#ﺁﺩﻣﻨﺘﮓ💚#ﺭﻭﺁﻳﺎﺕ ﺃﻧﺜﻰ ﺷﺮﻗﯿﺔﻩ💚 (مكتملة)💚

الحلقة16

#ﺭﻭﺁﻳﺎﺕ ﺃﻧﺜﻰ ﺷﺮﻗﯿﺔﻩ💚
| ~ ﺁﺩﻣﻨﺘﮓ ~ |
ﺍﻟﺤﻠﻘﮩﮧ ﺍﻟﺴﺎﺩﺳﻬﻪ ﻋﺸﺮ ~
ﻣﺤﻤﺪ : ﺣﺴﻦ ﺭﺩ ﻳﻀﺎﻳﻖ ﻓﻴﻚ
ﺍﻧﺎ : ﻻ ﻻ
ﻣﺤﻤﺪ : ﻟﻴﺶ ﺗﺒﻜﻲ ﺑﺎﻩ
ﺭﻭﻋﻪ : ﺗﻲ ﺧﻼﺹ ﺑﻄﻠﻲ
ﺇﻟﻬﺎﻡ : ﺍﺣﻤﻴﺪﻩ ﺍﻟﺒﺎﺏ ﻳﺪﻕ ﻭ ﺍﻧﻈﻨﻲ ﺻﻮﺕ ﻭﺍﺣﺪ
ﻣﺤﻤﺪ : ﻧﻤﺸﻲ ﻧﺸﻮﻑ ﻣﻦ ﻭ ﺟﺎﻳﻚ
ﻃﻠﻊ ﺍﺣﻤﻴﺪﻩ ﻓﺘﺢ ﺍﻟﺒﺎﺏ ﻭ ﻛﺎﻥ ﻣﺮﻋﻲ ﺟﺎﻱ ﻫﻮﺍ ﻭ ﺧﻮﺍﺗﻪ
ﻣﺤﻤﺪ : ﺗﻔﻀﻠﻮ ﺗﻔﻀﻠﻮ
ﻣﺮﻋﻲ : ﺯﻳﺪ ﻓﻀﻠﻚ ، ﺑﻨﺎﺕ ﺧﺸﻦ
ﺧﺶ ﻣﺮﻋﻲ ﻣﻊ ﺍﺣﻤﻴﺪﻩ ﻟﻠﻤﺮﺑﻮﻋﻪ ﻭ ﺍﻟﺒﻨﺎﺕ ﺧﺸﻦ ﻟﺼﺎﻟﻪ ﻭ ﺍﺳﺘﻘﺒﻠﺘﻬﻦ ﻣﺎﻣﺎ ﻭ ﻟﻮﻣﻲ
ﺇﻟﻬﺎﻡ : ﺳﻮﻭﻭﻭﻭﻣﺎ ﺻﺒﻲ ﺑﺴﺮﻋﻪ
ﺍﻧﺎ : ﻛﻨﻚ ﺷﻦ ﻓﻲ ؟ ﺑﺎﺑﺎ ﻓﻴﻪ ﺣﺎﺟﻪ ؟
ﺇﻟﻬﺎﻡ : ﺧﻮﺍﺕ ﻣﺮﻋﻲ ﺟﻦ
ﺍﻧﺎ : ﻧﻌﻤﻤﻤﻤﻢ
ﺭﻭﻋﻪ : ﺗﻲ ﺻﺒﻲ ﻭ ﺍﻧﺘﻲ ﻓﺎﺗﺤﻪ ﻓﻤﻚ
ﺍﻧﺎ : ﺷﻦ ﻳﺒﻮ ﺗﻮﺍ
ﺭﻭﻋﻪ : ﻣﺒﺮﺩ ﺩﻣﻚ ﺟﺪﻳﺎﺕ ﺗﻲ ﺻﺒﻲ ﺩﺍ
ﺍﻧﺎ : ﻃﺎﻟﻌﻪ ﻫﻚ ﺑﺎﻟﺘﻮﺗﻪ
ﺇﻟﻬﺎﻡ : ﺑﻄﻠﻲ ﻓﻀﺎﻳﺢ
ﺭﻭﻋﻪ : ﺗﻮ ﻧﻄﻠﻌﻠﻚ ﺍﻧﺎ ﻟﺒﺴﻪ ﺻﺒﻲ ﺑﺲ
ﺻﺒﻴﺖ ﻟﻔﻴﺖ ﺷﻌﺮﻱ ﻭ ﻟﺒﺴﺖ ﺑﻠﻮﺯﻩ ﻭ ﺳﺮﻭﺍﻝ ﻭ ﻃﻠﻌﺖ
ﻣﺮﻭﻩ : ﺍﻫﻠﻴﻦ ﺑﻌﺮﻭﺳﺘﻨﺎ
ﺍﻧﺎ : ﺍﻫﻠﻴﻦ
ﻣﺒﺮﻭﻛﻪ : ﻣﺮﺣﺒﺘﻴﻦ ﺑﻜﻨﺘﻨﺎ
ﺍﻧﺎ : ﺍﻧﺴﺘﻮﻧﺎ
ﺧﺪﻳﺠﻪ : ﻛﻨﻚ ﺭﺍﻳﺤﻪ ﺷﻴﻨﻪ
ﺍﻧﺎ : ﻧﻌﻢ😳
ﻣﺮﻭﻩ : ﻫﻬﻬﻪ ﻗﺼﺪﻫﺎ ﻣﺘﻐﻴﺮﻩ ﻋﻦ ﻫﺬﻙ ﺍﻟﻴﻮﻡ
ﻣﺎﻣﺎ : ﺗﺤﺮﻕ ﻉ ﺑﺎﺗﻬﺎ ﺑﺲ
ﻣﺮﻭﻩ : ﻟﻴﺎ ﺃﻳﺎﻡ ﻧﺮﻥ ﻋﻠﻴﻚ ﻣﺎ ﺣﺼﻠﺘﻜﺶ ﺑﻜﻞ
ﺍﻧﺎ : ﺃﻫﺎ ﻓﻮﻧﻲ ﺧﺎﺭﺏ ﺍﺻﻼ
ﺧﺪﻳﺠﻪ : ﺗﻮ ﻣﺮﻋﻲ ﻳﺠﻴﺒﻠﻚ ﻭﺍﺣﺪ ﺁﺧﺮ
ﺍﻧﺎ : ﺑﺎﺑﺎ ﻋﺎﻳﺶ ﻭ ﻣﺶ ﻧﺎﻗﺼﻨﻲ ﺷﻲ
ﻣﺎﻣﺎ : ﺍﺑﺘﺴﺎﻡ
ﺍﻧﺎ : ﻧﻮﺭﺗﻮﻧﺎ
ﺭﻭﻋﻪ : ﺗﻔﻀﻠﻮ
ﺧﺪﻳﺠﻪ : ﻣﺎ ﻧﺸﺮﺑﺶ ﻓﻴﻬﺎ ﺍﻟﻘﻬﻮﻩ
ﻣﺮﻭﻩ : ﺻﺤﻴﺘﻲ ﻳﺎ ﺭﻭﻋﻪ
ﺭﻭﻋﻪ : ﻧﺠﻴﺒﻠﻚ ﻧﺴﻜﺎﻓﻴﻪ ﻭ ﻻ ﻛﺎﻛﺎﻭ
