أحببت للمرة الثانية ( كرونيك باللهجة الجزائرية)

prt 9

الحلقة 8
الغدوة مين ذاك نضت الصباح لقيتها مازال مافطنت هايلة وهي راقدة حرت انا هاذ المخلوقة الكيوت و هي راقدة منين يخرج منها هاذ الشي كامل كي تنوض ماحبيتش نحيرها و هبطت لقيت اسيا مزال ماجاتش ( الخدامة ) كانت صغيرة في عمرها 25 برك راكم تقولو بلي صغيرة و في ليتغونجي و تخدم خدامة اييه الله غالب ضروفها حتمت عليها جات تحوس على خطيبها لي وعدها بعد ماتعاونو و يسافر و يصيب خدمة في لندن يرجع يتزوجها و يعالج يماها و كي مابانش حسو جات تحوس عليه لقاتو مزج بقاورية و باختصار استغلها و هي ماقدرتش ترجع و تقابل والديها و شفقة الناس و الهدرة راكم عارفين شعبنا على هاذي تخدم و تبعث الدراهم لوالديها . المهم درت قهوة و عملت توست و فطرت و وجدت الفطور لكنزة
وجدت روحي باه نروح للشركة وانا خارج تقابلت مع اسيا و مزيا وصيتها بلي لازم تعود تبات معانا و كيما تقولها كنزة دير باسكو هي مولات الدار و مالازم يخصها والو و خرجت . كي وصلت لقيتهم اوكل يباركولي منين عرفو هاذوو اييه بابا لي شيعني لأنو غبت على الشركة مدة طويلة و بزاف عروض تأجلت كان لازم يكون سبب مقنع كما كان لازم علينا نعوضو بصح ماحبستش على هاذي عرضو رواحم و قالولي "لاز تعرفنا بمرتك" و حشموني حتان قبلت و فات نهاري كامل خدمة
عند كنزة
نضت الصباح ومالقيتوش في بلاستو قلت سوغ راهو يفطر غسلت وجهي و لبست حوايجي و هبطت نسمع الحس في الكوزينة في بالي اصيل كي دخلت لقيت طفلة تبان نتيجتي حرت
كنزة : شكون نتي كيفاه دخلتي لهنا
اسيا : نخدم هنا مادام الفطور اني لقيتو واجد ليك و راهو محطوط في الطابلة لي تاكلو فيها في الصالون مونجي
كنزة : مممممم وينو اصيل
اسيا : انا كي جيت هو خرج تبالي راح يخدم
كنزة : و نتي وسمك
اسيا : اسمي اسيا مادام
كنزة : اوكي اسيا كملي شغلك ذرك
اسيا: ماعلييه مادام
رحت لصالون لقيت فطور هايل هاذا فرماج كاشير طوماطيش مع الخيار و الزيتون, جيودوغونج , توست , وحتى بان كيك مع العسل مممممم تشهيييت صح صح في دارنا كنا نديرو فطور كيما هك بصح جامي كليت ديما مزروبة و ناكل برا و المفيد أصيل هو لي وجدو راني عارفة ههههه للحظة حسيتو راجل مثالي مثلا البارح وش درت فيه واحد اوخر في بلاستو كان زعف و بلاك خلاني ندير حاجة مانيش مرتاحتلها هو لالا سايسني ومبعد نتفكر بلي انا نحب زيد و فرات اصيل يكون وش يكون مانيش راح نحبو حتى لو كان مثالي