#ﺭﻭﺁﻳﺎﺕ ﺃﻧﺜﻰ ﺷﺮﻗﯿﺔﻩ💚
| ~ ﺁﺩﻣﻨﺘﮓ ~ |
ﺍﻟﺤﻠﻘﮩﮧ ﺍﻟﺨﺎﻣﺴﻬﻪ ﻋﺸﺮ ~
ﻣﺮﻋﻲ : ﺑﺲ ﻗﺒﻞ ﺍﻟﺤﺎﺟﻪ ﺍﻟﺮﺳﻤﻴﻪ ﻻﺯﻡ ﺗﻌﺮﻓﻲ ﺣﺎﺟﻪ ﺍﻧﺘﻲ ﻣﺶ ﻋﺎﺭﻓﺘﻴﻬﺎ ﻣﻦ ﻗﺒﻞ
ﺍﻧﺎ : ﺷﻦ ﻓﻲ ﺧﻮﻓﺘﻨﻲ !
ﻣﺮﻋﻲ : ﺍﻧﺘﻲ ﺗﺤﺴﺎﺑﻲ ﺍﻭﻝ ﻣﺮﻩ ﺭﻧﻴﺖ ﻋﻠﻴﻚ ﻛﺎﻧﺖ ﺑﺎﻟﺼﺪﻓﻪ
ﺍﻧﺎ : ﻫﺎ ﺍﻣﺎﻻ
ﻣﺮﻋﻲ : ﺣﺴﻦ ﻫﻮﺍ ﺍﻟﻠﻲ ﻋﺎﻃﻴﻨﻲ ﺍﻟﺮﻗﻢ
ﺍﻭﻝ ﻣﺎ ﺳﻤﻌﺖ ﺍﺳﻢ ﺣﺴﻦ ﻣﻌﺶ ﻗﺪﺭﺕ ﻧﻔﻜﺮ ﻭ ﻻ ﻧﺸﻮﻑ ﺷﻲ ﻗﺪﺍﻣﻲ ﻭ ﺳﻜﺮﺕ ﻓﻲ ﻭﺟﻪ
ﻳﻌﻨﻲ ﻛﻠﻪ ﻛﺬﺏ ، ﺣﺒﻪ ﻟﻴﺎ ﻛﺬﺏ ﻭ ﻋﻼﻗﺘﻨﺎ ﻛﺬﺏ ، ﻟﻴﺶ ﻣﺎ ﺻﺎﺭﺣﻨﻲ ﻣﻦ ﺍﻷﻭﻝ
ﻛﻨﺖ ﺣﺎﺳﻪ ﺍﻧﻪ ﻓﻲ ﺣﺎﺟﻪ ﻣﺶ ﺗﻤﺎﻡ ﺑﺲ ﺑﻌﺪ ﺗﻌﻠﻘﺖ ﻓﻴﻪ ﻣﻌﺶ ﻓﻜﺮﺕ ﻓﻲ ﺷﻲ ﻏﻴﺮﻩ
ﻟﻴﺶ ﻳﺎ ﺭﺑﻲ ﺍﻟﻘﻬﺮ ﻫﺬﺍ
ﻗﻌﺪ ﻳﺮﻥ ﻭ ﺍﻧﺎ ﻣﺶ ﻗﺎﺩﺭﻩ ﻧﺮﺩ ﻭ ﻻ ﻧﺴﺘﻮﻋﺐ ﻛﻴﻒ ﻃﻠﻌﺖ ﻫﺒﻠﻪ ﻭ ﺿﺤﻚ ﻋﻠﻴﺎ ﻫﻜﻲ
ﺩﺭﺕ ﺭﻭﺣﻲ ﺗﻐﻴﺮﺕ ﺑﻌﺪ ﻗﺼﺘﻲ ﺍﻷﻭﻟﻰ ﻭ ﻋﺮﻓﺖ ﻛﻴﻒ ﻧﺨﺘﺎﺭ ﺍﻟﻨﺎﺱ ﺑﺲ ﺍﻧﺨﺪﻋﺖ ﻓﻴﻪ
ﻗﻌﺪ ﻳﺪﺯ ﻓﻲ ﻣﺴﺠﺎﺕ ﺭﺩﻱ ﻭ ﻧﺒﻴﻚ ﻭ ﻧﺒﻲ ﻧﻔﻬﻤﻚ ﺷﻦ ﻓﻴﻪ ﻭ ﺍﻧﺎ ﻓﺎﻳﺘﻪ
ﻋﻨﺪ ﺁﺧﺮ ﻣﺴﺞ " ﻛﺎﻥ ﻣﺎ ﺗﺮﺩﻱ ﻩ ﻧﻤﺸﻲ ﻟﻤﺤﻤﺪ ﻭ ﻧﺘﻔﺎﻫﻢ ﻣﻌﺎﻩ "
ﻓﻜﺮﺕ ﻓﻲ ﺑﺎﺑﺎ ﻭ ﻣﺶ ﻧﺎﻗﺼﻨﺎ ﺷﻲ ﻣﺸﻜﻠﻪ ﺁﺧﺮﻩ ﻭ ﺭﺩﻳﺖ ﻋﻠﻴﻪ
ﺍﻧﺎ : ﻧﻌﻢ ﺷﻦ ﺗﺒﻲ !
ﻣﺮﻋﻲ : ﺳﻮﻣﺎ ﺍﺳﻤﻌﻴﻨﻲ ﻟﻼﺧﻴﺮ ﻭ ﺑﻌﺪﻫﺎ ﺳﻜﺮﻱ
ﺍﻧﺎ : ﺗﻔﻀﻞ ؟
ﻣﺮﻋﻲ : ﺍﻧﺎ ﺭﺍﺟﻞ ﻭ ﻣﺶ ﻋﻴﻞ ﻓﻲ ﺍﻟﻨﻬﺎﻳﻪ ﺭﺍ ﻫﺬﺍ ﻟﻴﺶ ﻗﺮﺭﺕ ﻧﺤﻜﻴﻠﻚ
ﺍﻧﺎ : ﺃﻫﺎ ﺑﺎﻳﻦ ﺍﻧﻚ ﺭﺍﺟﻞ !!
ﻣﺮﻋﻲ : ﺭﺍﺟﻞ ﻭ ﻧﺺ ﻭ ﺣﺘﻲ ﻣﻮﻗﻔﻲ ﻣﻊ ﺣﺴﻦ ﻛﻨﺖ ﻧﺒﻲ ﻧﺪﻳﺮ ﻣﻌﺎﻩ ﻟﻘﻄﺔ ﺭﺟﻮﻟﻪ
ﺍﻧﺎ : ﻫﻪ ﻭ ﺑﻌﺪﻫﺎ !
