حكايات"تملك قلبي "

احببت سيف🌹

مقتنعه تماما ان الحب مش بيجي بالعافيه وانه شعور واحساس وروح شخص بتلمس روح شخص تاني..واللي بيحب بجد بيتمني لغيره السعاده حته لو مش معاه..اكيد هيحس بوجع وألم كبير بس هو ده الحب تضحيه
-ايه ده كله ايه ده كله ي ست زينه بقينا بنكتب كلام حلو اهو
بس ي بت ما نتي عارفه من زمان اني بكتب كويس اووي حاجه مش جديده يعني
-لا بس اول مره احس انو طالع من قلبك وانك تحطيه علي الفيس دي حاجه غريبه
لا غريبه ولا حاجه ي ألاء بس هفضل كده اكتب في ورق قولت هنشر مع بعد كده اي حاجه هكتبها
- طيب بقولك انهارده في عزومه عندنا في البيت و ماما عزماكي الساعه ٥ تكوني هنا
لا مش قادره
- باي ي قلبي مستنياكي
ي بنتي ارحميني شويه
-سلام 💙
رحت هناك عند ألاء وفتحلي الباب شاب عيونه عمري ما شفت في جمالها
عيونه كانت زي البحر توهت فيهم
:اهلا اتفضلي نتي زينه صح
ا..ايوه..ايوه انا زينه
:مهو واضح انك فعلا زينه
احم هي ألاء فين
- اهلا ي هانم تأخير ربع ساعه كالعاده
اسفه بس والله الموصلات
- عادي ولا يهمك ..اعرفك سيف ابن عمي ...سيف دي زينه اختي الكبيره
اختك ايه؟
- بهزر معاكي ..
: طيب ندخل مينفعش الوقفه علي الباب
دخلت والمفروض يعني اني كنت باكل ..بس انا مكنتش باكل انا كنت بصه عليه بس ومركزه في كل تحركاته
- مش بتاكلي ليه
لا باكل اهو ي ألاء
: لا مش بتاكلي
الاء قالتلي في ودني ..ي بنتي نتي مش بتاكلي الاكل نتي هتاكلي وشه بصي في الاكل هتفضحينه
حاضر
قعدت مع ألاء شويه بعد الغدا والمفروض اقوم امشي
: ممكن اوصلك
ها ..لا .اقصد ماشي ..لا مينفعش اصل انا هروح مشوار الأول وبعدين اروح وبعدين مش عايزه اتعبك ..انا ماشيه سلام ي ألاء
مشيت وانا هموت وارجع اقعد معاه بس افضل بصاله كده وأتأمل فيه وفي عيونه
روحت البيت معرفش ازاي واول حاجه رحت علي فوني علي طول اجيب الفيس بتاعه لقيته هو كمان بيكتب بس مش شعر بيكتب كلام احلي من ميه شعر والله حبيت كلام اووي
وانا بتفرج علي صور بتاعته لقيته بعت اد
انا مردتش اقبله
لقيته دخل علق علي اخر كلام نزلته وكتب
وإنّي لا أريدها كاملة أو مثالية أريدها مُحاربة تفهم أن الحياة حرب وأنّ الحب وتدٌ نتكئ عليه والخلاف يقوّي ولا يُشتت وأن العتاب صُلح وأني لستُ مثاليًا كي أريدها كاملة ولا ناقصًا كي تُكملني ولا أريد منها بل أريدها وأُريد ثباتًا منها لا يغيره الزمن".
قبلت الاد بعد الكلام
وهو دخل كلمني علي طول
: علي فكره نتي لو قويه متسبيش حب حياتك لحد لازم تحربي عشانه لازم تثبتيله انك تستهليه بجد وهو لما يشوف حبك هيحبك انما اوعي تخليكي ضعيفه خليكي قويه
رديت عليه بسرعه ..بس افرض محبنيش
: هو مين ده اللي يشوفك وميحبكيش يعني
يلهووي اتكسف منه اووي وقررت اقفل عشان الكليه الصبح ومردتش
الصبح ..
ايوه ي ألاء انا عند باب الكليه
-وانا قربت اهو
ماشي
جت ألاء ومعاها سيف
- معلش اتأخرت سيف كان بيجيب حاجه
وهو نتي مش بتيجي لوحدك؟
-لا اول واخر مره اجي معاه بس عشان ملقتش موصلات ف قولت يوصلني وكمان هو كده كده بيجي عشان محاضراته
محاضره!
:انا في سنه خمسه جبت في الاربع سنين امتياز ف اشتغلت معيد ف الكليه
ي شيخ ي خربيت جمالك لكلامك لحلاوتك دي ونت بتعمل اي حاجه انا شكلي حبيتك بقا
: بتقولي حاجه 😂
انا .لا لا هقول ايه
