ظلي💕

12"

مشيت حضرتا شنطي من بليل ،،وحسام دا زعلان زعل،،قلتا ليهو م تزعل قريب بكون معاكم،،قال لي انا شاكي انو انت ح تجي بعد شهر،،قلتا ليهو ان شاء الله بس ي زول♥قام من جمبي قال لي امشي نوم عشان بكره ح نصحى بدري،،قلتا ليهو. امشي بلحقك انا،،
قام مشى وانا رقدتا قي سرير الحوش وبعاين للنجوم،،
قمتا فجاءه نطيت من السرير،،اخخخخ انا كيف نسيت الحاجه دي،،بما انو قمر كانت هنا معناها قرت في المدرسه الانا بدرس فيها لانو ماف غيرها ،،قمتا دخلتا المطبخ برااااحه وشلتا البطارية وطلعتا..
مشيت طلعتا الشارع ووصلتا المدرسة ،،دخلتا المخزن حق الادراج القديمه،،بقيت بفتش م لقيت لي حاجه تدل على درج حقها،،
مشيت الفصول كلها وم لقيت حاجه..
تاني رجعتا المخزن،،بقيت بفتش بدقه لحد م لقيت لي درج فيهو رسمه م غريبه علي،،طلعتا الورقه حقت قمر وقارنتهم وفعلا ياها نفس الرسمه البتشبه الحنه،،
فتشتا الدرج دا تاني وم لقيت شي،،
قمتا رجعتا البيت وبفكر قاصده شنو بالرسمه دي؟،،
انا في سؤال محيرني،،ليه هي م جات محل امها قاعده؟؟يفترض هسى انا لو لاقيتها عمرها ح يكون20 سنه،،معقول م بتعرف بيتهم؟؟ليه م جات؟
نمتا في الحوش،،الصباح صحتني سمر ،،قالت لي مُصِر انك تمشي؟قلتا ليها انتي لسه؟😂قلتا ليك بجي،،قالت لي تمام في انتظارك،،وطلعت لي ورقه فيها رقما،،قالت لي لو لقيت ليك تلفون هناك اضرب طمني عليك،،حاسه انو انت زي القطعه الاتشالت مني،،ضحكتا ضحكه خفيفه ،،قلتا ليها دي انتي حاسه كدا فما بالك امي ح تكون حاسه بشنو؟،،دنقرت راسا نظام هي ندمانه،،
قمتا دخلتا الحمام استحميت وصليت وجابت لي الشاي،،قلتا ليها وين حسام؟قالت لي لسه نايم بصحيهو لمن تكون ماشي عشان يودعك،،قلتا ليها خليهو م تصحيهو،،
عاينتا لي ساعه يدي(اي دي ساعتي جيت بيها من الخرطوم😂) لقيتها 7:30 مشيت لبستا هدومي وشلتا معاي شنطة ضهر،،
طلعتا الشارع كان في مصطبه جمب البيت،،قعدتا فيها،، سمر قالت لي مستعجل للمشي مننا للدرجه دي،،قلتا ليها لا بس بودع في الشوارع😂(قصدك الخلا😂)قمتا تاني مشيت قعدتا تحت الشجره الجمب البيت(لي انت موسخ هدومك كدا😒)قامت دعاء جات طالعه،،انا وقفتا،،في اللحظه دي في حاجه شبكت في قميصي،،عاينتا لقيت فرع الشجره،،لمن جيت ازحو لاحظتا لي نقش في الشجره،،لمن
طلعتا الورقه لقيتو نفس النقش(اجيييي؟ خفنا والله دا فلم رعب عديل😂😂)
بقيت بعاين للورقه مساافه ودعاء واقفة جمبي،،ركزتا في جملة تحت الشجره،،جريت جري دخلتا البيت،،وجبتا حفاره،،بقيت بحفر وبحفر،،ودعاء مصدوومه قالت انا جنيت😂اتخيلو لقيت شنو؟
اربعه ظروف مقفوله،،كلهم من بره مكتوب قمر،،
والله فرحتا فرح م عادي،،دخلتهم جوا جيبي،،ودعاء قالت لي دا شنو،،قلتا ليها بتعرفي لي قدام ان شاء الله♥،،قالت لي طيب تمام بعد شويه ح نتحرك،،قلتا ليها اوك،،عايني عايز اسالك،،انتي قمر م قالت ليك هي كانت قاعده وين في بورتسودان؟؟قالت لي قاعده في.....
ادتني العنوان كامل،،قلتا ليها م قصرتي💜✨يخدموك كدا وقت خطفي😂😂😂قالت لي بعد الشر ياخ😂هو انت بخطفوك؟،،ديل لو شافوك بجرو،،قلتا ليها عليك النبي😏قالت لي اييي م تعمل فيها واو عشان انت سمح،،قلتا ليها براك قلتي سمح،،كيف م اعمل واو وافتري انتو لاقني يعني؟😏✨قالت لي سخنتا شديد😂😂،،قلتا ليها اسي انتي بتطلعي الشارع عاديي؟قالت لي ااي،،قلتا ليها اخوك م بشاكلك،،قالت لي واثق فيني☺قلتا ليها ثقة لكن😎
قامت مشت ناحيه المصطبه،،قالت لي ناوية افتش معاك قمر،،قلتا ليها ياخي؟اهلك بخلوك؟قالت لي على فكره قمر دي كانت وحده مننا عدييل،،البيت دا كلو بريدا،،وعادي كان قلتا ليهم عايزه افتش قمر صحبتي،،وبقدمو لي المساعده برضو +انت واخوي بقيتو اصحاب واخوي ممكن يمشي معانا والله عادي،،قلتا ليها بالجد،،؟تمام يزوله💜،،مدت لي يدها في شكل بنيه😂(زي ناس اسبيستون لمن يجو يتحدو زول موش بمدو يدعم شكل بنيه؟)
قالت لي اصحاب؟؟مديت يدي وقلتا ليها اايي♥
قمتا وقفتا علي حيلي،،..بقيت واقف في المصطبه وهي قاعده،،نمر جا مارق،،
قام جاني وسلم علي بالكتف،،دعاء قالت ليهو نمري😍قام عاين لي وعاين ليها(كان عايز يقول ليها انجزي المصلحه العايزاها بس كتما قدامي😂😂)قال ليها نعم،،قالت ليهو ارح نفتش قمر مع امجد،،قال لي انت عندك مشكلة انو نمشي معاك وكدا؟قلتا ليهو بالعكس ياخ انا لاقيكم وين،،ارح طوالي لو عايزين ،قال لي خلاص ح تمشي معانا العرس وح تكون قاعد معانا ونفتش قمر بي مزاج كلنا،،قلتا ليهو العرس دا...قاطعني قال لي يا زول م داير كلام،،انت زي اخوي وتقعد معانا وين المشكلة؟لو بتخجل من دعاء دي نطردا ليك اسي😂😂(والله انت دسيس ياخ)دعاء قالت ليهو تطردني انا؟كويس ي نمر شوف البعمل ليك حاجه تاني منو،،خلي امجد يعملا ليك،،قلتا ليها بعملها ليهو بس انتي اطلعي منها😎،،وقفت علي حيلها قالت اي كويس كويس اتفقتو علي،،قامت دخلت البيت😂😂
نمر قعد في المصطبه وانا قعدتا جمبو،قال لي انت عارف!لو م كنت اخو قمر م كان خليت اختي دي معاك اصلو ولا كنا ساعدناك،،قلتا ليهو ليه،،؟قال لي قمر دي ماشاء الله في اخلاقاها،،،والله بت في قمة التهذيب،،ولمن تتكلم مع زول اكبر منها عينها م بترفعا في الارض،،ف لمن دعاء قالت لي انت اخوها،،وثقتا فيك وقلتا اكيد نفس اخلاقا ،،فانا م خايف علي اختي منك ابدا،،يعني لو انا م لقيتني ،،كون لي دعاء اخو برضو،،قلتا ليهو اكيد،،وم تخاف اختك م بجيها شي،،قال لي تمام،،
بعد شوية في عربية وصلت جمب البيت،،قال لي يلا العربيه وصلت،قمتا دخلتا ودعتا ناس البيت،،بعد شويه جات طالعه مرا كدا،،عرفتا انو دي ام نمر،،لانو في شبه شديد،،سلمتا عليها وقالت لي انت اخو قمر؟قلتا ليها ايي،،الطريق كلو تشكر فيها وعزمتني العرس حقهم،،نمر قال لي تاني ماف طريقه تهرب ياهو عزموك عديييل 😂ركبنا العربيه،،واتحركنا،،

