حب هجرسي

الاخيررر

ﻣﺸﻴﻨﻪ ﻭﻫﻮ ﺭﻓﻊ ﺩﺷﺪﺍﺷﺘﻪ ﻟﺤﻀﻨﻪ ﺍﺑﺘﺴﻤﺖ ﻉ ﺗﺼﺮﻓﻪ .... ﻭﺑﺪﻩ ﻳﺴﻮﻕ ﻭﻳﻤﺴﺢ ﺑﺎﻟﻌﺮﻙَ ﻛﻞ ﺷﻮﻳﻪ ﻳﺒﺎﻭﻋﻠﻲ ﻭﻳﻜﻮﻝ
.. ﺍﺣﺘﺮﻙ ﺟﺪﻙ ﻳﺎ ﻫﺠﺮﺱ ﻋﻠﻰ ﻫﺎﻟﺒﻠﻴﻪ
ﻗﺮﻳﺐ ﺍﻟﺴﻴﻄﺮﻩ ﻭﻛﻒ ﺍﻟﺴﻴﺎﺭﻩ ﻭﺍﻓﺘﺮ ﻣﻦ ﺟﻬﺘﻲ ﻓﺘﺢ ﺍﻟﺒﺎﺏ ﻭﺣﻂ ﺧﺎﻭﻟﻲ ﻉ ﺍﻟﺠﺎﻣﻪ ﻭﻗﺒﻞ ﻻ ﻳﺴﺪﻫﺎ ﻛﺎﻝ ﺑﺼﻮﺕ ﻧﺎﺻﻲ
.. ﺍﺥ ﻣﻨﺞ ﺍﻡ ﺭﺍﺱ ﺍﻟﻴﺎﺑﺲ ﻣﺎ ﻋﺮﻓﺘﻲ ﺗﺠﻴﺒﻴﻦ ﻭﻳﺎﺝ ﺑﻮﺷﻴﻪ
.. ﺷﻨﻮ؟؟ ﺍﻟﺒﺲ ﺑﻮﺷﻴﻪ ؟؟ﻭﺍﻟﻠﻪ ﻣﺎ ﺍﻟﺒﺲ ﺍﺧﺘﻨﻚ ﻭﺍﻣﻮﺕ ﻏﻴﺮ
ﺣﺠﻪ ﺑﻌﺼﺒﻴﻪ
.. ﺍﻱ ﻣﻮ ﻣﻠﺒﺴﺞ ﺟﻔﻦ .... ﺟﺎ ﻫﻮ ﺍﻟﻌﻨﺎﺩ ﺷﻠﻮﻥ ﻳﺼﻴﺮ ﺍﺣﻤﺮ ﻟﻮ ﺍﺻﻔﺮ ..... ﻧﺰﻟﻲ ﻫﺎﻟﻌﻴﻮﻥ ﺑﺎﻟﻜﺎﻉ ﻻ ﺍﻧﺰﻟﺞ ﺍﺑﺘﻠﻲ ﺑﻴﺞ ﻫﻨﺎ ﺑﺎﻟﻄﺒﺮ
ﺳﺪ ﺍﻟﺒﺎﺏ ﻭﺍﻧﻲ ﺍﺑﺘﺴﻤﺖ ﻉ ﻋﺼﺒﻴﺘﻪ ﻓﺪﻭﻩ ﺷﻠﻮﻥ ﻛَﺎﺏ ﻧﺎﺭ ﺭﺟﻊ ﻧﻔﺲ ﻭﺿﻌﻴﺔ ﺩﺷﺪﺍﺷﺘﻪ ﻭﻣﻜﺎﻧﻪ ﻭﻣﺸﻴﻨﻪ
ﻭﺻﻠﻨﻪ ﻗﺮﻳﺐ ﺍﻟﺴﻴﻄﺮﻩ ﻛﺎﻝ
.. ﺗﻠﻔﻠﻔﻲ ﻋﺪﻝ ﻭﺩﻳﺮﻱ ﻭﺟﻬﺞ ﻉ ﺍﻟﺠﺎﻣﻪ ﻣﺎ ﺗﺪﻳﺮﻳﻦ ﻭﺟﻬﺞ ﻟﻤﻦ ﺍﻛﻮﻟﺞ ﺍﻓﺘﻬﻤﺘﻲ ؟
.. ﻣﺎﺷﻲ
ﺳﺎﻳﺮﺗﻪ ﻻﻥ ﺍﺩﺭﻱ ﺑﻴﻪ ﺷﻜﺪ ﻳﺤﺒﻨﻲ ﻭﻳﻐﺎﺭ ﻛﻤﺖ ﺍﻋﺮﻑ ﻛﻞ ﺳﻮﺍﻟﻔﻪ
ﻭﺻﻠﻨﻪ ﺍﻟﺴﻴﻄﺮﻩ ﺍﺩﻧﺖ ﻋﻠﻴﻪ ﺣﻮﺭﻳﻪ ﻭﺣﺎﺟﺘﻨﻲ ﺑﺼﻮﺕ ﻧﺎﺻﻲ
.. ﺟﻮﻟﻲ
.. ﻫﺎ
.. ﺍﻟﻠﻪ ﻳﺴﺎﻋﺪ ﻗﻠﺒﺞ ﻉ ﺍﻟﻐﻴﺮﻩ ﺍﻟﻌﻨﺪﻩ ﻳﻤﻪ ﺑﻮﺩﻩ ﻳﻜﻄﻊ ﺍﻟﻌﺎﻟﻢ ﻛﻠﻬﺎ ﻣﻦ ﻭﺭﺍﺝ ﺣﺘﻰ ﺍﻧﻲ
.. ﻫﻬﻬﻬﻬﻬﻬﻬﻪ ﺍﺳﻜﺘﻲ ﺷﻴﻮﺻﻠﻨﻲ ﻣﺘﺖ ﻭﺍﻟﻠﻪ
Mariam-almusawi
ﻭﺻﻠﻨﻪ ﻧﺰﻟﺖ ﺣﻮﺭﻳﻪ ﻗﺒﻠﻲ ﻟﺰﻡ ﺍﻳﺪﻱ ﻭﺑﺎﻭﻋﻠﻲ ﻭﺑﻌﻴﻮﻧﻪ ﻧﺎﺭ
.. ﺍﺳﻤﻌﻲ ﺟﻴﻼﻥ ﺗﻄﺒﻴﻦ ﻛَﺒﻞ ﻟﻠﺒﻴﺖ ﺧﻴﺎﻟﺞ ﻣﺎ ﺍﺭﻳﺪ ﻭﺍﺣﺪ ﻳﺸﻮﻓﻪ ﺳﻤﻌﺘﻲ ﻟﻮ ﻻ ؟
.. ﺷﺒﻴﻚ ﻫﺠﻮ ﺣﺒﻴﺒﻲ .. ﻟﻴﺶ ﺿﺎﻳﺞ ﻫﻴﺞ ؟
.. ﻟﺞ ﻳﺎ ﺿﺎﻳﺞ ﺍﻧﺘﻲ ﻟﻮ ﺗﻌﺮﻓﻴﻦ ﺍﻟﺼﺎﻳﺮ ﺑﻴﻪ ﻫﺴﻪ ﻣﺎ ﻟﻐﻴﺘﻲ
ﺑﺎﻭﻋﺖ ﻣﻨﺎ ﻣﻨﺎ ﻣﺎﻛﻮ ﺍﺣﺪ ﺑﺴﺘﻪ ﺑﺨﺪﻩ ﺑﺴﺮﻋﻪ ﻭﻧﺰﻟﺖ
ﺻﺎﺡ ﻭﺭﺍﻱ
.. ﺍﻧﻲ ﺍﻋﻠﻤﺞ ﻳﺎ ﻋﺎﺭ ﻭﺍﻟﻠﻪ ﺍﻻ ﺍﻃﻠﻌﻬﺎ ﻣﻨﺞ
ﻧﺰﻟﺖ ﺩﺧﻠﺖ ﺟﻮﻩ ﻟﻜﻴﺖ ﻋﻤﺘﻲ ﻛﻮﺍﻛﺐ ﺑﺎﻟﻤﻄﺒﺦ ﺑﻮﺳﺘﻬﺎ ﻭﻛﺎﻡ ﺗﺼﻠﻲ ﻋﻠﻰ ﻣﺤﻤﺪ ﻭﺍﻝ ﻣﺤﻤﺪ
ﺩﺧﻠﺖ ﺟﻮﻩ ﻟﻜﻴﺖ ﺍﻟﻜﻞ ﻣﻮﺟﻮﺩ ﺑﻴﺒﻲ ﻭﻣﺮﺓ ﻋﻤﻲ ﻭﻓﻄﻮﻡ ﻭﺯﻳﻨﺐ ﻭﻧﺴﻮﺍﻥ ﻛﺮﺍﻳﺐ ﺯﻭﺝ ﻋﻤﺘﻲ ﻭﺑﻨﺎﺕ ﻋﻢ ﺣﻮﺭﻳﻪ
ﺳﻤﻠﺖ ﻋﻠﻴﻬﻢ ﻛﺎﻟﺖ ﺑﻴﺒﻲ
.. ﻳﺎ ﻭﻟﻜﻢ ﻫﺎﻱ ﻣﻨﻬﻲ
ﻛﺎﻟﻮﻟﻬﺎ
.. ﻫﺎﻱ ﺟﻴﻼﻥ
.. ﻻ ﺗﺠﺬﺑﻮﻥ ﻋﻠﻴﻪ ﺟﻮﻳﻠﻪ ﺍﻋﺮﻓﻬﺎ ... ﻫﺎﻱ ﺍﻟﺒﻨﻴﻪ ﺍﺣﻠﻰ ﻣﻨﻬﺎ
ﻛﺎﻟﺘﻠﻬﺎ ﻓﻄﻮﻡ
.. ﺑﻴﺒﻲ ﻭﺣﻚ ﺍﻟﺤﻤﺰﻩ ﺍﺑﻮ ﺣﺰﺍﻣﻴﻦ ﻫﻲ ﺑﺲ ﺍﻧﺘﻲ ﺻﺎﻳﺮﻩ ﻣﺎ ﺗﺸﻮﻓﻴﻦ ﻛﺒﺮﺗﻲ
ﺑﻴﺒﻲ ﺩﻭﺭﺕ ﻋﻠﻰ ﻋﺼﺘﻬﺎ ﻓﻄﻮﻡ ﺷﺮﺩﺕ ﻛﺎﻟﺘﻠﻲ
.. ﻭﻟﺞ ﺟﻮﻳﻠﻪ ﺗﻌﺎﻱ ﺟﺎﻱ
ﺍﺟﻴﺖ ﻳﻤﻬﺎ ﻛﺎﻟﺖ
.. ﺍﻧﺘﻲ ﺷﻨﻬﻲ ﺗﺮﺩﻳﻦ ﺗﺠﻴﺒﻴﻦ ﺍﻟﻌﻴﻦ ﻭﺍﻻﺛﺮ ﺍﻟﺞ ﻭﻟﺮﺟﻠﺞ ﻭﻫﻮ
ﻣﺎﻫﻮ ﻃﻴﺐ
.. ﺑﻴﺒﻲ ﻟﻌﺪ ﺷﻠﻮﻥ ﻏﻴﺮ ﺍﻃﻠﻊ ﺣﻠﻮﻩ
.. ﺍﻭﻭ ﺣﺮﺍﺭﻩ ﻛﻮﻥ ﻟﻜﻞ ﻭﺣﺪﻩ ﻣﺎ ﺑﻴﻬﺎ ﺣﻆ ﻛﻮﻣﻲ ﻋﻨﻲ ﻛﻮﻣﻲ ﺍﻟﻐﺴﻞ
ﻋﻔﺘﻬﺎ ﻭﺭﺣﺖ ﻭﺍﻧﻲ ﺍﺿﺤﻚ ﺍﺑﺎﻭﻉ ﻟﺤﻮﺭﻳﻪ ﻛﺎﻋﺪﻩ ﺟﻨﻬﺎ ﻃﻔﻠﻪ ﻉ ﺍﻟﻜﺮﺳﻲ ﻓﺪﻭﻩ
Mariam-almusawi
ﻭﺍﺑﺎﻭﻉ ﻟﻔﻄﻮﻣﻪ ﻓﺪﻭﻩ ﻛﻠﻤﺎ ﺟﺎﻳﻬﺎ ﺗﺤﻠﻰ ﻃﺎﻟﻌﻪ ﺗﺨﺒﻞ ﻻﺑﺴﻪ ﺑﺪﻟﻪ ﺗﻮﻳﺘﻲ ﺭﺑﻊ ﺭﺩﻥ ﻭﺑﻴﻬﺎ ﺫﻫﺒﻲ ﻭﺗﺮﻛﺺ ﻭﺗﻔﺘﻔﺮ ﻣﻨﺎ ﻭﻣﻨﺎ ﺟﻨﻬﺎ ﻏﺼﻦ ﺍﻟﺒﺎﻥ
ﻭﺯﻧﻮﺑﻪ ﻓﺪﻭﻩ ﻣﺸﺘﺮﻳﻪ ﻧﻔﻨﻮﻑ ﺑﺼﻠﻲ ﻭﺑﻴﻬﺎ ﻃﻮﺏ ﺳﻮﺩ ﻃﺎﻟﻌﻪ ﻧﺎﺯﻛﻪ
ﻭﺍﻧﻲ ﺑﻘﻪ ﺑﺎﻟﻲ ﻳﻢ ﻫﺠﻮ ﺭﺣﺖ ﻟﻐﺮﻓﺔ ﺣﻮﺭﻳﻪ ﺳﺪﻳﺖ ﺍﻟﺒﺎﺏ ﻭﺧﺎﺑﺮﺗﻪ ﺭﺩ
.. ﺍﻟﻮ
.. ﻫﺎ ﺣﺒﻴﺒﻲ ﺷﻠﻮﻧﻚ
.. ﺷﻠﻮﻧﻨﻲ؟ ﺍﻟﻠﻪ ﻣﻄﻴﺢ ﺣﻈﻲ
.. ﻳﺎ ﻟﻴﺶ ﺣﺒﻴﺒﻲ ﺷﺒﻴﻚ
.. ﺍﻧﺠﺒﻲ ﺍﻡ ﺍﻟﻔﻮﺍﻳﻦ ﻛﻠﻪ ﻣﻦ ﻭﺭﺍﺝ
.. ﺍﻛﻠﻚ ﻣﺎ ﺍﺳﻤﻊ ﺻﻮﺗﻚ ﻋﺪﻝ ﺍﻧﺖ ﻭﻳﻦ
.. ﺑﺸﻴﺐ ﺍﺑﻮﻱ ﺑﺎﻟﺤﻤﺎﻡ
.. ﺷﺘﺴﻮﻱ ﺑﺎﻟﺤﻤﺎﻡ ؟
.. ﺟﻴﻼﻥ ﺗﻮﺧﺮﻳﻦ ﻋﻨﻲ ﻻ ﺍﺑﺘﻠﻲ ﺑﻴﺞ
ﺳﺪﻩ ﺑﻮﺟﻬﻲ ﺑﻘﻴﺖ ﺍﺑﺎﻭﻉ ﻟﻠﺘﻠﻔﻮﻥ ﻫﺬﺍ ﺷﺒﻴﻪ ﻭﺭﻩ ﺛﻮﺍﻧﻲ ﺩﻙ ﺟﺎﻭﺑﺘﻪ
.. ﺍﻟﻮ
.. ﻭﻭﺟﻌﻲ .. ﺧﻴﺎﻟﺞ ﻣﺤﺪ ﻳﺸﻮﻓﻪ ﻣﺎ ﺍﻋﻴﺪﻫﺎ
ﻭﺭﺟﻊ ﻃﺒﻜﻪ ﺻﺨﺎﻡ ﻫﺬﺍ ﺷﺒﻴﻪ ﺍﻟﺮﺟﺎﻝ ﺗﺨﺒﻞ
Mariam-almusawi
ﻋﻔﺘﻪ ﻭﺭﺣﺖ ﻟﻜﻴﺖ ﺍﻟﻨﺴﻮﺍﻥ ﻳﺪﻛﻦ ﻭﻳﺮﻛﺼﻦ ﺑﻘﻴﻨﻪ ﻧﺴﻮﻟﻒ ﻭﻧﻀﺤﻚ
