#صدفة_أم_قدر
#الحلقة6
#الكاتبةfatoom
💙فاطمة الطاهر 💙
في الطريق
مروان/مروح وفجأة وقفاته بوابة
محمود/😐😐مروان شن صاير الظاهر عركة
مروان/تو ننزل نشوف...
الولد/يا خوي لحظة بنفتشو السيارات
مروان/تفضل فتش بس شن صاير ان شااءالله خير
الولد/والله امس في واحد شدينا منه سلاح ومش مرخص ماخليناهش يخش ودارلنا مشكلة
مروان/ ربي يهدي
المهم لولد فتش السيارة ومالقي شي
ومشي على حاله خفت الزحمة وبدت السيارات تفوت
مروان/صدفة لمح شخص يعرفه ونزل يسلم عليه اوووو شن لخبار ياراجل وين من الامتحانات معش دورت
يابووعة معش ادور لاتقول عندي صحاب
معز/يمسح في العرق اااه مروان شن جوك والله معش فضيت ياراجل مشاكل تهلب علينا
مروان/خير شن في شن صاير
معز/اهو مراد مداير مشكلة وانا حاصل
مروان/ههه هوا مراد يلي مداير كل هالدوشة
معز/اي والله
مروان/شن صاير ان شااءالله خير
معز/مشاكل عائلية
مروان/اي احكي شن صاير مع مراد بالك نقدر نساعدكم
معز/والله شن بنقولك مصايب صايرة انا نحاول نهدي فيه ومانبيهش. يدير شي يندم عليه
مروان/شن صاير
معز/اااه تنهد ...تو نحكيلك مرات هاليومين ندورك
مروان/نستنا فيك ان شاااءالله
محمود/مع روشن السيارة تي هيا ياراجل مروان/ههه تي باهي وانت زي لعنز..
✨✨✨✨✨
خيرية/عجنتي لبيتزا ولا تستني فيا
سالمة/اههه قالت ميس تو نعجنها
خيرية/حشمتي لبنت ضيفة ووه سامحيني يابنيتي
ميس/لالا عادي شن درت اني
سالمة/تلف في لبراك عاد بتولي كنتك خلي نشوفوها فالحة ولا لا
ميس/ههه
خيرية/خلي نشوف الشربة انا
سالمة/شن كلمتي مروان ايمت قال مروح
ميس/اول ماسمعت اسمه بدي قلبها يدق خيرية/قال لمغرب نوصلو
سالمة/ان شااءالله
ميس/بجد يومين فاتو كأنهم شهر بحاله غيبته اترث فيا وخلت فراغ هلباا ...
مع المغرب روح مروان بس ماخشش للحوش قعد في المربوعة مع محمود
لين تعشو وميس كل شوي تستنا في خشته بس عطل اخر شي خشت لدارها بترقد
محمود/والله لعشي سمح بكل
مروان/باهي وانت تقول عمرك ماضقت نعمة
محمود/😂😂تطييبكم سمح شن بندير
مروان/مادخلش تطييبنا تطييب خواتك شين هدا علاش لما تشوف نعمة عند حد تنزل في القصعة تخرقها 😂😂
محمود/😂😂
مروان/نوض روح 😒
محمود/خيرك ياراجل نهدرزو مزال بكري
مروان/شن بنهدرز عليك وانت 24ساعة في خلقتي تنوض روح تعبان بنرقد😒
محمود/ به به هيا تصبح ع الخير 😒
مروان/الي يصبح في وجهك يلقى الخير هوا
محمود/😂😂
✨✨✨
امنة/زعما بنيتي شن ادير تاكل. باهي تشرب باهي تتغطى ولا شن صاير فيها
الهادي/معش تجيبي سيرتها قدامي ومعش تخممي فيها
امنة/بنتي هادي بنتي مهما يكون ..كيف مانخممش فيها
الهادي/كانها تخمم فينا راهي مادارتش هكي ووطت روسنا ..مش مسامحها دنيا لا اخ
امنة/سكتله فمه بيدها..لاا ماتقولاش
الهادي/نفض يدها..وطلع وقلبه مغموم وواجعه
امنة/ااااه يابنيتي. علاش درتي في روحك هكي
