فقط أقره بوقت الامتحان وانجح......خليني أگللكم سالفه عني أني والحمدلله گلشي ماعرف أسوي لا طبخ لا غسل...أگل ونوم ودوام فقط هذا روتيني أليومي
أحس روحي مثل ألاميرات بس ماعرف ليش دا أحس بأن هاي السعاده مراح تستمر ويايه....
☆☆☆☆☆☆☆
صباح يوم جديد
في جامعة تكريت

عند نور اچيت متاخره على ألجامعه أبو ألخط تاخر علينه صار 5دقايق بس بدت المحاظره چنت خايفه گلش لا يطردني الدكتوى ومايدخلني...گانت أؤل محاظره عدنه الكيمياء العضويه...الدكتور.مايحب احد يفوت وراه....أستجمعت شجاعتي ودگيت الباب....دگتور تسمحلي أفوت....
ليش متاخره مو گلت مايصير التاخير.
أنثولت أرتبگت وأحسها كلها دا تباوع عليه..."دگتور السياره سياره....دگتور"شبيها السياره أحچي شبيچ تمتمين.....شفتها گلها تريد تضحگ وگامشيها غصب ويباوعون على الگاع..تا ميرزلهم الاستاذ.
نور"سيارتنه عطلت وتاخرنه...
أبستم ألدكتور وگالي فوتي أخر مره تچين متاخره..
گعدت أول أستول بصف ديم.. وأكو أستول يمي فارغ.
بعدها....بدقايق دگ الباب ودخل عبدالعزيز...گاله دگتور اني أستئذنت منگ....الدگتور"فوت أبني أني أذگرك..
فات والدگتور گاله تعال أگعد اهنانه....گعد بصفي على الاستول...اني بصراحه مامتعوده على هذا الشيء وحيل چنت مستحيه اني لو أعرف بان أحد يگعد بسدي گان غيرت مگاني من زمان.......ألي أحرچني أگثر دكتور هو ويشرح يگول أفتهمتو وهو يباوع عليه....وبده يحچي بان أحنه بمجتمع جامعي لازم منستحي ونسأل أذا مفهمنه شيء....ولازم منرتبك...باوعت بطرف عيني.

وحسيت شويه براحه عبدالعزيز بس گعد بسدي حتى ماباوع عليه هذا ألشيء خلاني أرتاح..........بعد مرور بعض الوقت أنقسمنه گروبات.......علمود نفوت بالمختبر....دگتور طلب من عبدالعزيز يسال باي گروب يريد گل شخص......فصارت ألاكثريه B1