مستشفى الحب

4💛

رواية مستشفى الحب
(مش مسامحه اي حد ياخدها الروايه لا دنيا لا اخره )

الحلقة الرابعه😙
انفتح الباب وكان 😨😱يوسف جاي
د.مراد، اهلين وسيفه شن الجو
يوسف، اهلين برو الحمد الله
د.مراد، ها ياطير شن في
يوسف، انا سألت على عمي موسى من مستلم حالته قالولي مراد.ال ......
وآنا جيت بنقولك اني بنطلع عمي لتونس عشان يحولو الحديده يلي في جنب قلبه يعني عادي نطلعه ميصيرله شي
د.مراد، اسمعني حتى لو عديت مستحيل يطلعوها الحديده الا ادا قلبه بيوقف يعني بيقعد ميت لكن نقدرو نحولها بطريقه ثانيه
يوسف، شن هيا
د.مراد، هيا الحديده هاطلع ماده كل يومين لمدة شهر يعني بتقعد ادوب في الجسم لو انتم كل يومين اتجو انديروله إبرة سحب 99%هاتعدي
يوسف، فرح تمام إنشاء الله كل يومين حنجو صحيت يا برو
د.مراد ، ولا يهمك في اي وقت
طلع يوسف ومراد فرح هلبااااااااااا لأن كل يومين حيشوف ميرال
بعدين ناض طلع بره خش لغرفة العناية شاف بوميرال دارله الأولويات وطلع
عدا لميرال خش الغرفه يسمع فيها هيا واختها
ميار، إنشاء ربي يشفيهلنا يارب خلاص
ميرال، تبكي انا منبيش نخسر حد تاني ساد يلي خسرته ساد والله ما عاد نتحمل والله
ميار، حبيبتي حرام عليك معاد تقولي هكي قدر الله وما شاء فعل ربي هكي كاتب شن بنديرو ربي قال عسا ان تكرهو شي وهوا خير لكم انتي ما عاد تبكي ادعيله بس

مراد بعد سمع هادا كله طلع من الغرفه عادا لمكتبه وهوا حاير ويفكر!! زعمه
من خسرت ثاني وليش كانت تبكي لهدرجه؟؟ من مات لها باين أصلا أنها في
حد مات لها بس منو؟؟؟؟
بعد ما لقاش اجوبه على أسئلته ناض طلع من المكتب وعدا لغرفتها لقاها بروحها
خش ليها ميرال اول ماشفاته قعد قلبها يدق بالقوه قريب يشرك الجلد ويطلع
د.مراد،السلام عليكم ميرال كيف حالك توا إنشاء الله كويسة
ميرال، الحمد الله كويسه توا
د.مراد، مالا وين أختك
ميرال، ميار عدت لخطيبها يوسف يبي يروح بيها
د.مراد، اه تمام هي اارقدي نكشف عليك
رقدت ميرال وقعد يكشف عليها
ميرال، دكتور توا الساعه كم
د.مراد،توا الساعه 1:34
ميرال ، يعني توا المستشفى فاضيه مفيش حد
د.مراد، عاد توا 1 في الليل من بيجي
ميرال، دكتور انت معندكش حالات توا
د.مراد،أي كملتهم من مبكري
ميرال، اه تمام دكتور نطلب منك طلب
د.مراد، وهوا فرحان أنها تحكي معاه تفضلي تفضلي
ميرال، ااء عادي تقعد تهدرز معايه
د.مراد، وهوا بيطير من الفرح وقلبه يدق عادي ما عندي شي
وقعدو يهدرزو لعند ما مراد قال
د.مراد، ميرال نبي نسألك
ميرال ، تفضل
د.مراد، وين أمك من وقت ماجي بوك ماريتهاش
قعدت ميرال ساكته ومواطيا رأسها لوطا
د.مراد، اسف آسف مكنتش نبي نسألك بس قتلني الفضول
ميرال ، عادي من حقك انك تسأل مااما وبدت تبكي انهارت ماما توفت ليها 4 سنين
مراد بعد راها تبكي ومنهاره حظنها وقعد يهدي فيها وقلبه مداير عرس واما ميرال تبكي ومنهاره وهوا حاظنها ويطبطب على ظهرها وهيا في الوقت هدا كانت محتاجه حظن دافئ زي هدا وزادت ميرال حظناته بالقوه وكأنه لو سيباته حيعدي حتى هوا زي أمها

قعد قريب نص ساعه وهوا حاظنها بعدين انفتح الباب وكانت😵😨😱😱😱......يتبع
نبي تعليقات بدون ملصقات ولو لقيت تفاعل على الروايه حنزل الحلقه يلي بعدها