قزومتــي المــسودنة 💕

عملیة اللاجئ😂 p.2

كاعدة بالصف الدرس الاخیر درس عربي ما ادري المُدرسة شدا تحجي و تخرط صافنه و بالي بمكان ثاني....

نتالیا (بسرها): یا تره بابا راح ینطیني لاسامة لو لا ،،، بس لا مو بكیفم والله راح انتحر احرگ نفسي وابلیهم بموتي ،،،،،، لا ما اعتقد بابا یسویها بابا یحبني و ما عنده غیري،،، ما ادري زین اذا انطاني وین اولي یا ربي ،،،،،،،

قاطعت سلسه افكاري المدرسة و هي تضرب المسطرة عل الرحلة بكل قوتها ،،،، فززتني الله لا ینطیها 😒

ست رجاء (بصراخ): نتالیا بالچ وین !!!!

نتالیا (بتوتر):ااا ... هااا لا شنو بالي یمچ ست

ست رجاء : لعد گومي احچیلي شنو شرحت یلااا

نتالیا (بارتباك وگفت علی حیلي) : ..........

ست رجاء (بصیاح): شبیچ ساکتە احچي ...

ضلیت ساكته و ما احچي و عیوني مغوشه ما اكدر اشوف بیهن من الدموع

ست رجاء : لا حول ولا قوة الا بالله جیل اخر زمن،،، كل بالكم یم السوالف البایخة التعبانة و بعمركم ما اهتمیتو للدرس ،،، چنت فرحانە انچ شاطرة و تقرین بس امبین انتي هم تغیرتي یا ست نتالیا گعدي یلاااا خلي امشي المادة علی الاقل اخلص الي علیه مشكلتكم بعد ما تهتمون...

گعدت و حسیت بفشلە فضیعه اني بعمري ما مترزله من المدرسات ،،، كلهم یحبوني لان شاطرة و احضر دائما ،،، بس لیش هیچ مو عندي ظرف لازم هیچ تفشلنــــي چنها قردە شکد اکرهها حاقدە علیە من اللە

خلص الدرس ودگ الجرس للبیت ،،، كملت كتابه و كمت الم بكتبي و اتحضر اطلع ... شفت ایمان متحظرة و و مكملة لابسة حجابها هم

نتالیا : ها ولچ شبسرعە خلصتي یا المگروده ،،، ما شفتي شگد منطیتنه المدرسة انكسر ایدي گد ما اکتب واللە

ایمان : اي فدوة بس توصلین للبیت دزیلي صورة الواجب ماشي حبي( تحچي و تحضن و تبوس بیه )

نتالیا : ایا الحیوانه واني اگول شبسرعە کملتي ،،، اثاري اني اكتب و تنكسر ایدي و انتي تنقلین مني عالحاظر والله اذا دزیتلچ

ایمان : لا فدوة نونوتي الحلوە اعشقچ اعرفچ حبابە تدزین مو؟؟

نتالیا : هههههه چم مرە گتلچ عوفي سوالف المكبلین هايه لا تستعملیها ویایه

ایمان ( بحضك) : ههههههه وليي منچ

دینە (باستزاء) : اي عیني ضحكي لیش لا ،،،، بس مو هسه تضحكین چان ضحكتي من ست رجاء رزلتچ یا ام الریاجیل هههههههه

فرح و شیماء : ههههههههههههه

انداریت علیهم و بكل برود ابتسمت و گلت ...

نتالیا : ضحكي ضحكي عیني غیر كل وحدة تشوف العالم بعین طبعها ،،،،، امشي ایمي خلي نطلع و نعوفهم یحچون علی عالحبایب براحتهم (و غمزتلهم و طلعت )