عشاق الماضي

21

#الفصل_الحادي_والعشرون

نظر حمزه الي معتز الذي اقتحم المدرج واقترب منه واخذ منه المايك وهو يتحدث قائلا: ممكن اخد من وقتكو خمس دقائق...ينفع اللي الدكتور بتاعكو دا بيعمله معايا .. ع فكره دا دكتور ظالم

استغرب حمزه من كلامة قائلا: ايي ياابني في ايه .. جاي هنا لية.... ثم اخذ منه المايك قائلا: معلش ياجماعه صاحبي وبيهزر
نفي معتز قائلا: لا لا مش همشي من هنا غير اما اقول اللي عاوز اقوله
كانت همسات من الطلبه يريدون ان يعرفو هويه هذا الشخص ..وقفت نغم قائله: انت بتعمل اي هنا!!??
معتز : يعني يرضيكو ان الدكتور بتاعكو مش راضي يجوزني اخته ..ومشغول معاكو
انطلقت الضحكات بين جميع الطلبه كما ضحك حمزه هو الاخر قائلا: اعقل يامعتز
معتز: مش همشي من هنا غير اما تحدد ميعاد عشان اجي اكتب الكتاب يااما هفضل هنا وهعمل اعتصام
وقف محمد قائلا: واحنا هنعمل معاك ولا اي ياجماعه
وقف الشباب قائلين: اكيد طبعا
حمزه : بقه كدا بقيتو ضدي !!?
محمد :معلش بقه يادكتور المرادي ضدك عشان احنا مع الحب
كان التشجيع هذا المره من الفتيات وهم يتوسلون الي دكتورهم بأن يحدد له ميعاد
تنهد حمزه قائلا: طب بعد اما نيجي من السخنه
كان الاعتراض من الطلاب هذه المره قائلين : دي لسه اخر الاسبوع
وقفت نغم تغمز لمعتز بادلها الغمزه هو الاخر قائلا: ما تشوفي دكتورك يانغم
نغم بتوسل: ممكن تقربها شويه يادوك !!?
ابتسم حمزه : عشان خاطركو بس يبق ...ثم صمت
معتز : هااااا امته
حمزه ضاحكا : بكره بعد المغرب.. وعقابا ليك علي اللي عملته دا مفيش جواز قبل....
اسرع قائلا: الجواز بعد اسبوعين من دلوقت وكلكو معزومين ياجماعه وشكرا ليكو .. استأذن انا بقه
ضحك الجميع عليه وظلت التصفيقات هي التي بينهم يهنئونه علي ما فعله... اسرعت نغم اليه وذهبت الي احضانه تبارك له ... قبلها قائلا: عقبالك ياحببتي
نغم: لو حد مجنون زيك هوافق علي طول ايه اللي انت عملته دا !!???
معتز ضاحكا: كان لازم احطة قدام الامر الواقع
تدخل حمزه قائلا: ماشي يامعتز صبرك عليا بقه تحطني قدام الامر الواقع وهما اصلا ما بيصدقو
قطع كلامهم محمد الشاب الذي في السنه الرابعه وهو يقف امامهم قائلا: الف مبروك لحضرتك مع اننا منعرفكش بس انت علمتنا حاجة كويسه
معتز: اي هي
محمد : اننا نفكر ازاي نفرح اللي بنحبهم ... مبروك يادكتور .. عقبالك ياانسه
معتز: الله يبارك فيك .. عقبالك يا... 
محمد: اسمي محمد.. ممكن اخد من وقتك خمس دقايق
معتز ب استغراب : انا !!??
محمد مبتسما : ايون انت
وقف محمد مع معتز في ركن خاص ونظرت نغم اليهم بإستغراب وكذالك حمزه الذي لا يعرف ماذا يريد طالبه من معتز ...
لكن نظرات توجه الي نغم وهم يقفون وابتسامة من معتز ... ما الامر الذي يريده هذا الشاب !???
انتهي الحديث بينهم وذهب معتز الي نغم قائلا: اي وراكي محاضرات ولا تيجي معايا
نغم : انا عاوزه امشي .. وكمان عاوزه اشوف لولو هيكون شكلها عامل ازاي اما تعرف خطيبها المجنون عمل اي
معتز : طب يالا بينا .. ثم نظر الي حمزه قائلا: جاي ولا اي
حمزه بشرود: ها لا شويه وهمشي روح انت ...
....……………………………………………………………
جاء اليوم المنتظر بالنسبه له ولها .. اخيرا سيجمعهما الله في الحلال .. جلس الماذون في المنتصف ومن اليمين معتز ومن اليسار حمزه .. علي معتز ان يردد ما يقوله الشيخ.. واخيرا بعد معاناه وقد انكتب الكتاب تحت مباركات الجميع .. انطلقت زغروطة من سهي وهي تحتضن ابنها بسعاده .. كذلك ابيه وعمة وخالته.. الجميع فرحون.. وكأن اليوم هو بدايه فرحهم في هذه العائله... ذهب حمزه الي اخته وقبلها واخذها في احضانه ودمعه في عيناه كادت ان تسقط.. لكنه تماسك ... وكذلك اخيها مازن الذي كان سعيدا من اجلها.. اما والدتها فقد بكت بسبب فرحتها وانها اخيرا تزوجت...
انطلقت التهنيئات من الفتيات واحده تلو الاخري ولم يخلو كلامهم من الضحك.. وقفت نغم بجانب رنا وهم ينظرون الي معتز والاء بفرحة ... تحدثت نغم قائله: عقبالك يارنوش
احتضنتها رنا قائله: انتي الاول
غمزت لها نغم قائله: لا شكلك انتي اللي هتحصليهم
رنا : قصدك اي
ضحكت نغم قائله: عليا برضو يارنوش .. ثم همست لها قائله:مازن
رناا بخجل: هو انا مفضوحة كدا
نفت قائله: لا لا لا هو اللي مفضوح اوي .. انتي مبتشوفيش نظرته ليكي عامله ازاي
رنا : بجد ازاي
ضحكت نغم قائله: شكلنا كدا وقعنا احنا كمان
ابتسمت رنا ولم تعلق.. جاءت اليهم روان وفريده وظلو يتحدثون... كانت ندي في شرود دائما وبرغم من فرحتها الا انها دائما صامته..
اقترب منها هشام قائلا: مالك ياندي
ندي : مالي!!
هشام : حاسك مش مظبوطة كدا
ندي بإستغراب : حاسس!!?? مش غريبه دي
تنهد قائلا: انا مش عارف اعملك اي .. اقرب مش عاجب ابعد مش عاجب.. حيرتيني يابنت عمي
ابتسمت ندي قائله: مفيش حيره ولا حاجة ياابن عمي .. متشغلش نفسك بيا ...
ثم انصرفت تاركة اياه في حنقه...