حب هجرسي

34

#حب_هجرسي ج2

#mariam-almusawi

#بارت 34

يعني رجاءا رجاء غلط ع الابطال لا تغلطون.... حاولوا تغلطون بينكم وبين نفسكم اذا تردون بس مو هنا البارت انترس حيوانات و مطايه😂 ... واني اي تعليق بيه غلط دا احذفه فليش تتعبون نفسكم وتغلطون ....ادري بيكم بسبب حماسكم وتفاعلكم بس لا تضوجوني منكم.... احبكم ❤

Mariam-almusawi

ركضت وياه لغرفة حوريه وهاشم نزل يصيح لامه لكيتها تبجي ولازمه ظهرها وبطنها

اجيت يمها حضنتها
.. حوريه حبيبتي

لزمت ايدي وتتألم وتبجي
.. ولج جيلان راح اموت
.. ولج انتي مو بشهر السابع

.. ما اعرف آلام كطعت بطني
.. شايله شي ثكَيل
هزت راسها بلا ورجع تون وتتالم اجت عمتي تركض هي وهاشم شافتها
.. يا يمه حوريه اسم الله شبيج
.. خاله روحي راح تطلع
.. جيلان لبسيها عباتها وخلي هاشم ينزلها خل ناخذها للمستشفى

لبستها ثوب نظيف وعباتها وهاشم نزل يطلع السياره من الباب والبيت كله كعد من سمعوا بحوريه

لزمت ايدها وسندتها اجت عمتي كواكب تركض
.. يمه بنيتي حبيبتي
.. يمه الحكَيلي
.. امشي امشي

نزلناها اني وعمتي كواكب شافتها بيبي كالتلها
.. مهونه حوريه بنيتي انخي اهل البيت وان شاء الله ما يقصرون لا تخافين

  اخذتها مني مرة عمي ام هجرس وكالت
.. جيلان ابقي هنا خاف بيبيتج تحتاج شي

لزمت حوريه ايدي
.. لا خاله ابوس ايدج اريد جيلان .. الله يخليج

عمتي ارتبكت كالتلها
.. خاله مو البيت يبقى وحده

صاحت حوريه ولزمت بطنها باوعتلي عمتي ام هجرس وكالت
.. امشي جولي البسي عباتج بسرعه اني اخابر بشرى هسه
ركضت لبست عباتي ورحت لغرفتها اخذت الجنطه وحطيت بيها كم قطعه من مال اطفال الضامتهن ووصل بكنتورها ونزلت

صعدت ام هجرس بالصدر واني وعمتي كواكب بالوره وهاشم يمشي ويدعي
.. يا علي دخيلك .. يا علي احضرنه بجاهك يا علي .. حوريتي وصلنه كولي يا الله

وحوريه خطيه عاضه عباتها وتبجي

وصلنه نزلنه حوريه وصلناها لردهة الطوارئ دخلوها همزين المناوبه دكتوره فحصتها كالت
.. هاي ما عدها ولاده هسه

كالتلها عمه كواكب
.. لعد شلون دكتوره فدوه اروحلج
.. راح احولكم لغير مستشفى لان هنا طوارئ اعذروني

كتبتلنه احاله ورحنه وحوريه كعدت ع الرصيف وكالت ووجهها صار اصفر
.. هاشم بعد ما اكدر امشي
.. حبيبتي تعاي اشيلج
.. لا تشيلني ولا اريد اكب خايفه حباب
.. حوريه انعلي الشيطان راح يصير بيج شي