ﺧﺪﻳﺠﻪ : ﻻ ﺷﻜﺮﺍ
ﻣﺒﺮﻭﻛﻪ : ﻋﻠﻴﺶ ﻣﺘﻌﺒﻪ ﺭﻭﺣﻚ ﺻﺤﻴﺘﻲ
ﺭﻭﻋﻪ : ﻣﺎ ﻓﻴﻬﺶ ﺗﻌﺐ
ﺇﻟﻬﺎﻡ : ﺩﻗﻲ ﻉ ﺍﻟﺒﺎﺏ ﺧﻠﻲ ﺍﺣﻤﻴﺪﻩ ﻳﺄﺧﺬ ﺍﻟﺴﻔﺮﻩ
ﺭﻭﻋﻪ : ﺑﺎﻩ
ﻣﺸﺖ ﺭﻭﻋﻪ ﺗﻌﻄﻲ ﻓﻲ ﺍﺣﻤﻴﺪﻩ ﺍﻟﺴﻔﺮﻩ ﻭ ﻋﺎﺯﻗﻪ ﻭﺫﻧﻬﺎ ﻭ ﺗﺴﻤﻊ ﻓﻲ ﻭﺍﺣﺪ ﻳﻘﻮﻝ ﻧﺒﻮ ﺍﻟﺒﻨﺖ ﻉ ﺳﻨﺔ ﺍﻟﻠﻪ ﻭ ﺭﺳﻮﻟﻪ
ﺭﻭﻋﻪ : ﺑﻴﺒﻲ ﺷﻦ ﻓﻲ ﻛﻨﻬﻢ
ﻣﺤﻤﺪ : ﻣﺮﻋﻲ ﺟﺎﻳﺐ ﻋﻤﻪ ﻭ ﻳﺒﻲ ﻳﻄﻠﺐ ﺍﺑﺘﺴﺎﻡ
ﺭﻭﻋﻪ : ﺣﻲ ﺣﻲ ﻧﺠﻴﻪ ﻳﺎ ﺭﺏ
ﻣﺤﻤﺪ : ﺧﺸﻲ ﺭﺍ ﻛﻒ ﺑﺎﻩ
ﺭﻭﻋﻪ : ﺑﺎﻩ
ﺧﺸﺖ ﺭﻭﻋﻪ ﻭ ﺗﻐﻤﺰﻟﻲ ﻭ ﻓﻬﻤﺖ ﺍﻧﻪ ﺑﻴﺨﻄﺒﻨﻲ
ﺩﻣﻮﻋﻲ ﻧﺰﻟﻦ ﺑﺲ ﻣﻦ ﺍﻟﻔﺮﺣﻪ ~ ﻧﻌﻠﻴﺎ ﺭﺑﻲ ﺣﻘﻖ ﺩﻋﺎﺋﻲ ﻟﻤﺎ ﻗﻠﺖ ﻛﺎﻥ ﻓﻴﻪ ﺧﻴﺮ ﻟﻴﺎ ﻗﺮﺑﻪ ﻣﻨﻲ
ﻃﺒﻌﺎً ﺑﺎﺑﺎ ﻛﺎﻥ ﻋﺎﺭﻓﻨﻲ ﻣﻮﺍﻓﻘﻪ ﻣﻦ ﻗﺒﻞ ﻭ ﻣﺮﻋﻲ ﻗﺎﻟﻪ ﻣﺎ ﺗﺴﺎﻟﻮﻫﺶ ﻷﻧﻪ ﻣﺘﻔﻖ ﻣﻊ ﺑﺎﺑﺎ
ﻣﻌﺶ ﻋﺮﻓﺖ ﻛﻴﻒ ﻧﺘﺼﺮﻑ ﻓﺮﺣﺎﻧﻪ ﻭ ﻣﻀﺎﻳﻘﻪ ﻓﻲ ﻧﻔﺲ ﺍﻟﻮﻗﺖ
ﺑﺲ ﻣﺸﻰ ﺍﻟﻴﻮﻡ ﻋﺎﺩﻱ ﻭ ﻉ ﺧﻴﺮ ﻭ ﺍﺗﻔﻘﻮ ﺍﻧﻪ ﺑﻌﺪ ﻧﺮﻭﺣﻮ ﻣﻦ ﺗﻮﻧﺲ ﻳﻘﺮﻭ ﺍﻟﻔﺎﺗﺤﻪ ﻭ ﻗﺒﻞ ﻣﺎ ﻳﺮﻭﺣﻮ ﻏﻤﺰﻟﺘﻲ ﻣﺮﻭﻩ ﻭ ﻗﺎﻟﺘﻠﻲ ﺍﻓﺘﺤﻲ ﻓﻮﻧﻚ
ﻋﺎﺭﻓﻪ ﺭﻭﺣﻲ ﻧﺤﺐ ﻣﺮﻋﻲ ﻭ ﻓﺮﺣﺎﻧﻪ ﺑﻴﻪ ﺑﺲ ﻣﺶ ﻣﺴﺘﻌﺪﻩ ﻧﺮﺗﺒﻂ ﺑﻴﻪ ﺭﺳﻤﻲ ﻫﻜﻲ
ﻓﻲ ﺍﻟﻠﻴﻞ ﺭﻭﺣﺖ ﺭﻭﻋﻪ ﻭ ﺍﻧﺎ ﻓﺘﺤﺖ ﻓﻮﻧﻲ ﻭ ﻗﺮﻳﺐ 100 ﻣﺴﺞ ﻟﻘﻴﺖ
ﻣﻦ ﺍﻟﻌﻴﻠﻪ ﻛﻠﻬﺎ ، ﻣﻨﻬﻦ ﻣﺴﺠﺎﺕ ﻛﻼﻡ ﻭ ﻣﻨﻬﻦ ﻣﺴﺠﺎﺕ ﻣﻜﺎﻟﻤﺎﺕ ﻓﺎﻳﺘﻪ
ﺭﻧﻴﺖ ﻉ ﻣﺮﻋﻲ ﻭ ﻣﺎ ﺭﺩﺵ
ﻗﻌﻤﺰﺕ ﻧﻄﻠﻊ ﻓﻲ ﺩﺑﺶ ﻭ ﻓﻄﻨﺖ ﻝ ﻓﻮﻧﻲ ﻳﺮﻥ ﻭ ﻛﺎﻥ ﻣﺮﻋﻲ ﻋﺎﺩ
ﺍﻧﺎ : ﺁﻟﻮ
ﻣﺮﻋﻲ : ﺳﻮﻭﻭﻭﻭﻣﺎ ﻭ ﺃﺧﻴﺮﺍ
ﺍﻧﺎ : ﻛﻴﻒ ﺣﺎﻟﻚ
ﻣﺮﻋﻲ : ﻣﺶ ﺗﻤﺎﻡ ﺑﻜﻞ ﻭ ﺍﻟﻠﻪ
ﺍﻧﺎ : ﻻﺑﺄﺱ ﺷﻦ ﻓﻲ ؟
ﻣﺮﻋﻲ : ﺑﻄﻠﻲ ﺍﺳﺘﻌﺒﺎﻁ
ﺍﻧﺎ : ﺑﺎﻫﻲ ﻓﻬﻤﻨﻲ ﺷﻦ ﺍﻟﻠﻲ ﺻﺎﺭ ﺍﻟﻴﻮﻡ !
ﻣﺮﻋﻲ : ﻧﺒﻴﻚ ﻭ ﻧﺤﺒﻚ
ﺍﻧﺎ : ﻭ ﺑﻌﺪﻫﺎ !