ﻭﺭﻩ ﻧﺺ ﺳﺎﻋﻪ ﻛﺎﻟﻮ
.. ﺍﺟﺖ ﺍﻟﻤﺸﻴﻪ
ﺩﺧﻠﻮﺍ ﺍﻟﺰﻟﻢ ﻣﺎ ﻛﺪﺭﻧﻪ ﻧﺸﻮﻓﻬﻢ ﻻﻥ ﺷﺒﺎﺝ ﺍﻟﻤﻄﺒﺦ ﻣﺎﻝ ﺑﻴﺖ ﻋﻤﺘﻲ ﻣﻮ ﻣﻀﻠﻞ
ﻛﻌﺪﻭﺍ ﺳﻮﻟﻔﻮﺍ ﺍﻋﺘﻘﺪ ﺑﺎﻟﻨﺺ ﺳﺎﻋﻪ ﻛﺎﻋﺪﻳﻦ ﺍﺣﻨﻪ ﻛَﻠﻮﺑﻨﻪ ﺗﺮﺟﻒ ﻻ ﻳﺼﻴﺮ ﺷﻲ ﻭﺣﻮﺭﻳﻪ ﺧﻄﻴﻪ ﻭﺟﻬﻬﺎ ﻣﺎ ﻳﺘﻔﺴﺮ ﻛﺎﻧﺖ ﻛﻠﺶ ﺧﺎﻳﻔﻪ ﻭﺭﺍﻫﺎ ﺳﻤﻌﻨﻪ ﺻﻠﻮﺍﺕ ﻋﻠﻰ ﻣﺤﻤﺪ ﻭﺍﻝ ﻣﺤﻤﺪ
ﻫﺠﺮﺱ ﻓﺘﺢ ﺍﻟﺒﺎﺏ ﺷﻮﻳﻪ ﻭﻛﺎﻝ
.. ﺍﻟﺴﻴﺪ ﺭﺍﺡ ﻳﻌﻘﺪ ﺧﻠﻮﺍ ﺍﻟﺒﻨﻴﻪ ﻗﺮﻳﺐ ﻉ ﺍﻟﺒﺎﺏ ﺣﺘﻪ ﻳﺴﻤﻌﻬﺎ ﺍﻟﺸﻴﺦ
ﻛﻮﻣﺖ ﺣﻮﺭﻳﻪ ﻭﻫﻲ ﺗﺮﺟﻒ ﺫﻛﺮﺗﻨﻲ ﺑﻨﻔﺴﻲ ﻣﻦ ﻋﻘﺪ ﻋﻠﻴﻪ ﻫﺠﺮﺱ ﻛﺘﻠﻬﺎ
.. ﺣﻮﺭﻱ .. ﺻﺪﻙ ﺗﺤﺠﻴﻦ .. ﺷﺒﻴﺞ ﺗﺮﺟﻔﻴﻦ
.. ﺧﺎﻳﻔﻪ ﺟﻮﻟﻲ ﻛﻠﺶ ﺧﺎﻳﻔﻪ
.. ﺧﺎﻳﻔﻪ ﻫﺎﻱ ﻟﻮ ﻣﺎ ﺍﻧﺘﻲ ﺗﺤﺒﻴﻪ ﻭﻋﺎﻳﺸﻪ ﻭﻳﺎﻩ ﺻﺎﺭﻟﺞ ﻋﻤﺮ ﻭﺿﺤﻚ ﻭﺳﻮﺍﻟﻒ
.. ﺷﻤﺪﺭﻳﻨﻲ ﻣﻦ ﻭﺻﻠﺖ ﻟﻠﺼﺪﻙ ﺧﻔﺖ
ﻛﺎﻟﺘﻠﻬﺎ ﻓﻄﻮﻡ
.. ﺧﺎﻳﺒﻪ ﺍﻧﺠﺒﻲ .. ﺣﺼﻠﺘﻠﻬﺎ ﺭﺟﻞ ﻛﺎﻟﺖ ﺍﻋﻮﺭ
ﺿﺤﻜﻨﻪ ﻭﻛﻮﻣﻨﺎﻫﺎ ﺣﻄﻴﻨﻪ ﺍﻟﻜﺮﺳﻲ ﻗﺮﻳﺐ ﻉ ﺍﻟﺒﺎﺏ ﻭﺑﺪﻩ ﺍﻟﺸﻴﺦ ﻳﻘﺮﻩ ﻋﻘﺪﻟﻬﻢ ﻭﺍﺛﻨﻴﻨﻬﻢ ﺑﺼﻤﻮﺍ ﺑﺎﻟﻤﻮﺍﻓﻘﻪ ﻭﻋﻠﺖ ﺍﻟﻬﻼﻫﻞ ﻭﺍﻟﺮﻛﺺ
ﻛﺎﻟﻮ ﺭﺍﺡ ﻳﺠﻲ ﺍﻟﻌﺮﻳﺲ ﻳﻠﺒﺲ ﺍﻟﺬﻫﺐ ﺍﻧﻲ ﻫﻢ ﻟﺒﺴﺖ ﺑﺲ ﺷﺎﻟﻲ ﻓﻮﻙ ﻣﻼﺑﺴﻲ ﻻﻥ ﺟﺎﻥ ﺍﻟﺜﻮﺏ ﻣﺴﺘﻮﺭ
ﺩﺧﻞ ﻫﺸﻮﻣﻲ ﻓﺪﻭﻩ ﺷﻜﺪ ﺣﻠﻮ ﻛﺎﻥ ﻻﺑﺲ ﻗﺎﻁ ﺑﻴﺠﻲ ﻭﻗﻤﻴﺺ ﺍﺳﻮﺩ ﺩﺧﻞ ﻭﻳﻬﺰ ﺑﺎﻟﺴﺒﺤﻪ ﻭﻳﺮﻛﺺ ﻭﺍﻟﻨﺴﻮﺍﻥ ﺗﻬﻠﻬﻠﻪ ﻭﺗﺪﻙ ﻭﺗﺮﻛﺺ
ﺭﺍﺡ ﺑﺴﺮﻋﻪ ﺷﺎﻝ ﺣﻮﺭﻳﻪ ﻭﻛﺎﻡ ﻳﻔﺘﺮ ﺑﻴﻬﺎ ﺑﻨﺺ ﺃﻟﺼﺎﻟﻪ ﻭﻳﺒﻮﺱ ﺑﻴﻬﺎ ﻭﺑﻴﺒﻲ ﺗﻜﻠﻪ
.. ﻳﺎ ﻳﺎ ﻳﺎ ﻭﻟﻚ ﻫﺸﻴﻢ ﻓﺸﻠﻪ ﻣﻦ ﺍﻟﻮﺍﺩﻡ ﻣﻨﺎ .. ﺍﺷﻮ ﺍﻧﺖ ﺯﺍﻳﻊ ﺍﻟﻤﺴﺘﺤﻪ ﻭﻟﻚ
ﺣﻂ ﺣﻮﺭﻳﻪ ﺑﺎﻟﻜﺎﻉ ﻭﺑﺎﺳﻬﺎ ﻭﻛﻠﻬﺎ
.. ﺿﺎﻭﻳﻪ ﺑﺲ ﺍﺧﻠﺺ ﺣﻮﺭﻳﺘﻲ ﺍﻻ ﺍﺟﻲ ﺍﺷﻴﻠﺞ ﻭﺍﻓﺮﺝ ﺍﻧﺘﻲ ﻫﻢ ﺣﻀﺮﻱ ﺭﻭﺣﺞ
.. ﻳﺎ ﺍﻭ ﺍﻟﻐﺴﻞ ﺣﺘﻰ ﺗﻮﻛﻌﻨﻲ ﺑﺎﻟﻜﺎﻉ ﻭﺗﺨﻠﺺ ﻣﻨﻲ ﺍﻋﺮﻓﻨﻚ ﻣﺸﻴﻄﻦ ﻭﻣﺎ ﺗﺤﺒﻨﻲ
.. ﻭﺍﻟﻌﺒﺎﺱ ﺍﻣﻮﺕ ﻋﻠﻴﺞ ﻭﻟﻮﻣﺎ ﺑﻴﺒﺘﻲ ﺟﺎﻥ ﺍﺧﺬﺗﺞ ﻣﺮﻩ ﺛﺎﻧﻴﻪ ﺍﻟﻲ ﻫﺴﻪ ﻭﻋﻘﺪﺕ ﻋﻠﻴﺞ
ﺿﺤﻜﻨﻪ ﻛﻌﺪﻭﺍ ﺟﺎﺑﻮﻟﻬﻢ ﻋﺼﻴﺮ ﻭﻛﻴﻚ ﻭﺍﺣﺪ ﻭﺍﻛﻞ ﺍﻟﺜﺎﻧﻲ ﻭﻫﺎﺷﻢ ﺩﻧﻪ ﺣﻠﻜﻪ ﻳﻢ ﺣﻠﻚ ﺣﻮﺭﻳﻪ ﻭﺍﺧﺬ ﺷﻮﻳﻪ ﻣﻦ ﻗﻄﻌﺔ ﺍﻟﻜﻴﻚ ﺍﻟﻠﻲ ﺑﺤﻠﻜﻬﺎ ﻭﺷﺮﺑﻮﺍ ﺍﻟﻌﺼﻴﺮ ﻭﻫﻢ ﻳﻀﺤﻜﻮﻥ
ﺟﺎﺑﻮ ﺍﻟﺬﻫﺐ ﻛﻠﻤﺎ ﻳﻠﺒﺴﻬﺎ ﻗﻄﻌﻪ ﻳﺒﻮﺱ ﺍﻟﻤﻨﻄﻘﻪ ﺍﻟﻠﻲ ﻳﻠﺒﺴﻬﺎ ﺑﻴﻬﺎ ﻭﺑﻨﺎﺕ ﻋﻤﻬﺎ ﻓﺎﺗﺤﺎﺕ ﺣﻠﻜﻬﻦ ﻭﺑﻴﺒﻲ ﻫﻲ ﻭﻋﻤﺘﻲ ﻛﻮﺍﻛﺐ ﻳﻘﺮﻥ ﺍﻳﺎﺕ ﺍﻟﻔﻠﻖ ﻭﺻﻠﻦ ﻋﻠﻰ ﻣﺤﻤﺪ ﻭﺍﻝ ﻣﺤﻤﺪ ﻭﻳﺮﺟﻌﻦ ﻟﻴﻮﺭﻩ
ﺧﻠﺼﻨﻪ ﻛﺎﻟﻠﻬﻢ
.. ﺍﺭﻳﺪ ﺍﻛﻌﺪ ﺷﻮﻳﻪ ﺍﻧﻲ ﻭﺣﻮﺭﻳﻪ ﻭﺣﺪﻧﻪ
ﻛﺎﻟﺘﻠﻪ ﺑﻴﺒﻲ
.. ﻭﻟﻚ ﺳﻠﻴﻤﺔ ﺍﻟﺒﻴﻦ ﻋﻴﺐ ﻣﻦ ﺍﺑﻮﻫﺎ ﻭﺍﺧﻮﺗﻬﺎ
.. ﺑﻴﺒﻲ ﻭﺍﻟﻌﺒﺎﺱ ﺍﺫﺍ ﻣﺎ ﺧﻠﻴﺘﻮﻧﻪ ﻭﺣﺪﻧﻪ ﺍﺧﺬﻫﺎ ﻭﺍﻣﺸﻲ ﻟﺒﻴﺘﻨﻪ ﻭﻣﺤﺪ ﻳﺤﺎﺳﺒﻨﻲ ﺑﻌﺪ ﺻﺎﺭﺕ ﻣﺮﻳﺘﻲ
.. ﻳﺎ ﺷﻮﻑ ﺍﻟﻤﺼﻮﻣﺦ ﻭﻃﻠﻌﻠﻪ ﻟﺴﺎﻥ
ﺍﻣﻪ ﻛﺎﻟﺘﻠﻪ
.. ﻳﻤﻪ ﻋﻴﺐ
ﻫﻮ ﻣﺎ ﺣﺎﺟﻪ ﺍﺣﺪ ﺍﺧﺬ ﺣﻮﺭﻳﻪ ﻣﻦ ﺍﻳﺪﻫﺎ ﻭﺩﺧﻞ ﻟﻠﻐﺮﻓﻪ ﻣﺎﻟﺘﻬﺎ
Mariam-almusawi
ﺣﻮﺭﻳﻪ
ﺑﻌﺪ ﻣﺎ ﻋﺮﻓﺖ ﺍﻧﻪ ﻋﻘﻴﻞ ﺷﺎﻝ ﺍﻟﻨﻬﻮﻩ ﻋﻨﻲ ﻭﺍﻫﺪﻭﻟﻪ ﺑﻨﺖ ﺍﻟﺸﻴﺦ
ﺍﺭﺗﺎﺣﻴﺖ ﻭﺍﻟﻔﺮﺣﻪ ﻣﺎ ﻟﻤﺘﻨﻲ ﺣﺘﻰ ﺑﻨﻔﺲ ﺍﻟﻠﺤﻈﻪ ﺳﺠﺪﺕ ﻟﺮﺏ ﺍﻟﻌﺎﻟﻤﻴﻦ ﺳﺠﺪﺓ ﺷﻜﺮ
ﺧﺎﺑﺮﻧﻲ ﻫﺎﺷﻢ ﻭﺍﻧﻲ ﻣﻦ ﻓﺮﺣﺘﻲ ﻛﻤﺖ ﻣﺎ ﺍﻧﺪﻝ ﺍﻟﺪﻛﻤﻪ ﻭﻳﻨﻬﺎ ﻓﺘﺤﺘﻪ ﺻﺎﺡ
.. ﻭﻟﺞ ﺣﻮﺭﻳﺘﻲ ﺍﻧﺘﻲ ﺍﻟﻲ .. ﻭﻟﺞ ﺣﻮﺭﻳﺘﻲ ﺭﺟﻌﺘﻴﻠﻲ ﻭﻟﺞ ﻃﻠﺒﺘﺞ ﻣﻦ ﺍﺑﻮ ﻓﺎﺿﻞ ﺍﺑﻮ ﺭﺍﺱ ﺍﻟﺤﺎﺭ ﻭﻣﺎ ﻗﺼﺮ
ﻫﻮ ﻳﺤﺠﻲ ﻭﺍﻧﻲ ﺩﻣﻮﻋﻲ ﺗﺼﺐ ﻛﺎﻝ
.. ﻻ ﺗﺒﺠﻴﻦ ﻳﺎ ﻧﻮﺭ ﻋﻴﻮﻧﻲ .. ﺍﻟﻴﻮﻡ ﻻﺯﻡ ﺗﻔﺮﺣﻴﻦ .. ﺍﻟﻴﻮﻡ ﺍﻧﺘﻲ ﺻﺮﺗﻲ ﺑﺄﺳﻤﻲ
.. ﻫﺬﺍ ﻫﻮ ﻳﺎ ﺭﻭﺣﻲ
.. ﺑﺎﺟﺮ ﺍﻟﻌﻘﺪ ﻣﺎﻟﺘﻨﻪ ﻣﺎ ﺍﻛﺪﺭ ﺍﺗﺎﺧﺮ ﺍﻛﺜﺮ ﺑﺎﺟﺮ ﺗﻄﻠﻌﻴﻦ ﻭﻳﻪ ﻋﻤﺘﻲ ﺗﺮﺣﻴﻦ ﻟﻤﺤﻞ ﻫﺠﺮﺱ ﺗﺨﺘﺎﺭﻳﻦ ﺍﻟﻠﻲ ﻳﻌﺠﺒﺞ ﻫﻮ ﻣﺎ ﺭﺍﺡ ﻳﻜﻮﻥ ﻣﻮﺟﻮﺩ ﺑﺲ ﻭﺻﻪ ﺍﺑﻮ ﻋﻠﻲ ... ﻭﺗﺸﺘﺮﻳﻦ ﻓﺴﺘﺎﻥ ﺍﻧﻲ ﻫﺴﻪ ﺍﺟﻴﺐ ﺍﻟﻔﻠﻮﺱ ﻟﻠﺒﺎﺏ ﺍﻧﻄﻴﻬﻦ ﻟﻌﻤﺘﻲ ﺍﺷﺘﺮﻱ ﺍﻟﻠﻲ ﻳﻌﺠﺒﺞ ﺣﻮﺭﻳﺘﻲ ﺑﺎﺟﺮ ﺍﺭﻳﺪﺝ ﺗﻄﻠﻌﻴﻦ ﻏﻴﺮ ﺷﻜﻞ ﺍﺭﻳﺪ ﻋﻴﻮﻧﻲ ﺗﺸﺒﻊ ﻣﻨﺞ