ﻣﺮﻋﻲ : ﺍﻧﺎ ﺷﺎﻳﻔﻚ ﻣﻦ ﻗﺒﻞ ﻣﻌﺎﻩ ﻓﻲ ﺍﻟﺠﺎﻣﻌﻪ ﻭ ﻗﺘﻠﻪ ﺗﺒﻴﻬﺎ ﻭ ﻻ ﻻ ! ﻗﺎﻟﻲ ﻧﻤﺸﻲ ﻓﻲ ﻭﻗﺘﻲ ﻣﻌﺎﻫﺎ ﺑﻨﺖ ﺻﻐﻴﺮﻩ ﻭ ﺍﻧﺎ ﺍﻭﻝ ﺷﺎﺏ ﻓﻲ ﺣﻴﺎﺗﻬﺎ
ﺍﻧﺎ : ﻩ ﺍﻟﺤﻴﻮﺍﻥ ﻫﺬﺍ
ﻣﺮﻋﻲ : ﻗﺘﻠﻪ ﻃﺎﻟﻤﺎ ﺻﻐﻴﺮﻩ ﻭ ﺍﻧﺖ ﺍﻭﻝ ﻭﺍﺣﺪ ﺷﻦ ﺗﺒﻲ ﺃﻛﺜﺮ ﻣﻦ ﻫﻜﻲ ﺍﻣﺸﻲ ﺍﺧﻄﺒﻬﺎ ، ﻗﺎﻟﻲ ﻧﺨﻄﺐ ﻭﺣﺪﻩ ﺧﺎﻧﺖ ﺛﻘﻪ ﻫﻠﻬﺎ ﻋﺸﺎﻧﻲ
ﺍﻧﺎ : ﻫﻪ ﻋﻴﻞ ﻣﻦ ﻳﻮﻣﻪ
ﻣﺮﻋﻲ : ﻉ ﺍﻟﻌﻤﻮﻡ ﻭﻗﺘﻬﺎ ﻣﻌﺶ ﻋﺪﻟﺖ ﻉ ﺍﻟﻘﺼﻪ ﻋﻨﺪ ﻋﺮﻓﺖ ﺍﻧﻪ ﺧﻮﻙ ﺿﺎﺭﺑﻪ ﻭ ﻫﻮﺍ ﻓﺎﺗﻚ ﻋﺸﺎﻥ ﺧﺎﻑ ﻣﻨﻪ ﺑﺲ ﻣﺎﺯﺍﻝ ﺣﺎﻃﻚ ﻓﻲ ﺭﺃﺳﻬﺎ ﻋﺸﺎﻥ ﻳﻘﻬﺮ ﺧﻮﻙ ﺑﺲ ﺍﻧﺘﻲ ﻣﻌﺶ ﻋﺒﺮﺗﻴﻪ
ﺍﻧﺎ : ﺍﻟﺨﻼﺻﻪ ؟
ﻣﺮﻋﻲ : ﻗﺎﻟﻲ ﺍﻛﻴﺪﻩ ﻓﻲ ﻭﺍﺣﺪ ﺁﺧﺮ ﻓﻲ ﺣﻴﺎﺗﻬﺎ ، ﻫﺎﻙ ﺍﻟﺮﻗﻢ ﻭ ﺟﺮﺏ ﻃﻴﺤﻬﺎ
ﺍﻧﺎ : ﺍﺗﻔﻪ ﻣﻦ ﺑﻌﻀﻜﻢ ﻭ ﺭﺑﻲ
ﻣﺮﻋﻲ : ﺍﺑﺘﺴﺎﻡ ﻣﺶ ﺷﻮﺭﻱ ﺍﻧﺎ ﻛﻨﺖ ﻧﺒﻲ ﻧﺪﻳﺮ ﻟﻘﻄﻪ ﻣﻊ ﺻﺂﺣﺒﻲ ﺑﺲ
ﺍﻧﺎ : ﻫﻬﻬﻪ ﻭ ﺍﻧﺎ ﻛﻴﻒ ﺍﻟﻬﺒﻠﻪ ﻃﺤﺖ ﻋﺎﺩ
ﻣﺮﻋﻲ : ﻗﺎﻟﻲ ﻛﺎﻥ ﻃﺎﺣﺖ ﻭ ﺳﻠﻜﺖ ﻣﻌﺎﻙ ﻣﻌﻨﺎﻫﺎ ﻣﻔﺶ ﺣﺪ ﻓﻲ ﺣﻴﺎﺗﻬﺎ ﻃﻴﺤﻬﺎ ﻭ ﻓﻮﺗﻬﺎ ﻋﺸﺎﻥ ﺗﻨﻘﻬﺮ ﺑﺲ
ﺍﻧﺎ : ﺃﻗﺴﻢ ﺑﺮﺑﻲ ﻣﺼﺪﻭﻣﻪ
ﻣﺮﻋﻲ : ﺑﻌﺪ ﺑﺪﻳﺖ ﻧﺤﻜﻲ ﻣﻌﺎﻙ ﻭ ﻃﻠﻌﺘﻲ ﺑﻨﺖ ﻛﻮﻳﺴﻪ ﻭ ﺭﺑﻲ ﺷﺎﻫﺪ ﻋﻠﻴﺎ ﻛﻴﻒ ﺣﺒﻴﺘﻚ ، ﻗﺘﻠﻪ ﺍﻟﺒﻨﺖ ﻓﺎﺗﺘﻨﻲ ﻣﻦ ﺍﻷﻭﻝ ﺷﻜﻠﻬﺎ ﻣﺨﻄﻮﺑﻪ ﺭﺍ ﻭ ﻣﻌﺶ ﺣﻜﻴﺘﻠﻪ ﻋﻠﻴﻚ ﺑﻜﻞ
ﺍﻧﺎ : ﻭ ﺗﻮﺍ ﺷﻦ ﺗﺒﻲ ﻣﻨﻲ
ﻣﺮﻋﻲ : ﻧﺒﻴﻚ ﺍﻧﺘﻲ ، ﺍﺑﺘﺴﺎﻡ ﻭ ﺣﻖ ﺭﺑﻲ ﻧﺤﺒﻚ ﻫﺬﺍ ﻟﻴﺶ ﻗﻠﺖ ﻻﺯﻡ ﺗﻌﺮﻓﻲ ﻗﺒﻞ ﻣﺎ ﻧﺮﺗﺒﻄﻮ ﺭﺳﻤﻲ
ﺍﻧﺎ : ﻳﺎ ﺭﻳﺘﻚ ﻣﺎ ﺣﻜﻴﺖ ﺑﻜﻞ
ﻣﺮﻋﻲ : ﺍﻧﺎ ﺻﺎﺡ ﻛﻨﺖ ﻧﺒﻲ ﻧﺠﺮﺑﻚ ﻭ ﻧﻔﻮﺗﻚ ﺑﺲ ﻭ ﺍﻟﻠﻪ ﺗﻌﻠﻘﺖ ﺑﻴﻚ ﻭ ﺁﺩﻣﻨﺘﮓ ﻳﺎ ﺳﻮﻣﺎ
ﺍﻧﺎ : ﻫﻪ ﺁﺩﻣﻨﺘﮓ !
ﻣﺮﻋﻲ : ﺭﻭﺣﻲ ﺍﻧﺘﻲ ﻭ ﺍﻟﻠﻪ ﻧﺤﺒﻚ ﻳﺎ ﻓﺮﺧﻪ
ﺍﻧﺎ : ﺣﺘﻲ ﺍﻧﺎ ﻛﻨﺖ ﻧﺤﺒﻚ
ﻣﺮﻋﻲ : ﻣﺶ ﺑﺠﻮﻙ
ﺍﻧﺎ : ﺁﺧﺮ ﺣﺪ ﻧﺘﻮﻗﻌﻪ ﻳﻠﻌﺐ ﺑﻴﺎ ﺍﻧﺖ ﻳﺎ ﻣﺮﻋﻲ !
