أحبتت الشخص الخطأ9
رنيم بجد طلعت حليوا
مهند عارف روحي قمر اربعطاش
رنيم هههههه شكار روحه
مهند بس انى شفتك قبل هالمرة
رنيم وين وكيف
مهند كان بوده يخبرها بس مقدرش شفتك ف الحلم
رنيم أنا مضايقة هلبة يامهند
مهند خيرك شن بيك
رنيم اليوم غلطت وكدبت أمي وزعلتها
مهند كيف صار
رنيم عطيتها رقم مازن وحكت معاه وقاتلي قاللها انى انى نجري وراه ونبيه يتزوجني انت تعرف انى نحبه بجنون وهوا يحبني مستحيل يقول عليا هكي
مهند معقولة هكي يارنيم تزعلي أمك عشان مازن
رنيم مش بقصدي والله نحبها ماما ونموت فيها ومستحيل نزعلها بس أفهموني مضغوطة انى هلبة ومتلخبطة
مهند انى الليلة بنفلقلك الشكارة وبنحكي كل شي لأنه حبك ليه عمى عيونك
رنيم شن فيه
مهند مازن مايحبك يضحك عليك ويهدرز بيك للجماعة وصورتك شفتها امس ف الليل مع الشباب ويفتح ف المايك لما يحكي معاك أفتحي عيونك يابنت والله مايحبك
رنيم أنى نحبه مايهند مانقدرش نكرهه وتبكي تعلقت بيه مانقدرش. نعيش من غيره أفهموني بالله عليكم
مهند حتى بعد ماعرفتي حقيقته
رنيم مش بأيدي يامهند مش بأيدي والله نحبه
مهند أمسحي دموعك خلاص وغدوة تمشي ترضي أمك ومعاش تزعليها
رنيم أول حاجة بنديرها غدوة
مهند تمام ارقدي وارتاحي توا
رنيم ماقدرت ترقد لأنخا زعلت أمها وغلطت وكلنا نغلطو مافى حد معصوم من الغلط
أذن الفجر
سارة وهيا قاعدة ع السجادة وتدعي
رنيم ماما وهيا تبكي سامحيني ماما والله نحبك ومصدقاتك بس حبيته ياماما ومش قادرة نتخيل حياتي من غيره
سارة حضنت بنتها انا نبي مصلحتك مانبيكش تنجرحي
رنيم سامحيني ياماما نحبك والله هلبة
سارة خلاص معاش تبكي سامحتك
رنيم والله مارقدت ياماما وانى مزعلاتك
سارة نوضي أرقدي وارتاحي توا
رنيم ربي يخليك ليا
بعد مرور سنة
مازن ماما خلاص الحوش وكملته توا نبي العروس
أم مازن ياسعدودي بوليدي بناخدلك يارا بنت خالتك صفاء طول وبياضة وسماحةوفلاحة وأدب وأخلاق
مازن خلاص ياماما إنتي تعرفي وتمي الموضوع
مهند اااااه ياربي سنتين وماقدرت نبعد عنها وحبي يزيد ليها أكثر وأكثر
مسرة رنيم مش مصدقة كيف فاتت السنة بسرعة وتوا نحنا سنة تانية
رنيم كله من أعمارنا
مسرة شن جو الحب
رنيم فترة الحق ماكلمني ونتصل بيه إنتظار نلقاه
مسرة الولد هدا يكدب عليك ويجري بيك
رنيم والله نحبه أنى ماقدرتش نكرهه حتى بعد الى داره والى يدير فيه نحبه
مسرة انتى ضيعتي مهند وحب مازن عمى عيونك
رنيم مهند (حلو)أحببت الشخص الخطأ10
رنيم مهند معتبرني أخته وانى معتبرته خوي
مسرة إنتي غبيه وهبلة واضحة إن مهند يحبك بجنون تصرفاته إهتمامه بيك وخوفه عليك عمرك سألتيه ليش هوا يعامل فيك هكي وليش لتوا قاعد معاك وماحبش ولاخطب
رنيم لامستحيل الى تقولي فيه والله مش مزبوط
فات أسبوع ومازن دار خطب بنت خالته
مازن مبروك علينا
رانيا الله يبارك فيك
مازن تصدقي إنتى البنت الى كنت نراجي فيها من زمان
رانيا تسلم يارب
سارة رنيم البسي بنمشو لجدك علي قالو مريض
رنيم بخوف خيره جدي ياماما
سارة قالو تعب هلبة
رنيم تبكي ياربي إشفيه جدي هيا نمشو بسرعة
سارة سلامتك ياعمي ربي يشفيك
رنيم حضنة جدها وهيا تبكي جدي خيرك شن يوجع فيك
علي الكبر يابنتي هدا جدك خلاص ايامته بيتمو
رنيم تبكي لاياجدي معاش تقول هكي نحبك أنى ربي يطول ف عمرك
مازن الو حبيبي رنيم وينك ياقلبي
رنيم ليش انت درت فيا هكي
مازن حسبها سمعت بخطوبته شن درت
رنيم ماتردش عليا ونلقى فيك انتظار انت معاش تحبني
مازن والله ياعمري عمل ومشنوق وبوي كان مريض هلبة
رنيم أسفة حبيبي ماحسبتش ان بوك مريض
مازن عادي حبي المهم ستاحشتك هلبة
رنيم حتى أني نحبك موت أوعدني انك مش حاتخليني
مازن وعد نقعد معاك طول العمر
فاتو أيامات وبدا فرح مازن
مهند وووواك ياربي واكل همها رنيم كيف بتتحمل يارب كون معاها
مازن الو مهند وينك ياراجل ماتبيش تعول ف عرس صاحبك
مهند الوالد مريض مانقدرش نجي سامحني ياصاحبي
مازن نكلم رنيم مانعرفش ليش حاس روحي مستاحشها
رنيم حبي اهلين
مازن حس بشعور غريب كأنه نادم حس بالشفقة على رنيم
مازن نحبك نبيك تسامحيني
رنيم حبيبي خيرك تقول هكي شن فيه تبي تسيبني
مازن لاحبيبي قاعد معاك أنى ومانبيش المكالمة هدي تم نبي نحكي معاك للصبح
رنيم وراسك ميمتك وبوك تحكيلي شن فيه
مازن تنهد الخميس دخلتي يارنيم
رنيم عيونها دموع وبضحكة مخنوقه تبصر عليا صح
مازن من الأول علاقتنا غلط وانتي من قبيلة وانا من قبيلة تانية وماما تمتلي ف بنت خالتي انتى من جدك كنتي مصدقة إني ممكن نتزوجك
رنيم مصدومة كنت نعرف انك تفتح ف المايك لصحابك لگن نحبك كنت نعلم ان صحابك شافو صورتي لكن نحبك كنت نعرف انك عطيت رقمي لجماعتك وكنت تقول عليا انى متع ولاد لكن نحبك وحبيتك ماقدرتش نكرهك يامازن مش مصدقة سنتين وانا مخدوعة فيك أخر شي توقعته منك يامازن مش مصدقة
مازن يسمع وساكت ومأثر فيه كلام رنيم
رنيم تبكي حرقتلي قلبي يتبع
