هروبي من الجحيم الى المستحيل بسبب اهلي

البارت 2

هروبي من الجحيم الى المستحيل بسبب اهلي
للكاتبه/رانيا شكسبير
البارت الثاني💜

اجتي نور وتبجي كالت شمس راح اموت الحكيلي راح اهرب كتلها شكو كولي كالت...

نور : اني عندي علاقه ويا ولد وقبل ميبطلوني اهلي من المدرسه تعرفت عليه وانطاني موبايل نوكيا (صرصر)علمود احجي وياه كليوميه بليل وعلاقتنه صارلها 4 سنوات

وهوه كال اني احبج واني همه كتله احبك وهوه النذل طلع يسجل صوتي من اكوله احبك واني اهلنا متشددين وهسه هوه ديهددني...

يكولي اذا متجين للشقه مالتي اروح لابوج واخوانج وافضحج وانشر تسجيلاتج الصوتيه....(احجي وابجي)

شمس : ميته انتي من هسه وحضنتها وكمت ابجي كالتلي هسه شلون شراح اصخم....كتلها روحيله...وجذبي عود رايحه على صديقتج وبالشقه

كوليله يمسحن التسجيلات وارجعي...كالت ولج انتي بعدج صغيره متعرفين شيسوي اذا رحتله للشقه..

نور :اووووف شراح اسوي

شمس : لتفكرين بس ادعي وصلي وكسري الموبايل وابتعدي عنه...

نور : حتى يفضحني

شمس : احسن حل اصبري ولتروحين

نور : شيكتبلي الله اني راضيه بي اووف يربي

شمس : ومرت 4 ايام وهوه بعده يهدد بيها واحنه ندعي ونبجي

فديوم من الايام يوم الخميس جنه نايمين الصبح 10

بنفس الغرفه اني وياها وجان اسمع عياط من ورا الباب

عياط اخواني وابويه وامي وعمامي وخوالي كلها تعيط كسرو الباب اني جفلت ونور وجها صار اصفر

وتباوعلي ونزلت دمعتها تكلي متت وفجأة انكسرت الباب ودخل بابا يصرخ وجر نور من شعرها سحل

وعمامي وخوالي شايلين اسلحه ونزلوها سحل من الدرج وهيه تصرخ وعماتي يصرخن يبجن وامي واني كمت اصرخ نووووووووررر

واني جريتها من بابا وبابا ضربني بلسلاح على راسي كسر جمجمتي وكام ينزف راسي وامي تصرخ لمت

المنطقه كولها و تصيح بنتيييي راح يكتلوهااااا وولد عمي كدامنه شبعوها كتل....وهيه تصرخ وتباوع بعيوني وتكول ساعديني راح مووووت

وبابا يكول اليوم الا اغسل عاري...وامي صرخت صراخ قوي وصل للسماء واتخربطت وونقلوها للمستشفى....

وبابا الميستحق اكوله هاي الكلمه راح طلعها بالشارع يم الزبايل (حشاكم)

سحب سلاحه وكال راح اغسل عاري واخواني مكيفين ونور شعرها خلص من التمليخ...ووجيها

اتشوه كولش واني اعيط وابجي ونور يم الزبايل لازميها والمنطقه ملتمين...

وعماتي يصرخن وخالاتي...واجتي العشيره...مال بابا...