ﻣﺮﻋﻲ : ﻋﺎﺭﻑ ﺭﻭﺣﻲ ﻏﻠﻄﺎﻥ ﺑﺲ ﻣﺎ ﻋﻨﺪﻱ ﻣﺎ ﻧﺪﻳﺮ
ﺍﻧﺎ : ﻻ ﻋﻨﺪﻙ ، ﺍﻧﻚ ﺗﻔﻮﺗﻨﻲ ﺧﻴﺮﻟﻚ
ﻣﺮﻋﻲ : ﺗﻲ ﻛﻴﻒ ﻧﻔﻮﺗﻚ ﻭ ﺍﻧﺘﻲ ﻩ ﺗﻘﻌﺪﻱ ﻣﺮﺍﺗﻲ
ﺍﻧﺎ : ﺍﺣﻠﻢ ﻫﻨﺎ ﻋﻨﺪﻙ
ﻣﺮﻋﻲ : ﺳﻮﻣﺘﻲ
ﺍﻧﺎ : ﻟﻮ ﺗﺤﺒﻨﻲ ﺑﺠﺪ ﻓﻮﺗﻨﻲ ﻭ ﺧﻠﻴﻨﻲ ﻓﻲ ﺣﺎﻟﻲ " ﻭ ﺳﻜﺮﺕ ﻣﻨﻪ ﻭ ﻗﻔﻠﺖ ﻓﻮﻧﻲ "
ﺣﺴﻴﺖ ﺭﻭﺣﻲ ﻟﻌﺒﻪ ﻭ ﺑﻨﺖ ﻣﺎ ﺗﺴﻮﻯ ﺷﻲ ﻟﺪﺭﺟﺔ ﺃﻧﻪ ﻛﻤﺸﺔ ﻓﺮﻭﺥ ﻳﻠﻌﺒﻮ ﺑﻴﺎ
ﺑﻜﻴﺖ ﻳﻮﻣﻬﺎ ﻋﻨﺪ ﻃﺎﺡ ﺳﻌﺪﻱ
ﻗﻌﺪﺕ ﻓﻲ ﺍﻟﺤﻮﺵ ﻣﺎﺩﻩ ﻭﺟﻲ ﻭ ﺧﻼﺹ ﻭ ﺃﻱ ﺣﺪ ﻳﺤﻜﻲ ﻣﻌﺎﻳﺎ ﻣﺎ ﻧﺮﺩﺵ
ﻣﺎﻣﺎ : ﺳﻮﻣﺎ ﻛﻨﻚ
ﺇﻟﻬﺎﻡ : ﻣﻦ ﺑﺪﺭﻱ ﺟﻮﻫﺎ ﻣﺶ ﺗﻤﺎﻡ
ﻣﺎﻣﺎ : ﺳﻮﻣﺎ ﺷﻦ ﻓﻲ ؟
ﺑﺎﺑﺎ : ﻛﻨﻬﺎ ﺍﺑﻨﻴﺘﻲ
ﺇﻟﻬﺎﻡ : ﺗﻲ ﺍﻧﺘﻲ ﻳﺎ ﻓﺮﺧﻪ ﺍﺣﻜﻲ
ﺍﻧﺎ : ﻧﺒﻲ ﻧﺮﻗﺪ ﺑﺲ
ﺧﺸﻴﺖ ﻟﺪﺍﺭ ﻭ ﻗﻌﺪﺕ ﻧﺒﻜﻲ ﻋﻨﺪ ﻧﻌﺴﺖ ﻭ ﻣﺎ ﻓﻄﻨﺖ ﺇﻻ ﺗﺎﻧﻲ ﻳﻮﻡ ﻓﻲ ﺍﻟﺼﺒﺢ
ﺃﺳﻮﺀ ﻳﻮﻡ ﻳﻤﺮ ﻓﻲ ﺣﻴﺎﺗﻲ ﺑﻌﺪ ﻳﻮﻡ ﺍﻟﻠﻲ ﻣﺮﺽ ﻓﻴﻪ ﺑﺎﺑﺎ
ﺗﻮﺿﻴﺖ ﻭ ﺻﻠﻴﺖ ﻭ ﻗﻌﺪﺕ ﻧﺪﻋﻲ ﺍﻧﻪ ﻟﻮ ﻓﻴﻪ ﺷﺮ ﻟﻴﺎ ﺭﺑﻲ ﻳﺒﻌﺪﻩ ﻋﻨﻲ ﻭ ﻟﻮ ﻓﻴﻪ ﺧﻴﺮ ﻳﺮﺩﻧﺎ ﻟﺒﻌﻀﻨﺎ
ﻣﺎﻣﺎ : ﺗﻘﺒﻞ ﺍﻟﻠﻪ
ﺍﻧﺎ : ﻣﻨﺎ ﻭ ﻣﻨﻚ ﻳﺎ ﺭﺏ
ﻣﺤﻤﺪ : ﺳﻮﻣﺎ ﻣﻦ ﺃﻣﺲ ﺟﻮﻙ ﻣﺶ ﺗﻤﺎﻡ
ﺍﻧﺎ : ﻻ ﻣﺎ ﻓﻲ ﺷﻲ
ﻣﺤﻤﺪ : ﺗﻲ ﺷﻦ ﻓﻲ ؟
ﺍﻧﺎ : ﻣﺎ ﻓﻲ ﺷﻲ ﻗﻠﺖ
ﺇﻟﻬﺎﻡ : ﺳﻮﻣﺎ ﻭ ﺍﻟﻨﺒﻲ ﻣﺎ ﺗﺸﻐﻠﻴﻨﺎ
ﺍﻧﺎ : ﻳﺎ ﻋﻠﻴﻚ ﻗﺼﻪ
ﻣﺤﻤﺪ : ﺑﻌﺪ ﺧﻄﺮﻫﺎ ﺭﻥ ﻋﻠﻴﺎ ﺳﺎﻣﻲ
ﻣﺎﻣﺎ : ﻛﻨﻪ ؟
ﻣﺤﻤﺪ : ﻗﺎﻝ ﻧﺒﻲ ﻧﺤﻜﻲ ﻣﻊ ﺇﻟﻬﺎﻡ ﻉ ﺍﻟﺘﻠﻴﻔﻮﻥ
ﻣﺎﻣﺎ : ﺧﻼﺹ ﺭﺍﺟﻠﻬﺎ ﻳﻌﺘﺒﺮ
ﻣﺤﻤﺪ : ﻋﺎﺭﻑ
ﺑﺎﺑﺎ : ﻣﺎ ﻓﻴﺶ ﻣﺸﻜﻠﻪ
ﺍﻧﺎ : ﺑﺎﺑﺎ ﺷﻦ ﺣﺎﺳﺲ ﺭﻭﺣﻚ ﺗﻮﺍ
ﺑﺎﺑﺎ : ﺍﻟﺤﻤﺪ ﻟﻠﻪ
ﺍﻧﺎ : ﻣﺎ ﻓﺶ ﺃﻱ ﺗﺤﺴﻦ ﺻﺎﺡ ؟
ﻣﺤﻤﺪ : ﺣﺠﺰﺗﻠﻪ ﻉ ﻋﻼﺝ ﻃﺒﻴﻌﻲ
ﺍﻧﺎ : ﻧﺴﻔﺮﻭﻩ ﻟﺘﻮﻧﺲ ﺧﻴﺮ
ﺑﺎﺑﺎ : ﻻﻻ ﻣﺎ ﻓﺶ ﺩﺍﻋﻲ
ﻣﺤﻤﺪ : ﺣﺘﻲ ﺗﻮﻧﺲ ﺑﺎﻩ ﻣﺎ ﻓﺶ ﺃﻱ ﻣﺸﻜﻠﻪ
ﻭ ﺍﻧﺎ ﻧﺒﺤﺖ ﻓﻲ ﺑﺎﺑﺎ ﺻﻮﺭﺓ ﻣﺮﻋﻲ ﺑﻴﻦ ﻋﻴﻮﻧﻲ ، ﻛﻴﻒ ﺳﺎﻋﺪ ﺑﺎﺑﺎ ﻋﺸﺎﻧﻲ ﻭ ﻛﻴﻒ ﻛﺎﻥ ﻳﺠﻲ ﻭ ﺧﺶ ﺣﻮﺷﻨﺎ ، ﻳﻌﻨﻲ ﻫﺬﺍ ﻛﻠﻪ ﻟﻌﺒﻪ ﻋﺸﺎﻥ ﻳﻮﺻﻞ ﺍﻟﻠﻲ ﻓﻲ ﺭﺃﺳﻪ ﻭ ﺩﻣﻮﻋﻲ ﻳﻨﺰﻟﻦ ﺑﺮﻭﺣﻬﻦ
ﻣﺎﻣﺎ : ﺑﺴﻢ ﺍﻟﻠﻪ ﻛﻨﻚ
ﻣﺤﻤﺪ : ﺗﻲ ﻟﻴﺶ ﺗﺒﻜﻲ ﺗﻮﺍ
ﺑﺎﺑﺎ : ﺧﻼﺹ ﺑﻄﻠﻲ
ﺍﻧﺎ : ﻳﺎ ﺑﺎﺑﺎ ﻣﻘﻬﻮﺭﻩ
ﺑﺎﺑﺎ : ﻣﺎ ﻋﺎﺵ ﺍﻟﻠﻲ ﻳﻘﻬﺮﻙ
ﺇﻟﻬﺎﻡ : ﺳﻮﻣﺎ ﻭ ﺭﺃﺱ ﺑﺎﺑﺎ ﺑﻄﻠﻲ ﺑﻜﺎﺀ
ﻣﺤﻤﺪ : ﺗﻮ ﻧﺪﻳﺮﻟﻚ ﺃﻭﺭﺍﻗﻚ ﻭ ﻧﻄﻠﻌﻮ ﻟﺘﻮﻧﺲ
ﺍﻧﺎ : ﻭ ﺍﻧﺎ ﻣﻌﺎﻩ
ﺑﺎﺑﺎ : ﻣﺎ ﻓﺶ ﺩﺍﻋﻲ ﻗﻠﻨﺎ
ﺍﻧﺎ : ﻓﻲ ﺩﺍﻋﻲ ﻭ ﻧﺺ
ﺑﺎﺑﺎ : ﻛﺎﻥ ﻧﺒﻲ ﻧﺴﺎﻓﺮ ﻣﺶ ﻫﻨﺴﺎﻓﺮ ﺇﻻ ﺑﻌﺪ ﻧﻄﻤﻦ ﻉ ﺳﻮﻣﺎ
ﺍﻧﺎ : ﻻ ﻻ ﻳﺎ ﺑﺎﺑﺎ
ﻣﺎﻣﺎ : ﺷﻨﻮ ﺍﻟﻠﻲ ﻻ !