وصلنا متاخرين شديد،،دخلنا البيت ونمنا انا ونمر في غرفه واحده😴
صحينا تاني يوم الضهر،،😂قلتا لي نمر ارح معاي السوق،،قال لي لشنو؟قلتا ليهو عايز اشتري لي حاجات،،قال لي تمام،،
مشينا السوق اشتريت لي ساعات كتيره(عندي معاها عشق😍) و اشتريت لي بدلة و اشتريت هدوم كتيره،،
قمتا قلتا لي نمر انت لابسه شنو في العرس؟قال لي والله لسه م عارف،،قلتا ليهو نطقم؟😂قال لي ارح(اخو العروس انت؟) اشتريت بنطلون جينز اسود ومعاهو قميص بنفسج غامق واسبورت وساعه سوداء،،ونفس الشي مع نمر،،
رجعنا البيت العصر😂😂
اها العرس كان فضل ليهو يومين،،
جا يوم العرس ومشينا وكان حفله حلوه،،واي مره تمسكني انت ولد منو. وحلاتك وبتاع😑،،
بعد العرس انتهى ،،في يوم كنا قاعدين انا ودعاء ونمر في الصالون برانا،،قلتا ليها ارح بكره نمشي الحته الكانت ساكنه فيها قمر،قالو لي تمام،،
فعلا تاني يوم صحيت بدري ولبستا بنطلون جينز وفنيلة نص كم كحلية وسفنجه😂😂(لسه م خليت الحركه دي ي امجد😂)
ركبنا امجاد ووصلنا،،بقيت بتلفت وبشوف في الحتات عامله كيف،،قلتا لي دعاء بتعرفي شكل عبد الله؟قالت لي ايي،،انا نسيت م وريتك انو قمر كان عندها موهبه الرسم،،في يوم قلتا ليها ارسميهو لي ورسمتو،،عشان كدا بعرف شكلو،،بس ان شاء الله م يكون اتغير شديد عشان نقدر نعرفو،،نمر قال لي عبد الله دا منو؟قلتا ليهو بتعرف،،اصبر بس،،
بقينا ماشين التلاته وبنتونس،،بعد شويه جو شباب ماشين بجمبنا. في واحد قال المزه دي سايقنها اتنين؟خلونا نمشي معاكم،،فجاءه دعاء صرخت وقالت لي دا ياهو،،قلتا ليها في شنو؟قالت لي دا عبد الله الرسمتو قمر💔

#اقتباسهه

الصَديق الذي يَتَجاوزُ نبرَةَ الإرهاقِ في صوتِكْ ، تَجاوزهُ كُلّياً💛

#نتلاقى..