جحيم أمي الحلقة 1
أمي نوضي ياعاهرة ضمي الحوش راقدة24ساعة
أنا نضت وعيوني دموع معقولة أمي تقول عليا عاهرة مالا شن خلت للناس التانية
أنا جنات عمري 22سنة نقرا تانية إقتصاد بيضة وعيوني كبار وعسليات وشعري طويل وقصيرة شهلولية ديما نضحك وجوي حلووو ونحب نتعرف ع ناس جديدة
ماما إسمها زهرة ماتحبنيش لأنه بابا كان يحبني هلبة ومدلعني وكل شي نبيه نديره وكان ديما يقولها انه يحبني أكثر منها
بابا رياض مات ف حادت سيارة من سنة ومن بعد موته وأنا عايشة ف جحيم
نسرين أختى الكبيرة مواليد88 ومازال ماتزوجت متخرجة ومعيدة فى كلية الأداب
سندس أختى أصغر منى مواليد 99 دلوعة أمها وأكبر مسمومة
توضيت وانا نصلي فاتت من جنبي ماما صلاه عينك الى تعرفيها
انا ساجدة قعد نبكي وندعي ف ربي أنه يصبرني ويقويني
سندس هيا أنا جعت نبي نفطر
انا وانتى خيرك ماديري الفطور
سندس ٱنتى بديريه يشغالة
انا ضربتها كف أنا أختك الكبيرة وأحترميني
سندس قعدت تبكي بصوت عالي وتنادي على ماما
ماما خيرك شن فيه
سندس بنت ضربتني وقاتلي بري ديري الفطور
امى شدتني من شعري وقعدت تضرب فيا وانتى شن ديري لين هيا تفطرك ولاتحسابيها تخدم عندك خشي وديري الفطور
انا الله يرحمك يابابا شن دنبي أنا باش يصير فيا هكي درت الفطور وفطرتهم نسرين مشت لشغلها وسندس مشت للجامعة طبعآ انا كنت نقرا فى غريان وكنت ف قسم داخلي وبعد موتت بابا ماما بطلتني ع القراية
كنت زي الشغالة نضم ونطيب ونغسل الماعين وخواتي يطلعو ويخشو وعايشات
فى العشية جتني جارتنا مريم متزوجة وف نفس الوقت صديقتي نحكيلها ونشكيلها
مريم عمامك وخوالك وين
انا ماما قتلهم بناتي وماحد يدخل بيني وبينهم
مريم لازم تتزوجي يابنت باش تطلعي من الهم
انا وين نتزوج وخيتي تشوفي ف الحال ماجانى حد لتوا والى ف النت كلهم يلعبو
مريم نعرف وحدة امها ماتت وتدور لبوها شن رايك
انا والله نصوم نصوم ونفطر ع بصلة
مريم ياغبية هدا سنة ولاسنتين ويتوكل ع حاله وانتي تورتي منه وبعدها بري عيشي حياتك أمك معاش عندها سلطة عليك
أنا لا ياحنة نبي زي البنات نحب وننحب ونلبس ونتمكيج وهوا يشوفني ويهبل عليا مش شيباني مايشوف ويقعد يكحكح فوق راسي
مريم ههههه يعطيهالك راهو الشيابين هما البركة
أنا حبة بركة وإنتى الصادقة
مريم فكري حبي والله نبيك تطلعي من الحياة الى إنتى فيها
انا يصير خير
فى الليل درت العشاء وتعشينا وغسلت الماعين
يتبع نكملها ولانوقفجحيم أمي2
انا ماما نبي نرجع نقرا فتحو فرع للجامعة المفتوحة عندنا نقرأ ف الحوش وبعدها ندير إمتحان
ماما لاشهادة لازمارة الى زيك بصغارهم
انا الشهادة أهم من الصغار نبي نكمل قرايتي
ماما ساهل ساهل
انا بوستها والله نعرفك طيبة وحنينة ورفعت الماعين وغسلتهم وطاحت طاسة ونكسرت ماما جت تجري يعطك عمى الماعين كلهم كملتيهم دافعة حقهم انتي ولابتشريهم انتي
انا هيا طاسة
ماما سكري فمك هيا طاسة على اساس خاسرة فيها إنتي
انا دموعي نزلو بس قلت عادي نتحمل أهم شي وافقت على قرايتي كملت الماعين وخشيت لفراشي وفتحت نت كنت مضايقة هلبة فتحت على قروب خاص بالسيدات وكنت نتابع ف هلبة بنات او متزوجات يشكن ف مشاكلهم فقررت نزل منشور ونلخص فيه شويه من حياتي وكتبت السلام عليكم
انا جنات عمري 22سنة محرومة من حنان الأم مش لانها مايتة لكن كاهرتني لسبب مجهول تفضل ف خواتي عليا صح نزعل منهم ونكرهم احيانآ بس ماانرضى فيهم شي قبل شوي كسرت طاسة وسمعتني ماما عليها كلام يجرح بابا مات وخلاني ولما نطلب من ماما حاجة تقولي نوضي بوك من القبر يجيبلك أدعولي ربي يفرج همي ونشرته وكنت منسجمة ونقرا ف التعليقات كان فى منها ايجابي وكان فيه منها سلبي لعند نفتح عليا باب الدار وكانت ماما شادة ف يدها تلفون نسرين او حطاته قدام وجهي أقري وكان منشوري
ماما خلاص معاش لقيتي ماديري تشوهي ف سمعتي وتبي الناس يدعو عليا تتمسكني صار وضربتني وخدت تلفوني
انا ليش انتي هكي معايا شن درتلك فهميني ليش تكرهيني
ماما سكري فمك فاجرة زيك كيف تبيني نحبها وسكرت عليا بالمفتاح
بكيت لين خداني النوم فى الصبح فتحت عليا الباب نوضي توا الحوش نبيه يلمع لمع والغداء نلقاها واتي
انا ولاكلمة نضت توضيت وصليت ضميت الحوش خشيت للمطبخ بندير الغداء مالقيت زيت
انا مافيش زيت
ماما حدفتلي فلوس البسي وبري جيبي
مشيت للمحل وانا مروحة نشوف فى سندس نازلة من سيارة وكانت راكبة مع واحد حطها ف بداية شارعنا
أنا بخطوات متسارعة قعدت نمشي لين وصلتها شديتعا من يدها مع من كنتي راكبة ياحيوان
سندس رتبكت وبدت تشبك ف ايديها ع بعضهم مع صاحبتي
انا تحسابيني ماشفتك راكبة مع واحد والله لما نخبر أمك ورجعنا للحوش انا ندور على ماما ونادي عليها لكن مالقيتها
نسرين خيرك تعيطي
انا أمك وين
نسرين طلعت للجيران
سندس خشت ونادت على نسرين وحكتلها
نسرين تستاهلي لأنك غبية
سندس نبي حل توا مش تقعدي تعيطي عليا
يتبع