ﺃﻧﺎ : ﻣﺶ ﻩ ﻳﺼﻴﺮ ﺷﻲ ﺇﻻ ﺑﻌﺪ ﺗﺮﺩ ﺗﻤﺸﻲ ﺍﻧﺖ ﻛﻴﻒ ﻣﺎ ﻛﻨﺖ
ﻣﺤﻤﺪ : ﺳﺎﺩ ﺑﻜﺎﺀ ﺃﺯﻑ
ﺍﻧﺎ : ﺩﻣﻮﻋﻲ ﻭ ﻻ ﺩﻣﻮﻋﻚ !
ﻣﺤﻤﺪ : ﺍﻟﺠﻼﻃﻪ ﻓﻲ ﺍﻟﺪﻡ ﻋﺎﺩ
ﺍﻧﺎ : ﺗﺮﺑﻴﺘﻚ ﻋﺎﺩ
ﻣﺎﻣﺎ : ﺑﻄﻠﻮ
ﺑﺎﺑﺎ : ﻫﺬﻭﻡ ﻋﻴﺎﻟﻲ
ﺇﻟﻬﺎﻡ : ﻫﻬﻬﻬﻬﻪ
ﻃﻠﻊ ﺍﺣﻤﻴﺪﻩ ﻭ ﻃﻠﻌﺖ ﻭﺭﺍﻩ ﻭ ﻗﻌﺪﺕ ﻧﺤﻜﻲ ﻣﻌﺎﻩ ﻉ ﺑﺎﺑﺎ ﻭ ﻗﺎﻝ ﺑﺎﻩ ﻭ ﺍﺗﻔﻘﻨﺎ ﻉ ﻗﺼﺔ ﺗﻮﻧﺲ
ﻛﻨﺖ ﻣﺤﺘﺎﺟﻪ ﻧﺒﺘﻌﺪ ﻋﻦ ﻟﻴﺒﻴﺎ ﺑﺸﻜﻞ ﻏﺮﻳﺐ ، ﻛﻨﺖ ﻧﺒﻲ ﻧﻔﻜﺮ ﺑﻌﻴﺪ ﻋﻦ ﺍﻟﻤﺪﻳﻨﻪ ﺍﻟﻠﻲ ﺟﻤﻌﺘﻨﺎ
ﻧﺒﻲ ﻧﻘﻌﺪ ﺑﺮﻭﺣﻲ ﻭ ﻣﺎ ﻧﺘﻨﻔﺴﺶ ﻧﻔﺲ ﺍﻟﻬﻮﺍﺀ ﺍﻧﺎ ﻭ ﻳﺎﻩ )): ~
ﻣﺸﻰ ﺃﺳﺒﻮﻉ ﻛﺎﻣﻞ ﻭ ﺍﻧﺎ ﻗﺎﻓﻠﻪ ﻓﻮﻧﻲ ﻭ ﺣﻴﺎﺗﻲ ﺍﻧﻘﻠﺒﺖ ﺑﻜﻞ
ﻻ ﻧﺄﻛﻞ ﻛﻴﻒ ﺍﻟﻨﺎﺱ ﻭ ﻻ ﻧﺮﻗﺪ ﺗﻤﺎﻡ ، ﻋﺎﻳﺸﻪ ﺑﺠﺴﺪﻱ ﺑﺲ
ﻣﺮﻋﻲ ﻛﺎﻥ ﻳﺒﻲ ﻳﻮﺻﻞ ﻓﻴﺎ ﺑﺲ ﻣﺎ ﻗﺪﺭﺵ ﻭ ﻟﻮ ﺃﻧﻪ ﺟﺎ ﻟﻠﺤﻮﺵ ﻛﻨﺖ ﻩ ﻧﻤﺴﺢ ﺑﻴﻪ ﺍﻟﻮﻃﺎ ﺣﺘﻲ ﻗﺪﺍﻡ ﻫﻠﻲ
ﺇﻟﻬﺎﻡ : ﻣﺎ ﺗﺒﻴﺶ ﺗﺤﻜﻴﻠﻲ ﻛﻨﻚ
ﺍﻧﺎ : ﻋﻘﻠﻲ ﻣﻊ ﺑﺎﺑﺎ ﺑﺲ
ﺇﻟﻬﺎﻡ : ﺍﻧﺎ ﻣﺶ ﻣﺎﻣﺎ ﻭ ﻻ ﺍﺣﻤﻴﺪﻩ ﻋﺸﺎﻥ ﺗﻤﺸﻲ ﻋﻠﻴﺎ
ﺍﻧﺎ : ﻓﻮﺗﻴﻨﻲ ﺑﺎﻩ
ﺇﻟﻬﺎﻡ : ﻣﻦ ﺃﻣﺘﻲ ﺍﺩﺳﻲ ﻋﻠﻴﺎ ﻳﺎ ﺳﻮﻣﺎ ﻣﺶ ﻃﻮﻝ ﻋﻤﺮﻧﺎ ﺳﺮﻧﺎ ﻣﻊ ﺑﻌﻀﻨﺎ
ﺍﻧﺎ : ﻭ ﺭﺃﺱ ﻟﻮﻣﻲ ﻓﻮﺗﻲ
ﺇﻟﻬﺎﻡ : ﺑﺎﻩ ﻟﻴﺶ ﻗﺎﻓﻠﻪ ﻓﻮﻧﻚ
ﺍﻧﺎ : ﻣﺎ ﻋﻨﺪﻳﺶ ﻧﻴﻪ ﻧﺤﻜﻲ ﻣﻊ ﺣﺪ
ﺇﻟﻬﺎﻡ : ﺳﺒﺤﺎﻥ ﺍﻟﻠﻪ ﻛﻴﻒ ﺗﻐﻴﺮﺗﻲ
ﺍﻧﺎ : ﺃﻫﺎ ﻛﻞ ﺣﺪ ﻳﺠﻴﻠﻪ ﻭﻗﺖ ﻭ ﻳﺘﻐﻴﺮ
ﺇﻟﻬﺎﻡ : ﻣﺶ ﻩ ﻧﻀﻐﻂ ﻋﻠﻴﻚ ﻻﻧﻲ ﻋﺂﺭﻓﺘﻚ ﻟﻤﺎ ﺗﺴﻜﺮﻱ ﺭﺃﺳﻚ
ﺍﻧﺎ : ﻧﺠﻚ
ﺇﻟﻬﺎﻡ : ﻧﻤﺸﻲ ﻧﺴﺎﻋﺪ ﻣﺎﻣﺎ
ﺍﻧﺎ : ﺣﺘﻲ ﺍﻧﺎ ﺷﻮﻳﻪ ﻭ ﻧﻠﺤﻘﻚ
ﻣﺎﻣﺎ : ﺳﻮﻣﺎ ﺑﺎﺗﻚ ﻳﻨﺎﺩﻱ
ﺍﻧﺎ : ﻫﻴﺎ ﻫﻲ
ﺇﻟﻬﺎﻡ : ﺭﻭﻋﻪ ﺗﺮﻥ ﺍﻛﻴﺪﻩ ﻳﺒﻮ ﻳﺠﻮ
ﺍﻧﺎ : ﻧﻌﻢ ﻳﺎ ﺑﺎﺑﺎ
ﺑﺎﺑﺎ : ﻧﺒﻲ ﻧﺴﺄﻟﻚ ﻣﺶ ﻣﻼﺣﻈﻪ ﺍﻧﻪ ﻣﺮﻋﻲ ﻣﻌﺶ ﺟﺎﻧﺎ
ﺍﻧﺎ : ﻋﻨﻪ ﻭ ﺍﻟﻠﻪ ﻣﺎ ﺟﺎ
ﺑﺎﺑﺎ : ﺻﺎﻳﺮﻩ ﺣﺎﺟﻪ ﻭ ﻻ ﻛﻴﻒ !