.. ﺻﺎﺭ ﻳﺎ ﺭﻭﺣﻲ
ﻣﺎ ﺟﻨﻪ ﻣﺼﺪﻛﻴﻦ ﺍﻧﻲ ﻭﻳﺎﻩ ﻣﺜﻞ ﺍﻟﺤﻠﻢ
ﺛﺎﻧﻲ ﻳﻮﻡ ﺭﺣﺖ ﻟﻤﺤﻞ ﻫﺠﺮﺱ ﺍﺧﺘﺎﺭﻳﺖ ﺍﻟﺬﻫﺐ ﻭﺍﺷﺘﺮﻳﺖ ﻓﺴﺘﺎﻥ ﻭﺭﺟﻌﻨﻪ ﻟﻠﺒﻴﺖ ﺳﺒﺤﺖ ﻭﻣﺮﺕ ﻋﻠﻴﻪ ﺟﻴﻼﻥ ﻫﻲ ﻭﻫﺠﺮﺱ ﺣﺘﻪ ﻧﺮﻭﺡ ﻟﻠﺼﺎﻟﻮﻥ
ﺑﺪﻩ ﻫﺠﺮﺱ ﻳﺘﻐﺰﻝ ﺑﺠﻴﻼﻥ ﻓﺪﻭﻩ ﻣﺜﻞ ﻃﻴﻮﺭ ﺍﻟﺤﺐ ﻳﺨﺒﻠﻮﻥ ﻫﻲ ﻭﻳﺎﻩ ﺍﻟﻠﻪ ﻳﺴﻌﺪﻫﻢ
ﺍﺷﺘﻐﻠﺘﻨﻪ ﺍﻡ ﺍﻟﺼﺎﻟﻮﻥ ﺍﺑﺎﻭﻉ ﻟﺠﻴﻼﻥ ﺻﺪﻗﻪ ﻟﻬﺎﻟﻮﺟﻪ ﺍﻟﺤﻠﻮ ﺳﺒﺤﺎﻧﻚ ﺭﺑﻲ ﻣﻨﻴﻦ ﺧﺎﻟﻘﻬﺎ ﻭﺍﻟﻠﻪ ﻋﻤﻲ ﺣﻘﻪ ﻫﺠﺮﺱ ﻳﻀﻤﻬﺎ ﻋﻦ ﺍﻟﻌﻴﻮﻥ ﺗﺨﺒﻞ ﻃﻠﻌﺖ
ﻭﺍﻧﻲ ﻫﻢ ﺍﺷﺘﻐﺘﻠﻨﻲ ﺍﻡ ﺍﻟﺼﺎﻟﻮﻥ ﻭﻏﻴﺮﺕ ﺷﻜﻠﻲ ﻃﻠﻌﺖ ﺣﻠﻮﻩ ﻛﻠﺶ .. ﻳﺎ ﺭﺑﻲ ﺍﻋﺠﺐ ﻫﺎﺷﻢ ﺍﻟﻴﻮﻡ
ﺍﺟﺎﻧﻪ ﻫﺠﺮﺱ ﻭﺍﺧﺬﻧﻪ ﺧﻄﻴﻪ ﻫﺠﺮﺱ ﺗﺨﺒﻞ ﻋﻠﻰ ﺟﻴﻼﻥ ﻻﻥ ﻃﺎﻟﻌﻪ ﺗﺨﺒﻞ ﺍﺑﺎﻭﻋﻠﻪ ﺣﺘﻰ ﺍﻟﺴﻴﺎﺭﻩ ﻛﻮﻩ ﻣﺴﻴﻄﺮ ﻋﻠﻴﻬﺎ ﻭﻛﻠﻤﺎ ﻳﻤﺮﻭﻥ ﻣﻦ ﻳﻤﻨﻪ ﺯﻟﻢ ﻳﺨﺰﺭﻫﻢ ﺣﺘﻰ ﻣﺎ ﻳﺒﺎﻭﻋﻮﻥ ﻟﺠﻬﺘﻨﻪ
ﺍﻟﻰ ﺍﻥ ﻧﺰﻝ ﻭﺣﻂ ﺍﻟﺨﺎﻭﻟﻲ ﻉ ﺍﻟﺠﺎﻣﻪ ﺍﻟﻠﻲ ﻳﻢ ﺟﻴﻼﻥ ﺣﺘﻰ ﻣﺤﺪ ﻳﺸﻮﻓﻬﺎ ﺻﺪﻙ ﺿﺤﻜﺖ ﻉ ﺗﺼﺮﻓﻪ ﻭﻏﻴﺮﺗﻪ ﻳﺎ ﺍﻟﻠﻪ ﺷﻜﺪ ﻳﺤﺒﻬﺎ
ﻭﺻﻠﻨﻪ ﻭﺑﻴﺒﻲ ﺗﺼﻠﻲ ﻋﻠﻰ ﻣﺤﻤﺪ ﻫﻲ ﻭﺍﻣﻲ ﻓﺮﺣﺘﻬﻦ ﻣﺎ ﺗﻨﻮﺻﻒ ﺑﻴﻪ
ﻭﺭﻩ ﺷﻮﻳﻪ ﺍﺟﺖ ﺍﻟﺰﻟﻢ ﻭﺍﻟﻈﺎﻫﺮ ﻗﺮﻭﺍ ﺍﻟﻔﺎﺗﺤﻪ ﻭﺻﺎﺭﺕ ﺍﻟﻤﻮﺍﻓﻘﻪ ﻣﻦ ﻛﺎﻟﻮ ﺍﻟﺴﻴﺪ ﻳﺮﻳﺪ ﻳﻌﻘﺪ ﻣﺎ ﺍﻋﺮﻑ ﺷﺒﻴﻪ ﺧﻔﺖ ﺣﺘﻰ ﻣﻦ ﺍﻟﺨﻮﻑ ﺑﻌﺪ ﻣﺎ ﺍﺣﺲ ﺑﺎﻃﺮﺍﻓﻲ ﺑﻌﺪ ﺑﺲ ﺟﻴﻼﻥ ﻫﺪﺃﺗﻨﻲ ﺷﻮﻳﻪ
ﻋﻘﺪﻧﻪ ﻭﺗﻤﺖ ﺍﻟﻤﻮﺍﻓﻘﻪ ﻣﻦ ﺍﻟﻄﺮﻓﻴﻦ ﻭﺩﺧﻞ ﻫﺎﺷﻢ ﻳﻠﺒﺴﻨﻲ ﺍﻟﺬﻫﺐ ﻓﺪﻭﻩ ﺭﺣﺖ ﻟﻄﻮﻟﻪ ﻃﺎﻟﻊ ﻳﺠﻨﻦ ﻻﺑﺲ ﻗﻤﻴﺺ ﺍﺳﻮﺩ ﻭﻗﺎﻁ ﺑﻴﺠﻲ ﻭﻳﻔﺮ ﺑﺎﻟﺴﺒﺤﻪ ﻭﻳﺮﻛﺺ ﻭﺍﻟﻔﺮﺣﻪ ﻣﺎ ﻻﻣﺘﻪ
ﺍﺣﺲ ﻛَﻠﺒﻲ ﺭﺍﺩ ﻳﻄﻠﻊ ﻣﻦ ﻣﻜﺎﻧﻪ ﻭﻳﺤﻀﻨﻪ ﺑﺲ ﻫﻮ ﺳﺒﻘﻨﻲ ﻭﺍﺟﻪ ﺷﺎﻟﻨﻲ ﻭﻳﻔﺮ ﺑﻴﻪ ﺣﺴﻴﺖ ﻣﻠﻜﺖ ﺍﻟﺪﻧﻴﺎ ﺑﻠﺤﻈﺘﻬﺎ
ﺑﻴﺒﻲ ﺗﺘﺸﺎﻗﻪ ﻭﻳﺎﻩ ﻭﻫﻮ ﺿﺤﻚ ﻭﺳﻮﺍﻟﻒ ﻭﻳﺎﻫﺎ ... ﺑﺪﻩ ﻳﻠﺒﺴﻨﻲ ﺍﻟﺬﻫﺐ ﻭﻳﻪ ﻛﻞ ﺗﻠﺒﺴﻴﻪ ﻳﺒﻮﺳﻨﻲ
ﻭﺍﻧﻲ ﺍﺣﺲ ﺟﺴﻤﻲ ﻛﻠﻪ ﻳﻜﺰﺑﺮ ﺟﺎﻥ ﺍﻟﺨﺠﻞ ﻣﺎﻛﻠﻨﻲ ﺍﻭﻝ ﻣﺮﻩ ﻫﺎﻟﺸﻜﻞ ﺍﺳﺘﺤﻲ ﻣﻦ ﻫﺎﺷﻢ ﺭﻏﻢ ﻣﺎ ﺍﻧﻲ ﻭﻳﺎﻩ ﺻﺎﺭﻟﻨﻪ ﻋﻤﺮ
ﺧﻠﺼﻨﻪ ﻛﺎﻟﻠﻬﻢ
.. ﺍﺭﻳﺪ ﺍﻧﻲ ﻭﻣﺮﺗﻲ ﻭﺣﺪﻧﻪ ﺑﺎﻟﻐﺮﻓﻪ
ﺣﺠﺖ ﺑﻴﺒﻲ ﻭﺍﻣﻪ ﺭﺍﺩﻥ ﻣﻨﻪ ﻣﺎ ﺟﺎﻭﺑﻬﻦ ﺍﺧﺬﻧﻲ ﻭﺳﺪ ﻋﻠﻴﻪ ﺍﻟﺒﺎﺏ
ﺍﻭﻝ ﻣﺎ ﺳﺪ ﺍﻟﺒﺎﺏ ﺳﺤﺒﻨﻲ ﻟﺤﻀﻨﻪ ﻭ ﺍﺧﺬ ﺷﻔﺘﻲ ﺑﻴﻦ ﺷﻔﺘﻪ ﺍﺣﺲ ﺍﻧﻜﻄﻊ ﺍﻟﻬﻮﻩ ﻋﻨﻲ
ﻛﺎﻧﺖ ﺑﻮﺳﻪ ﻃﻮﻳﻠﻪ ﺗﻌﺒﺮ ﻋﻦ ﺍﺷﺘﻴﺎﻗﻨﻪ ﻭﺣﺒﻨﻪ ﻟﺒﻌﺾ ﺑﺲ ﺑﺎﻟﺤﻼﻝ
ﺑﻌﺪ ﻣﺪﻩ ﻃﻮﻳﻠﻪ ﻣﺎ ﺍﻋﺮﻑ ﺷﻜﺪ ﻣﻦ ﺍﻟﻮﻛﺖ ﺍﺑﺘﻌﺪ ﻋﻨﻲ ﻭﻫﻮ ﻳﻠﻬﺚ ﻭﻛﺎﻝ
.. ﺍﻭﻭﻭﻭﻭﻭﻭﻭﻑ ﻫﺴﺘﻮﻫﺎ ﺭﺩﺗﻠﻲ ﺭﻭﺣﻲ .... ﻳﻮﻣﻴﻪ ﺍﺣﻠﻢ ﺑﻬﺎﻟﻠﺤﻈﻪ ﺣﻮﺭﻳﺘﻲ ... . ﻭﺍﺧﻴﺮﺍ ﺻﺮﺗﻲ ﺣﻼﻟﻲ ... ﺍﺥ ﻫﻴﺞ ﺣﺎﺭﻣﺘﻨﻲ ﻣﻦ ﻫﺎﻟﻜﺮﺯ ﻫﺬﺍ ... ﺷﻄﺎﻟﻌﻪ ﺍﻟﻴﻮﻡ ﻛﻮﻩ ﻟﺰﻣﺖ ﻧﻔﺴﻲ ﻳﻤﻬﻢ ﻭﺍﻟﻠﻪ
ﺧﺠﻠﺖ ﻛﻠﺶ ﻣﻦ ﻛﻼﻣﻪ ﻭﺍﻓﻌﺎﻟﻪ ﺣﻂ ﺍﺻﺒﻌﻪ ﺟﻮﻩ ﺣﻨﺠﻲ ﻭﺭﻓﻊ ﺭﺍﺳﻲ
.. ﻻ ﺗﺨﺠﻠﻴﻦ ﺑﺎﻭﻋﻴﻠﻲ ﺍﻟﻴﻮﻡ ﻻﺯﻡ ﺗﻔﺘﺨﺮﻳﻦ ﻭﺗﻔﺮﺣﻴﻦ ﺻﺮﺗﻲ ﻣﺮﻳﺘﻲ ﻭﻣﺤﺪ ﻳﻜﺪﺭ ﻳﺎﺧﺬﺝ ﻣﻨﻲ ﻣﺎﻛﻮ ﺧﺠﻞ ﺑﻌﺪ
ﺭﺟﻊ ﺍﺧﺬ ﺷﻔﺘﻲ ﻭﻟﻤﺴﺎﺗﻪ ﺻﺎﺭﺕ ﺑﻴﻬﺎ ﺟﺮﺃﻩ ﻧﺰﻝ ﻋﻠﻰ ﻣﺘﻨﻲ ﻧﺰﻝ ﺍﻟﺤﻤﺎﻟﻪ ﻣﺎﻝ ﺍﻟﺒﺪﻟﻪ ﻭﺑﺪﻩ ﻳﺒﻮﺱ ﺑﺮﻛَﺒﺘﻲ ﻭﺑﻤﺘﻨﻲ ﻭﻧﻴﻤﻨﻲ ﻉ ﺍﻟﺠﺮﺑﺎﻳﻪ ﻛﺘﻠﻪ ﺑﺼﻮﺕ ﻳﺮﺟﻒ
.. ﻫﺎ ... ﻫﺎﺷﻢ .. ﻫﺎﺷﻢ ﺣﺒﺎﺏ ... ﻛﺎﻓﻲ .. ﻫﺎﺷﻢ ﻭﺍﻟﻠﻪ ﺧﺎﻳﻔﻪ
ﺣﺲ ﺑﺮﺟﻔﺘﻲ ﺟﻮﻩ ﺍﻳﺪﻩ ﺍﺑﺘﻌﺪ ﻭﻟﺒﺴﻨﻲ ﺍﻟﺤﻤﺎﻟﻪ ﻭﻧﺎﻡ ﻋﻠﻰ ﺻﺪﺭﻱ ﻭﺍﺧﺬ ﺍﻳﺪﻳﻪ ﺑﺎﺳﻬﻦ
.. ﺍﻧﻲ ﺍﺳﻒ ﺣﺒﻴﺒﻲ ... ﺑﺲ ﺟﻨﺖ ﻛﻠﺶ ﻣﺸﺘﺎﻗﺘﻠﺞ .. ﻭﻓﻘﺪﺕ ﺍﻋﺬﺭﻳﻨﻲ
ﺍﺑﺘﺴﻤﺖ ﻣﻦ ﺑﻴﻦ ﺭﺟﻔﺘﻲ ﺩﻓﻦ ﺭﺍﺳﻪ ﺍﻛﺜﺮ ﺑﺤﻀﻨﻲ ﻭﺣﻂ ﺍﻳﺪﻱ ﻋﻠﻰ ﺧﺸﻤﻪ ﻳﺸﻢ ﺑﻴﻬﺎ ﻭﺍﻧﻲ ﺍﻟﻌﺐ ﺑﺸﻌﺮﻩ ﺑﺄﻳﺪﻱ ﺍﻟﺜﺎﻧﻴﻪ
ﻭﺭﻩ ﺷﻮﻳﻪ ﺍﻧﺪﻛﺖ ﺍﻟﺒﺎﺏ ﺟﺎﻥ ﺻﻮﺕ ﺑﺸﺮﻯ
.. ﻫﺎﺷﻢ .. ﻫﺎﺷﻢ ﻳﻠﻪ ﻧﺮﻳﺪ ﻧﺮﻭﺡ ﻛﺎﻓﻲ ﺭﺍﺡ ﺗﻤﻮﺕ ﺍﻟﺒﻨﻴﻪ
.. ﺍﺣﺘﺮﻙ ﻫﺎﺷﻢ ﻫﻮ ﻭﺟﺪﻩ ﺑﻨﻔﺲ ﺍﻟﺘﻨﻮﺭ
ﺿﺤﻜﺖ ﻉ ﻛﻼﻣﻪ ﺍﺟﻪ ﻛﻌﺪ ﻳﻤﻲ ﻭﺑﺎﻭﻋﻠﻲ ﺑﺸﻮﻙ
.. ﺍﻟﻒ ﻣﺒﺮﻭﻙ ﻣﺮﻳﺘﻲ
.. ﻣﺒﺮﻭﻙ ﺍﻟﻨﻪ ﺣﺒﻴﺒﻲ ..