ﻣﺮﻋﻲ : ﻭ ﺑﻌﺪﻫﺎ ﺗﺒﻲ ﺗﻘﻌﺪﻱ ﻣﺮﺍﺗﻲ
ﺃﻧﺎ : ﻣﺮﻋﻲ ﻣﺘﺄﻛﺪ ﻣﻦ ﻗﺮﺍﺭﻙ ؟
ﻣﺮﻋﻲ : ﻳﻌﻨﻲ ﺑﻌﺪ ﺟﺒﺖ ﻫﻠﻲ
ﺍﻧﺎ : ﺭﺍﻳﻔﺖ ﻋﻠﻴﻚ
ﻣﺮﻋﻲ : ﺣﺘﻲ ﺍﻧﺎ ﻭ ﺣﻖ ﺭﺑﻲ
ﺍﻧﺎ : ﻗﺎﻟﻲ ﺍﺣﻤﻴﺪﻩ ﺭﺍﻳﺢ ﻧﺎﻗﺺ ﻭ ﻫﻜﻲ
ﻣﺮﻋﻲ : ﻣﻨﻚ
ﺍﻧﺎ : ﻫﻬﻬﻬﻬﻪ ﺑﺎﻫﻲ ﺑﺎﻩ
ﻣﺮﻋﻲ : ﻧﻌﻠﻴﺎ ﻣﺮﺍﻳﻒ ﻉ ﺻﻮﺗﻚ ﺍﻟﻌﺴﻞ
ﺍﻧﺎ : ﺣﺘﻲ ﺍﻧﺎ ﺭﺍﻳﻔﺖ ﻉ ﺻﻮﺗﻚ
ﻣﺮﻋﻲ : ﻣﻌﺶ ﺗﻘﻔﻠﻲ ﻧﻘﺎﻟﻚ ﺑﺎﻩ
ﺍﻧﺎ : ﺣﺎﺿﺮ
ﻣﺮﻋﻲ : ﺳﻮﻣﺘﻲ ﻋﻴﻮﻧﻲ ﺍﻧﺘﻲ ﺭﺍ
ﺍﻧﺎ : ﻧﺠﻚ ﻟﻴﺎ
ﻣﺮﻋﻲ : ﻭ ﻟﻴﺎ ﻧﺠﻚ
ﺍﻧﺎ : ﻧﺒﻲ ﻧﺴﻜﺮ ﺗﻮﺍ
ﻣﺮﻋﻲ : ﻟﻴﺶ ؟
ﺍﻧﺎ : ﻭﺭﺍﻳﺎ ﻛﻢ ﺣﺎﺟﻪ ﻫﻜﻲ
ﻣﺮﻋﻲ : ﺑﺎﻩ ﺑﻌﺪ ﻣﺎ ﺗﻜﻤﻠﻲ ﺗﻮ ﻧﺤﻜﻮ
ﺍﻧﺎ : ﺗﻢ
ﻣﺮﻋﻲ : ﻫﻴﺎ ﻋﻴﻨﻚ ﻣﻦ ﺭﻭﺣﻚ
ﺃﻧﺎ : ﻭ ﺣﺘﻲ ﺍﻧﺖ
ﻣﺮﻋﻲ : ﺗﺸﺎﻭ
ﺳﻜﺮﺕ ﻣﻨﻪ ﻭ ﻗﺮﻳﺐ ﻧﻄﻴﺮ ﻣﻦ ﺍﻟﻔﺮﺣﻪ ﻭ ﻣﺸﻴﺖ ﻧﺤﻜﻲ ﻣﻊ ﻣﺎﻣﺎ ﻉ ﻣﺮﻋﻲ ﻭ ﺃﻧﻪ ﺑﻌﺪ ﻧﺮﻭﺣﻮ ﻧﻄﻠﻌﻮ ﺍﻟﻌﺮﺱ ﻉ ﻃﻮﻝ
ﻣﺸﻰ ﺗﺎﻧﻲ ﻳﻮﻡ ﻭ ﺍﺣﻤﻴﺪﻩ ﺣﺠﺰﻟﻨﺎ ﻉ ﻃﻴﺎﺭﺓ ﺍﻟﺼﺒﺢ ﻟﺘﻮﻧﺲ ﻭ ﻫﺬﻙ ﺍﻟﻴﻮﻡ ﺍﻟﺤﻮﺵ ﻣﻠﻴﺎﻥ ﻛﻞ ﻣﺮﻩ ﺟﺎﻱ ﺣﺪ
ﻣﻊ ﺍﻟﻤﻐﺮﺏ ﺟﺎﻧﺎ ﻣﺮﻋﻲ ﻭ ﺳﺎﻣﻲ ﻭ ﺣﻜﻮ ﻣﻊ ﺑﺎﺑﺎ
ﻣﺮﻋﻲ : ﺃﻥ ﺷﺎﺀ ﺍﻟﻠﻪ ﺗﻤﺸﻲ ﻭ ﺗﺮﻭﺡ ﻃﻴﺐ
ﺑﺎﺑﺎ : ﺃﻥ ﺷﺎﺀ ﺍﻟﻠﻪ
ﺳﺎﻣﻲ : ﻣﺎ ﺗﺤﻂ ﻓﻲ ﺑﺎﻟﻚ ﺷﻲ ﻳﺎ ﻋﻤﻲ
ﺑﺎﺑﺎ : ﺭﺑﻲ ﻳﺤﻔﻈﻜﻢ ﻭ ﻧﺸﻮﻑ ﻋﻴﺎﻟﻜﻢ
ﻣﺮﻋﻲ : ﺃﻥ ﺷﺎﺀ ﺍﻟﻠﻪ
ﺑﺎﺑﺎ : ﺑﻜﺮﺍ ﺑﻌﺪ ﻣﺎ ﻧﺤﻦ ﻧﻤﺸﻮ ﻋﻤﺘﻜﻢ ﻭ ﺇﻟﻬﺎﻡ ﻳﺒﻮ ﻳﻤﺸﻮ ﻋﻨﺪ ﺧﺎﻟﺖ ﺍﻟﺒﻨﺎﺕ
ﻣﺮﻋﻲ : ﺍﺣﺴﻦ ﺣﻞ ﺧﻴﺮ ﻣﺎ ﻳﻘﻌﺪﻥ ﺑﺮﻭﺣﻬﻦ
ﺳﺎﻣﻲ : ﺗﻮ ﻧﺒﺮﻡ ﻋﻠﻴﻬﻢ ﻣﺮﻩ ﻣﺮﻩ ﻣﺎ ﺍﺩﻭﺭ ﺷﻲ
ﺑﺎﺑﺎ : ﺗﻤﺎﻡ ﺑﺎﻩ
ﻣﺮﻋﻲ : ﻭﻳﻦ ﻣﺤﻤﺪ !
ﺑﺎﺑﺎ : ﻃﺎﻟﻊ ﻣﻦ ﺍﻟﺼﺒﺢ ﺍﻛﻴﺪﻩ ﻗﺮﻳﺐ ﻳﺮﻭﺡ
ﺳﺎﻣﻲ : ﻧﺴﺘﺎﺫﻧﻜﻢ ﺗﻮﺍ
ﻣﺮﻋﻲ : ﺭﺍﺟﻲ ﺷﻮﻳﻪ
ﺳﺎﻣﻲ : ﻧﺒﻲ ﻧﺸﻴﻞ ﺃﻣﻲ
ﻣﺮﻋﻲ : ﺗﻤﺎﻡ ﻭ ﺑﻴﻨﺎﺗﻨﺎ ﺍﺗﺼﺎﻝ
ﺳﺎﻣﻲ : ﺗﻢ ﻭ ﺑﻜﺮﺍ ﻣﻌﺎﻛﻢ ﻓﻲ ﺍﻟﻤﻄﺎﺭ
ﻣﺮﻋﻲ : ﺧﻼﺹ ﺗﻢ
ﻃﻠﻊ ﺳﺎﻣﻲ ﻭ ﻣﺮﻋﻲ ﻗﻌﺪ ﻳﻬﺪﺭﺯ ﻣﻊ ﺑﺎﺑﺎ ﻭ ﺍﻧﺎ ﺧﺸﻴﺖ ﺏ ﺍﻟﺸﺎﻫﻲ ﻭ ﻏﻤﺰﻟﻲ ﻣﺮﻋﻲ ﺍﻧﻪ ﻧﻄﻠﻊ ﺑﺮﺍ ﻓﻲ ﺍﻟﺠﻨﺎﻥ
ﻛﻤﻞ ﺍﻟﺸﺎﻫﻲ ﻭ ﺳﻠﻢ ﻉ ﺑﺎﺑﺎ ﻭ ﺩﺍﻳﺮ ﺭﻭﺣﻪ ﻃﻠﻊ ﻭ ﺍﻧﺎ ﺧﺸﻴﺖ ﻟﻠﻤﺮﺑﻮﻋﻪ ﻭ ﻃﻠﻌﺖ ﺑﺎﺑﺎ ﻭ ﺧﺸﻴﺖ ﺑﻴﻪ ﻟﺪﺍﺭﻩ