ﺃﻧﺎ : ﻻ ﺑﺲ ﺍﻛﻴﺪﻩ ﻋﻤﻞ ﻭ ﻫﻜﻲ ﻣﻌﺶ ﻳﻔﻀﻰ
ﺑﺎﺑﺎ : ﻭ ﺑﺎﻟﻚ
ﺇﻟﻬﺎﻡ : ﺳﻮﻣﺎ ﻫﺎﻛﻲ ﺭﻭﻋﻪ ﺗﺒﻴﻚ
ﺍﻧﺎ : ﺧﻴﺮ ﻳﺎ ﺭﻭﻋﻪ
ﺭﻭﻋﻪ : ﻻ ﺧﻴﺮ ﻻ ﻃﻴﺮ ﻳﺎ ﻛﻠﺒﻪ ﻳﺎ ﺣﻴﻮﺍﻧﻪ
ﺍﻧﺎ : ﺗﻲ ﻛﻨﻚ ﺑﺴﻢ ﺍﻟﻠﻪ
ﺭﻭﻋﻪ : ﻛﻨﻚ ﻗﺎﻓﻠﻪ ﺍﻟﺨﺮﺍ ﻣﺘﺎﻋﻚ ﻳﺎ ﻗﺮﺩﻩ
ﺍﻧﺎ : ﺑﺎﻟﻚ ﻃﺎﻓﻲ ﻣﺎ ﻓﺶ ﺷﺤﻦ
ﺭﻭﻋﻪ : ﻣﻦ ﺃﻭﻝ ﺃﻣﺲ ﻧﺮﻥ ﻫﺬﺍ ﻛﻠﻪ ﻣﺎ ﺷﺤﻨﺶ ﺗﻲ ﺑﻄﻠﻲ ﻛﺬﺏ
ﺍﻧﺎ : ﻣﺶ ﻋﺎﺭﻓﻪ ﻭ ﺑﻄﻠﻲ ﻫﺰﺍﻳﺐ
ﺭﻭﻋﻪ : ﻷﻧﻚ ﻣﻬﺰﺑﻪ ﻭ ﻭﺳﺨﻪ ﻭ ﻛﻞ ﺣﺎﺟﻪ ﺗﺰﻋﻢ ﺍﻟﻜﺒﺪ
ﺍﻧﺎ : ﺑﺎﻩ
ﺭﻭﻋﻪ : ﻭ ﻧﺴﺄﻝ ﻓﻲ ﺍﺣﻤﻴﺪﻩ ﻳﻘﻮﻝ ﻣﺎ ﻧﻨﺪﺭﺵ ﻛﻨﻪ ﺗﻲ ﻋﻠﻴﻚ ﻋﻴﻠﻪ ﻣﺶ ﻋﺎﺭﻓﻪ ﺷﻲ
ﺍﻧﺎ : ﺑﺎﻫﻲ ﻭﻃﻲ ﺻﻮﺗﻚ ﺷﻮﻳﻪ
ﺭﻭﻋﻪ : ﻣﺎ ﺩﺧﻠﻜﺶ ﺑﻴﺎ
ﺍﻧﺎ : ﺭﻗﺒﺘﻚ ﺑﺲ
ﺭﻭﻋﻪ : ﺣﺘﻲ ﺿﺤﻜﺘﻚ ﺑﻼ ﻧﻴﻪ ﺗﻲ ﺍﺣﻜﻴﻠﻲ ﺷﻦ ﻓﻲ
ﺍﻧﺎ : ﻣﺎ ﻓﻲ ﺷﻲ ﻳﺎ ﻫﺒﻠﻪ ﻏﻴﺮ ﻋﺸﺎﻥ ﺳﻔﺮ ﺑﺎﺑﺎ
ﺭﻭﻋﻪ : ﺗﻮ ﻧﻘﻮﻝ ﻝ ﺳﻌﺪ ﻳﺠﻴﺒﻨﻲ
ﺍﻧﺎ : ﺑﺎﻩ ﺗﻤﺎﻡ
ﺭﻭﻋﻪ : ﻫﻴﺎ ﺗﻮﺍ ﺑﺎﻱ
ﺍﻧﺎ : ﺳﻼﻡ
~
~
~
ﻓﻲ ﺍﻟﻮﻗﺖ ﻫﺬﺍ ﻛﺎﻥ ﺍﺣﻤﻴﺪﻩ ﻣﺎﺷﻲ ﻟﻠﻤﺴﺘﺸﻔﻰ ﻋﺸﺎﻥ ﻳﺄﺧﺬ ﺍﻟﺘﻘﺮﻳﺮ ﻣﻦ ﺍﻟﺪﻛﺘﻮﺭ ﺍﻟﻠﻲ ﻛﺎﻥ ﻣﺎﺳﻚ ﺣﺎﻟﺔ ﺑﺎﺑﺎ
ﻣﺮﻋﻲ : ﺍﻭ ﻭﻭﻭﻩ ﺃﺣﻤﻴﺪﻩ ﻫﻨﺎ
ﻣﺤﻤﺪ : ﻣﺮﺣﺒﺎ ﻳﺎ ﻣﻌﻠﻢ
ﻣﺮﻋﻲ : ﺃﻥ ﺷﺎﺀ ﺍﻟﻠﻪ ﺧﻴﺮ ﺑﺲ ﺟﺎﻱ ﻫﻨﺎ
ﻣﺤﻤﺪ : ﻻ ﺧﻴﺮ ، ﺟﺎﻱ ﻧﺄﺧﺬ ﻓﻲ ﺃﻭﺭﺍﻕ ﺑﺎﺗﻲ ﺑﺲ
ﻣﺮﻋﻲ : ﻟﻴﺶ ؟
ﻣﺤﻤﺪ : ﻧﺒﻮ ﻧﻄﻠﻌﻮ ﺑﻴﻪ ﺷﻮﺭ ﺗﻮﻧﺲ
ﻣﺮﻋﻲ : ﺃﻫﺎ ﺗﻤﺎﻡ ﺣﺘﻲ ﺗﻮﻧﺲ ﻛﻮﻳﺴﻪ ، ﺃﻣﺘﻲ ﺃﻥ ﺷﺎﺀ ﺍﻟﻠﻪ ؟
ﻣﺤﻤﺪ : ﻓﻲ ﻩ ﺍﻟﻴﻮﻣﻴﻦ ﺃﻥ ﺷﺎﺀ ﺍﻟﻠﻪ
ﻣﺮﻋﻲ : ﻣﺎﺷﻲ ﻣﻌﺎﻩ ﺍﻧﺖ !