ﺭﺟﻊ ﺍﺧﺬ ﺷﻔﺘﻲ ﻭﺑﺎﺳﻬﺎ ﺑﻮﺳﻪ ﻗﻮﻳﻪ ﻛﻮﻩ ﺳﺤﺐ ﻧﻔﺴﻪ ﻭﻫﻮ ﻳﻠﻌﻦ ﻛﺎﻝ
.. ﺍﻛﻮﻟﺞ ﺑﺲ ﺍﺧﺬﻳﻠﻲ ﻃﺮﻳﻖ ﺍﺭﻳﺪ ﺍﺭﻭﺡ ﻟﻠﺤﻤﺎﻡ
.. ﺷﻌﻨﺪﻙ ؟
.. ﻳﻌﻨﻲ ﺑﺸﺮﻓﺞ ﺍﻟﻠﻲ ﻳﺮﻭﺡ ﻟﻠﺤﻤﺎﻡ ﺷﻴﺴﻮﻱ ﻳﺎﺧﺬ ﺧﻴﺮﻩ
ﺍﺑﺘﺴﻤﺖ ﺻﺪﻙ ﺷﻌﻨﺪﻩ ﻗﺎﺑﻞ ﺳﻮﻳﺘﻠﻪ ﻃﺮﻳﻖ ﻭﺭﺍﺡ ﻟﻠﺤﻤﺎﻡ ﻭﺍﻧﻲ ﺍﺿﺤﻚ ﻋﻠﻰ ﺳﻮﺍﻟﻔﻪ
ﺟﻴﻼﻥ
ﻫﺠﺮﺱ ﻣﺎ ﺷﻔﺘﻪ ﻃﻮﻝ ﺍﻟﻌﺮﺱ ﻻﻥ ﻳﻢ ﺍﻟﺰﻟﻢ ﻣﺎ ﻳﻜﺪﺭ ﻳﻄﺐ ﻳﻤﻨﻪ
ﺭﺟﻌﻨﻪ ﻟﻠﺒﻴﺖ ﺍﻟﻤﻐﺮﺏ ﺗﻘﺮﻳﺒﺎ ﻭﺍﻟﻔﺮﺣﻪ ﻣﺎ ﻻﻣﺘﻨﻪ ﺍﻧﻲ ﺻﻌﺪﺕ ﺑﺎﻟﻮﺭﻩ ﻻﻥ ﺑﻴﺒﻲ ﺻﻌﺪﺕ ﺑﺎﻟﺼﺪﺭ ﻳﻢ ﻫﺠﺮﺱ ﻭﻫﻮ ﺭﻭﺣﻪ ﺑﻜﺼﺘﻪ ﻣﺎ ﻳﺘﺤﺎﺟﻪ ﺍﺩﺭﻱ ﺑﻴﻪ ﺻﺎﻳﺮ ﻧﺎﺭ ﻭﻛﻮﻩ ﻣﺼﺒﺮ
ﺍﻧﻮﺏ ﺑﻴﺒﻲ ﺯﻭﺩﺗﻬﺎ ﻋﻠﻴﻪ ﻛﺎﻟﺖ
.. ﻳﺎ ﻫﺠﻴﺮﺱ ﺟﺎ ﻣﻮ ﺧﻄﺒﻮﺍ ﺟﻮﻳﻠﻪ ﻣﻨﻲ ﺍﻟﻴﻮﻡ
ﻫﻮ ﺍﻧﺪﺍﺭ ﻟﺒﻴﺒﻲ ﻭﻋﻴﻮﻧﻪ ﺑﻜﺼﺘﻪ
.. ﻣﻨﻮ ﻫﺬﺍ ﺍﻟﺨﻄﺒﻬﺎ ﻭﻳﻦ ﺷﺎﻓﻮﻫﺎ ؟
.. ﻳﺎ ﻳﻤﻪ ﻣﻮ ﻏﺮﻳﺐ ﺑﻴﺖ ﺟﻮﺍﺭﻳﻨﻪ ﺍﻡ ﻳﺎﺳﻴﻦ ﻭﻣﻦ ﻋﺮﻓﺖ ﻣﺮﻳﺘﻚ ﺍﺳﺘﺤﺖ ﻛﺎﻟﺖ ﺟﺎ ﻣﺎ ﻋﺪﻫﺎ ﺍﺧﺖ ﻛﺘﻠﻬﺎ ﻟﻮ ﻋﺪﻫﺎ ﺍﺧﺖ ﺟﺎ ﺗﻀﻞ ﺑﺎﻳﺮﻩ
ﺑﻴﺒﻲ ﺗﺤﺠﻲ ﻭﺍﻧﻲ ﺍﺑﻠﻌﻢ ﺍﺩﺭﻱ ﺑﻴﻪ ﺻﺎﺭ ﻧﺎﺭ ﻛﺒﺮﻩ ﻛﻠﺸﻲ ﻭﻻ ﻭﺍﺣﺪ ﻳﺸﻮﻓﻨﻲ ﻭﻳﻨﻌﺠﺐ ﺑﻴﻪ ﺷﺴﻮﻳﺘﻲ ﺑﻴﺒﻲ
ﺩﺧﻠﻨﻪ ﻟﻠﺒﻴﺖ ﺍﻧﻲ ﺻﻌﺪﺕ ﻛﺒﻞ ﻟﻠﻐﺮﻓﻪ ﻋﻮﺩ ﺭﺩﺕ ﺍﺑﺪﻝ ﺣﺘﻪ ﻣﺎ ﻳﻠﺰﻣﻨﻲ ﺑﻬﺎﻻﺛﻨﺎﺀ ﺩﺧﻞ ﻭﺳﺪ ﺍﻟﺒﺎﺏ ﻭﺭﺍﻩ ﺟﺎﻥ ﻻﺑﺲ ﺯﻱ ﻋﺮﺑﻲ ﻭﻋﺒﺎﻳﺔ ﺷﺎﻝ ﺭﺣﺘﻠﻪ ﻓﺪﻭﻩ ﺷﻜﺪ ﻃﺎﻟﻊ ﺣﻠﻮ ﺟﻨﻪ ﻋﺮﻳﺲ ﻛﺘﻠﻪ
.. ﻫﻠﻮ ﺣﺒﻴﺒﻲ ....
ﺑﻌﺪﻧﻲ ﻣﺎ ﻣﻜﻤﻠﻪ ﺷﺎﻝ ﺍﻟﻌﺒﺎﻳﻪ ﺷﻤﺮﻫﺎ ﻉ ﻃﺮﻑ ﺍﻟﺠﺮﺑﺎﻳﻪ ﻭ ﺷﺎﻟﻨﻲ ﺷﻤﺮﻧﻲ ﻉ ﺍﻟﺠﺮﺑﺎﻳﻪ ﻭﺑﺪﻩ ﻳﻨﺰﻉ ﻛﺘﻠﻪ ﺑﺨﻮﻑ
.. ﻫﺞ .. ﻫﺠﺮﺱ ﺷﺪﺍ ﺗﺴﻮﻱ
ﻣﺎ ﺟﺎﻭﺑﻨﻲ ﻧﺰﻉ ﻣﻼﺑﺴﻪ ﻭﺍﺧﺬ ﺷﻔﺘﻲ ﺑﻴﻦ ﺷﻔﺘﻪ ﻭﺗﻘﺮﺑﻠﻲ ﻭﻛﻠﻪ ﺷﻮﻙ ﻭﻟﻬﻔﻪ ﻭﻣﺤﺒﻪ ﻭﻏﻴﺮﻩ ﻣﺎ ﺷﺎﻳﻔﺘﻬﻦ ﺑﻌﻴﻮﻧﻪ ﻗﺒﻞ
ﺟﻨﺖ ﺑﺤﻀﻨﻪ ﻭﻫﻮ ﻳﻠﻌﺐ ﺑﺸﻌﺮﻱ ﻭﻣﻐﻤﺾ ﻋﻴﻮﻧﻪ ﺑﺲ ﻣﺒﻴﻦ ﻋﻠﻴﻪ ﻋﺼﺒﻲ ﻛﺘﻠﻪ
.. ﺣﺒﻴﺒﻲ ﺷﺒﻴﻚ ﺿﺎﻳﺞ
ﻣﺎ ﺟﺎﻭﺑﻨﻲ ﻭﺧﺮ ﺍﻳﺪﻩ ﻋﻨﻲ ﻭﻭﺭﺙ ﺟﻜﺎﺭﻩ ﻭﻛﺎﻡ ﻳﻠﺒﺲ ﺑﻤﻼﺑﺴﻪ ﺑﺎﻭﻋﺘﻠﻪ ﻛﺘﻠﻪ
.. ﺷﺒﻴﻚ ﻟﻴﺶ ﻣﺎ ﺗﺠﺎﻭﺑﻨﻲ
Mariam-almusawi
ﺍﻧﺪﺍﺭﻟﻲ ﻭﻫﻮ ﻳﻨﻔﺦ ﺟﻜﺎﻳﺮ ﻛﺎﻝ ﻭﻧﺎﺭ ﺑﻌﻴﻮﻧﻪ
.. ﻣﻮ ﻛﺘﻠﺞ ﻣﺎ ﺍﺭﻳﺪ ﻳﺸﻮﻓﻮﻥ ﺧﻴﺎﻟﺞ
.. ﻫﺠﺮﺱ ﻭﺍﻟﻠﻪ ﺍﻟﻌﻈﻴﻢ ﻣﺤﺪ ﺷﺎﻓﻨﻲ ﻫﻦ ﺑﺲ ﺍﻟﻨﺴﻮﺍﻥ
.. ﺷﻠﻮﻥ ﺗﺨﻠﻴﻬﻦ ﻳﺨﻄﺒﻨﺞ
.. ﻳﻌﻨﻲ ﺷﺄﺳﻮﻳﻠﻬﻦ ﺍﻟﺰﻡ ﺣﻠﻮﻛﻬﻦ .. ﻫﺎﻱ ﻏﻴﺮ ﺳﺎﻟﻔﻪ ﻃﺎﻟﻌﻠﻲ ﺑﻴﻬﺎ ﺍﻧﻮﺏ
.. ﻣﻦ ﺍﺳﻮﻟﻒ ﻭﻳﺎﺝ ﻻ ﺗﺮﺍﺩﺩﻳﻦ
.. ﻫﺎﻱ ﺷﺒﻴﻚ ... ﻭﺍﻟﻠﻪ ﻣﻮ ﺻﻮﺟﻚ ﺻﻮﺟﻲ ﺍﻧﻲ ﺍﻧﻄﻴﺘﻚ ﻣﺠﺎﻝ ﺗﻤﺸﻲ ﺣﺠﻴﻚ ﻋﻠﻴﻪ
ﺑﺴﺮﻋﻪ ﺍﺟﻪ ﻟﺰﻣﻨﻲ ﻣﻦ ﺯﻧﺪﻱ ﻭﻛﺎﻝ
.. ﺍﻟﺼﻤﻲ ﺣﻠﻜﺞ ﻭﺗﺄﺩﺑﻲ ﻭﻻ ﺗﺨﻠﻴﻨﻲ ﺍﻃﻠﻊ ﺣﺮﻛَﺔ ﺍﻟﻠﻪ ﺑﻴﺞ ﻛﺘﻠﺞ ﻻ ﺗﺮﺣﻴﻦ ﻟﻠﻨﻌﻞ ﺍﻟﺼﺎﻟﻮﻥ ﻣﺜﻞ ﺍﻟﻤﻄﻲ ﻋﺎﻧﺪﺕ ﺍﻻ ﺍﺭﻭﺡ
ﻋﻔﺘﻪ ﻭﻟﺒﺴﺖ ﻣﻼﺑﺴﻲ ﻭﻃﻠﻌﺖ ﺭﺣﺖ ﻟﻠﺤﻤﺎﻡ ﻛﻌﺪﺕ ﺑﺎﻟﻜﺎﻉ ﻭﻛﻤﺖ ﺍﺑﺠﻲ ﻃﻠﻊ ﻫﺎﻟﻤﻨﺎﺳﺒﻪ ﻣﻦ ﺧﺸﻤﻲ
ﺑﻘﻴﺖ ﺍﺑﺠﻲ ﺳﻤﻌﺖ ﺻﻮﺗﻪ ﺍﺟﻪ ﺩﻙ ﺍﻟﺒﺎﺏ
.. ﺟﻴﻼﻥ ﺍﻃﻠﻌﻲ .. ﺟﻴﻼﻥ ﺍﻟﺪﻧﻴﺎ ﻣﻐﺮﺏ ﻣﻮ ﺯﻳﻦ ﺗﺒﻘﻴﻦ ﺑﺎﻟﺤﻤﺎﻡ
ﻣﺎ ﺟﺎﻭﺑﺘﻪ ﺑﺲ ﺍﺑﺠﻲ ﻓﺘﺢ ﺍﻟﺒﺎﺏ ﻋﺒﺎﻟﻪ ﻗﺎﻓﻠﺘﻪ ﻃﻠﻊ ﻣﺎ ﻣﻘﻔﻮﻝ
ﻃﺐ ﻭﺳﺪ ﺍﻟﺒﺎﺏ ﻭﺭﺍﻩ ﻭﺣﻀﻨﻨﻲ ﻭﺑﺎﺳﻨﻲ :
.. ﺍﺳﻒ ... ﺍﺳﻒ ﻃﻠﻌﺖ ﺣﺮﻛَﺔ ﻏﻴﺮﺗﻲ ﺑﻴﺞ ... ﻣﻮ ﺑﺄﻳﺪﻱ ﻧﺎﺭ ﺗﻜَﻮﻡ ﺗﺤﺮﻙَ ﺑﺼﺪﺭﻱ ﻣﻦ ﺍﺳﻤﻊ ﺍﺣﺪ ﺣﻂ ﻋﻴﻨﻪ ﻋﻠﻴﺞ .. ﻻ ﺗﻀﻮﺟﻴﻦ ﻣﻨﻲ ﺭﻭﻳﺤﺘﻲ
.. ﻭﺍﻧﻲ ﺷﻨﻮ ﺫﻧﺒﻲ ؟
.. ﻣﺎﻟﺞ ﺫﻧﺐ ﻃﻠﻌﺖ ﺣﺮﻛَﺘﻲ ﺑﻮﺟﻬﺞ .. ﻣﺎ ﺗﺘﺤﻤﻠﻴﻨﻲ ؟
ﻣﺎ ﺟﺎﻭﺑﺘﻪ ﻻﻥ ﺍﺣﺒﻪ ﻭﻫﻮ ﺑﻌﺪﻩ ﻣﺮﻳﺾ ﺭﺟﻊ ﺑﺎﺳﻨﻲ ﺑﺨﺪﻱ ﻭﻛﺎﻝ
.. ﻳﻠﻪ ﺣﺒﻴﺒﻲ ﻛﻮﻡ ﻻ ﺗﺰﻋﻞ ﻣﻨﻲ ... ﺍﻏﺪﻳﻠﺞ ﻓﺪﻭﻩ
ﻛﻤﺖ ﻭﻳﺎﻩ ﻭﺩﺧﻠﺖ ﻟﻠﻐﺮﻓﻪ ﺑﻮﺳﻨﻲ ﻭﺭﺍﺿﺎﻧﻲ ﻭﺍﻧﻲ ﺍﺻﻼ ﻣﺎ ﺍﻛﺪﺭ ﺍﺑﻘﻪ ﺯﻋﻼﻧﻪ ﻣﻨﻪ ﻻﻥ ﻛَﻠﺒﻲ ﺗﻌﻠﻖ ﺑﻴﻪ ﻭﺣﺒﻲ ﺻﺎﺭ ﺍﻋﻤﻰ ﻭﻳﺎﻩ