ﻛﺎﻧﻮ ﻋﻴﺖ ﺧﺎﻟﺘﻲ ﻋﺰﻳﺰﻩ ﺑﺲ ﻗﺎﻋﺪﻳﻦ ﻭ ﻣﺎﻣﺎ ﺗﻬﺪﺭﺯ ﻣﻌﺎﻫﺎ ﻭ ﻟﻮﻣﻲ ﻣﻊ ﺭﻭﻋﻪ
ﻃﻠﻌﺖ ﺑﺮﺍ ﻭ ﻧﺪﻭﺭ ﻓﻴﻪ ﻣﺎ ﻟﻘﻴﺘﺶ ﻃﻠﻌﺖ ﻓﻮﻧﻲ ﻣﻦ ﺟﻴﺒﻲ ﻭ ﻧﺒﻲ ﻧﺮﻥ ﻋﻠﻴﻪ
ﻣﺮﻋﻲ : ﺑﺨﺨﺨﺨﺨﺨﺦ
ﺍﻧﺎ : ﻳﺎ ﺑﺎﺭﺩ ﻓﺠﻌﺘﻨﻲ
ﻣﺮﻋﻲ : ﻧﻌﻠﻴﺎ ﻋﻠﻴﻚ ﻋﻴﻄﻪ
ﺍﻧﺎ : ﻟﻢ ﺭﻭﺣﻚ ﺧﻴﺮﻟﻚ
ﻣﺮﻋﻲ : ﺗﻲ ﺳﺎﺩ ﺗﺒﻲ ﺗﻤﺸﻲ ﻭ ﺍﻧﻈﺮ ﻛﻢ ﺗﺒﻮ ﺗﻘﻌﺪﻭ ﻏﺎﺩﻱ
ﺍﻧﺎ : ﻛﻨﺖ ﻣﺤﺘﺎﺟﻪ ﻧﺴﺎﻓﺮ ﺑﺲ ﺗﻮﺍ ﺧﺎﻳﻔﻪ ﻭ ﻧﺒﻴﺶ ﻧﺴﻴﺐ ﺑﻨﻐﺎﺯﻱ
ﻣﺮﻋﻲ : ﺃﻫﺎ ﻋﺸﺎﻥ ﺍﻧﺎ ﻫﻨﺎ ﻣﺎ ﺗﺒﻴﺶ ﺗﻤﺸﻲ
ﺍﻧﺎ : ﻓﻲ ﻋﻴﻨﻚ
ﻣﺮﻋﻲ : ﺑﺎﺭﻙ ﺍﻟﻠﻪ ﻓﻴﻚ
ﺍﻧﺎ : ﺧﻼﺹ ﻧﺒﻲ ﻧﺨﺶ ﻭ ﺭﻭﺡ ﺍﻧﺖ
ﻣﺮﻋﻲ : ﺍﻧﺘﻲ ﺍﻟﻠﻲ ﻓﻲ ﻋﻴﻨﻚ ﺗﻮﺍ
ﺃﻧﺎ : ﺃﺣﻤﻴﺪﻩ ﻗﺮﻳﺐ ﻳﺮﻭﺡ
ﻣﺮﻋﻲ : ﻭ ﻳﺮﻭﺡ ﻋﺎﺩﻱ
ﺍﻧﺎ : ﺣﻲ ﺣﻲ ﺭﺍﻳﺢ ﻣﻌﺶ ﺗﻌﺪﻝ
ﻣﺮﻋﻲ : ﺃﻫﺎ
ﺍﻧﺎ : ﺣﺒﻴﺒﻲ ﺩﻳﺮ ﺑﺎﻟﻚ ﻉ ﻧﻔﺴﻚ ﺑﺎﻫﻲ
ﻣﺮﻋﻲ : ﺣﺎﺿﺮ ﻳﺎ ﻋﻮﻳﻨﺎﺗﻲ
ﺍﻧﺎ : ﻭ ﺭﺩ ﺑﺎﻟﻚ ﺗﺤﻜﻲ ﻣﻊ ﺷﻲ ﻭﺣﺪﻩ
ﻣﺮﻋﻲ : ﻋﻨﺪﻱ ﺍﻟﻌﺴﻞ ﻫﺬﺍ ﻛﻠﻪ ﻭ ﻧﺤﻜﻲ ﻣﻊ ﻏﻴﺮﻙ
ﺍﻧﺎ : ﻫﺬﺍ ﻓﻴﺶ ﻓﺎﻟﺢ
ﻣﺮﻋﻲ : ﺑﺎﻫﻲ ﻣﺎ ﻧﺤﺼﻠﻮﺵ ﻭﺣﺪﻩ
ﺍﻧﺎ : ﺗﺤﺼﻞ ﺁﺭ ﺑﻲ ﺟﻲ ﻳﻘﺮﺑﻊ ﻭﺟﻚ
ﻣﺮﻋﻲ : ﺍﻟﺮﻭﻣﻨﺴﻴﻪ ﺟﺖ ﻋﻨﺪﻙ ﻭ ﺣﻠﻔﺖ ﺑﻄﻼﻕ
ﺍﻧﺎ :😃
ﻣﺮﻋﻲ : ﻣﺎ ﻧﺒﻲ ﺷﻲ ﻏﻴﺮ ﻧﺸﻮﻑ ﻩ ﺍﻟﻀﺤﻜﻪ
ﺍﻧﺎ : ﻧﺠﻚ ﻟﻴﺎ ~$:
ﻗﺮﺏ ﻣﻨﻲ ﻭ ﻣﺴﻚ ﻳﺪﻱ ﺑﺎﺳﻬﺎ ﻭ ﻃﻠﻊ ~
ﺗﻲ ﻧﻌﻠﻮﻟﻲ ﻣﻨﻪ ﻭ ﺧﻼﺹ ﻧﻤﻮﺕ ﻓﻴﻪ ﻣﺶ ﺍﺩﻣﻨﺘﻪ ﺑﺲ
ﺧﺸﻴﺖ ﺟﻮﺍ ﻭ ﺍﻟﻔﺮﺣﻪ ﺍﺗﻨﻂ ﻣﻨﻲ
ﺭﻭﻋﻪ : ﻛﻨﺘﻲ ﻣﻌﺎﻩ ؟
ﺍﻧﺎ : ﻣﻨﻮ ؟
ﺭﻭﻋﻪ : ﺣﺒﻴﺐ ﺍﻷﻟﺐ ﻳﺎ ﺣﻨﻪ
ﺍﻧﺎ : ﺣﺒﻚ ﺑﺮﺹ
ﺭﻭﻋﻪ : ﺗﻲ ﺭﺑﻲ ﻳﺤﻔﻈﻜﻢ
ﺍﻧﺎ : ﻧﺠﻚ ﻟﻴﺎ ﻭ ﻋﻘﺒﺎﻟﻚ ﻳﺎ ﺭﺏ *:
ﺭﻭﻋﻪ : ﺁﻣﻴﻦ 3:
ﺇﻟﻬﺎﻡ : ﺳﻮﻣﺎ ﻛﻤﻠﺘﻲ ﺍﺩﺑﺸﻚ ؟
ﺍﻧﺎ : ﺃﻫﺎ ﻛﻞ ﺣﺎﺟﻪ ﻭﺍﺗﻴﻪ
ﺇﻟﻬﺎﻡ : ﻧﻤﺸﻲ ﻧﺸﻮﻑ ﺑﺎﺑﺎ : ‏(
ﺍﻧﺎ : ﺑﺎﻩ
ﻃﻠﻌﺖ ﻟﻮﻣﻲ ﻭ ﺑﺎﻳﻦ ﻋﻠﻴﻬﺎ ﻣﻀﺎﻳﻘﻪ ﻭ ﻣﺨﻨﻮﻗﻪ ﻭ ﻣﺎﺳﻜﻪ ﺩﻣﻮﻋﻬﺎ ﺑﺎﻟﻐﺼﺐ
ﺭﻭﻋﻪ : ﺍﻭﻝ ﻣﺮﻩ ﻩ ﺗﺴﻴﺒﻴﻬﺎ
ﺍﻧﺎ : ﺗﻲ ﻭ ﺍﻟﻠﻪ ﻣﺎ ﻧﺘﺤﻤﻞ ﺩﻣﻮﻋﻬﺎ ﺍﻟﻘﺮﺩﻩ
ﺭﻭﻋﻪ : ﺗﻮ ﻧﻐﻴﺮﻭ ﺟﻮ ﻋﻨﺪﻧﺎ
ﺍﻧﺎ : ﺑﻌﺪ ﺧﻄﺮﻫﺎ ﺑﺎﻳﺘﻪ ﺍﻟﻴﻮﻡ ؟
ﺭﻭﻋﻪ : ﺃﻫﺎ ﺣﺘﻲ ﻣﺎﻣﺎ
ﺍﻧﺎ : ﺑﺎﻫﻲ ﻛﻮﻳﺲ
ﺭﻭﻋﻪ : ﺃﺣﻤﻴﺪﻩ ﻃﻮﻝ ﻧﻤﺸﻲ ﻧﺮﻥ ﻋﻠﻴﻪ
ﺍﻧﺎ : ﻋﺪﻱ ﻳﺎ ﺣﻨﻪ
