الـحـلـقـة #الـرابـعـة_والـعـشـرون2⃣4⃣
.
.
.
#مكـتـوبـتلـگ❤
.
.
.
طلع مروان قعمز في الشارع لين جو خواته خشو مع بعض نشبح فيهم من فوق جابو هلبا حجات خشيت سخنت العشي وونوتي فيه
مروان..جو
اني..ايه شفتهم من روشن قولهم يركبو اهني
ركبو البنات ويهدرزو شن خدو وشن مزاال وهكي حطينا العشي وقعمزنا نتعشو مع بعض
داليا..كنت نتمنى ماما تكون معاي😔
الاء..يوم زي هدا محتاجينها هلباااااا
شهد..الله غالب😔
اني نشوف وماعرفتش شن نقولهم
مروان..ادعولها بالرحمة وهيا توا معانا وتشبح فينا واكيد فرحانة
شهد..ربي يرحمها
مروان..اما خير توفت والا قعدت تتعذب بالمرض هدا!!
شهد..الحمد لله ربي رحمها
داليا..الله يرحمها هيا وبابا ويوسع عليهم
الاء..امين يارب
اني..ربي يرحمهم ويغفرلهم ويجعل مثواهم الجنة😊
داليا..متأكدة لو هي حية كانت فرحانة بيك وبي حفيدها الجديد😍
الاء..امي كانت تقول اني لو نزوج مروان نتهنى وتنحل كل مشاكلي هههههه
شهد..هي ماتندريش ان عندنا كنة عسل ذات الشعر الاحمممر😊😍
اني..ههههههههه
مروان..ربي يدوم عليكم ضحكتكم واني معاكم فرحان عندي صاحبي متزوج باهي يشكي كل يوم اماليه ومرته مدرهين كبده
شهد..علاش خيرهم
مروان..قال يا اما مرتي تتعارك معاهم يا اما هما يتعاركو معاها المهم قالي زي البنزينة والنار 😂مايتقربوش لبعضهم بككل
داليا..وووه اكتر شي خايفة منه يطلعو المالي حرف
الاء..ان شاءالله لا اصلا احني كويسين مع كنتنا معناها بيكونو كويسين معانا 😂😂😂
اني..🤣🤣😂
مروان..والله اني اكتر واحد فرحان انكم منسجمين مع بعض اكتر واحد فرحان ان عنده خوات زيكم ومراء زيك😊😘
شهد..هي ننزلو 😂احم
مروان..طول عمرك مخك خامر يابنت خزي
اني..😂😂😂😂😂
الاء..هي اني عندي حجات لوطة نبي نديرهم
ESTÁS LEYENDO
مَكتُوبتـــلــك*مكتمله*
Espiritualروايه ليبيه أحداثها مشوقه للكاتبه : حنو منقوله# أثمن لكم قراءه ممتعه