Mariam-almusawi
ﺛﺎﻧﻲ ﻳﻮﻡ ﻛﻌﺪﺕ ﻣﻦ ﺍﻟﺼﺒﺢ ﻧﻔﺲ ﺍﺳﻄﻮﺍﻧﺔ ﻛﻞ ﻳﻮﻡ ﻭﺍﻟﺸﻐﻞ ﺧﻠﺼﺖ ﺷﻐﻠﻲ ﻭﺻﻌﺪﺕ ﺳﺒﺤﺖ ﻭﻛﻌﺪﺕ ﺍﻣﺸﻂ ﺷﻌﺮﻱ ﻭﺍﻛﻨﻚ ﺷﻔﺖ ﻭﺣﺪﻩ ﻣﻦ ﺻﺪﻳﻘﺎﺗﻲ ﺩﺍﺯﺗﻠﻲ ﻣﻌﺎﻳﺪﻩ ﺗﺬﻛﺮﺕ ﺍﻟﻴﻮﻡ ﻋﻴﺪ ﻣﻴﻼﺩﻱ
ﺑﺲ ﺍﺷﻮ ﻫﺠﺮﺱ ﻣﺎ ﻋﺎﻳﺪﻧﻲ ﻻ ﻉ ﺍﻟﻔﻴﺴﺒﻮﻙ ﻭﻻ ﻫﻨﺎ ﺑﺎﻟﻐﺮﻓﻪ ﻳﺼﻴﺮ ﻣﺎ ﻳﻌﺮﻑ ﻋﻴﺪ ﻣﻴﻼﺩﻱ ﻛﻠﺖ ﺧﻠﻲ ﺍﺧﺎﺑﺮﻩ ﻭﺍﺷﻮﻑ
ﺩﻛﻴﺖ ﻋﻠﻴﻪ ﺟﺎﻭﺏ
.. ﺍﻟﻮ
.. ﺍﻟﻮ ﻫﺎ ﺣﺒﻴﺒﻲ ﺷﻠﻮﻧﻚ
.. ﻫﻠﻮ ﻳﺎ ﺭﻭﺣﻲ .. ﺍﻟﺤﻤﺪ ﻟﻠﻪ .. ﻛﻮﻟﻲ ﻣﺤﺘﺎﺟﻪ ﺷﻲ
ﺍﺷﻮ ﻫﺬﺍ ﻛﺄﻧﻪ ﻣﺎ ﻳﺪﺭﻱ ﻛﺘﻠﻪ
.. ﺣﺒﻴﺒﻲ ﺷﻨﻮ ﺍﻟﻴﻮﻡ ﻣﻦ ﺍﻻﻳﺎﻡ
.. ﺳﺒﺖ
.. ﺍﻱ ﻳﻌﻨﻲ ﺷﻨﻮ ﺍﻛﻮ ﻣﻨﺎﺳﺒﻪ ﺑﻬﺬﺍ ﺍﻟﻴﻮﻡ
.. ﻋﻄﻠﻪ ﻣﻦ ﺍﻟﺪﻭﺍﻡ ﻏﻴﺮ
.. ﻫﺠﺮﺱ ﻫﺎﻱ ﺷﺒﻴﻚ ﺗﺎﺭﻳﺦ ﺍﻟﻴﻮﻡ ﺑﻴﻤﻦ ﻳﺬﻛﺮﻙ
ﺳﻜﺖ ﺷﻮﻳﻪ ﻭﻛﺎﻝ
.. ﺍﻫﻼ ﻭﺳﻬﻼ ﺑﺎﻟﻐﺎﻟﻲ ﺷﻠﻮﻧﻚ
ﻋﺎﻓﻨﻲ ﻉ ﺍﻟﺨﻂ ﻭﻛﺎﻡ ﻳﺴﻠﻢ ﻋﻠﻰ ﻭﺍﺣﺪ ﺻﺪﻙ ﺟﺬﺏ ﺍﻧﺘﻈﺮﺗﻪ ﺩﻗﻴﻘﻪ ﻣﺎ ﺟﺎﻭﺑﻨﻲ ﺳﺪﻳﺖ ﺍﻟﺨﻂ ﻭﺍﻧﻲ ﻧﺎﺭ ﻫﺬﺍ ﻟﻴﺶ ﻫﻴﺠﻲ ﻳﺴﻮﻱ ﻭﻳﺎﻱ
ﺑﺎﻭﻋﺖ ﻟﻠﺠﻬﺎﺯ ﻣﺎ ﺭﺟﻊ ﺍﺗﺼﻞ ﻫﺎﻱ ﻟﻴﺶ ﻫﻴﺠﻲ ﻳﺴﻮﻱ ﺍﻧﻲ ﺍﻋﻠﻤﻪ ﺻﺪﻙ ﺿﺠﺖ ﻣﻨﻪ
ﺏ١١ ﻭﻧﺺ ﺍﺟﻪ ﺷﻔﺘﻪ ﺍﺟﻪ ﺳﻠﻢ ﺳﻼﻡ ﻋﺎﺩﻱ ﻭﻃﺐ ﺗﻔﺎﺟﺄﺕ ﻛﻞ ﻣﺮﻩ ﻳﺴﻠﻢ ﻋﻠﻴﻪ ﻳﺄﺷﺮﻟﻲ ﺍﻟﺤﻜﻪ ﻟﻠﻐﺮﻓﻪ ﺍﻟﻴﻮﻡ ﺍﺑﺪ ﻗﺎﻓﻞ
ﺻﻌﺪﺕ ﻭﺭﺍﻩ ﻟﻠﻐﺮﻓﻪ ﺍﻧﻲ ﺍﻋﻠﻤﻪ ﻟﻜﻴﺖ ﻳﻨﺰﻉ ﺑﻤﻼﺑﺴﻪ ﻛﺎﻝ
.. ﻫﺎ ﺣﺒﻴﺒﺘﻲ ﺷﻠﻮﻧﺞ
ﻛﺘﻠﻪ ﺑﺰﻋﻞ
.. ﺯﻳﻨﻪ
.. ﺷﺒﻴﺞ ﺗﺠﺎﻭﺑﻴﻨﻲ ﻣﻦ ﻭﺭﻩ ﺧﺸﻤﺞ
.. ﻣﺎ ﺑﻴﻪ ﺷﻲ
ﺍﺧﺬﺕ ﻣﻼﺑﺴﻪ ﻋﻠﻜﺘﻬﻦ ﻭﺍﻟﻮﺻﺨﺎﺕ ﻣﻨﻬﻦ ﺫﺑﻴﺘﻬﻦ ﺑﺴﻠﺔ ﺍﻟﻬﺪﻭﻡ ﺑﻘﻮﻩ ﻛﺎﻝ
.. ﻋﻜﻴﻔﺞ ﻭﻳﻪ ﻫﺪﻭﻣﻲ ﻻ ﻳﻨﺸﻜﻦ ﻭﺍﺑﺘﻠﻲ ﺑﻴﺞ
ﺑﺎﻭﻋﺘﻠﻪ ﺑﻘﻬﺮ ﺭﺩﺕ ﺍﻧﺰﻝ ﻛﺎﻝ
.. ﺭﺍﺡ ﺍﻧﺎﻡ ﻻ ﺗﻜﻌﺪﻳﻨﻲ ﻉ ﺍﻟﻐﺪﺍ .. ﺭﺍﺳﻲ ﻳﻮﺟﻌﻨﻲ ﺣﻴﻞ
ﻣﺎ ﺟﺎﻭﺑﺘﻪ ﻋﻔﺘﻪ ﻭﻧﺰﻟﺖ ﺑﺲ ﺍﻟﺪﻣﻌﻪ ﺑﻄﺮﻑ ﻋﻴﻨﻲ ﺍﺷﺘﻐﻞ ﻭﻋﻴﻮﻧﻲ ﺧﺎﻳﻔﻪ ﻻ ﺗﺨﻮﻧﻨﻲ ﻭﺗﻨﺰﻝ ﺩﻣﻌﺘﻲ ﻭﺗﻔﻀﺤﻨﻲ ﻛﺪﺍﻡ ﺑﻴﺖ ﺟﺪﻱ
ﻓﺮﺷﺖ ﺍﻟﺴﻔﺮﻩ ﻭﻧﻘﻠﻨﻪ ﺍﻟﻤﻮﺍﻋﻴﻦ ﻛﻌﺪﻭﺍ ﻉ ﺍﻟﻐﺪﻩ ﻛﺘﻠﻬﻢ
.. ﺍﻧﻲ ﻣﺎ ﺍﺷﺘﻬﻲ ﻣﻦ ﻳﻜﻌﺪ ﻫﺠﺮﺱ ﺍﻛﻞ ﺍﻧﻲ ﻭﻳﺎﻩ
ﻛﺎﻟﻮ
.. ﺑﻜﻴﻔﺞ
ﻋﻔﺘﻬﻢ ﻭﺭﺣﺖ ﺳﻮﻳﺖ ﺟﺎﻱ ﻭﻛﻌﺪﺕ ﺑﺎﻟﻤﻄﺒﺦ ﺍﺑﺠﻲ ﻓﺘﺤﺖ ﺟﻬﺎﺯﻱ ﻭﻋﻴﻮﻧﻲ ﺗﺼﺐ ﺍﻧﻮﺏ ﺍﺑﺎﻭﻋﻠﻪ ﻧﺸﻂ ﻉ ﺍﻟﻤﺎﺳﻨﺠﺮ ﻳﻌﻨﻲ ﻛﺎﻋﺪ ﺷﺪﺍ ﻳﺴﻮﻱ ﻳﺼﻴﺮ ﻳﺮﺍﺳﻞ ﻭﺣﺪﻩ
ﻧﺼﻴﺖ ﺍﻟﻌﻴﻦ ﻣﺎﻝ ﺍﻟﻄﺒﺎﺥ ﻭﺷﺎﻭﺭﺕ ﻓﻄﻮﻣﻪ
.. ﻓﻄﻮﻣﻪ ﺳﻮﻱ ﺍﻟﺠﺎﻱ ﺍﻧﺘﻲ ﺍﺣﺲ ﺭﻭﺣﻲ ﺩﺍﻳﺨﻪ ﻛﻠﺶ
.. ﻣﺎﺷﻲ ﺣﺒﻴﺒﻲ ﺭﻭﺣﻲ ﺍﻧﻲ ﺍﻏﺴﻞ ﺍﻟﻤﻮﺍﻋﻴﻦ ﻭﺍﺳﻮﻱ ﺟﺎﻱ
ﻋﻔﺘﻬﺎ ﻭﺭﻛﻀﺖ ﻉ ﺍﻟﺪﺭﺝ ﻭﺻﻠﺖ ﻟﻠﻐﺮﻓﻪ ﻓﺘﺤﺘﻬﺎ ﺑﻬﺪﻭﺀ ﻟﻜﻴﺘﻪ ﻧﺎﻳﻢ ﺭﺣﺖ ﻟﺠﻬﺎﺯﻩ ﺑﺎﻭﻋﺘﻠﻪ ﻣﺴﺪﻭﺩ
ﺷﻨﻮ ﻫﺬﺍ ﺩﺍ ﻳﻠﻌﺐ ﻭﻳﺎﻱ ﻗﺒﻞ ﺷﻮﻳﻪ ﻧﺸﻂ ﺍﺟﻲ ﺍﻟﻜﺎﻩ ﻧﺎﻳﻢ ﻓﺘﺤﺖ ﺟﻬﺎﺯﻩ ﺩﻭﺭﺕ ﺍﺭﻗﺎﻡ ﻏﺮﻳﺒﻪ ﺍﻭ ﺷﻲ ﺑﺎﻟﻤﺎﺳﻨﺠﺮ ﻣﺎﻛﻮ ﻛﻠﻬﺎ ﺍﺳﻤﺎﺀ ﻭﻟﺪ ﻭﺟﻤﺎﻋﺘﻪ ﻳﺎ ﺭﺑﻲ ﻟﻴﺶ ﻣﺘﻐﻴﺮ ﻋﻠﻴﻪ ﺍﻟﻴﻮﻡ
ﺳﺪﻳﺘﻪ ﺟﻬﺎﺯﻱ ﻭﺟﻬﺎﺯﻩ ﻭﺣﻄﻴﺖ ﺭﺍﺳﻲ ﻉ ﺍﻟﻤﺨﺪﻩ ﻭﺍﻟﻒ ﻓﻜﺮﻩ ﺍﺟﺖ ﺑﺒﺎﻟﻲ ﺑﺲ ﺍﻟﻘﻬﺮ ﻣﻮﺗﻨﻲ ﻻﻥ ﻫﻴﺞ ﻋﺎﻣﻠﻨﻲ ﺍﻟﻴﻮﻡ ﻧﻤﺖ ﻭﺣﺮﻛَﻪ ﺑﻘﻠﺒﻲ
ﻛﻌﺪﺕ ﻟﻜﻴﺘﻪ ﻳﺒﺪﻝ ﻛﺘﻠﻪ
.. ﻭﻳﻦ ﺭﺍﻳﺢ
.. ﻳﻌﻨﻲ ﻣﺜﻞ ﻫﻴﺞ ﻭﻗﺖ ﻳﻮﻣﻴﻪ ﻭﻳﻦ ﺍﺭﻭﺡ
.. ﻫﺠﺮﺱ ﺍﻧﺖ ﺑﻴﻚ ﺷﻲ ﺍﻟﻴﻮﻡ
.. ﺷﻨﻮ ﺷﺸﻔﺘﻴﻨﻲ ﻣﺨﺒﻞ ﻛﺪﺍﻣﺞ
.. ﻫﺎﻱ ﻟﻴﺶ ﻫﻴﺠﻲ ﺗﺤﺠﻲ ﻭﻳﺎﻱ
.. ﺟﻴﻼﻥ ﺟﺪﻱ ﻣﺤﺘﺮﻙ ﻋﻮﻓﻴﻨﻲ ﻟﺨﺎﻃﺮ ﺍﻟﻜﻌﺒﻪ
ﻛﻤﺖ ﻣﻦ ﺍﻟﻔﺮﺍﺵ ﻭﺍﻟﺪﻣﻌﻪ ﺑﻌﻴﻨﻲ ﺭﺣﺖ ﻏﺴﻠﺖ ﻭﻃﻠﻌﺖ ﻟﻜﻴﺘﻪ ﻣﺎ ﻣﻮﺟﻮﺩ
ﻟﺒﺴﺖ ﺷﺎﻟﻲ ﻭﻧﺰﻟﺖ ﻟﻜﻴﺘﻪ ﻣﺎ ﻣﻮﺟﻮﺩ ﻃﻠﻊ ﻛﺎﻝ ﺑﺎﺑﺎ
.. ﺟﻮﻟﻲ ﺣﺒﻴﺒﻲ ﺣﻀﺮﻱ ﻧﻔﺴﺞ ﺍﻟﻴﻮﻡ ﺍﺭﻳﺪ ﻧﻄﻠﻊ ﺍﻧﻲ ﻭﻳﺎﺝ ﻧﺸﺘﻢ ﻫﻮﻩ
.. ﺑﺎﺑﺎ ﺗﻌﺒﺎﻧﻪ ﻭﺍﻟﻠﻪ
.. ﺗﻜﺴﺮﻳﻦ ﺧﺎﻃﺮ ﺍﺑﻮﺝ
.. ﻣﺎ ﻋﺎﺵ ﺍﻟﻠﻲ ﻳﻜﺴﺮ ﺧﺎﻃﺮﻙ ﻫﺬﺍ ﻫﻮ ﻣﺜﻞ ﻣﺎ ﺗﺮﻳﺪ ﺑﺲ ﺍﺧﺎﺑﺮ ﻫﺠﺮﺱ