ﻃﻠﻌﺖ ﺭﻭﻋﻪ ﻭ ﺍﻧﺎ ﻗﻌﻤﺰﺕ ﻉ ﺍﻟﺴﺮﻳﺮ ﻭ ﻧﻔﻜﺮ ﻓﻲ ﻛﻞ ﺣﺎﺟﻪ ﺻﺎﺭﺗﻠﻨﺎ
ﻛﻨﺎ ﻋﺎﻳﺸﻴﻦ ﻋﺎﺩﻱ ﻭ ﺑﺪﻧﺎ ﺍﻟﻤﺸﺎﻛﻞ ﺑﺴﺒﺒﻲ ﻣﻦ ﺯﻣﺎﻥ ﻭ ﺑﻌﺪﻫﺎ ﻣﺮﺽ ﺑﺎﺑﺎ ﻭ ﺑﻌﺪﻫﺎ ﻗﺼﺔ ﺍﺣﻤﻴﺪﻩ ﻣﻊ ﻣﺮﺍﻡ
ﺑﺲ ﺑﻌﺪﻫﺎ ﻛﻞ ﺣﺎﺟﻪ ﻗﻌﺪﺕ ﺗﻤﺎﻡ ﻣﻌﺎﻧﺎ ﻭ ﺭﺑﻲ ﻳﻜﻤﻠﻬﺎ ﻣﻊ ﻟﻮﻣﻲ ﻭ ﺳﺎﻣﻲ ﻭ ﺭﻭﻋﻪ ﻭ ﺍﺣﻤﻴﺪﻩ ﻭ ﺍﻧﺎ ﻭ ﺑﻴﺒﻲ ♥ D:
ﻗﻄﻌﺖ ﺃﻓﻜﺎﺭﻱ ﺭﻭﻋﻪ ﺧﺎﺷﻪ ﺗﺠﺮﻱ ﻭ ﺻﺒﺖ ﻉ ﺍﻟﻤﺮﺍﻳﺎ ﻭ ﺍﺩﻳﺮ ﻓﻲ ﺭﻭﺝ
ﺍﻧﺎ : ﻛﻨﻚ ﻳﺎ ﻓﺮﺧﻪ
ﺭﻭﻋﻪ : ﺃﺣﻤﻴﺪﻩ ﺟﺎ
ﺍﻧﺎ : ﻭ ﻛﺎﻥ ﺟﺎ D:
ﺭﻭﻋﻪ : ﻭﺟﻲ ﺑﺎﻳﻦ ﻋﻠﻴﻪ ﺍﻹﺭﻫﺎﻕ ﻧﺒﻲ ﻧﺪﻳﺮ ﺷﻮﻳﺔ ﻣﻴﻚ ﺍﺏ
ﺍﻧﺎ : ﻫﺎﺑﺎ ﻭ ﺣﻖ ﺭﺑﻲ D:
ﺭﻭﻋﻪ : ﺳﻜﺮﻱ ﻓﻤﻚ ﻛﺬﺍ
ﺍﻧﺎ : ﺑﺎﻩ D:
ﺭﻭﻋﻪ : ﺷﻜﻠﻲ ﺣﻠﻮ ﻫﻜﻲ ؟
ﺍﻧﺎ : ﻣﺶ ﻗﻠﺘﻴﻠﻲ ﺳﻜﺮﻱ ﻓﻤﻚ D:
ﺭﻭﻋﻪ : ﺗﻲ ﺑﻄﻠﻲ ﺳﻤﺎﻃﻪ
ﺍﻧﺎ : ﺗﻬﺒﻠﻲ ﻭ ﺣﻖ ﺭﺑﻲ
ﺭﻭﻋﻪ : ﻧﺠﻚ ﻟﻴﺎ *:
ﺍﻧﺎ : ﻋﺪﻱ ﺃﺟﺮﻱ ﻳﺎ ﺣﻨﻪ D:
ﺭﻭﻋﻪ : ﻉ ﺃﺳﺎﺱ ﻣﺎ ﻧﻨﺪﺭﻳﺶ ﻋﻠﻴﻪ ﺟﺎ ﺑﺎﻫﻲ
ﺍﻧﺎ : ﻣﺶ ﺭﻧﻴﺘﻲ ﻋﻠﻴﻪ ؟
ﺭﻭﻋﻪ : ﻻﻻ ﺟﻴﺖ ﻧﺒﻲ ﻧﺮﻥ ﺳﻤﻌﺖ ﺻﻮﺕ ﺍﻟﺴﻴﺎﺭﻩ
ﺍﻧﺎ : ﻋﺪﻱ ﻋﺪﻱ ﺻﻮﺗﻪ ﻳﻨﺎﺩﻱ D:
~
~
~
ﻣﺤﻤﺪ : ﺗﻲ ﻭﻳﻨﻜﻢ ﻣﺎ ﻓﻲ ﺣﺪ ﻭ ﻻ ﻛﻴﻒ !
ﺭﻭﻋﻪ : ﺍﻭﻭﻭﻩ ﺍﺣﻤﻴﺪﻩ
ﻣﺤﻤﺪ : ﺧﻴﺮﺍﺕ ﻳﺎ ﻋﻤﺮﻱ
ﺭﻭﻋﻪ : ﺍﻫﻠﻴﻦ ﻳﺎ ﺑﻴﺒﻲ
ﻣﺤﻤﺪ : ﻛﺎﻥ ﻧﺤﺴﺎﺑﻚ ﻫﻨﺎ ﺭﺍ ﻣﺮﻭﺡ ﻣﻦ ﺑﺪﺭﻱ
ﺭﻭﻋﻪ : ﻻ ﻗﻠﺖ ﻧﺨﻠﻴﻚ ﺗﻜﻤﻞ ﻋﻤﻠﻚ ﺑﺮﺍﺣﺘﻚ
ﻣﺤﻤﺪ : ﻛﻨﺖ ﻓﻲ ﺍﻟﻤﺤﻼﺕ ﻧﺠﻴﺐ ﻗﻲ ﺷﻮﻳﻪ ﺣﺎﺟﺎﺕ
ﺭﻭﻋﻪ : ﺃﻫﺎ ﺗﻤﺎﻡ
ﻣﺤﻤﺪ : ﻭﻳﻦ ﺑﺎﺗﻲ ﻭ ﺍﻣﻲ ﻭ ﺍﻟﺒﻨﺎﺕ
ﺭﻭﻋﻪ : ﻋﻤﻮ ﻓﻲ ﺩﺍﺭﻩ ﻭ ﻣﻌﺎﻩ ﻟﻮﻣﻲ ﻭ ﺧﺎﻟﺘﻲ ﻣﻊ ﻣﺎﻣﺎ ﻓﻲ ﺩﺍﺭ ﺍﻟﻤﻌﻴﺸﻪ ﻭ ﺳﻮﻣﺎ ﻓﻲ ﺩﺍﺭﻫﺎ
ﻣﺤﻤﺪ : ﺗﻌﺎﻟﻲ ﻧﺒﻴﻚ ﺑﺎﻩ
ﺭﻭﻋﻪ : ﻭﻳﻦ
ﻣﺤﻤﺪ : ﺗﻌﺎﻟﻲ ﻓﻲ ﺍﻟﻤﺮﺑﻮﻋﻪ
ﻃﻠﻌﺖ ﺭﻭﻋﻪ ﻣﻌﺎﻩ ﻭ ﺳﻜﺮﻭ ﺍﻟﺒﺎﺏ ﺍﻟﻮﺳﻄﻲ ﻣﺘﺎﻉ ﺍﻟﺼﺎﻟﻪ v:
ﺭﻭﻋﻪ : ﺍﻧﺖ ﻋﺎﺭﻑ ﻟﻮ ﻣﺎﻣﺎ ﻓﻄﻨﺖ ﺗﻲ ﺗﻔﺮﻣﻨﺎ
ﻣﺤﻤﺪ : ﻣﻌﺎﻙ ﺭﺍﺟﻞ ﻳﺎ ﻋﺒﻴﻄﻪ
ﺭﻭﻋﻪ : ﺑﺎﻫﻲ ﻭﺭﻳﻨﻲ ﺷﻦ ﺷﺎﺭﻱ
ﻣﺤﻤﺪ : ﻫﺬﺍ ﻋﺸﺎﺀ ﻟﻨﺎ ﻭ ﻫﺬﺍ ﺩﺑﺶ
ﺭﻭﻋﻪ : ﻛﺬﺍ ﻛﺬﺍ
ﻣﺤﻤﺪ : ﻫﺎ ﺷﻦ ﺭﺃﻳﻚ ﻓﻲ ﺫﻭﻗﻲ v:
ﺭﻭﻋﻪ : ﺗﻬﺒﻞ ﺑﻜﻞ ﻫﺬﻩ ﺗﻲ ﺗﺠﻨﻦ ﺑﺎﻟﻠﻮﻥ ﺍﻻﺳﻮﺩ
ﻣﺤﻤﺪ : ﻋﺎﺭﻓﻚ ﺗﺤﺒﻲ ﻣﻦ ﻫﺬﻙ ﺍﻟﻴﻮﻡ ﺍﻟﻠﻲ ﻃﻠﻌﺘﻲ ﺍﻟﺴﻮﺭﻳﻪ
