ظلي💕

4"

قلتا ليها بعصبيه انطقي بتعملي شنو في اوضه النوم،،قالت لي انا وابوك ح نعرس ف احسن اي شي في وقتو حلو☺ قمتا اديت التربيزه شلوت وقعت وفيها كبايه النسكافيه واتكسرت مشيت ناحيتها وجريتا من شعرا (صراحه م حصل مديت يدي على بت ولا حتى بنات اهلى لكن في دا الموضوع كبير واستفزاني ) وهي بقت بتصرخ،،وطااااخ اديتا  كف قلتا ليها الليله لو م وريتيني م برحمك😠سرررعه قولي بتعملي شنو وليك كم هنا؟وعلاقتك شنو بأبوي،،قالت لي وهي بتبكي،والله ماف شي بس بس هو بقول لي تعالي اقعدي معاي وال ...البيت فاضي وم ماف زول فيـ..يهو ع..عشان كدا ا انا بجي ووبعدين هو ق..قال لي ح ن نعرس وقال لي انت ماف هنا وم ح تجي تاني عشان كدا انا جيت وم كنت عارفاك قاعد
قلتا ليها قاعده ليك كم؟قالت ليهو من امبارح،وقبل كم يوم جيت قمتا تاني اديتها كف(احييي عجبني ليها😠) قلتا ليها يعني الفي بالي صح موش كدا؟ م ردت علي..نهرتها وقلتا ليها اتكلمي😠دنقرت راسا وم ردت ،،انا  فهمتا انو حصل بينهم شي،،وقلتا ليها ابوي لو عرسك تعالي احلقي لي شنبي دا والا كان ابوي م راجل لانو ماف راجل برضى ليهو وحده قذره زيك،بس احس ليك بي زول لفتني واداني طااخ كف(دا شنو ي جماعه الحلقه كفوف ولا شنو😂) وكان دا ابوي عماد،وقال لي مالك معاها سألتك😡كيف تتجرأ انك تضربا كدا ،،دي ح تكون مرتي وفي عصمتي اوعك تمد يدك عليها وبعدين البيت بيتي بجيب فيهو الزول العايزو م عندك دخل😡
انا م استغربتا من تصرف ابوي بالعكس كنتا بغلي من الغضب والغيظ ومشيت لي ابووي وقفتا قدامو لي درجه انو انفاسنا اختلطت(زي حركه المصارعين لمن يدوك عين التحدي بجي قريب منك بس نفس الفهمم +امجد طويل عشان كدا قدر يحصل ابوهو،، وقوامو كويس وجسمو رياضي ،،كدي خلونا من امجد ونتابع😂) قلتا ليهو تصدق اني م بستبعد بعد كم يوم يقولو لي ابوك او اقصد عماد حسين فاتح بيت دعاره😊✋انت كيف تجيب ليك بت ناس وتقعدا معاك وم يكون بينكم شي وانت م متزوج،،ابوي اداني نهره وقال لي دي ح تكون مرتي😠 قمتا ضحكتا بأعلى صوت،،وقلتا ليهم  انا م شفتا راجل بعمل مع وحده كدا برضاها وبجي يعرسا الا انت ي ابوي اقصد ي عماد لانو ابوي دي خساره فيك..امشي عرسا ااي عليك الله انشاء الله تضوي ليك..انشاء الله تكون بنفس حنيه امي وتكون بنفس الطيبه والعقل وانشاء الله تكون متربيه كويس ومحترمه عشان اولادك م يجيبو ليك العار وبعدين في حاله انها مرتك وفي عصمتك م قلنا شي لكن ساي كدا يبقى في كلام تاني😊✋...،،اتلفتا علي البت وقلتا ليها،،انتي لو كنتي بت ناس بالجد م بتعملي كدا وم بتخشي بيت فيهو رجال لا وكمان بايته من امبارح وانا اصلا كنت حاسي انو في شي لكن طلع فعلا في شي،،واحب اقول ليك عماد الشايفه حبو ليك دا اكيد بعد مصالحو نتتهي ح يرميك زي الكلب وتعاملو ح يتغير..م عشان المصلحه بس لا بس عشان ماف راجل برضى ليهو وحده سلمت ليهو نفسها قبل م يكون بالشرع لانو مدام هي عملت كدا اكيد عملت مع ميه غيرو اظنك فاهماني☺وم برضى تكون ام لي اولادو..واحترمي شيب امك وابوك التعبانين فيك قريب العشرين سنه عشان يفتخرو بيك وعشان يقولو اريت كل البنات زي بتي،،م كان في داعي تصغري نفسك كدا ولا تصغري راس امك وابوك وعماد حسين دا انشاء الله يسعدك ويضوي ليك☺اتلفتا على ابوي وقلتا ليهو صراحه انت م خليت لي ذره احترام ليك☺لكن اقول ليك حاجه انا بعرف اجيب حقي وحق امي كيف وح ادفعك تمن اي دمعه نزلت من امي وانا لو م جبتا حقنا م متحرك من هنا وبيتك دا بيتي برضو وانا قاعد وسوي العايز تسوي✋،،،مشيت غرفتي وقعدتا في السرير وبقيت بتذكر في اليوم الشفتا ابوي في الغرفه ومعاهو مره معناها دي هي زاتا وامبارح صوت الكركبه وانو في شي غريب في البيت برضو معناها هي..شكلو هي بتجي كل يومين او اربعه💔لكن لكن امي بالسهوله دي هانت عليهو عشرين سنه حب من امي واهتماما ليهو حتى بعد م اتغير💔 ونزلت مني دموع الحزن والكسر💔لي انا دائما بتختا في مواقف زي دي💔انا تاني م بقدر عاين لي امي ولي وشها البريئ💔لانو تاني ح اتذكر ابوي وعمايلو بس امي مسكينه م تستاهل💔كيف ابوي قدر بعمل كدا..بس وربي م ح اخليهو،،ح ادفعو تمن كل دمعه نزلت من امي بسببو💔
في جانب عماد:______
كان واقف ومصدوم من كلام ولدو وم كان قايلو بالجرأءه دي وكيف قدر يقول الكلام دا مع انو صاح💔كان زعلان من جهه انو خلاص فقد ولدو الوحيد 💔مشى للبت وقال ليها قومي امشي بيتكم..البت كانت بتبكي بحرقه على كلام امجد ولمن عماد قال ليها كدا اتخلعت وقالت ليهو في شنو ي عماد؟ قال ليها بنهره:قومي امشي بيتكم م سامعه انتي..البت قالت ليهو معناها كلام ولدك صااح ح تتغير مني صح💔ح تخليني وانت عارف م عندي غيرك،لي كدا ي عماد؟ لي خليتني اثق فيك وابني احلامي معاك،،عليك الله م تخليني💔وقعدت تبكي(جني وجن البت تحنس ليها ولد ياخ م تدردقو م تتراشقووو ديل شنو ديل ياخ😤😠)عماد اتمالك اعصابو وقومها من الارض وقال ليها م قصدي كدا بس الولد عصبني انا اسف❤قالت ليهو يعني م ح تخليني صح؟قال ليها ابدا يلا ارح اوصلك،،قالت ليهو وديني بيت صحبتي لانو انا قلتا لي امي وابوي بايته معاها،،قال ليها تمام يلا ارح..💔

#اقتباسهه...

"إن تلك الإنتصارات الصغيرة والتي لا يتذكّرها سواك، وحدها ما تُبقيك قويًا أمام كل ما يُسيء إليك ... 💜✨

#نتلاقى...