.. ﻛﺘﻠﻪ ﻟﻬﺠﺮﺱ ﺑﺲ ﺑﺪﻟﻲ
ﻋﻔﺘﻬﻢ ﻭﺻﻌﺪﺕ ﺳﺒﺤﺖ ﻭﻟﺒﺴﺖ ﺻﺪﺭﻳﻪ ﺑﻨﻔﺴﺠﻲ ﻓﺎﺗﺢ ﻭﻓﻮﻛﺎﻫﺎ ﺳﺘﺮﻩ ﺳﻮﺩﻩ ﻭﻟﺒﺴﺖ ﺷﺎﻝ ﺑﻴﻪ ﺍﺳﻮﺩ ﻭﺑﻨﻔﺴﺠﻲ ﻭﺍﺧﺬﺕ ﺟﻨﻄﻲ ﻭﻋﺒﺎﺗﻲ ﻭﺣﺬﺍﺋﻲ ﻭﻧﺰﻟﺖ
ﺳﻠﻤﻨﻪ ﻋﻠﻴﻬﻢ ﻭﻃﻠﻌﻨﻪ ﺍﺧﺬﻧﻪ ﺗﻜﺴﻲ ﻛﺎﻝ ﺑﺎﺑﺎ
.. ﺍﻟﻴﻮﻡ ﺍﻟﺠﻮ ﺣﻠﻮ ﻛﻠﺶ
.. ﺑﺎﺑﺎ ﻭﻳﻦ ﺍﻟﺤﻠﻮ ﺍﺷﻮ ﺍﺣﺲ ﺍﻟﺪﻧﻴﺎ ﺣﺎﺭﻩ
.. ﻻ ﺑﺎﺑﺎ ﻏﻠﻄﺎﻧﻪ
ﻳﺠﻮﺯ ﺻﺪﻙ ﺍﻟﺠﻮ ﺣﻠﻮ ﺑﺲ ﻻﻥ ﻣﻘﻬﻮﺭﻩ ﺍﺣﺲ ﺑﺎﻟﺤﺮ ﺍﻧﻲ ﺍﺣﺠﻲ ﻭﻳﻪ ﺑﺎﺑﺎ ﻭﻛَﻠﺒﻲ ﻣﻘﺒﻮﺽ ﻭﺻﻠﻨﻪ ﻟﻠﻤﻄﻌﻢ ﺣﺎﺳﺐ ﺍﻟﺴﺎﻳﻖ ﻭﻧﺰﻟﻨﻪ
ﻛﺎﻝ
.. ﺧﻠﻲ ﻧﺘﻌﺸﻪ ﻫﻨﺎ ﻭﻧﺴﻮﻟﻒ ﺷﻮﻳﻪ
ﺩﺧﻠﻨﻪ ﻟﻠﻤﻄﻌﻢ ﻃﻠﺒﻨﻪ ﺍﻛﻞ ﻛﺎﻝ ﺑﺎﺑﺎ
.. ﺟﻴﻼﻥ .. ﻫﺠﺮﺱ ﺷﻠﻮﻧﻪ ﻭﻳﺎﺝ
ﻫﻮ ﻫﺠﺮﺱ ﺯﻳﻦ ﻭﺍﺣﺒﻪ ﻭﻳﺤﺒﻨﻲ ﻟﻮ ﻣﺎ ﺍﻟﻴﻮﻡ ﻣﺎ ﺍﻋﺮﻑ ﺷﺒﻴﻪ ﺑﺲ ﻣﺎ ﺭﺩﺕ ﺍﻗﻠﻖ ﺑﺎﺑﺎ
.. ﺑﺎﺑﺎ ﻫﺠﺮﺱ ﻭﺭﺩﻩ ﻣﺎﻝ ﺍﻟﻠﻪ ﻣﺎ ﺧﻼﻧﻲ ﻳﻮﻡ ﻣﺤﺘﺎﺟﻪ ﺷﻲ ﻭﺗﻌﺎﻣﻠﻪ ﺣﻠﻮ ﻭﺩﻭﻡ ﺍﺷﻜﺮ ﺍﻟﻠﻪ ﻻﻥ ﺧﻼﻙ ﺗﺨﺘﺎﺭﻟﻲ ﻫﻴﺞ ﺭﺟﺎﻝ
ﺍﺑﺘﺴﻢ ﻭﻛﺎﻝ
.. ﺍﻟﺤﻤﺪ ﻟﻠﻪ ﺭﻳﺤﺘﻴﻨﻲ ﻋﺒﺎﻟﻲ ﺑﻌﺪﺝ ﻣﺎﺧﺬﻩ ﻋﻠﻰ ﺧﺎﻃﺮﺝ ﻣﻨﻲ ﻻﻥ ﺟﺒﺮﺗﺞ ﻋﻠﻴﻪ
.. ﺑﺎﺑﺎ ﺍﻧﻲ ﺑﻌﻤﺮﻱ ﻣﺎ ﺍﺧﺬ ﻋﻠﻰ ﺧﺎﻃﺮﻱ ﻣﻨﻚ ﺍﻧﺖ ﺭﻭﺣﻲ ﻳﻜﻔﻲ ﻭﺟﻮﺩﻙ ﻳﻤﻲ ﺑﺤﻴﺎﺗﻲ ﻭﺍﺷﻮﻑ ﻭﺟﻬﻚ ﺍﻟﺤﻠﻮ ﻛﻞ ﻳﻮﻡ
ﺍﺑﺘﺴﻤﻠﻲ ﺍﺧﺬﺕ ﺍﻳﺪﻩ ﺑﺴﺘﻬﺎ ﻃﻠﻊ ﻣﻦ ﺟﻴﺒﻪ ﻫﺪﻳﻪ ﺻﻐﻴﺮﻩ ﻛﺎﻝ
.. ﻛﻞ ﻋﺎﻡ ﻭﺍﻧﺘﻲ ﺑﺎﻟﻒ ﺧﻴﺮ ﻳﺎ ﺍﻋﺰ ﻣﻦ ﺭﻭﺣﻲ
ﺑﺎﻭﻋﺖ ﻟﻠﻬﺪﻳﻪ ﻭﻋﻴﻮﻧﻲ ﺟﺮﻥ ﻛﺘﻠﻪ
.. ﻓﺪﻭﻩ ﻟﻌﻤﺮﻙ ﻣﺤﺪ ﺫﻛﺮ ﻋﻴﺪ ﻣﻴﻼﺩﻱ ﻏﻴﺮﻙ .. ﺑﺲ ﺑﺎﺑﺎ ﻣﺎ ﺍﺭﻳﺪ ﻫﺪﻳﻪ .... ﻫﺪﻳﺘﻲ ﻣﻦ ﺍﺷﻮﻓﻚ ﻛﺪﺍﻣﻲ ﺑﻌﺎﻓﻴﺘﻚ ﻭﺑﺼﺤﺘﻚ ﺗﺴﻮﻩ ﻋﻨﺪﻱ ﻛﻨﻮﺯ ﺍﻟﺪﻧﻴﺎ ﻭﻋﻄﺎﻳﺎﻫﺎ
ﺍﺑﺘﺴﻢ ﺑﺘﻌﺐ ﻭﻛﺎﻝ
.. ﻻ ﺗﻀﻮﺟﻴﻦ ﺍﻥ ﺷﺎﺀ ﺍﻟﻠﻪ ﺟﺎﻱ ﺍﺗﺤﺴﻦ ﻭﺍﻥ ﺷﺎﺀ ﺍﻟﻠﻪ ﺗﺮﺟﻊ ﺍﻳﺎﻣﻨﻪ ﻣﺜﻞ ﻗﺒﻞ
.. ﺍﻣﻴﻦ ﻳﺎ ﺭﺏ
.. ﺍﻓﺘﺤﻲ ﻫﺪﻳﺘﺞ
ﻓﺘﺤﺘﻬﺎ ﺟﺎﻧﺖ ﻛﻼﺩﻩ ﺻﻐﻴﺮﻩ ﺑﻴﻬﺎ ﺍﺳﻢ ﺁﺯﺍﺩﻱ ﺑﺎﻭﻋﺘﻠﻪ ﻭﻋﻴﻮﻧﻲ ﺗﺼﺐ ﻛﺎﻝ
.. ﺍﺫﺍ ﻓﺪ ﻳﻮﻡ ﺍﺟﺘﺞ ﺑﻨﻴﻪ ﺍﺭﻳﺪ ﺗﺴﻤﻴﻬﺎ ﺁﺯﺍﺩﻱ ﻭﺗﻠﺒﺴﻴﻬﺎ ﻫﺎﻱ ﺍﻟﻜﻼﺩﻩ
ﺑﺎﻭﻋﺘﻠﻪ ﻟﺒﺎﺑﺎ ﻭﻋﻴﻮﻧﻲ ﺗﺼﺐ ﻭﺍﺧﺬﺕ ﺍﻳﺪﻩ ﺑﺴﺘﻬﺎ
.. ﺑﻮﺟﻮﺩﻙ ﺍﻥ ﺷﺎﺀ ﺍﻟﻠﻪ .. ﺍﻥ ﺷﺎﺀ ﺍﻟﻠﻪ ﺗﺠﻲ ﻭﺗﺮﺑﻴﻬﺎ ﻋﻠﻰ ﺍﻳﺪﻙ
ﺍﺑﺘﺴﻢ ﻭﻛﺎﻝ
.. ﺍﻥ ﺷﺎﺀ ﺍﻟﻠﻪ ﻳﺎ ﺭﺏ
ﺗﻌﺸﻴﻨﻪ ﻭﺍﺣﻨﻪ ﻧﺴﻮﻟﻒ ﻭﻧﻀﺤﻚ ﻭﺭﺟﻌﻨﻪ ﺩﺧﻠﻨﻪ ﻟﻜﻴﺘﻬﻢ ﺑﺎﻟﺼﺎﻟﻪ ﻛﺎﻟﺖ ﺑﻴﺒﻲ
... ﻫﺎ ﺭﺟﻌﺘﻮﺍ ﺣﺒﻮﺑﻪ
ﻛﺎﻟﻠﻬﺎ ﻫﺎﺷﻢ
.. ﻻ ﺑﻌﺪﻫﻢ
ﺷﺎﻟﺖ ﺍﻟﻌﺼﺎ ﻣﺎ ﻃﺎﺣﺖ ﺑﻴﻪ ﻛﺎﻟﺘﻠﻪ
.. ﻳﺎ ﺍﻟﻤﺼﻮﻣﺦ ﺍﻟﺒﺎﺭﺣﻪ ﻋﺮﺳﻨﺎﻙ ﻋﺒﺎﻟﻨﻪ ﺗﻌﻘﻞ ﺛﺎﺭﻳﻚ ﻛﻠﻤﺎ ﺗﻜﺒﺮ ﺗﺘﺴﻮﺩﻥ
.. ﻭﺍﻟﻠﻪ ﺣﺒﻮﺑﻪ ﻫﻲ ﺍﻟﺨﺒﺎﻻﺕ ﻭﺭﺍﺛﻪ ﺷﻮﻓﻲ ﺷﺠﻨﺘﻲ ﺗﺎﻛﻠﻴﻦ ﻗﺒﻞ ﻻ ﺗﺠﻴﺒﻴﻦ ﺍﺑﻮﻱ ﻭﻭﺭﺛﻨﺎﻩ ﻣﻨﺞ
.. ﺍﻭﻭﻭ ﺍﻟﻐﺴﻞ ﻟﻬﺎﻟﻮﺟﻪ ﺍﺑﻮ ﺣﻠﻚ ﺍﻟﻔﺎﻫﻲ ... ﺍﻧﺖ ﻟﻮ ﺗﻌﺮﻑ ﺷﻨﻬﻲ ﺟﻨﻪ ﻧﺎﻛﻞ ﻭﻧﺸﺮﺏ ﻛًﺒﻞ ﻣﺎ ﻓﻜﻴﺖ ﺣﻠﻜَﻚ
.. ﺿﺎﻭﻳﻪ ﻫﺴﻪ ﺍﻟﻠﻲ ﻳﺴﻤﻌﺞ ﻳﻜﻮﻝ ﺟﻨﺘﻲ ﺗﺎﻛﻠﻴﻦ ﺳﻤﺞ ﺑﺤﺮﻱ ﻫﻮ ﺍﻛﻮ ﻏﻴﺮ ﺣﻠﻴﺐ ﻣﺎﻝ ﺻﺨﻮﻝ ﻭﺍﻟﺨﺒﺰ ﻣﺎﻝ ﺗﻨﻮﺭ ﺍﻟﻠﻲ ﺭﻣﺎﺩﻩ ﻣﻦ ﺍﻟﻤﻄﺎﻝ
ﺷﺎﻟﺖ ﺍﻟﺪﻭﻟﻜﻪ ﺍﻟﻔﺎﻓﻮﻥ ﺭﺍﺩﺕ ﺗﺮﻛﻌﻪ ﻭﺧﺮ ﻋﻨﻬﺎ ﻭﻛﻌﺖ ﺑﻔﻄﻮﻣﻪ ﺍﻟﻠﻲ ﺟﺎﻧﺖ ﻛﺎﻋﺪﻩ ﺗﻜﻨﻚ ﺻﺎﺣﺖ
.. ﻳﺒﻮﻭﻭﻭﻭﻭﻭ ﻋﻠﻴﺞ ﻳﺎ ﻓﻄﻮﻣﻪ ﺣﺘﻪ ﻭﺍﻧﺘﻲ ﻛﺎﻋﺪﻩ ﻭﻣﺎﻟﺞ ﺷﻐﻞ ﺑﺄﺣﺪ ﻳﺘﺤﺎﺭﺷﻮﻥ ﺑﻴﺞ
.. ﺍﻧﺠﺒﻲ ﺍﻧﺘﻲ ﻳﺎ ﺍﻟﺒﺎﻳﺮﻩ ﻻ ﺍﻃﻠﻊ ﺣﺮﻛﺔ ﺍﺧﻮﺝ ﺑﻴﺞ
.. ﺍﻱ ﻫﻲ ﻛَﺪﺭﺓ ﺍﺑﻮﻱ ﻋﻠﻰ ﺍﻣﻲ
ﻋﺎﻓﺘﻬﻢ ﻭﻛﺎﻣﺖ ﻭﺍﺣﻨﻪ ﺧﺮﺑﺎﻧﻴﻦ ﺿﺤﻚ
Mariam-almusawi
ﺻﻌﺪﺕ ﻓﻮﻙ ﺍﺭﻳﺪ ﺍﺑﺪﻝ ﺍﻭﻝ ﻣﺎ ﺩﺧﻠﺖ ﺗﻔﺎﺟﺄﺕ ﺑﺎﻟﻜﺪﺍﻣﻲ ﺟﺎﻥ ﻣﻴﺰ ﻣﻠﻴﺎﻥ ﻛﻴﻚ ﻭﻋﺼﺎﻳﺮ ﻭﻣﺰﺧﺮﻑ ﺑﺎﻟﻮﺭﺩ ﻭﻧﻔﺎﺥ ﻭﻫﺪﺍﻳﺎ ﻣﺤﻄﻮﻃﻪ ﻋﻠﻰ ﺍﻟﺠﻮﺍﻧﺐ ﻭﻫﺠﺮﺱ ﻭﺍﻛﻒ ﻳﻢ ﺍﻟﻤﺮﺍﻳﻪ ﻳﻜَﻠﺐ ﺑﺠﻬﺎﺯﻩ