ﺭﻭﻋﻪ : ﻣﺎﺯﻟﺖ ﻣﺬﻛﺮﻫﺎ
ﻣﺤﻤﺪ : ﻫﺎ ﺁﻣﺎﻻ /:
ﺭﻭﻋﻪ : ﺃﺣﻤﻴﺪﻩ ﻛﻴﻒ ﻳﺒﻦ ﻳﻤﺸﻦ ﺍﻷﻳﺎﻡ ﺑﺪﻭﻧﻚ : ‏(
ﻣﺤﻤﺪ : ﻛﺎﻥ ﻣﺘﺰﻭﺟﻚ ﺭﺍ ﻣﺸﻴﺘﻲ ﻣﻌﺎﻧﺎ
ﺭﻭﻋﻪ : ﺻﺪﻗﺘﻚ |:
ﻣﺤﻤﺪ : ﻛﻨﻚ ﻳﺎ ﻓﺮﺧﻪ
ﺭﻭﻋﻪ : ﻉ ﺃﺳﺎﺱ ﺗﺒﻲ ﺍﻃﻠﻌﻨﻲ ﺃﺳﺎﺳﺎ
ﻣﺤﻤﺪ : ﻓﺎﻫﻢ ﺍﻟﻮﺿﻊ ﻳﻌﻨﻲ D:
ﺭﻭﻋﻪ : ﺣﺎﻓﻈﺘﻚ D:
ﻣﺤﻤﺪ : ﺑﺎﻫﻲ ﺑﻜﺮﺍ ﻣﺴﺎﻓﺮ ﺭﺍ
ﺭﻭﻋﻪ : ﻋﺎﺭﻓﺘﻚ ﻭ ﻭﺧﺮ ﻏﺎﺩﻱ
ﻣﺤﻤﺪ : ﻧﺒﻲ ﻧﻘﻮﻟﻚ ﺣﺎﺟﻪ ﻓﻲ ﻭﺫﻧﻚ ﺑﺲ D:
ﺭﻭﻋﻪ : ﺭﻳﺤﻨﺎ D:
ﻣﺤﻤﺪ : ﺣﺎﺟﻪ ﺳﻤﺤﻪ ﺭﺁ v:
ﺭﻭﻋﻪ : ﻗﻮﻝ ﻣﻦ ﻫﻨﺎ
ﻣﺤﻤﺪ : ﻣﺮﺍﺕ ﺣﺪ ﻳﺴﻤﻌﻨﺎ /:
ﺭﻭﻋﻪ : ﻫﺎﻩ ﻗﺮﺑﺖ ﻗﻮﻝ
ﻃﺒﻌﺎ ﻗﺮﺏ ﻣﻨﻬﺎ ﻭ ﺑﺎﺳﻬﺎ ﺳﺨﻴﻒ ﺍﻷﺩﺏ v:
ﻋﺰﻳﺰﻩ : ﺳﻮﻣﺎ ﻭﻳﻦ ﺭﻭﻋﻪ
ﺍﻧﺎ : ﺍﻛﻴﺪﻩ ﻣﻊ ﻟﻮﻣﻲ 3:
ﻋﺰﻳﺰﻩ : ﻛﻠﻤﻴﻬﺎ ﻟﻴﺎ
ﺍﻧﺎ : ﻫﻴﺎ ﻫﻲ
ﻣﺸﻴﺖ ﻟﻠﻤﺮﺑﻮﻋﻪ ﻻﻧﻲ ﻋﺎﺭﻓﺘﻬﻢ ﻏﺎﺩﻱ ﻭ ﺑﻌﺪ ﻓﺘﺤﺖ ﺍﻟﺒﺎﺏ
ﻣﺤﻤﺪ : ﻛﻴﻒ ﻣﺎ ﻗﺘﻠﻚ ﻋﺪﻱ ﺣﻄﻲ ﻋﺸﺎﺀ
ﺭﻭﻋﻪ : ﺣﺎﺿﺮ ﻫﻲ
ﺍﻧﺎ : ﻭ ﺍﻟﻠﻪ ؟؟ -_-
ﻣﺤﻤﺪ : ﻛﻨﻚ !
ﺃﻧﺎ : ﺍﺣﺴﺒﻮﻧﺎ ﻓﻲ ﺍﻟﻌﺸﺎﺀ ﺑﺲ D:
ﻣﺤﻤﺪ : D:
ﺭﻭﻋﻪ : ﺧﻮﻙ ﻫﺬﺍ ﺭﺁﻩ ﻣﺶ ﺍﻧﺎ
ﺍﻧﺎ : ﺑﺎﻩ ﺗﺒﻴﻚ ﺍﻣﻚ D:
ﻣﺤﻤﺪ : ﺧﻮﺫﻥ ﺍﻟﺸﻜﺎﻳﺮ ﻣﻌﺎﻛﻦ
ﺭﻭﻋﻪ : ﺣﺎﺿﺮ ﻳﺎ ﺭﻭﺣﻲ
ﺍﻧﺎ : ﻓﺶ ﺣﺸﻢ ﺑﻜﻞ o:
ﺭﻭﻋﻪ : ﺍﺣﻤﻤﻤﻢ *_^
ﺍﻧﺎ : ﺭﻭﻋﻪ ﻳﺎ ﻋﻤﺮﻱ ﺗﻌﺎﻟﻲ ﻫﻴﺎ D:
ﻣﺤﻤﺪ : ﻣﻄﺮﺷﻘﺎﺕ 3:
ﻃﻠﻌﻨﺎ ﻭ ﺣﻄﻴﻨﺎ ﺍﻟﻌﺸﺎﺀ ﺍﻟﻠﻲ ﺟﺎﻳﺒﻪ ﺍﺣﻤﻴﺪﻩ ﻭ ﺗﻌﺸﻴﻨﺎ ﻛﻠﻨﺎ ﻭ ﻣﺎﻣﺎ ﺑﺪﺕ ﺗﺒﻜﻲ ﻭ ﺗﺴﻜﺖ ﻓﻴﻬﺎ ﺧﺎﻟﺘﻲ
ﺧﺸﻴﺖ ﻟﺪﺍﺭ ﻭ ﺣﺴﻴﺖ ﺭﻭﺣﻲ ﻣﺨﻨﻮﻗﻪ ﻋﺰﻗﺖ ﺭﻭﺣﻲ ﺍﻟﺴﺮﻳﺮ ﻭ ﺩﻣﻮﻋﻲ ﻳﻨﺰﻟﻦ ﺑﺮﻭﺣﻬﻦ ﻭ ﺭﻗﺪﺕ
ﺇﻟﻬﺎﻡ : ﻛﻴﻒ ﺻﺎﺭ ﺭﻗﺪﺕ ﺍﻟﺤﻴﻮﺍﻧﻪ
ﺭﻭﻋﻪ : ﻓﻄﻨﺘﻠﻬﺎ ﺗﺒﻜﻲ ﻭ ﺳﻴﺒﺘﻬﺎ
ﺇﻟﻬﺎﻡ : ﻋﻠﻴﻚ ﻗﻬﺮ ﻭ ﺣﻖ ﺍﻟﻠﻪ
ﺭﻭﻋﻪ : ﻓﺘﺮﻩ ﻭ ﺗﻤﺸﻲ
ﺇﻟﻬﺎﻡ : ﻣﺶ ﻣﺘﻌﻮﺩﻩ ﺑﺲ ﻧﻘﻌﺪ ﺑﺮﻭﺣﻲ
ﺭﻭﻋﻪ : ﻭ ﻧﺤﻦ ﻭﻳﻦ ﻣﺸﻴﻨﺎ ﻭ ﺳﺎﻣﻲ
ﺇﻟﻬﺎﻡ : ﻣﺶ ﻧﻔﺲ ﺑﺲ
ﺭﻭﻋﻪ : ﻋﺪﻱ ﺻﻠﻲ ﻭ ﺍﺩﻋﻴﻠﻬﻢ
ﺇﻟﻬﺎﻡ : ﺭﺍﻳﺤﻪ ﺷﻴﺨﻪ ﻣﻦ ﻭﺭﺍﻳﺎ
ﺭﻭﻋﻪ : ﻣﺶ ﻛﺎﻥ ﻧﺤﺐ ﺧﻮﻙ ﻣﻌﻨﺎﻫﺎ ﺻﺎﻳﻌﻪ ﻳﺎ ﻗﺮﺩﻩ -_-
ﺇﻟﻬﺎﻡ : ﻫﺪﻱ ﺍﻋﺼﺎﺑﻚ D:
ﺭﻭﻋﻪ : ﻣﺎﺷﻴﻪ ﻧﺸﺮﺏ ﺍﻣﻴﻪ ﺗﻮ ﻧﺠﻲ
ﺇﻟﻬﺎﻡ : ﻭ ﺍﻧﺎ ﻧﺒﻲ ﻧﺼﻠﻲ ﻭ ﻧﺮﻗﺪ
