#صدفة_أم_قدر
#الحلقة2
#للكاتبةfatoom
💙فاطمة الطاهر 💙
حليمة/نهى مرت خالد الاولى
ميس/😳خالد متزوج قبل
حليمة/اي تزوجها يومين وطلعت مش .... فهمك كفاية ...ولما كشفناها مشت هربت وماحد يعلم بيها وين لحد اليوم فيه الي قالو قتلوها خوتها وفيه الي قالو جاها مرض وفي الي قالو هربت مع واحد والله اعلم
ميس/بلعت ريقها...عع علاش ماقالي حد انه كان متزوج
حليمة/وين نعلم نحساب خالد مقايلكم
ميس/لا توا منك عرفت
حليمة/لمهم زي مانصحتك مدامك اهو قعدة اسبوع وامورك تمام معناته عجبتي ولدي ف ماتفسديش على روحك
ميس/في سرها ...عجبتي ولدي تي ولدك يشوف منظره الي يخلع قبل ..
حليمة/لكن نوصيك ماتقوليش لي خالد اني حكيتلك على نهى ديري روحك ماتعلمي بي شي فكك من المشاكل
ميس/حح حاظر ..
حليمة/نوضي ديريلنا طاسة قهوة وغيري جوك هيا
ميس/نضت حطيت لقهوة ع النار ..وكل تفكيري مشوش كيف وعلاش ماحكالي حد ممكن حتى اهلي مايعرفوش
معقولة يكون خالد متأثر من مرته الاولى لهالسبب تصرفاته هكي ..بس اني شن ذنبي
حليمة/شن صار معاك ..هيا راني شوي تانية بنروح
ميس/هاني جيت
شربو لقهوة وهدرزو وقعدت معاها حليمة الى المغرب لين روح خالد للحوش
خالد/كان قعدتي تعيشتي معانا يما
حليمة/سلم وليدي الغالي...والله ماخاطري بوك يبي عشاه وقالي ماتعطليش انت عارفه
خالد/باهي علي راحتك تو نروح بيك
حليمة/يلا مع السلامة
ميس/مع السلامة
خالد روح بيها ورجع ..
ميس/حطيت لعشي وستنيته بس اول ماروح خش رقد طول ...تعشيت غسلت لماعين وخشيت رقدت وقررت ان زي ماهاملني ومش معبرني حتى اني هكي👌
الصبح✨✨
خالد/اسمعيي
ميس/عندي اسمم😒
خالد/يسرى ولا شن اسمك
ميس/لاحول ولاقوة الا بلله حتى اسمي مش عارفه...نعممم نسمع فيك
خالد/ديريلنا عشي متكم صحابي بيجوني بعدين
ميس/اول ماقال بيجوني خفت وادكرت كلامه...بس قلت في خاطري مستحيل اكيد كان يستفز فيا ...مستحيل راجل بيرضاها لمرته
خالد/نكلم فيك...مانلقاش لعشي سمح ومتكم تشوفي شن يصير فيك ..
ميس/بلعت ريقها ...مم ماشي
اول ماطلع خشيت نجري للمطبخ حطيته ع النار درت رز بلبصلة ودرت معاه طاجين وبوريك وبيتزا. ونوعيت حلو وعصاير طبيعية كملت مع المغرب ..جهزت كل شي
وخشيت غيرت حوايجي لبست قفطان حوش حاير ...وطلعت رتبت المربوعة وبخرتها وخشيت ...
خالد/لعشي جاهز صحابي وصلو
ميس/اي جاهز ...عطيته الصواني وطلعهم قعد مالقي لمية طقيت ع الباب ماجاش شكله ماسمعاش عاودت طقيت ووقفت فم لباب...ناديت بصوت واطي..خالد خااالد
لحد ماحسيت بخطوات جايا لعندي ..
ميس فتحت لباب..اكيد هوا..نرفع عيوني نلقااه راجل طوووويل ومنظره يخلعع 😐..وخرت واني خايفة وكنت حنسكر لباب...
سعد/حط يده بين لباب ..وين ياحلوة هاربة...وكانت نضراته تخوف
ميس/بخووف 😰...بديت ندف في الباب بيد وحدة ويدي التانية ماسكة المالقي معش قدرت..
سعد/خيرك خايفة انا مش براني انا سعد صاحب خالد روح بلروح...
ميس/ياخد روحك ان شاءالله😑...شن تبي مني ناديلي خالد..
