زيجه راس براس

البارت 20

🕊🕊🕊🕊🕊🕊🕊🕊🕊🕊🕊🕊🕊🕊🕊🕊
الاء من طلع علاء ضليت متمدده ع التخت الحجيه كاعده يمي وتسبح بسبحتها شوي وسمعنه كبت العيطه سوسن وهديل وحسين وعلاء اصواتهم عاليه الحجيه طلعت اني ما بيه اتحرك احس جسمي مخدر مااكدر احرك لا ايد ولا رجل ضليت نايمه بمكاني ماادخلت شوف شصاير وياهم شوي وصار هدوء دخلت الحجيه للغرفه وهي تضحك ع شنو ولدها يتكاونون وهي تضحك كتلها. حجيه بيج شي اشو تضحكين
الحجيه. وليش ما اضحك
الاء. ع بختج حجيه ولدج يتكاونون وانتي تضحكين
الحجيه. والله يمه مو الولد تكاونو بس الله حق وما يرضه بالضلم ولازم يبان كلشي
الاء. حجيه احجي شصاير شنو هاي الهوسه
الحجيه. خلصت لعبه وسالفه النقال خلصت وانتي مالج دخل بيهن
الاء. قصدج خلص اتاكدتو مالي دخل بكل اللي صار وياي
الحجيه. يمه انتي لا توكفين ع الكلمه خلصت السالفه ع خير وانتهت
الاء سكتت ما حجيت تعبانه جسمي يرجف ضليت افكر ولازم اخذ قراري ما ابقى بهذا البيت بس احس اكو قد شي يمنعني من انو اطلع من هذا البيت بس مااكدر علاء طعن بيه هواي يي طعني هواي شرف الشرف مو سهل تطعن بي ضليت افكر احس جسمي نار نمت كعدت يوم ثاني من الصبح تعبانه بس لازم اخدم أستاذ علاء كمت بالكوه دخلت للمطبخ كاعده احضر بالأكل ما اسمع غير صوت علاء وهو يكلي. صباح الخير
الاء ما رديت عليه رجع كلي
علاء. اصبح عليج شبيج ما تردين
الاء انداريت عليه وكتله. وياي
علاء. اكو غيرج هين
الاء. هه غريبه ليش تصبح علي مو أني اللي خلتني يومين بالغرفه بدون مي مو أني اللي ما عدها شرف خلصت واحد يجي ويأخذ اللي يريده وحملت منه اووووه اسفه اسفه كل هذا راح من بعد ما كشفت حقيقه صرت بنيه ماكو مثلي أمس لليل انته ترفع صوتك وترزل بس لا هسه لازم امشي وياك طبيعي ولا كانو صاير شي
علاء كعدت وكتلها. فهمي الاء مو بيدي شهرين اسوي من اسمع يكلج نزلي طفل و محادثات كله باسمج يعرف ما بينه شي يعرف انتي مو مرتي شنو تردين اسوي كولي
الاء. تسمعني تفهم مني مو تجي تضرب بدون فهم
علاء. شسمع كليلي كلشي يكول انتي اسمج علاقتنه يكلج لو بي خير ما تاركج شتردين اسوي مثلا اكلج عفيه عفيه بعد أكثر ليش بس هيج
الاء. كتلك علاء مو أني مو أني بس اتعب نفسي بالحجي انته ما تصدك واني تعبت تفهم شنو تعبت ما اتحمل بعد أكثر
علاء. من الاخر شنو اللي تردينو
الاء. اهلي اريد ارجع وتطلكني مااكدر ابقى وياك أنتم ما تنحملون
علاء بنكسار. اهلج هذا هوه تم وطلاك هم تم بعد تردين شي حضري نفسج هسه نطلع
الاء. لا هذا هو خلص ماريد شي تركته وطلعت احس قلبي يوجعني ما اهتميت دخلت غيرت ملابسي وطلعت ما اخذت شي وياي حته الحلقه خليتها ع ميز تواليت وطلعت صعدت اخذت كل مستمسكاتي وطلعت نزلت علاء ع نفس كعدتو كتلو كملت
علاء. ملابسج وين ذهبج
الاء. ما اريد شي منك بس ورقه طلاكي
علاء. امشي كدامي هسه اجيج صعدت غيرت ملابسي ونزلت هي كاعده بالحديقه وصافنه ع البيت كتلها يلا امشي طلعنه من البيت الطريق كله ساكته وانه هم ساكت وصلنه البيت اهلها الساعه ب12 انطينها جهاز ونفس السيم كتبت مالها ما غيرتو