ﻣﺤﻤﺪ : ﺍﻧﺎ ﻭ ﺍﺑﺘﺴﺎﻡ
ﻣﺮﻋﻲ : ﻛﻴﻒ ﺻﺎﺭ
ﻣﺤﻤﺪ : ﻛﻴﻒ ﺻﺎﺭ ﻓﻲ ﺷﻨﻮ ﻳﺎ ﺑﻮ ﻧﺴﻴﺐ
ﻣﺮﻋﻲ : ﻻ ﻏﻴﺮ ﺗﻔﺎﺟﺄﺕ ﺑﺲ
ﻣﺤﻤﺪ : ﺍﻧﺖ ﻭﻳﻨﻚ ﻟﻚ ﺃﻳﺎﻡ ﻣﺎ ﺑﺮﻣﺖ ﻋﻠﻴﻨﺎ
ﻣﺮﻋﻲ : ﻣﻌﺶ ﻓﻀﻴﺖ ﺑﻜﻞ
ﻣﺤﻤﺪ : ﺭﺑﻲ ﻳﻌﺎﻭﻥ ، ﻧﺴﺘﺎﺫﻧﻚ ﺗﻮ
ﻣﺮﻋﻲ : ﺗﻔﻀﻞ ﻭ ﺧﻠﻴﻚ ﻉ ﺍﺗﺼﺎﻝ ﺑﻴﺎ ﺍﻭﻝ ﺏ ﺍﻭﻝ ﻭ ﻗﻮﻟﻲ ﻳﻮﻡ ﺍﻟﻠﻲ ﺗﺒﻮ ﺗﻤﺸﻮ
ﻣﺤﻤﺪ : ﺗﻢ ﻳﺎ ﻃﻴﺮ
ﻃﻠﻊ ﺍﺣﻤﻴﺪﻩ ﻣﻦ ﺍﻟﻤﺴﺘﺸﻔﻰ ﻭ ﺭﻥ ﻣﺮﻋﻲ ﻉ ﺳﺎﻣﻲ ﻉ ﻃﻮﻝ
ﺳﺎﻣﻲ : ﺧﻴﺮ ﺧﻴﺮ ﺑﺎﺣﻠﻰ ﺭﺍﺟﻞ
ﻣﺮﻋﻲ : ﺳﺎﻣﻲ ﻭﻳﻦ ﻗﺎﻋﺪ ؟
ﺳﺎﻣﻲ : ﺷﻦ ﻓﻲ ؟
ﻣﺮﻋﻲ : ﻋﻨﺪﻙ ﻋﻠﻢ ﺃﻧﻪ ﻋﻤﻲ ﻣﺎﺷﻲ ﺗﻮﻧﺲ
ﺳﺎﻣﻲ : ﺃﻫﺎ ﻋﺎﺭﻑ ﻗﺎﻟﺘﻬﺎ ﻟﻴﺎ ﺍﻟﻤﺪﺍﻡ
ﻣﺮﻋﻲ : ﻭ ﻛﻨﻚ ﻣﺎ ﻗﻠﺘﻠﻲ ﺃﺯﻑ
ﺳﺎﻣﻲ : ﻧﺤﺴﺎﺏ ﺍﺑﺘﺴﺎﻡ ﺣﺎﻛﻴﺘﻠﻚ
ﻣﺮﻋﻲ : ﻻﻻ ﺻﺎﻳﺮ ﻣﺸﻜﻠﻪ ﺑﻴﻨﻲ ﻭ ﺑﻴﻨﻬﺎ ﻭ ﻣﺶ ﻗﺎﺩﺭ ﻧﻮﺻﻠﻬﺎ
ﺳﺎﻣﻲ : ﺍﻧﺎ ﻛﻠﻤﻨﻲ ﺣﺘﻲ ﻋﻤﻲ ﻭ ﻣﺸﻴﺖ ﻟﺤﻮﺷﻬﻢ ﻭ ﻗﺎﻟﻲ ﻉ ﻋﻤﺘﻲ ﻭ ﺍﻟﻤﺪﺍﻡ ﻳﺒﻦ ﻳﻤﺸﻦ ﻋﻨﺪ ﺧﺎﻟﺘﻬﻢ ﺑﺲ ﻛﺎﻥ ﻳﺒﻮ ﺣﺎﺟﻪ ﻧﺸﻮﻓﻬﻢ ﻭ ﻣﻦ ﻩ ﺍﻟﻜﻼﻡ ﻗﺘﻠﻪ ﺑﺪﻭﻥ ﻣﺎ ﺗﻮﺻﻲ
ﻣﺮﻋﻲ : ﺃﻫﺎ ﺗﻤﺎﻡ ﻋﺎﺩ ﺍﻧﺖ ﻧﺴﻴﺒﻬﻢ ﺭﺳﻤﻲ ﻣﺶ ﻛﻴﻔﻲ
ﺳﺎﻣﻲ : ﺗﻲ ﻛﻨﻚ ﻳﺎ ﺭﺍ
ﻣﺮﻋﻲ : ﻏﺎﻣﻪ ﻭ ﺣﻖ ﺭﺑﻲ ﺩﻧﻴﺎ ﻃﻮﻁ ﺑﻜﻞ ﺃﺯﻑ
ﺳﺎﻣﻲ : ﻭﺳﻊ ﺑﺎﻟﻚ ﻭ ﻛﻠﻪ ﻳﻬﻮﻥ
ﻣﺮﻋﻲ : ﺃﻥ ﺷﺎﺀ ﺍﻟﻠﻪ
ﺳﺎﻣﻲ : ﺑﻌﺪ ﺗﻜﻤﻞ ﺍﻟﻌﻤﻞ ﺗﻌﺎﻝ ﻟﻠﺤﻮﺵ
ﻣﺮﻋﻲ : ﺗﻢ
ﺳﺎﻣﻲ : ﻫﻴﺎ ﺍﻭﻛﻲ ﺗﻮﺍ
#
#
#
ﺇﻟﻬﺎﻡ : ﻛﻨﻬﺎ ﺭﻭﻋﻪ
ﺍﻧﺎ : ﺗﺴﺄﻝ ﻋﻠﻴﺎ ﻟﻴﺶ ﻗﺎﻓﻠﻪ ﻓﻮﻧﻲ ﻭ ﻗﺎﻟﺖ ﺗﺒﻲ ﺗﺠﻲ ﺑﻌﺪﻳﻦ
ﺇﻟﻬﺎﻡ : ﺑﺎﻩ ﺗﻤﺎﻡ ﺑﺎﻟﻚ ﺟﻮﻙ ﻳﺘﻐﻴﺮ
ﺍﻧﺎ : ﻫﺎﻙ ﻓﻮﻧﻚ ﺳﺎﻣﻲ ﻳﺮﻥ
~
~
~
ﺇﻟﻬﺎﻡ : ﺧﻴﺮ ﻳﺎ ﺑﻴﺒﻲ
ﺳﺎﻣﻲ : ﺍﻫﻠﻴﻦ ﻳﺎ ﺭﻭﺣﻲ
ﺇﻟﻬﺎﻡ : ﺷﻦ ﺟﻮﻙ
ﺳﺎﻣﻲ : ﺍﻟﺤﻤﺪ ﻟﻠﻪ ﺗﻤﺎﻡ
ﺇﻟﻬﺎﻡ : ﻛﻨﻪ ﺻﻮﺗﻚ ؟
ﺳﺎﻣﻲ : ﻛﻨﺖ ﻧﺤﻜﻲ ﻣﻊ ﻣﺮﻋﻲ ﻭ ﻏﺎﻣﺘﻠﻪ
ﺇﻟﻬﺎﻡ : ﻛﻨﻪ ﺷﻦ ﻓﻲ ؟
ﺳﺎﻣﻲ : ﻛﻴﻒ ﻣﺶ ﻋﺎﺭﻓﻪ ﺍﻧﺘﻲ ؟
ﺇﻟﻬﺎﻡ : ﻋﺎﺭﻓﻪ ﺷﻨﻮ ؟
ﺳﺎﻣﻲ : ﻻ ﺷﻲ ﺑﺲ ﻧﺒﻲ ﻧﻄﻤﻦ ﻋﻠﻴﻚ ﻛﻨﺖ
ﺇﻟﻬﺎﻡ : ﺳﺎﻣﻲ ﺷﻦ ﻓﻲ ﻛﻨﻚ ﺗﻔﺘﺮﺵ !