سعد/خالد مش فاضي ...ويضحك...
ميس/باهي بعد من الباب...
سعد/لما سمعناك تنادي خالد بعتني قالي شوفها شن تبي
ميس/😑هدا شن الراجل الي مش طبيعي..بب باهي بعدد اقلب وجهك
سعد/بعد يده ..شكلك مش هوينة ماتخافيش مش ياكلك يافراولة..😉🤣بس هاتي عليك رزين لبدا
ميس/مديتله المالقي وقربعت الباب في وجهه ...وسكرته بلمفتاح ووقلبي ينبض من الخوف ويديا يرعشو
مافات الوقت قريب الا متت و الاخايفة يطق الباب ولا يناديني ولاشي وندكر في كلامه وقت قالي تطلعي لصحابي
سكرت ع روحي الدار وكنت نسمع في اصواتهم في المربوعة يضاحكو تقول سكارة
لحد معش حسيت ع روحي و ارقدت
تاني يوم الصبح
خالد/هييي انتي نوضي
ميس/هه ...صص صباح لخير
خالد/اطلعي ضمي لمربوعة
ميس/صحابك روحو
خالد/بايتين عندي بري ضميها من امبارح لماعين قعدات
ميس/به دخلهملي تو انضمهم نقدرش نطلع اني
خالد/شن معاااقة اطلعي ضميها انا بنخش ندوش ..
ميس/ياربي شن ندير ...لفيت وشاحي وطلعت للمربوعة...كانت حشاكم ريحتها ادوخ مافهمتهاش شن ونص لماعين لقيتهم قدام لباب..ع السريع دخلتهم قبل لايشوفوني
ميس/غسلت لماعين..حضرتلهم لفطور عطيهم سم 😒💦 ...مش معقولة مزال عرسان جايين بايتين معاه صحابه ومخليني..ع اساس حتى بدون صحابه يبات معاي..هه يلا يصطفل هوا وياهم ...
خالد/هاتيلنا لفطور
ميس/نغسل في لماعين طلعه انت
خالد/به به..طلعه ومشي
ميس/طول لوقت ع اعصابي ...ايمت بيروحو هادم ...فجأة حسيت بيدين التفو عليا ...تلفتت مفجوعة...😰
سعد/محلاااها ريحتك ياقطوسة🤤
ميس/بعدت بسرعة..هييي انت شن مدخلك هنايا😡
سعد/حوش صاحبي..
ميس/لما يكون صاحبك بروحه خش لكن توا الحوش ليه حرمته
خالد/بضحكة...هههه باهي ياحرمة ش مانحصلوش شي
ميس/شبحت لرخام المطبخ لقيت السكين شديته ووجهته عليه😠...اسممع ياحيوان وربي ماتطلع انلم عليك الناس توا
خالد/هووووو قوية الباين فيك😯😍
ميس/قربت منه وعيوني شرار😠...وربي توااا ندبحك ومايرفليش جفن...اااطلللع اطلللععع
سعد/😳 ببه به بعدي السكين من ايدك
ميس/اطللع براااا ياحيوااااان😠
سعد/يوخر بتردد...به به لكن حنقول لخالد
ميس/بش نعجنك انت وخالد متعك اطللععع
سعد/طلع من الباب...نوعدك حتندمي
ميس/نحب نندم اني..اقلب وجهك
سعد/ماتعرفيش روحك مع من تلعبي راه
ميس/قربعت لباب في وجهه ...طاح منها السكين ..ويديها يرعشو وتبكي تبكي وخايفة...
ميس/ياربي ساعدني يارب ...خشت الدار وسكرت ع روحها وخايفة يجوها ويديرولها شي
✨✨✨✨
خالد/تو نتفاهم معاها.
سعد/لباين عليها مش هوينة تي شدت عليا سكين بتدبحني
عمر/ههه خلوني انا نجرب به
سعد/ريح روحك..انا لبنت خشت دماغي لكن لباين انها حتعبنا شوي
خالد/شن ندير توا
سعد/دير روحك راجل بحداها واضربها وخوفها
خالد/بالك تشد عليا سكين حتى انا😶
سعد/هههههه ضربه على وجهه..انت راجلها يابهيم ماتقدرش حتخاف منك وتسمع كلامك ...هيا توا احنى حنمشو فوت يومين ودير زي ماقلتلك
خالد/باهي