💔💔💔💔💔💔💔💔🕊🕊🕊🕊🕊🕊🕊🕊🕊🕊
الاء طلعت للحديقه ضليت صافنه ع البيت ذكريات هواي عشتها بي حلوه ومره طلع علاء وطلعنه البيت اهلي وصلنه تقريبا الساعه ب12 انطاني جهاز اخذتو و نزلت بسرعه دكيت الباب طلعت مروه سلمت عليها وتباوسنه ودخلت هي بقت تسلم ع علاء دخلت للصاله امي كاعده ركضت عليها حضنتها وضليت ابجي مشتاقتلها امي مهما يكون تبقى مكانتها بكلبي غاليه و محد يكدر يوصلها هي تبوس بيه حسيت اكو إن بالموضوع علاء سلم عليها وراح بدون ما يحجي شي ضليت كاعده ابوس بيها وهيه كاعده وكل شوي تسئل ع احوالي ارتاحيت من حضنت امي وللعصر اجه ابوي ومازن وكعدنه نسولف ونضحك ما حبيت اكلهم ع سالفه طلاكنه بهاي الفتره البنات من سمعن بيه جايه اجن وهم سوالف وضحك عبالهن راح ارجع الحجيه تراسلني ما ارد عليها صفا و خديجه ريان كلهن يراسلني وما ارد مر اسبوعين اني بيت اهلي ابوي فرحان كل ما يكلي علاء ليش ما ضل اكلو عندو شغل هاي الأيام ومايريد ابقى بالبيت من يصير هو ما موجود من سئلني راسلتي تحجين وياه اكلو يي ما اعرف ليش اجذب ليش ما أعترف باللي صار ليش ساكته كل هل الاسئله بالي كل يوم اكول هسه علاء يطلك باجر ماكو بليل كاعده تقريبا الساعه ب2 راسلني إحسان كلت استغفر الله ما رديت عليه رجع كتب
إحسان. الاء لا تسوين هيج خلي نتفاهم
الاء. إحسان ماكو تفاهم بينه خلص انسى علاقتنه كلها غلط يغلط افهم عاد مو كل يوم تحجي بنفس السالفه لو نسيت أنه اصير مره اخوك اذا ما تتركني احترم اخوك ع الاقل
إحسان. بس أنتم راح تنفصلون وانه نرجع
الاء. ههههههههااااي واذا نفصلنه مستحيل ارجع الك انته ماتكدر تسوي شي انته واحد خاوه ما منك فزعه
إحسان. الاء افهمي كل اللي صار مو برادتي بس سمعيني
الاء. ما اريد اسمع منكم شي دمرتو حياتي الله ينتقم منكم انته واخوك وكل واحد بيتكم اكرهكم تعرف لو لا اكرهكم مسحت المحادثه وانطيته بلوك ماريد يحجي وياي كرهت كل شخص من عائلتهم مرت الايام واني حياتي عاديه مرتاحه مابيها مشاكل رجعت اتأخر وما اكعد من وكت الساعه ب12 او أكثر يلا اكعد مروه اكعد بالعشره امي من تريد تروح للمدرسه تسوي اكل البابا ومازن ونقفل الباب ونام بيوم كاعده اجت لمار كالت خطوبه اختي يوم الاثنين تعالي كتلها اوك صار الاثنين اخذت ملابسي اختها اسمها زينب بنيه حلوه وحبابه بينه صداقه بس مو قويه أكبر مني ب 4سنوات حضرت نفسي من كلشي احلا ملابس وافضح ملابس مكياج كلش قوي شعري كصيتو و صبغتو رمادي طلع كلش حلو علي لبست تنوره قصيره كلش سوده و قميص ابيض ساده فتحت اول أزرار القميص بحيث صدري يبين احب أبرز جسمي شعري سويتو برم طلع يجنن رحت للحفله وحدي مروه ما قبلت تروح وامي ما بيها تطلع تعبانه من المدرسه دخلت لمار واكفه بالبيت أخذتني دخلت الغرفتها عدلت مكياجي وملابسي وطلعنه بلشت الحفله الكل يركص واني وياهن ركصنه ركص معدل شوي واجو أهل الولد وصارت هوسه عقدولهم وهلاهل وهوسه خلصت الحفله رجعت للبيت امي بالصاله و مروه ماكو لا هي ولا مازن ما اهتميت دخلت للمطبخ جوعانه سويت شي اكله واني ع ملابس الحفله اهم شي بطني من اجوع ما اهتم الشكلي شنو لابسه سمعت صوت مروه تضحك ومازن هم دخلو للصاله طلعت وكتلهم. ليش هل خيانه تطلعوووو.... مامكمله انصدمت باللي كدامي....... يتبع