هلو بنات اني كللش اسفه لان منزلت بارت البارحه بس والله تعبانه المهم خلي نبدي البارت
¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶¶
طيبه / وكف خالي احمد كدام الشيخ الجبير
احمد / شيخنه هاي بتنه طيبه اعتبرها بنتك لتخلي احد يئذيها ع غلط واحد هيه مالها علاقه بيه
الشيخ ابو فهد / والله يا خوي هيه انشاءالله بنتي و اكيد محد راح يئذيها و اطمئن ابني فهد ما راح يتقربلها اله برضاتها
احمد / والله ونعم منك و من فهد
الشيخ ابو فهد / احنه نتوكل بعدنه مسافه بعيده يلا نوصل ودعناكم
احمد / الله وياكم توصلون بسلامه
طيبه / الشيخ كلي امشي وراي بنيتي اني مشيت وراه بس كل شويه اباوع ع علي و الكاه يبجي كطعت اسواري و شمرته عليه هوه ضل صافن عليه وصلنه السياره حلوه جبيره صعد هاذ الولد الحلو بصدر حته يسوق و الشيخ كعد بصفه و اني كعدت وراهم
(ملاحضه تره طيبه متحجي عراقي تحجي تركي و اذا رادت تحجي عراقي تحجي مكسر يعني ممفهوم كلش حجيها بلعراقي لان اهلها كللهم الي جانو عايشين وياها بتركيا يحجون وياها كله تركي ابد ولا مره حجو عراقي بس اني اكتب عراقي حته تفتهمون )
……………………………………………داخل السياره……………………………………
طيبه / اني صافنه و افكر شراح يصير ويايه مصحيت اله ع صوت الشيخ
ابو فهد / بويه شبيج ليش متحجين
طيبه / جاوبته بتركي / أ أ ما مابيه شي
ابو فهد / شنو شكاعد تحجين انتي يا لغه ترجميلي شكاعد تحجين
طيبه / ضليت صافنه هاذ شكله ما اعرف اجاوبه بلعربي اخاف يضحك عليه ضليت بس اباوع عليه
فهد / يابه تحجي تركي اخوها كلي متعرف تحجي عربي
ابو فهد / لعد شلون راح نفتهم عليها
فهد / يابه هسه نوصل و انخلي حسن يترجملنه
ابو فهد / ماشي بويه
طيبه ضليت الطريق كله ساكته و همه يحجون بشغل بس هاذ الولد الي يسوق هوه يمكن اسمه فهد اويلي شنو من جمال و صوته خشن يهبل
عززه العزاج طيبه هاي انتي شكاعد تلغين اوووف كل تفكيري حسن و ليش هيج حجه ويايه اووووف تعبت من التفكير ياربي
فهد / هاي الفصليه سمعت عمها كال اسمها طيبه مراح اعتبرها فصليه لان خطيه ما الها ذنب بس مدري بشنو تفكر الطريق كله صافنه و اني اباوع عليها بلمرايه يبووو شهل جمال شنو من عيون اشتعلو اهلها حس بيه ابويه انو انعجبت بيها لان الطريق كله اني اباوع عليها شويه و وصلنه للبيت بيتنه بنص مزرعه من وصلنه يم المزرعه رئسا كمزت
فهد / شبيج ليش كزتي
طيبه بتركي / هاذ نفس الي عدنه بتركيا واااو بس اكيد الي عدنه بتركيا احلا
فهد / اهووو هم حجت تركي امشي امشي خلي نشوف حسن بلكت يعرف شكاعد تحجين
نزلنه من السياره اباوع بيت كللش جبير لا لا مو بيت قصرر ماشاءالله
ابو فهد / تعاي فوتي. اعتبريني ابوج و هاذ بيتج يلا بنيتي فوتي
طيبه / مفتهمت كلش زين عليه بس أشويه افتهمت فتت و هاذ الولد بس يباوع عليه اووف ضوجني فتنه لكيت مره و بنيه مره جبيره شويه و البنيه اكبر مني بشويه
فهد / حجيه هاي لبنيه الي راح اصير مرتي
ام فهد / يمه فدوووه شهل جمال ماشاءالله يمه هيج جمال مرت ابني صدقه لله
طيبه/مدري شديحجون بس هاي المره امبينه حبابه بس اكو كلمات افتهمها
علا / يممه فدووه تدرون الصدك اني و حسن كلنه هسه تطلع جبيره و اسنونها مكسره بس طلعت حلوه
طيبه / افتهمت هاي لبنيه شحجت ف ضحكت
فهد / هاي شلون افتهمتي شكالت انتي مو متحجين عربي
طيبه و هيه تحجي عراقي مكسر / شويه اعرف
فهد / ها زين لعد وين حسن
علا / حسن طالع بليل يرجع
فهد / ماشي اخضيها و صعديها فوك خلي اجهز نفسها علمود باجر يجي الشيخ يعقدلنه
علا / ماشي خويه يلا امشي حبيبتي … يتبع