ﺭﻭﻋﻪ : ﺯﻋﻤﻚ ﻣﺎﻣﺎ ﺭﻗﺪﺕ ؟
ﺇﻟﻬﺎﻡ : ﺃﻫﺎ ﺣﺘﻲ ﻣﺎﻣﺎ ﺭﺍﻗﺪﻩ
ﺭﻭﻋﻪ : ﺑﺎﻩ ﺗﻤﺎﻡ
ﺇﻟﻬﺎﻡ : ﻉ ﺷﻨﻮ ﻧﺎﻭﻳﻪ D:
ﺭﻭﻋﻪ : ﺗﻲ ﺷﻲ D:
ﺇﻟﻬﺎﻡ : ﺭﺩﻱ ﺑﺎﻟﻚ ﺑﺲ
ﺭﻭﻋﻪ : ﺑﺎﻫﻲ D:
ﺧﺸﺖ ﻟﻮﻣﻲ ﺗﻮﺿﺖ ﻭ ﺻﻠﺖ ﻭ ﺍﻷﻧﺴﻪ ﺭﻭﻋﻪ ﺗﺨﺒﻂ ﻓﻲ ﺍﻟﻤﻄﺒﺦ ﻭ ﺩﺍﻳﺮﻩ ﺭﻭﺣﻬﺎ ﺗﺸﺮﺏ
ﻣﺤﻤﺪ : ﻓﻴﺶ ﺍﺩﻳﺮﻱ
ﺭﻭﻋﻪ : ﻧﺸﺮﺏ ﻓﻲ ﺍﻣﻴﻪ
ﻣﺤﻤﺪ : ﻫﺬﺍ ﻛﻠﻪ ﺗﺸﺮﺑﻲ
ﺭﻭﻋﻪ : ﺣﺎﺳﺪﻧﻲ ﻉ ﻃﺸﺔ ﺍﻣﻴﻪ -_-
ﻣﺤﻤﺪ : ﻻ ﻏﻴﺮ ﻧﺤﺴﺎﺏ ﻓﻲ ﺷﻲ ﺣﺪ ﺳﺮﺍﻕ 3:
ﺭﻭﻋﻪ : ﺑﺎﻫﻲ ﻟﻴﺶ ﻣﺎﺯﻟﺖ ﻭﺍﻋﻲ ؟
ﻣﺤﻤﺪ : ﻧﻮﺗﻲ ﻓﻲ ﺃﺩﺑﺸﻲ
ﺭﻭﻋﻪ : ﻣﺎﺯﻟﺖ ﻣﺎ ﻛﻤﻠﺖ ﻭ ﻃﻴﺎﺭﺗﻜﻢ ﺑﻜﺮﺍ ﻓﻲ ﺍﻟﺼﺒﺢ
ﻣﺤﻤﺪ : ﻣﻌﺶ ﻋﺮﻓﺖ ﺷﻦ ﻧﺄﺧﺬ
ﺭﻭﻋﻪ : ﺗﻮ ﻧﺠﻲ ﻧﺴﺎﻋﺪﻙ
ﻣﺤﻤﺪ : ﻳﺎ ﺭﻳﺖ
ﺭﻭﻋﻪ : ﻣﻦ ﺗﻮﺍ ﻭ ﺍﻟﻠﻪ ﺗﻘﺮﺏ ﻣﻨﻲ ﻧﻮﺭﻳﻚ
ﻣﺤﻤﺪ : ﻏﻴﺮ ﺭﺍ ﺗﻘﻌﺪﻱ ﺗﺒﻜﻲ ﻭ ﺗﻘﻮﻟﻲ ﻧﺒﻲ ﺍﺣﻤﻴﺪﻩ D:
ﺭﻭﻋﻪ : ﻻ ﺍﻃﻤﻦ ﻣﺶ ﻩ ﻧﺒﻜﻲ p:
ﻣﺤﻤﺪ : ﺗﻮ ﻧﺸﻮﻓﻮ ﺑﺎﻩ
ﺭﻭﻋﻪ : ﻫﻴﺎ ﺑﺎﻩ
ﺧﺸﻮ ﻫﻤﺎ ﺍﻻﺗﻨﻴﻦ ﻟﺪﺍﺭ ﺍﺣﻤﻴﺪﻩ ﻭ ﻗﻌﺪﺕ ﺍﻃﻠﻊ ﻓﻲ ﺍﻟﺪﺑﺶ ﺍﻟﺸﻴﻦ ﻭ ﺗﺤﻂ ﻓﻴﻪ ﻓﻲ ﺍﻟﺸﻨﻄﻪ D:
ﻣﺤﻤﺪ : ﻧﺺ ﺍﻟﺪﺑﺶ ﺍﻟﻠﻲ ﺣﻄﻴﺘﻴﻪ ﻣﺴﻴﺒﻪ ﻣﻦ ﺯﻣﺎﻥ
ﺭﻭﻋﻪ : ﺗﻲ ﻳﻬﺒﻞ ﺑﻜﻞ ﻳﺎ ﺭﻭﺣﻲ
ﻣﺤﻤﺪ : ﺗﻲ ﻛﻨﻚ ﺍﻧﺘﻲ ﺣﻮﻟﻲ ﺗﻮ ﻧﺤﻂ ﺍﻧﺎ
ﺭﻭﻋﻪ : ﻋﺎﺭﻓﺘﻚ ﺗﺒﻲ ﺗﻤﺸﻲ ﺑﺪﺑﺶ ﺳﻤﺢ ﻋﺸﺎﻥ ﺍﻟﺘﻮﻧﺴﻴﺎﺕ )':
ﻣﺤﻤﺪ : ﺣﻲ ﻉ ﺍﻟﻬﺒﻠﻪ D:
ﺭﻭﻋﻪ : ﺑﻄﻞ ﺿﺤﻚ )':
ﻣﺤﻤﺪ : ﻧﻌﻠﻴﺎ ﻣﻨﻚ
ﺭﻭﻋﻪ : ﺃﺣﻤﻴﺪﻩ ﺭﺩ ﺑﺎﻟﻚ : ‏(
ﻣﺤﻤﺪ : ﺗﻲ ﻃﺎﻳﺢ ﻓﻴﻚ ﺑﻮﺟﻲ ﻛﻨﻚ ﻫﻜﻲ
ﺭﻭﻋﻪ : ﻳﻌﻨﻲ ﻣﺶ ﻩ ﺗﺒﺤﺖ ﻓﻲ ﺃﻱ ﺑﻨﺖ !
ﻣﺤﻤﺪ : ﻻ ﻫﻜﻲ ﻭﺍﺟﺪ D:
ﺭﻭﻋﻪ : -_-
ﻣﺤﻤﺪ : ﻧﺒﺤﺖ ﻣﻦ ﺑﻌﻴﺪ ﺑﺲ v:
ﺭﻭﻋﻪ : ﻫﺬﻩ ﺍﻟﻠﻲ ﺑﻴﻨﻲ ﻭ ﺑﻴﻨﻚ ﺍﻓﻄﻦ
ﻣﺤﻤﺪ : ﻻ ﺟﺪﻳﺎﺕ ﻣﺶ ﻓﻲ ﺣﺎﻝ ﻧﺪﻭﺭ ﺑﻨﺎﺕ
ﺭﻭﻋﻪ : ﺑﺎﻩ ﻛﻮﻳﺲ
ﻣﺤﻤﺪ : ﺣﻄﻴﻠﻲ ﺍﻟﺪﺑﺶ ﺍﻟﺠﺪﻳﺪ
ﺭﻭﻋﻪ : ﺑﺎﻩ 3:
ﻣﺤﻤﺪ : ﺭﻭﻋﺘﻲ ﺷﻦ ﺭﺃﻳﻚ ﺗﺮﻗﺪﻱ ﻫﻨﺎ
ﺭﻭﻋﻪ : ﺗﺬﻛﺮ ﺷﻦ ﺻﺎﺭ ﺍﻟﻤﺮﻩ ﺍﻟﻠﻲ ﻓﺎﺗﺖ ﺧﻄﺎﻧﻲ
ﻣﺤﻤﺪ : ﺭﺁ ﻧﺒﺤﺖ ﻓﻲ ﺍﻟﺘﻮﻧﺴﻴﺎﺕ D:
ﺭﻭﻋﻪ : ﺑﻴﺶ ﻧﻄﻠﻌﻠﻚ ﻋﻴﻮﻧﻚ : ‏)
ﻣﺤﻤﺪ : ﻧﻬﻮﻥ ﻋﻠﻴﻚ ﻳﺎ ﻋﻴﻮﻧﻲ D:
ﺭﻭﻋﻪ : ﺷﻦ ﺟﺎﺩ ﻋﻠﻴﻚ ﻓﻲ ﻩ ﺍﻟﻠﻴﻞ