دخلت المحاضرات وخلصت الحمد لله وانا بروح علي طول مع ألاء ف جت هي قبل سيف اللي كانت متفقه معاه ان هو يوصلنا
بصي بقا نتي تتصرفي انا بحب سيف ومليش فيه لازم يعرف مش هو مش مرتبط
-حبيتيه أمته ي بنتي
هو ده الشخص اللي بدور عليه نتي تتصرفي احسنلك
- طيب حاضر بس هعمل ايه اقوله ازاي مش هعرف اقول كده انا
مليش فيه لو مقولتيش هقوم أبوسه اول لما يجي وافضحك
: تبوسي مين؟
- البس
ألاء هو في حد اتكلم صح
- للأسف ايوه
: تبوسي مين
هبوس ألاء عندك مانع
: بجد...لا معنديش يلا عشان اوصلكم
فضلت طول الطريق خايفه ارفع وشي اشوف عيونه دي
وصلت لحد البيت
: ياريت تبقي تردي عليا
حا حا..حاضر
طلعت جريت علي الفون وفضلت مستنيه يبعت حاجة
واخيرا بعت
: هشوفك بكره
ان شاء الله
: طيب مش ناويه تكتبي حاجه انهارده
لا..نت كتبت
: ايوه
ثواني كده
دخلت اشوفه كتب ايه
يا آخرَ المَلكاتِ كيفَ أخذتِني
منّي بلا إذنٍ، ولا استئذانِ؟
من أيِّ نافذةٍ دخلتِ عواطفي
ونشرتِ هذا العِطر في بُستاني
إنّي عرفتُ من النساءِ قبائلًا
لكن كرسمكِ لم تجد ألواني
أرجوكِ باسمِ الحبِّ لا تتغيَّري
إنّي عشِقتُ نقاءكِ الربّاني.
انا قلبي دق كتير كنت فرحانه جدا بس معرفش ليه مع اني معرفش الكلام لمين
دخلت كتبت انا كمان
(‏من أي خيوط نُسجت تلك العينان لِتسرق قلباً تاب عن الحُب )
دخلت كلمته وقولتله كتبت
: شوفتها بس هو انا عيوني حلوه للدرجه دي
انا قلبي وقف م الخضده
قفلت بسرعه فيس وكلمت ألاء
ايوه ي ألاء نتي قولتي لسيف حاجه
- لا ليه
بطمن بس
- مش عارفه اقوله ايه اصلا
متقوليش ..خليه هو اللي يقول غصب عنه هيحبني
- حلوه الثقه بس انا هموت وانام
تصبحي على خير
-ونتي من اهله
دخلت تاني عشان اشوفه بعت حاجه تاني ولا لا
: خلاص مش لازم تردي بس هو نتي مش مرتبطه صح
ايوه مش مرتبطه
: غريبه ازاي قمر زيك كده مش مرتبطه
وبعدين بقا ...كده انا مش هرد علي الشات كله
: خلاص لا وعلي ايه
طيب انا هقفل انا عشان هنام
: ماشي تصبحي علي خير اشوفك الصبح
ونت من اهله
مكنش بينا كلام كتير كنت محافظه علي حدود بيني وبينه وف نفس الوقت نفسي اشيل الحواجز انا بحبه اوي وبصراحه مش هعرف امسك نفسي كتير
تاني يوم الصبح وانا رايحه مع ألاء كانت عايزه تقولي حاجه بس معرفتش من وجود سيف وبعد ما دخلنا وبقينا لوحدنا
في أيه مالك ي ألاء
- سيف طلع بيحب انا سالته امبارح وحاطط في دماغه انه يخطبها
عادي
عادي !
ايوه ..هو قالي حاربي عشان حبك اكنه كان بيقولي حاربي عشاني وهو يستاهل يتحارب عشانه
: عندك حق
سيف نت هنا من أمته
:من ساعه المحاربه
طيب هستأذن انا
اتحرجت ومشيت وانا جوايا وجع مش طيقاه بس كنت قويه قدامهم
روحت قعدت اعيط
ألاء رنت عليا كتير وهو رن عليا بس انا مردتش علي حد ولا فتحت
صحيت الصبح لقيت رساله من سيف بيقولي
: صباح الخير
صباح النور
:فاضيه انهارده
ايوه ليه
:عشان خطبوتي
حاضر هاجي..الف مبروك
:مهو اكيد هتيجي بس يلا قومي اجهزي عشان باباكي زمانه داخل عشان يكلمك
بابا! ونت مالك ومال بابا
: امال هخطبك من مين يعني
نت بتقول ايه
:قومي اللبسي يلا انا جاي حالا
هتخطبني انا ..نت فعلا مجنون ده احلي خبر سمعته في حياتي
: بتحبيني ي زينه
مكنتش قولت اني هحارب عشانك
:بحبك ي زينه

""تملك قلبي ذلك العاشق بعينيه ""
#إسراء ابراهيم
#تَملك قلبي