🌸وسط قريه تحتضنُــها الجبــال ..لكنها بدأت بالنِمو وُمواكبة الحضارهّ ...حيـثُ توفرت بِها وسائل النقـل والخدمات واصبح سكانها في عددٍ متزايدٍ تدريجياً....🖤...
في منزل بسيط جداً يسكُناه زوج وزوجه بدت اعمارهم ما بين الخمسون والستون سنه...
كانت الساعه تُشير إلي الرابِعه عصـراً....
حينها كانت الزوجه مستلقيه على إحدى الاسٍره تحت ظٍل شجـرة العُناب تلك الشجره التي توسطت ذلك المنزل المتواضع ....
نسمات هواء القريه الطلق وهدوء الاجواء في منزلها جعلها تغفو رويداً رويداً إلى ان غرقت في النوم ...
إستيقظت فجأه بصوت فتح الباب.....
إنتابها الخوف للحظات....
نادت بأعلى صوتهاا ....
(......): يـا الفاتح يا الفــااااتح ....يااا💔😱
الفاتح : بسم الله 😳 آآآآشـاديه 🖐!!! تنبحي كدي مالك ..؟ داا انا الفاتح جيت من صلاة العصر يا دااب...
شاديه : خفت والله ..قلت يمكن يكون حرامي ولا شي...
الفاتح : هوووي يا مره ...كدي إستهدي بالله....حرامي شنو دا...؟ وهو زاتو انتي قايلي روحك في الخرتوم؟
شاديه : هااا يا الفاتح هو الحراميه مافي الخرتوم براهو .البلد دي كلها حرااميه...هسي ناس رجاء ديل قبل يومين قالو سرقو ليهم شيلة محمود ولدا ...
الفاتح وهو بيقعد في السرير الجنبها: 😂ههههه ..لا دي حاره والله.... اسي محمود عمل شنو !!
شاديه : قالو حِـرد العرس
الفاتح : ياا حليلو ..ربنا يعوضوا والله ...كلو لـخير
شاديه : والله اكان شفت رجاء فاتحاهو بيت بكااا عديل🖐?
الفاتح : بسم الله عشاان سرقه؟ 😳
شااديه : اي هي دي سرقة شيله عدييل💔🖐😭
الفاتح : دا قضاء وقدر والله..
اها آآآشاديه قولي بيت ناس رجاء دا فيهو شيله...اسي انتي بيتك دا فيهو شنو عشان يسرقوا؟ لمن الحرامي يجيكي بالعصر كمان😂🖐..!!
"كمية الإحراج الدخلت فيها خلتها تزوق من الموضوع"
شاديه : انت يا الفاتح الليله شكلو مواعيد الغداء دا إتأخرت 🤔 كدي النمشي اسويهو...
الفاتح : اي امشي ...وبالله عليكي شوفي بوتجازك ما يكون إنسرق😀🖐
شاديه بي سرها : العجوز داير يتظارف🙃🖐
"ودخلت المطبخ وعملت الغداء بي فته بالرز😋🖐...والفاتح مشى الحوش بتاعهم فيهو حوض جرجير كدا....جاب منو ربطه بتاعة جرجير وغسلو ...وشاديه جابت ختو جرجيرهم وبدو ياكلو تحت شجرتهم "
شاديه : والله كل ما إسوي الفته دي قاعده إتذكر بناتي يا حليهم يايمه 😭🖐 كانن بيريدنها ريد😭...غايتوا سبحاان الله...شوف البيت دا قبل كم سنه كان كيف واسي كيف؟
الفاتح : ياهو حال الدنيا وحال اي بت .... الحمد لله ما قصرت معاهن في شي 🖐🖤
شاديه : هه الحاله دي ما قصرت معاهن يعني !!! طيب المقصر يبقا كيفن اصلو...
الفاتح : كيفن الكلام دا آآآآشاديه 💔
شاديه : اسي يا الفاتح اكان خليتن يقرن مالو البنات ديل ؟💔
الفاتح : هي القرايه دي بقت كيفن؟ 🖐يااهاا الورجغه حقت الخواجات دي ولاشيتاً بلاهاا 🤔 كفاهن اني حفظتهن المصحف الحمد لله ..حتما بعدين سلمتهن لي رجال 🖐🖤 لكن الاختارت الدرب الصعب دي انا ماعندي شغله بيها وتتحمل مسؤليتا بي نفسها..🖐
شاديه : 😳قصدك معالي ؟بس ما تقولي معالي يا الفاتح...
الفاتح : لا يااخ معالي شنوو .... اصلاً معالي دي ماشاء الله زوله عندها هدف وانا متأكد بإذن الله ح تحققو 💕 وعشان هي زوله علي نياتها شوفي مصاريف جامعتها وداخليتها إتكفلوا بيها كلها يوم تكريمها 🖤لكن انا قصدي ...
شاديه : اهااا يعني قصدك مِحـ......
الفاتح انفعل فيها : اوعك تنطقي اسمها دا قدامي 😠 والله اقوم واخلي البيت دااا😠✋
يتبع .....🔥
🌸نهاية ـــ الحلقه ـــ السادسه🌸