ﺳﺎﻣﻲ : ﺗﻲ ﺷﻲ ﻧﺒﻲ ﻧﺴﻜﺮ ﺗﻮﺍ ﻭ ﺑﻌﺪﻳﻦ ﻧﺤﻜﻮ
ﺇﻟﻬﺎﻡ : ﺑﺠﻮﻙ
~
~
~
ﺇﻟﻬﺎﻡ : ﻋﻠﻴﻚ ﺩﺭﻩ ﻛﺒﺪ
ﺍﻧﺎ : ﻛﻨﻚ
ﺇﻟﻬﺎﻡ : ﺳﺎﻣﻲ ﻣﺶ ﻋﺎﺭﻓﻪ ﻛﻨﻪ ﻭ ﻗﺎﻝ ﻣﺮﻋﻲ ﻣﺎ ﻣﺮﻋﻲ ﻣﺎ ﻓﻬﻤﺖ ﺷﻲ
ﺍﻧﺎ : ﻛﻨﻪ ﻣﺮﻋﻲ ﺻﺎﻳﺮﺗﻠﻪ ﺣﺎﺟﻪ !!!!!
ﺇﻟﻬﺎﻡ : ﻭ ﻛﻨﻚ ﻣﺎ ﺗﺮﻧﻲ ﻳﺎ ﺣﻨﻪ ﻭ ﺗﺸﻮﻓﻴﻪ
ﺍﻧﺎ : ﻣﺶ ﺷﻮﺭﻙ
ﺇﻟﻬﺎﻡ : ﻋﻠﻴﻚ ﻋﻴﺸﻪ ﻛﻞ ﺣﺪ ﻣﺶ ﻃﺎﻳﻖ ﺭﻭﺣﻪ ﻭ ﺗﺠﻲ ﻉ ﺭﺍﺳﻲ
ﺍﻧﺎ : ﺻﻮﺕ ﺍﻟﺒﺎﺏ ﺃﻛﻴﺪ ﺍﺣﻤﻴﺪﻩ ﺭﻭﺡ ﺗﻌﺎﻟﻲ ﻧﺤﻄﻮ ﺍﻟﻐﺪﺍﺀ
ﺇﻟﻬﺎﻡ : ﻧﺤﻂ ﻧﻘﺎﻟﻲ ﻓﻲ ﺍﻟﺸﺤﻦ ﻭ ﻧﺠﻲ
ﻃﻠﻌﺖ ﺍﻧﺎ ﻭ ﺑﺪﻳﺖ ﻧﺤﻂ ﻓﻲ ﺍﻟﺴﻔﺮﻩ ﻭ ﻗﻌﻤﺰﻧﺎ ﻉ ﺍﻟﻐﺪﺍﺀ
ﻣﺎﻣﺎ : ﺷﻦ ﺻﺎﺭ ﻓﻲ ﺑﺎﻗﻲ ﺍﻷﻭﺭﺍﻕ ؟
ﻣﺤﻤﺪ : ﻛﻞ ﺣﺎﺟﻪ ﺗﻤﺎﻡ
ﺑﺎﺑﺎ : ﺑﺎﻩ ﻛﻮﻳﺲ
ﻣﺤﻤﺪ : ﺍﻟﻴﻮﻡ ﻣﺸﻴﺖ ﺟﺒﺖ ﺍﻟﺘﻘﺮﻳﺮ ﻣﻦ ﺍﻟﻤﺴﺘﺸﻔﻰ ﻭ ﺗﻼﻗﻴﺖ ﻣﻊ ﻣﺮﻋﻲ
ﺑﺎﺑﺎ : ﻛﻴﻒ ﺣﺎﻟﻪ ﻭﻳﻨﻪ ﻣﺨﺘﻔﻲ
ﻣﺤﻤﺪ : ﻣﺶ ﻋﺎﺭﻑ ﺑﺲ ﺑﺎﻳﻦ ﺍﻧﻪ ﻣﺶ ﺗﻤﺎﻡ ﻭ ﻳﺪﺧﻦ ﺑﺸﻜﻞ ﻏﺮﻳﺐ ﻭ ﻧﺎﻗﺺ
ﺑﺎﺑﺎ : ﻭ ﺍﻟﻠﻪ ﺷﺎﺏ ﺗﻤﺎﻡ ﻣﺎ ﺷﺎﺀ ﺍﻟﻠﻪ ﻋﻠﻴﻪ ﺭﻏﻢ ﻫﻠﻪ ﻣﻴﺘﻴﻦ ﺑﺲ ﻣﺤﺎﻓﻆ ﻉ ﺧﻮﺍﺗﻪ ﻛﻮﻳﺲ
ﻣﺎﻣﺎ : ﺧﻮﺍﺗﻪ ﺟﻦ ﻓﻲ ﺩﻓﻊ ﻟﻮﻣﺎ ﻣﺎ ﺷﺎﺀ ﺍﻟﻠﻪ ﺭﺑﻲ ﻳﺤﻔﻈﻬﻦ
ﻣﺤﻤﺪ : ﻏﺮﻳﺒﻪ ﺳﻮﻣﺎ ﺳﺎﻛﺘﻪ
ﺍﻧﺎ : ﻗﺎﻋﺪﻩ ﻧﺄﻛﻞ ﺍﻧﻈﻨﻲ
ﺑﺎﺑﺎ : ﺳﻮﻣﺎ ﻟﻬﺎ ﻓﺘﺮﻩ ﻣﺘﻐﻴﺮﻩ
ﺍﻧﺎ : ﻻ ﻛﻴﻒ ﻣﺎ ﺍﻧﺎ ﻣﺎ ﻓﻴﺎ ﺷﻲ
ﻣﺎﻣﺎ : ﺑﺎﻩ ﺃﻣﺘﻲ ﺍﻟﺴﻔﺮ ؟
ﻣﺤﻤﺪ : ﺑﻜﺮﺍ ﻣﺎﺷﻲ ﻧﺤﺠﺰ
ﺑﺎﺑﺎ : ﻗﺒﻞ ﻣﺎ ﻧﺴﺎﻓﺮ ﻧﺒﻲ ﻧﺸﻮﻑ ﻣﺮﻋﻲ ﻭ ﺳﺎﻣﻲ
ﺍﻧﺎ : ﻟﻴﺶ ﻣﺮﻋﻲ !