ﺷﺎﻝ ﺭﺍﺳﻪ ﺷﺎﻓﻨﻲ ﻭﺍﻧﻲ ﻓﺎﻛﻪ ﺣﻠﻜﻲ ﻫﺬﺍ ﺷﻮﻛﺖ ﺳﻮﺍﻩ ﺍﺗﻘﺮﺏ ﻣﻨﻲ ﻭﺳﺤﺒﻨﻲ ﻣﻦ ﻳﻢ ﺍﻟﺒﺎﺏ ﻭﺳﺪ ﺍﻟﺒﺎﺏ
ﺳﺤﺒﻨﻲ ﻟﺤﻀﻨﻪ ﻭﻧﺰﻋﻨﻲ ﺍﻟﺸﺎﻝ ﻭﺫﺏ ﺍﻟﻐﺮﺍﺽ ﺑﺎﻟﻜﺎﻉ ﻛﺎﻝ ﻭﻫﻮ ﻳﻨﺰﻋﻨﻲ ﺍﻟﻘﺮﺍﺻﻪ ﻭﻳﻔﺘﺢ ﺷﻌﺮﻱ
.. ﻛﻞ ﻋﺎﻡ ﻭﺍﻧﺘﻲ ﺑﻤﻠﻴﺎﺭ ﺧﻴﺮ ﻳﺎ ﻣﺮﻳﺘﻲ ﻭﺷﻤﻌﺔ ﺑﻴﺘﻲ ﻭﺍﻥ ﺷﺎﺀ ﺍﻟﻠﻪ ﺍﻡ ﺍﺑﻨﻲ
ﺑﺎﻭﻋﺘﻠﻪ ﺑﺄﻣﺘﻨﺎﻥ ﻭﺣﻀﻨﺘﻪ ﻛﺘﻠﻪ
.. ﺷﻜﺮﺍ ﻻﻥ ﻣﺎ ﻧﺴﻴﺖ ﻋﻴﺪ ﻣﻴﻼﺩﻱ
.. ﺍﻧﻲ ﺍﻧﺴﻰ ﺍﻟﻴﻮﻡ ﺍﻟﻠﻲ ﺍﻧﻮﻟﺪﺕ ﺑﻴﻪ ﺭﻭﻳﺤﺘﻲ ﻭﺣﻼﻟﻲ
ﺍﺧﺬ ﺷﻔﺘﻲ ﻭﺑﺎﺳﻬﺎ ﺑﻮﺳﻪ ﺭﻗﻴﻘﻪ ﻭﺑﻴﻬﺎ ﺣﺐ ﻛﺒﻴﺮ ﻣﺎ ﺍﻛﺪﺭ ﺍﻭﺻﻔﻪ ﺍﺑﺘﻌﺪ ﻋﻨﻲ ﻭﻫﻮ ﻳﺒﺎﻭﻉ ﺑﻮﺟﻬﻲ ﻭﻳﺒﺘﺴﻢ ﻛﺘﻠﻪ
.. ﻋﺒﺎﻟﻲ ﻧﺴﻴﺘﻪ ﻣﻦ ﺍﻟﺼﺒﺢ ﻟﺴﻪ ﻣﺘﻐﻴﺮ ﻋﻠﻴﻪ ؟
.. ﺍﻛﻮﻟﺞ ﺷﻲ ﺑﺲ ﻣﺎ ﺗﺰﻋﻠﻴﻦ ﺍﻧﻲ ﻗﺒﻞ ﻻ ﻳﻨﻀﺮﺏ ﺭﺍﺳﻲ ﺟﻨﺖ ﺍﺣﺴﺒﻠﻪ ﻳﻮﻡ ﻳﻮﻡ ﻭﺍﺳﺘﻌﺪ ﺍﻟﻪ ..... ﺑﺲ ﻣﻦ ﺻﺎﺭﺕ ﺍﻟﻀﺮﺑﻪ ﻛﻤﺖ ﺍﻧﺴﻰ ﻫﻮﺍﻱ ﺷﻐﻼﺕ ﻣﻦ ﺿﻤﻨﻬﻦ ﻳﻮﻡ ﻣﻴﻼﺩﺝ ﻭﻃﺒﻌﺎ ﻫﺎﻟﺸﻲ ﻣﻮ ﺑﺄﻳﺪﻱ ﺗﻌﺮﻓﻴﻦ .. ﺑﺲ ﻣﻦ ﺧﺎﺑﺮﺗﻴﻨﻲ ﻭﺗﻘﺮﻳﺒﺎ ﺫﻛﺮﺗﻴﻨﻲ .. ﺍﺗﺬﻛﺮﺕ ﻭﻛﻠﺶ ﺗﻀﺎﻳﻘﺖ ﻭﺗﻨﺪﻣﺖ ﻻﻥ ﺫﻛﺮﺗﻴﻨﻲ ﻭﻣﺎ ﺗﺬﻛﺮﺗﻪ ﻭﺣﺪﻱ ... ﻓﻜﻠﺖ ﺧﻠﻲ ﺍﻛَﻠﺐ ﻋﻠﻴﻬﺎ ﻣﺆﻗﺘﺎ ﺣﺘﻰ ﻣﺎ ﺗﺴﺄﻟﻨﻲ ﺍﻭ ﺗﺮﺟﻊ ﺗﺬﻛﺮﻧﻲ ﺣﺘﻰ ﺍﺳﻮﻳﻬﺎ ﺍﻟﻬﺎ ﻣﻔﺎﺟﺄﻩ ﺑﺎﻟﻠﻴﻞ ﻭﻣﻦ ﺧﺎﺑﺮﻧﻲ ﻋﻤﻲ ﻓﺮﺣﺖ ﻛﻠﺶ ﺍﻭﻝ ﺷﻲ ﺭﺩﺗﺞ ﺗﺤﺘﻔﻠﻴﻦ ﺍﻧﺘﻲ ﻭﻳﺎﻩ ﻭﺗﺎﺧﺬﻭﻥ ﺭﺍﺣﺘﻜﻢ ﻭﻫﻢ ﺑﻨﻔﺲ ﺍﻟﻮﻗﺖ ﻳﺼﻴﺮ ﻋﻨﺪﻱ ﻭﻗﺖ ﺍﺣﻀﺮ ﺍﻟﻐﺮﻓﻪ
ﺣﻀﻨﺘﻪ ﻗﻮﻱ ﻭﺑﺴﺘﻪ ﻣﻦ ﻟﺤﻴﺘﻪ ﻭﺻﻌﺪﺕ ﻟﺸﻔﺘﻪ ﺍﺧﺬﺗﻬﺎ ﺑﻴﻦ ﺷﻔﺘﻲ ﻭﻛﺘﻠﻪ ﺑﺄﻣﺘﻨﺎﻥ
.. ﺷﻜﺮﺍ ﻳﺎ ﺭﻭﺣﻲ ﻭﺣﻴﺎﺗﻲ ﻭﺯﻭﺟﻲ ﻭﺍﺑﻦ ﻋﻤﻲ ﺍﻻﺣﺒﻪ ﻭﺍﻣﻮﺕ ﻋﻠﻴﻪ
ﻋﺮﻛﺖ ﻛﺼﺘﻪ ﻣﺴﺢ ﺍﻟﻌﺮﻙ ﻭﺯﻓﺮ ﺑﺘﻮﺗﺮ ﻭﻛﺎﻝ
.. ﻭﻟﺞ ﻛﺎﻓﻲ ﺗﺮﻩ ﻣﺎ ﺍﺗﺤﻤﻞ ﻣﻨﺞ ﻫﺬﺍ ﺍﻟﺤﺠﻲ ﺑﻌﺪ ﻭﺭﺍﻧﻪ ﻛﺺ ﻛﻴﻜﻪ ﻭﻧﻨﺰﻝ ﻧﺘﻌﺸﻪ ﻭﻳﻦ ﺍﻧﻄﻲ ﻭﺟﻬﻲ ﻣﻦ ﻭﺭﻩ ﻫﺎﻱ ﺳﻮﺍﻟﻔﺞ ﺷﻨﻮ ﺍﺳﻜﻦ ﺍﻟﺤﻤﺎﻡ ﻋﻠﻰ ﻣﺎ ﻳﺠﻲ ﺍﻟﻠﻴﻞ
ﺍﺑﺘﺴﻤﺖ ﻭﺭﺣﻨﻪ ﻛﺼﻴﻨﻪ ﺍﻟﻜﻴﻚ ﻭﻭﻛﻠﻨﻲ ﻣﻦ ﺍﻳﺪﻩ ﺟﺎﻥ ﺟﺎﻳﺒﻠﻲ ﻫﺪﻳﻪ ﻓﺴﺘﺎﻥ ﻣﺎﻝ ﻣﻨﺎﺳﺒﺎﺕ ﺍﺳﻮﺩ ﻭﺑﻴﻪ ﺫﻫﺒﻲ ﻃﻮﻳﻞ ﻭﻣﻠﻤﻊ ﻳﺨﺒﻞ ﻛﻠﺶ ﻋﺠﺒﻨﻲ ... ﻭﺯﻭﺝ ﺗﺮﺍﺟﻲ ﻉ ﺷﻜﻞ ﻧﺠﻤﻪ ﻛﻠﺶ ﻋﺠﺒﻨﻲ ﺑﻮﺳﺘﻪ ﻭﺗﺸﻜﺮﺕ ﻣﻨﻪ ﻛﻠﺶ ﻓﺮﺣﺖ ﺑﻬﺪﻳﺘﻪ
ﻧﺰﻟﻨﻪ ﺟﻮﻩ ﺍﻟﻜﻞ ﻫﻨﺎﻧﻲ ﻭﻋﺎﻳﺪﻧﻲ ... ﺍﻟﻜﺒﺎﺭ ﻣﺎ ﺍﻧﻄﻮﻧﻲ ﻫﺪﻳﻪ ﻻﻥ ﻣﺎ ﻳﻌﺮﻓﻮﻥ ﺑﺎﻋﻴﺎﺩ ﺍﻟﻤﻴﻼﺩ ﺑﺲ ﻓﻄﻮﻡ ﺟﺎﻧﺖ ﻣﺸﺘﺮﻳﺘﻠﻲ ﻋﻠﺒﺔ ﻣﻜﻴﺎﺝ ﺣﻠﻮﻩ ﺻﻐﻴﺮﻩ ﻭﻫﺎﺷﻢ ﻛﺎﻝ
.. ﺍﻧﻲ ﻧﺴﻴﺖ ﻫﺎﺝ ﻫﺎﻱ ١٠ ﺍﻋﺘﺒﺮﻳﻬﺎ ﻭﺍﺟﺐ ﺭﻭﺣﻲ ﺍﺷﺘﺮﻱ ﺑﻴﻬﺎ ﺣﺒﺸﻜﻼﺕ
ﻛﺘﻠﻪ
.. ﺷﻜﺮﺍ ﻋﻴﻨﺎﻱ ﺍﻟﻠﻪ ﻻ ﻳﻌﻮﺯﻧﻲ ﻟﻔﻠﻮﺳﻚ ﻫﺎﻙ ﺣﻄﻬﻦ ﻋﻠﻰ ﻛَﻠﺒﻚ ﻭﻣﺮﻳﺘﻚ
ﺍﺧﺬ ﺍﻟﻔﻠﻮﺱ ﻣﻨﻲ ﻭﻛﺎﻝ
.. ﺍﻧﻌﻢ ﺍﻟﻠﻪ ﺍﻱ ﻭﺍﻟﻠﻪ ﺍﺧﻴﺞ ﻣﺎ ﻋﻨﺪﻩ ﻛﺮﻭﻩ ﺑﺎﺟﺮ
ﺿﺤﻜﻨﻪ ﺑﻌﺪﻳﻦ ﻛﺎﻝ
.. ﺍﺗﺸﺎﻗﻪ ﺟﻮﻟﻲ ﺷﻌﺪﻧﻪ ﻏﻴﺮﺝ
ﻃﻠﻊ ﻣﻦ ﻏﺮﻓﺘﻪ ﻋﻼﻛﻪ ﺑﻴﻬﺎ ﺟﻨﻄﻪ ﺣﻠﻮﻩ ﻛﺘﻠﻪ
.. ﺷﻜﺮﺍ ﻫﺸﻮﻣﻲ ﺍﻥ ﺷﺎﺀ ﺍﻟﻠﻪ ﻧﺮﺩﻫﺎ ﺍﻟﻚ ﺑﻌﺮﺳﻚ
.. ﺍﻱ ﺑﻌﺪ ﺍﺧﻮﺝ ﺍﺭﻳﺪ ﺗﺬﺑﻴﻦ ﻟﺤﻢ ﻭﺗﺒﻴﻀﻴﻦ ﻭﺟﻬﻲ ﻛﺪﺍﻡ ﺍﻟﻮﺍﺩﻡ
ﻛﻠﻪ ﻫﺠﺮﺱ ﺑﻌﺼﺒﻴﻪ
.. ﻭﻟﻚ ﺍﺣﺘﺮﻡ ﻧﻔﺴﻚ ﺷﻨﻮ ﺗﺬﺏ ﻟﺤﻢ ﻭﻳﻦ ﻛﺎﻋﺪﻳﻦ ؟
.. ﻣﻮﻻﻱ ﺍﻟﺴﻠﻄﺎﻥ ﺷﺒﻴﻚ ﺗﺎﺧﺬﻫﺎ ﺑﻨﻴﻪ ﻓﺎﻛَﺴﻪ ﻗﺼﺪﻱ ﺗﻄﺒﺦ ﻟﺤﻢ ﺑﺎﻟﻜﺪﺭ ﻭﺗﻌﺸﻲ ﺍﻟﻮﺍﺩﻡ
ﺿﺤﻜﻨﻪ ﻭﺗﻌﺸﻴﻨﻪ ﻭﺑﻘﻴﻨﻪ ﻧﻀﺤﻚ ﻭﻧﺴﻮﻟﻒ ﺷﻮﻳﻪ ﻭﺭﺍﺡ ﺑﺎﺑﺎ ﻳﻨﺎﻡ ﺍﻧﻄﻴﺘﻪ ﺩﻭﺍﻩ ﻭﺗﻄﻤﻨﺖ ﻋﻠﻴﻪ ﺍﻧﻪ ﻣﺎ ﻣﻌﺘﺎﺯ ﺷﻲ ﻭﺑﻮﺳﺘﻪ ﻭﺻﻌﺪﻧﻪ ﺍﻧﻲ ﻭﻫﺠﺮﺱ
ﻗﻀﻴﻨﻪ ﻟﻴﻠﻪ ﺣﻠﻮﻩ ﻣﺎ ﺗﻨﺴﻲ ﻣﻦ ﺍﺣﻠﻰ ﻟﻴﺎﻟﻲ ﻋﻤﺮﻧﻪ ﻛﺎﻥ ﺣﺐ ﻫﺠﺮﺱ ﻳﻔﻴﺾ ﻋﻠﻴﻪ ﻭﻋﺒﺮﻟﻲ ﻋﻦ ﺍﺷﺘﻴﺎﻗﻪ ﻭﻣﺤﺒﺘﻪ ﺑﻄﺮﻳﻘﻪ ﻣﺎ ﺗﻨﺴﻲ
ﻣﺮ ١٥ ﻳﻮﻡ ﺣﻴﺎﺗﻨﻪ ﺣﻠﻮﻩ ﺍﻧﻲ ﻭﻫﺠﺮﺱ ﻛﻠﻬﺎ ﺣﺐ ﻭﺿﺤﻚ ﻭﺳﻮﺍﻟﻒ ...... ﺍﻟﻰ ﺍﻥ ﺍﺟﻪ ﺍﻟﻴﻮﻡ ﺍﻟﻤﺸﺆﻭﻡ .........
