شاديه : يا الفااتح كدي قوول بسم الله...يعني بتكرها لـ درجة ما داير تسمع اسمها...؟!!
الفاتح : ياااخ واكتر من كدي كماان ....انا ما إتوقعت في حياتي كلها بتي تتحداني عشان زول ما يسوا حاجه ...💔 لا وكمان وصلتنا لي درجة محاكم وقضايا .... تاني انا مالي ومالا ..ومال الدوووشه دي ...خليهو ينفعا في حياتا دي ✋..
شاديه : اسي انت القال ليك البت دي حيه منو؟ يمكن ميته البت دي ... خمسه سنه لا سمعنا منها لا حس لا خبر ...
الفاتح : عقدها براها قالت انا متأكده من انو حا يحميني بي كل ما فيهو ....♥️ وكلام افلام ومسلسلات فاارغ✋💔 . يلا اسي خليهو اليحميها... وانا عندي خمسه بنات يا شااديه🖐 خمسه بس ...لا سته لا شي..
شاديه : لا يا الفاتح ما تقوول كدي عليك الله😭💔..
الفاتح : انا من يوم هي عرست يا شااديه ولا خاتي ليها ولاشي في راسي...
شاديه : يلا دا ماهو قلب الوالد البنعرفوا يا الفاتح😭😭💔اسي انا من يوم هي عرست كل ما إتزكرها بتزكرها بي دعوات ...انو ربنا يسعدا ويبعد عنها الشر 💜. لكن لي درجة انكرها حطب ياالفاتح ✋لا دي ما حصلت كلو كلو... دي بتك المن حشــاك ...داير تتبرى منها 💔.
الفاتح : ياا شااديه💔
شاديه : اي انا عارفاك متغايظ عشان كنت داير تديها عوض ولد اخوك ... لكن انت ما عامل فيها شيخ وزول واعي وفاهم ...وكل يوم ماسك مصحفك في يدك ...عمرك ما ركزت في آية🌸 *وعســى ان تكـرهوا شيـئاً وهو خيرُُ لكم* 💜
الفاتح : ونعم بالله ... بس العارف روحوا غلطان بيجي وبعتزر ولا ما كدا با ام مِحــ.....
شاديه : كده والله... اها اكمل الاسم ولا اخليهوو🙃
الفاتح : لا خليهو
شاديه : 😂😂طيب
الفاتح : الحمد لله الذي اطمني وسقاني من غير حولٍ مني ولا قوه♥️
شاديه : هياا راجل شبعت ولا انا سديت ليك نفسك بالسيره دي😢
الفاتح : لا شبعت الحمد لله... انا بمشي الحوش اجيب لي نعناع من حوضو .. بالله عليكي اجي القاكي ظبطي الشاي الاحمر عشان عندي برسيم داير احشوا ..
شاديه : ياراجل انت قايل روحك لسـه في شبابك؟ ضهرك دا بيوجعك والله ....
الفاتح : الله بيساعدني ♥️
شاديه : ياحليل معالي والله ....تتزكر زمان كانت بتحشلك البرسيم دا كلو....
الفاتح : اي والله فقدتها يا حليلها....💔 حتى كل مره بتزكر لمن بتول بت عمها ...تكاويها وهن ما شايفتني انا بي وراهن ...😂بتول كانت ع تقولها الدكتوره تحش في القش دي عمرنا ما سمعنابا .... معالي قالتلها انا لسه ما بقيت دكتوره لكن حا ابقا بإذن الله والزول القاعدي اساعد فيهو يا بتول دا دفع دم قلبوا عشان انا اصل المرحله دي ...وعندو عندي دين كبير حا اردوا ليهو ان شاء الله ....♥️♥️.
شاديه : اي والله كانت حاسبالك الف حساب يا الفاتح ♥️...
الفاتح : يااربي تفتحلها ابواب عونك وتوفيقك 🤲..
شاديه : يارب 💕.
.: ✿❀✿❀✿❀✿❀✿❀
💢 *وقفــه*✋
✿❀✿❀✿❀✿❀✿❀
(يـؤمِن المسلم بحق الوالدين عليه...وواجِـب برهما وطاعتهما ...والٳحسـان ٳليهما لا لكونهما سبب وجوده فحسـب ...او لكونهما قـدما له من الجميل والمعروف ما وجب معه مُكـافٲتهما بالمِثل ...بل لٲن الله عز وجل ٲوجـب طاعتهمـا .. وكتب علۍ الولد برهما والٳحسان ٳليهما حتۍ قرن ذلك بحقـه الواجـب له من عبادته ...وحده دون غيره فقال عز وجل 💜
*(وقَضـَۍ ربـُك ٲلاّ تَعبُـدُوا ٳِلاّ ٳِياهُ وبِالوالِدينِ ٳِحسـاناً ٳِما يبلغن عندك الكـبر ٲحداهُما او كلاهُمـا فلا تقل لهُـما ٲفّ ولا تنهـرهُما وقُـل لهُـما قولاً كـريماً ❂ واخفض لهمـا جناح الذل مـن الرحمه وقُل رّبِ ارحمهمـا كما ربياني صغيـراً* ❂ 💜
✿❀✿❀✿❀✿❀✿❀
✿❀✿❀✿❀✿❀
وخِتام الحلقه اسٲل الله الكريم بمنـه وجوده وكرمه ٲن يصلح نياتنا ...وٲن يجعلنا هُـداة مهتـدين لا ضالين وٲن يجمعنا مع والدينا وذرياتنا في جنات النعيــم💜💫 كما قال تعالۍ:
*والذيـن ءامنوا واتبعتهم ذُريتهم بٳيمـنٍ ٲلحقـنا بهم ذُريتهُـمَ ومَـآ ٲلتنهُـم مِن عَملهِم مِن شئٍ كُلُ امرِۍٍ بِما كَـسَـبَ رَهِيـن* 💜💫 "الطور: ¹²"
🌸نهايـة ـــ الحلقـه ـــ السابعه🌸