ﻣﺤﻤﺪ : ﻳﻌﻨﻲ ﻗﺎﻋﺪﻩ ﻗﺪﺍﻣﻲ ﺑﻨﺖ ﻃﺮﻑ ﻫﻜﻲ ﻭ ﺷﻌﺮﻫﺎ ﻃﻮﻳﻞ ﻭ ﺩﺍﺭ ﻣﺴﻜﺮﻩ ﺷﻦ ﺗﺒﻴﻨﻲ ﻧﻔﻜﺮ v:
ﺭﻭﻋﻪ : ﺗﺼﺒﺢ ﻉ ﺧﻴﺮ D:
ﻣﺤﻤﺪ : ﻏﻴﺮ ﺗﻌﺎﻟﻲ D:
ﺭﻭﻋﻪ : ﺑﻜﺮﺍ ﺗﻮ ﺍﻧﻮﺿﻚ ﻫﻴﺎ ﺑﻴﺒﺎﻱ *:
ﻃﻠﻌﺖ ﺭﻭﻋﻪ ﻭ ﺧﺸﺖ ﺭﻗﺪﺕ ﻭ ﺍﺣﻤﻴﺪﻩ ﻳﻔﻜﺮ ﻓﻴﻬﺎ ﻭ ﺍﻧﻪ ﺑﻌﺪ ﻧﺮﻭﺣﻮ ﻳﺒﻲ ﻳﺨﻄﺒﻬﺎ
ﻧﻀﺖ ﺗﺎﻧﻲ ﻳﻮﻡ ﻭ ﻟﻘﻴﺖ ﺑﺎﺑﺎ ﻭﺍﻋﻲ ﻭ ﻣﺎﻣﺎ ﻗﺎﻋﺪﻩ ﺟﻨﺒﻪ ﻭ ﺗﺒﻜﻲ
ﺻﻠﻴﺖ ﻭ ﻟﺒﺴﺖ ﻭ ﻛﻞ ﺣﺎﺟﻪ ﻭﺍﺗﻴﻪ ﻭ ﺳﻲ ﺍﺣﻤﻴﺪﻩ ﺭﺍﻗﺪ 3:
ﺩﻕ ﺍﻟﺒﺎﺏ ﻭ ﻓﺘﺤﺖ ﻟﻮﻣﻲ ﻭ ﻛﺎﻥ ﺳﺎﻣﻲ ، ﻗﻌﺪﺕ ﺗﻬﺪﺭﺯ ﻣﻌﺎﻩ ﻓﻲ ﺍﻟﻤﺮﺑﻮﻋﻪ ﻭ ﺑﻌﺪﻫﺎ ﺟﺎ ﻋﻤﻲ ﻭ ﻋﻠﻲ ﻭ ﺭﺍﺟﻞ ﺧﺎﻟﺘﻲ ﻭ ﺳﻌﺪ
ﻓﻲ ﺍﻟﻮﻗﺖ ﻫﺬﺍ ﻛﺎﻧﺖ ﺭﻭﻋﻪ ﺗﻨﻮﺽ ﻓﻲ ﺍﺣﻤﻴﺪﻩ ﻭ ﺍﺗﺤﺪﺩ ﻓﻲ ﻟﺒﺴﺘﻪ ﺍﻟﻠﻲ ﻳﺒﻲ ﻳﻤﺸﻲ ﺑﻴﻬﺎ
ﻧﺎﺽ ﻓﻄﺮ ﻭ ﻻ ﻛﺄﻧﻪ ﻭﺭﺍﻧﺎ ﺣﺎﺟﻪ ، ﺑﻌﺪ ﻟﺒﺴﺖ ﻗﻌﺪﺕ ﻧﺮﻥ ﻉ ﻣﺮﻋﻲ ﻭ ﻣﺎ ﻳﺮﺩﺵ
ﺳﺄﻟﺖ ﺳﺎﻣﻲ ﻋﻠﻴﻪ ﻭ ﻗﺎﻟﻲ ﻉ ﺃﺳﺎﺱ ﻛﺎﻥ ﻳﺒﻲ ﻳﺠﻲ ﻉ ﻫﻨﺎ
ﺳﻠﻤﻨﺎ ﻉ ﻣﺎﻣﺎ ﻭ ﻟﻮﻣﻲ ﻭ ﺧﺎﻟﺘﻲ ﻭ ﺭﻭﻋﻪ ﻭ ﻃﺒﻌﺎ ﺩﺍﻳﺮﻳﻦ ﻋﺰﺍﺀ ﻛﻠﻨﺎ ﻭ ﻃﻠﻌﻨﺎ
ﺭﻛﺒﺖ ﺍﻧﺎ ﻭ ﺑﺎﺑﺎ ﻣﻊ ﻋﻤﻲ ﻭ ﺍﺣﻤﻴﺪﻩ ﻣﻊ ﺳﺎﻣﻲ
ﻃﻮﻝ ﺍﻟﻄﺮﻳﻖ ﻧﺠﺮﺏ ﻧﺮﻥ ﻉ ﻣﺮﻋﻲ ﻭ ﻣﺎ ﺻﺎﺭ ﺷﻲ
ﻣﻦ ﻗﺒﻞ ﺣﺘﻲ ﻟﻤﺎ ﻳﻜﻮﻥ ﻣﺶ ﻓﺎﺿﻲ ﻳﻌﻄﻴﻨﻲ ﻣﺸﻐﻮﻝ ﻭ ﻻ ﻳﺪﺯ ﻣﺴﺞ ، ﻭ ﻣﺘﻔﻘﻴﻦ ﺍﻧﻪ ﻳﺠﻲ ﻣﻌﺎﻧﺎ ﻋﻨﺪ ﺍﻟﻤﻄﺎﺭ
ﻭﺻﻠﻨﺎ ﻟﻠﻤﻄﺎﺭ ﻭ ﻗﻌﺪﻧﺎ ﻓﻲ ﺻﺎﻟﺔ ﺍﻻﻧﺘﻈﺎﺭ ﻭ ﺍﻧﺎ ﻋﻘﻠﻲ ﻣﻊ ﻣﺮﻋﻲ
ﺑﺎﺑﺎ ﻗﻌﺪ ﻳﺴﺄﻝ ﻭﻳﻘﻮﻝ ﻭﻳﻦ ﻣﺮﻋﻲ ﻭ ﺳﺎﻣﻲ ﻳﻘﻮﻝ ﺍﻛﻴﺪﻩ ﻗﺎﻋﺪ ﻓﻲ ﺍﻟﻄﺮﻳﻖ
ﺧﻼﺹ ﻛﻤﻠﻮ ﻛﻞ ﺍﻹﺟﺮﺍﺀﺍﺕ ﻭ ﻣﺎﺯﺍﻝ ﺃﻗﻞ ﻣﻦ ﺭﺑﻊ ﺳﺎﻋﻪ ﻭ ﻧﺮﻛﺒﻮ ﺍﻟﻄﻴﺎﺭﻩ
ﺍﺣﻤﻴﺪﻩ ﻗﻌﺪ ﻳﺒﺮﻡ ﻓﻲ ﺍﻟﺼﺎﻟﻪ ﻭ ﻳﺤﻜﻲ ﻣﻊ ﺭﻭﻋﻪ ﻭ ﺍﻧﺎ ﻧﺒﺤﺖ ﻓﻲ ﺳﺎﻣﻲ ﻭ ﻧﻘﻮﻟﻪ ﺍﺣﺴﺎﺳﻲ ﺍﻧﻪ ﺻﺎﻳﺮﺗﻠﻪ ﺣﺎﺟﻪ
ﺧﻼﺹ ﻗﻌﺪﻭ ﻳﻨﺎﺩﻭ ﻉ ﺍﻟﺮﺣﻠﻪ ﻣﺘﺎﻋﻨﺎ ﻭ ﺻﺒﻴﺖ ﺍﻧﺎ ﻭ ﻋﻤﻲ ﺍﺿﺒﻄﻨﻲ ﻭ ﻣﺎﺳﻚ ﺩﻣﻌﺘﻪ
ﺍﺣﻤﻴﺪﻩ ﻳﺪﻑ ﻓﻲ ﺍﻟﻜﺮﺳﻲ ﻣﺘﺎﻉ ﺑﺎﺑﺎ ﻭ ﻣﺎﺳﻜﻪ ﻓﻮﻧﻲ ﻧﺮﺍﺟﻲ ﻓﻲ ﻣﺴﺞ ﻣﻨﻪ ﻭ ﻣﺎ ﻓﻲ ﺷﻲ
ﻛﺘﺒﺘﻠﻪ " ﺑﺎﺭﻙ ﺍﻟﻠﻪ ﻓﻴﻚ ﻋﻠﻰ ﻛﻞ ﺷﻲﺀ ﻭ ﺧﻠﻴﺖ ﻣﻨﻈﺮﻱ ﻳﻌﻲ ﺑﻜﻞ ، ﺳﻼﻡ "
ﺑﺎﻥ ﻋﻨﺪﻱ ﺃﻥ ﺍﻟﻤﺴﺞ ﻭﺻﻞ ﻭ ﺳﻤﻌﺖ ﺻﻮﺕ ﻭﺍﺣﺪ ﻳﻘﻮﻝ " ﻋﻴﻨﻚ ﻣﻨﻬﺎ ﻳﺎ ﺍﺣﻤﻴﺪﻩ "
ﻳﺘﺒﻊ . .

#ﺭﻭﺁﻳﺎﺕ ﺃﻧﺜﻰ ﺷﺮﻗﯿﺔﻩ💚