ﻣﺤﻤﺪ : ﻛﻨﻚ ﺃﻧﺘﻲ ؟
ﺍﻧﺎ : ﻗﺼﺪﻱ ﺳﺎﻣﻲ ﻗﺎﺭﻱ ﻓﺎﺗﺤﻪ ﻳﻌﻨﻲ ﻭﺍﺣﺪ ﻣﻦ ﺍﻟﻌﻴﻠﻪ ﺑﺲ ﻣﺮﻋﻲ ﻟﻴﺶ ﻣﺠﺮﺩ ﻣﻤﺮﺽ
ﺑﺎﺑﺎ : ﻋﻴﺐ ﺍﻟﺪﻭﻩ ﻫﺬﻩ
ﻣﺤﻤﺪ : ﻣﺮﺍﻳﻔﻪ ﻉ ﺷﻲ ﻃﺮﻳﺤﻪ ﺷﻜﻠﻚ
ﺑﺎﺑﺎ : ﻣﺤﻤﺪ ﺧﻼﺹ ﻛﻠﻤﻪ ﻭﺣﺪﻩ
ﺻﺒﻴﺖ ﻣﻦ ﻉ ﺍﻟﻐﺪﺍﺀ ﻭ ﺧﺸﻴﺖ ﻟﺪﺍﺭ ﻭ ﻗﻌﺪﺕ ﻧﺒﻜﻲ ﺣﺎﺳﻪ ﺭﻭﺣﻲ ﻣﺨﻨﻮﻗﻪ ﻭ ﻣﻀﺎﻳﻘﻪ ﻧﻌﻠﻴﺎ ﻗﻬﺮﻧﻲ ﻭ ﺣﻖ ﺭﺑﻲ
ﻣﺶ ﻋﺸﺎﻥ ﺍﻧﻪ ﻣﻦ ﻃﺮﻑ ﺣﺴﻦ ﻭ ﻻ ﻫﻜﻲ ، ﻗﻬﺮﻧﻲ ﻛﻴﻒ ﺿﺤﻚ ﻋﻠﻴﺎ ﻭ ﻛﻴﻒ ﻛﺬﺏ ﻋﻠﻴﺎ ﻣﻦ ﺃﻭﻟﻬﺎ ﻭ ﺍﻟﻌﻼﻗﻪ ﺍﻟﻠﻲ ﺑﺪﺍﻳﺘﻬﺎ ﻛﺬﺏ ﻋﻤﺮﻫﺎ ﻣﺎ ﻛﻤﻠﺖ
ﺭﻗﺪﺕ ﻭ ﺍﻧﺎ ﻧﺒﻜﻲ ﻭ ﻧﻀﺖ ﻉ ﺻﻮﺕ ﺭﻭﻋﻪ ﺗﻨﻮﺽ ﻓﻴﺎ
ﺭﻭﻋﻪ : ﺳﻮﻣﺎ ﻛﻨﻚ ﺭﺍﻳﺤﻪ ﻫﻜﻲ ﺣﻲ ﻉ ﺍﻣﻚ ﺻﺒﻲ
ﺍﻧﺎ : ﻓﺠﻌﺘﻴﻨﻲ ﻳﺎ ﺣﻤﺎﺭﻩ
ﺭﻭﻋﻪ : ﻛﻨﻚ ﻧﺎﻗﺼﻪ ﻫﻜﻲ !
ﺍﻧﺎ : ﻫﻬﻬﻪ ﺩﺍﻳﺮﻩ ﺭﺟﻴﻢ
ﺭﻭﻋﻪ : ﺻﺒﻲ ﻓﻬﻤﻴﻨﻲ ﺷﻦ ﻓﻲ ؟
ﺍﻧﺎ : ﻣﺎ ﻓﻲ ﺷﻲ ﻛﻨﻚ
ﺭﻭﻋﻪ : ﺻﺎﻳﺮﻩ ﺣﺎﺟﻪ ﺑﻴﻨﻚ ﺍﻧﺘﻲ ﻭ ﻣﺮﻋﻲ
ﺍﻧﺎ : ﻣﺎ ﺻﺎﻳﺮ ﺷﻲ ﺁﺯﺡ
ﺭﻭﻋﻪ : ﻛﻨﻚ ﺗﺒﻲ ﺗﺒﻜﻲ ﺑﺎﻩ
ﺍﻧﺎ : ﺧﺮﻓﻲ
ﺭﻭﻋﻪ : ﺣﻲ ﻋﻠﻴﺎ ﺗﻲ ﺍﺣﻜﻲ
ﺍﻧﺎ : ﻣﺨﻨﻮﻗﻪ ﺑﺲ
ﺭﻭﻋﻪ : ﻣﺶ ﻋﻠﻴﺎ ﺍﻟﻄﺮﻭﺡ ﻫﺬﻳﻦ
ﻣﺤﻤﺪ : ﻭ ﺍﻧﺎ ﻧﻘﻮﻝ ﺍﻟﺤﻮﺵ ﻛﻨﻪ ﻣﻨﻮﺭ ﻫﻜﻲ D:
ﺭﻭﻋﻪ : ﺃﺣﻤﻴﺪﻩ ﺍﻃﻠﻊ ﺷﻮﻳﻪ
ﻣﺤﻤﺪ : ﻋﻠﻴﻚ ﺍﺳﺘﻘﺒﺎﻝ O.o
ﺍﻧﺎ : ﻫﻬﻬﻪ ﺭﻭﻋﻪ ﻋﺪﻱ ﺍﺣﻜﻲ ﻣﻌﺎﻩ
ﻣﺤﻤﺪ : ﺗﺒﻜﻲ ﺁﺧﺮﻩ ؟ ﺗﻲ ﻭ ﺍﻟﻠﻪ ﻓﻲ ﺣﺎﺟﻪ
ﺍﻧﺎ : ﻻ ﻧﺒﻜﻲ ﻻ ﺳﻮ ﺭﺍﺳﻲ ﻳﻮﺟﻊ ﻓﻴﺎ
ﻣﺤﻤﺪ : ﻟﻜﻲ ﻓﺘﺮﻩ ﻛﻞ ﻣﺎ ﻧﺨﻄﻢ ﻧﺴﻤﻌﻚ ﺗﺒﻜﻲ ﺗﻲ ﺧﻮﻙ ﺍﻧﺎ
ﺭﻭﻋﻪ : ﺗﻮ ﻧﺤﻜﻲ ﻣﻌﺎﻫﺎ ﺍﻧﺎ ﺍﻃﻠﻊ ﺑﺲ
ﺍﻧﺎ : ﻛﻨﻜﻢ ﻣﻌﺎﻳﺎ ﻗﻠﺖ ﻣﺎ ﻓﻲ ﺷﻲ
ﻣﺤﻤﺪ : ﺣﺴﻦ ﺭﺩ ﻳﻀﺎﻳﻖ ﻓﻴﻚ
ﺍﻧﺎ : ﻻ ﻻ )':
ﻣﺤﻤﺪ : ﻟﻴﺶ ﺗﺒﻜﻲ ﺑﺎﻩ
ﺭﻭﻋﻪ : ﺗﻲ ﺧﻼﺹ ﺑﻄﻠﻲ
ﺇﻟﻬﺎﻡ : ﺍﺣﻤﻴﺪﻩ ﺍﻟﺒﺎﺏ ﻳﺪﻕ ﻭ ﺍﻧﻈﻨﻲ ﺻﻮﺕ ﻭﺍﺣﺪ
ﻣﺤﻤﺪ : ﻧﻤﺸﻲ ﻧﺸﻮﻑ ﻣﻦ ﻭ ﺟﺎﻳﻚ
ﻃﻠﻊ ﺍﺣﻤﻴﺪﻩ ﻓﺘﺢ ﺍﻟﺒﺎﺏ ﻭ ﻛﺎﻥ ﻣﺮﻋﻲ ﺟﺎﻱ ﻫﻮﺍ ﻭ ﺧﻮﺍﺗﻪ
ﻳﺘﺒﻊ . .
#ﺭﻭﺁﻳﺎﺕ ﺃﻧﺜﻰ ﺷﺮﻗﯿﺔﻩ💚
أنت تقرأ
#ﺁﺩﻣﻨﺘﮓ💚#ﺭﻭﺁﻳﺎﺕ ﺃﻧﺜﻰ ﺷﺮﻗﯿﺔﻩ💚 (مكتملة)💚
Random#روآيات_أنثى_شرقيةه 💚 ﺑﺤﺖ ﻓﻴﺎ ﻭ ﻗﻠﻨﺎ ﺍﻟﻜﻠﻤﻪ ﻣﻊ ﺑﻌﻀﻨﺎ # ﺁﺩﻣﻨﺘﮓ كاتبة روايات :شرقي/زواج مع وقف التنفيذ/كلام حواء/ادمنتك/حكاوينا/وحاليا وحصريا رواية #إنكار🖤قيد التنزيل والكتابة في قروب #روآيات_أنثى_شرقيةه 💚
