#اختطاف 4
رغم اني تااااااعبه مقدرتش نخليكم بلا حلقه نكتب بعين وحده اقسم بالله تفاااعلو الاحداث الجايه نااار🔥🔥🔥
صقر:بلع ريقه وكسر الباب بي كتفه ونصدم من يلي شافه سمر طايحه وجي راسها ع حاشية البانيو والارضيه دم كلها والمصيبه ان سمر مكانتش لبسه غير حوايجها الداخليه بس👙
صقر:قعد مصدوووم وحال فمه في المنضر يلي شافه قدامه.....سكر عيونه بي يديه وتلفت للجيها التانيه معش عرف كيف يتصرف خصوصا انها مش لابسه شي قعد يوصل لا باب الحمام ويوخر وجها احمممر وعرق مع بعضه قعد واقف في النص لا عرف يخش يقيمها ولا يخليها لين تنوض بروحها لان ولا عمره في حياته ماس بنت حتى قريباته سلام من بعيد
بعد دقايق من تردد صقر وهوا واقف في النص بدي الدم يزيد وسمر ولا فاقت حتى شويه ...خش صقر لي دار النوم جاب منها شرشاف وخش للحمام يغطي فيها ويشبح لي الجه التانيه ...بعد ما خلاص ضمن ان جسمها كله مغطي قامها وطلعها
صقر:قعد شادها في غمره وخذي كليلكس رقدها ع الصالون وحط الكليلكس ع مكان الجرح ووقف بعيد عليها شوي
صقر:احمم يا اخت تسمعي فياا؟؟؟
سمر:غايبه ع الوعي
صقر:مسح وجها بي يديه...الززح شن بندير
بعد تردد كبير من صقر قرب عليها شوي وبدي يبخ في الميه علي وجها
سمر:اخيرا استاعت واول مفتحت عيونها بدت تبكي
صقر:سكر شيشة الميه وبعد من عليها
سمر:😭😭😭😭😭😭😭تبكي بعبرتها
صقر:خلاص عاد طيحه عاديه ره😒
سمر:تبكي بشكل مش طبيعي😭😭😭😭
صقر:قعد واقف ويشوفلها مش عارف شنو يدير....خش للحمام جابلهاالحوايج يلي كانت رح تلبسهم
صقر:هاك البسي انا طالع خمسه دقايق مابين تكوني لبستي انتي
سمر:هزت براسها وهيا تبكي
صقر:طلع من الحوش وقلبه يقربع مسكين متحشم ومش عارف كيف يتصرف اول مره في حياته يقعد مع بنت في حوش واحد صقر كانت حياته كللللها هياجه وسفر مع الاولاد ويكره البنات بشكل غير طبيعي
سمر:بكيت هلبا علي حالي💔مفروض اليوم محضري ولابسه العربي انا ومالك💔مش مع واحد براني عليا في حوش واحد وشافني عريانه ...بكيت بكيت بكيت وراسي موقفش نزيف ...حاولت نشد حيلي وبصعوووبه باش قدرت نلبس حوايجي ورجعت حطيت راسي ع الصالون لان كان داايخ هلبااا
منال:بابا اخيرا جيت شنو صار في سمر كلماتك
ميلود:بحزن وكسر💔اي كلمتني امورهم تمام في فندق وميبوش ازعاجات بكرا ان شاء الده يجوكم يسلمو عشان يودعوكم ويسافرو
منال:ريحتني الحمد الله بس كيف هكي مصارش من المحضر ولا كيف؟لان ام مالك حكت انها بدير محضر
ميلود:لالا لغوه المهم بنتي بالله خليني توا نرقد راسي منفوخ نحس فيه
منال:باست بوها ع راسه...وطلعت
وطبعا مستحيل ميلود يرقد وبنته بعيده عليه بس كان محتاج وقت بروحه يفكر فيه لا اكتر