mariam#
#بارت٢١الأخيرررر
ﺍﻟﺒﺎﺭﺕ ﻣﺆﻟﻢ 😢
ﺍﺣﺒﻜﻢ 💔
ﻛﻌﺪﺕ ﺍﻟﺼﺒﺢ ﺏ٤ ﺍﻟﻔﺠﺮ ﻋﻠﻰ ﺟﻬﺎﺯﻱ ﻳﺪﻙ ﺍﺧﺘﺮﻋﻨﻪ ﺍﻧﻲ ﻭﻫﺠﺮﺱ ... ﺑﺎﻭﻋﺖ ﻫﺬﺍ ﺑﺎﺑﺎ ﺷﻨﻮ ﺟﺎﻱ ﺍﺣﻠﻢ ﺟﺎﻭﺑﺘﻪ
.. ﻫﺎ ﺑﺎﺑﺎﺗﻲ
ﺟﺎﻥ ﻣﺎﻛﻮ ﺻﻮﺕ ﺑﺲ ﺍﺳﻤﻊ ﺗﻨﻔﺴﻪ ﻭﻫﻮ ﻳﻠﻬﺚ ﻫﺠﺮﺱ ﻛﻤﺰ ﻛﺪﺍﻣﻲ ﻟﺒﺴﺖ ﺩﺷﺪﺍﺷﺘﻪ ﻳﺮﻛﺾ ﻭﺍﺧﺬ ﺷﻤﺎﻏﻪ ﺑﻴﺪﻩ ﻭﺍﻟﺴﻮﻳﺞ ﻭﺍﻧﻲ ﻟﺒﺴﺖ ﺩﺷﺪﺍﺷﺘﻲ ﻭﻧﺰﻟﺖ ﺍﺭﻛﺾ ﻭﺭﺍﻩ ﻟﻜﻴﺘﻪ ﺑﻔﺮﺍﺷﻪ ﻭﻛﻮﻩ ﻳﺠﺮ ﺍﻟﻨﻔﺲ ﺻﺤﺖ
.. ﺑﺎﺑﺎﺍﺍﺍﺍﺍﺍﺍﺍﺍﺍ ..... ﺑﺎﺑﺎ ﺣﺒﻴﺒﻲ ﺷﺒﻴﻚ
.. ﺗﻌﺒﺎﻥ ﻛَﻠﺒﻲ ..... ﻫﺠﺮﺱ ... ﺍﺍﺍﺍ
Mariam-almusawi
ﻫﺠﺮﺱ ﻫﻢ ﻣﺎ ﺍﻧﻄﺎﻩ ﻣﺠﺎﻝ ﻳﻜﻤﻞ ﺷﺎﻟﻪ ﻭﺭﻛﺾ ﻳﻄﻠﻊ ﻭﺍﻧﻲ ﺍﺻﻴﺢ ﻭﺭﺍﻩ ﻛﻌﺪﻭﺍ ﻋﻠﻰ ﺻﻴﺎﺣﻲ ﺟﺪﻱ ﺷﺎﻑ ﻫﺠﺮﺱ ﺷﺎﻳﻠﻪ
ﻛﺎﻡ ﻳﺼﻴﺢ
.. ﻭﻟﻜﻢ ﺍﺑﻨﻲ ﺷﺒﻴﻬﻬﻬﻬﻬﻪ
ﻭﺑﻴﺒﻲ ﻛﺎﻡ ﺗﺼﻴﺢ
.. ﻭﻟﻜﻢ ﻋﺪﻧﺎﻥ ﺷﻤﺎﻟﻪ
ﺭﻛﻀﻮﺍ ﻋﻤﻲ ﻭﺟﺪﻱ ﺑﻤﻼﺑﺲ ﺍﻟﺒﻴﺖ ﻭﻳﻪ ﻫﺠﺮﺱ ﻭﻫﺎﺷﻢ ﻧﺰﻝ ﻳﺮﻛﺾ ﻣﻦ ﺍﻟﺪﺭﺝ ﻭﺍﻧﻲ ﺍﺻﻴﺢ ﺍﺭﻳﺪ ﺍﺣﺪ ﻳﺎﺧﺬﻧﻲ ﺗﻬﺴﺘﺮﺕ ﻋﻠﻰ ﺑﺎﺑﺎ ﻋﺎﻓﻮﻧﻲ ﻭﺭﺍﺣﻮﺍ .... ﺑﻴﺒﻲ ﻭﻣﺮﺓ ﻋﻤﻲ ﻟﺰﻣﻨﻲ ﺩﺧﻠﻨﻲ ﺑﻴﺒﻲ ﻛﺎﻟﺖ
.. ﺣﺒﻮﺑﻪ ﺍﺳﺘﻬﺪﻱ ﺑﺎﻟﺮﺣﻤﻦ ﺍﻥ ﺷﺎﺀ ﺍﻟﻠﻪ ﻣﺎ ﺑﻴﻪ ﺷﻲ ﻛﻮﻟﻲ ﻳﺎ ﺍﻟﻠﻪ
ﺍﻧﻲ ﺍﺑﺠﻲ ﻣﺘﻬﺴﺘﺮﻩ ﻛﺘﻠﻬﺎ
.. ﺑﻴﺒﻲ ﺟﺎﻥ ﻛﻮﻩ ﻳﺠﺮ ﺍﻟﻨﻔﺴﺴﺴﺴﺲ .. ﻓﺪﻭﻩ ﺧﺎﻑ ﻳﻤﻮﺕ ﻭﻳﻌﻮﻓﻨﻲ
.. ﺍﻧﺠﺒﻲ ﻭﻛﻮﻟﻲ ﻳﺎ ﺍﻟﻠﻪ .. ﻣﺎ ﺑﻴﻪ ﺷﻲ .. ﺍﺻﻌﺪﻱ ﺻﻠﻴﻠﺞ ﺭﻛﻌﺘﻴﻦ ﺍﺩﻋﻴﻠﻪ
ﻋﻔﺘﻬﻦ ﻭﺭﺟﻠﻴﻪ ﻳﺮﺟﻔﻦ ﺍﺭﻳﺪ ﺍﻭﺻﻞ ﻟﻐﺮﻓﺘﻲ ﺍﺟﺖ ﻓﻄﻮﻣﻪ ﻟﺰﻣﺘﻨﻲ ﻭﺍﻧﻲ ﺍﺑﺠﻲ
.. ﺟﻮﻟﻲ ﻭﺍﻟﻠﻪ ﺍﻥ ﺷﺎﺀ ﺍﻟﻠﻪ ﻣﺎ ﺑﻴﻪ ﺷﻲ ﻻ ﺗﺨﺎﻓﻴﻦ ﻳﺎ ﻋﻤﺮﻱ
ﻣﺎ ﺟﺎﻭﺑﺘﻬﺎ ﺩﺧﻠﺖ ﻟﻠﻐﺮﻓﻪ ﻭﺳﺪﻳﺖ ﺍﻟﺒﺎﺏ ﺑﻮﺟﻬﻪ ﻣﻨﻈﺮ ﺑﺎﺑﺎ ﻣﺎ ﺩﺍ ﻳﺮﻭﺡ ﻣﻦ ﺑﺎﻟﻲ ﻳﺎ ﺭﺑﻲ ﺧﺎﻑ ﺻﺎﺭ ﺑﻴﻪ ﺷﻲ ... ﻃﻠﻌﺖ ﺗﻮﺿﻴﺖ ﻭﺍﺑﺠﻲ ﻓﺮﺷﺖ ﺍﻟﺴﺠﺎﺩﻩ ﻭﺻﻠﻴﺖ ﻭﻛﻤﺖ ﺍﺻﺮﺥ ﻉ ﺍﻟﺴﺠﺎﺩﻩ ﻭﺍﻧﺨﻲ ﺭﺑﻲ ﻟﻤﻦ ﺗﻌﺒﺖ ﺍﺭﻳﺪ ﻭﺍﺣﺪ ﻳﺠﺎﻭﺑﻨﻲ ﻭﻳﺒﺮﺩ ﻧﺎﺭ ﻛَﻠﺒﻲ
ﺭﺣﺖ ﺩﻛﻴﺖ ﻉ ﻫﺠﺮﺱ ﺗﻠﻔﻮﻧﻪ ﻫﻨﺎ ﻫﺎﺷﻢ ﻣﻐﻠﻖ ﻭﻋﻤﻲ ﻭﺟﺪﻭ ﻣﺎ ﺍﺧﺬﻭﺍ ﺗﻠﻔﻮﻧﺎﺗﻬﻢ ... ﺭﺣﺖ ﻟﺰﻣﺖ ﺍﻟﻤﺨﺪﻩ ﻭﻛﻤﺖ ﺍﺑﺠﻲ ﻭﺍﺩﻓﻦ ﺻﺮﺧﺘﻲ ﺑﺎﻟﻤﺨﺪﻩ ﻳﺎ ﺭﺑﻲ ﻻ ﺗﺮﺍﻭﻳﻨﻲ ﺑﻴﻪ ﺷﺮ ﻳﺎ ﺭﺑﻲ ﺍﺣﻔﻈﻪ ﺍﻟﻲ ﻟﻴﺶ ﺗﺨﺘﺒﺮﻧﻲ ﺑﺄﻋﺰ ﻧﺎﺳﻲ ﺩﺍﺋﻤﺎ ﻭﺍﻟﻠﻪ ﺗﻌﺒﺖ
ﺍﻧﺘﻈﺮﺕ ﺣﺎﺑﺴﻪ ﺭﻭﺣﻲ ﺑﻐﺮﻓﺘﻲ ﺑﺎﻟﺴﺎﻋﺘﻴﻦ ﺗﻘﺮﻳﺒﺎ ﺏ٧ ﺳﻤﻌﺖ ﺻﻮﺕ ﺻﻴﺎﺡ ﺑﻴﺒﻲ
ﻭﻫﻲ ﺗﺼﺮﺥ ﺑﻌﺎﻟﻲ ﺻﻮﺗﻬﺎ
.. ﻳﺎ ﻳﻤﻤﻤﻤﻤﻤﻤﻤﻤﻪ ... ﻳﺎ ﻋﺪﻧﺎﺍﺍﺍﺍﺍﺍﺍﺍﺍﺍﺍﺍﻥ .. ﻳﺒﻮﻭﻭﻭﻭﻭﻭﻭﻭﻭﻭﻭ
ﺍﻧﻲ ﻛﻤﺖ ﻣﻦ ﻣﻜﺎﻧﻲ ﺭﻛﺾ ﻓﺘﺤﺖ ﺍﻟﺒﺎﺏ ﻭﺻﺤﺖ
.. ﺑﺎﺑﺎﺍﺍﺍﺍﺍﺍﺍﺍﺍﺍﺍ ... ﻻ ﺗﻌﻮﻓﻨﻴﻴﻴﻴﻴﻴﻴﻴﻴﻲ
ﺍﺟﻴﺖ ﺍﺭﻛﺾ ﺷﻔﺖ ﻫﺎﺷﻢ ﻛﺎﻋﺪ ﺑﺎﻟﻜﺎﻉ ﻭﻳﺒﺠﻲ ﻧﺰﻟﺖ ﺍﺭﻛﺾ ﻭﻫﻲ ﻟﻄﻤﻪ ﻋﻠﻰ ﻭﺟﻬﻲ ﻭﻫﻲ ﻭﻛﻌﻪ ﻣﻦ ﺍﻟﺪﺭﺝ

Mariam-almusawi
ﻛﻌﺪﺗﻨﻲ ﻗﻄﺮﺍﺕ ﻣﻲ ﻋﻠﻰ ﻭﺟﻬﻲ .... ﻓﻄﻮﻣﻪ ﻭﻫﺎﺷﻢ ﻳﻜﻌﺪﻭﻥ ﺑﻴﻪ ﻭﺩﻣﻮﻋﻬﻢ ﺑﻌﻴﻮﻧﻬﻢ ﻛﺎﻟﺖ ﻓﻄﻮﻣﻪ
.. ﺟﻴﻼﻥ ﺑﻴﺞ ﺷﻲ
ﻟﺰﻣﺖ ﻫﺎﺷﻢ ﻣﻦ ﻳﺎﺧﺘﻪ ﻭﺍﻫﺰ ﺑﻴﻪ ﺻﺤﺖ
.. ﻫﺎﺷﻢ ﺍﺣﻠﻔﻚ ﺑﺮﻭﻳﺤﺘﻚ ﺣﻮﺭﻳﻪ ﻛﻮﻟﻲ ﺍﺑﻮﻱ ﻣﺎ ﻣﺎﺕ .... ﻫﺎﺷﻢ ﺟﺎﻭﺑﻨﻲ
ﻫﻮ ﺑﺲ ﻳﺒﺠﻲ .. ﺍﻧﻲ ﻛﻤﺖ ﺍﺩﻙ ﻭﺍﻟﻄﻢ ﻋﻠﻰ ﺭﺍﺳﻲ ﻭﻓﻄﻮﻣﻪ ﻭﻋﻤﺘﻲ ﻛﻮﺍﻛﺐ ﺍﺟﺖ ﺗﺼﻴﺢ ﻭﺗﺮﻛﺾ ﺷﺒﻜﺘﻨﻲ ... ﻫﺎﺷﻢ ﺭﻛﺾ ﻟﻐﺮﻓﺔ ﺑﺎﺑﺎ ﻃﻠﻊ ﻣﺴﺘﻤﺴﻜﺎﺗﻪ ﻭﻃﻠﻊ ﻳﺮﻛﺾ
ﺍﻧﻲ ﺑﻘﻴﺖ ﺍﻓﺘﺮ ﻭﺍﺻﻴﺢ ﻣﺜﻞ ﺍﻟﻤﺨﺒﻠﻪ ﺑﺎﻟﺒﻴﺖ ﻭﺻﻴﺎﺡ ﺍﻟﺒﻴﺖ ﻛَﻠﺐ ﺍﻟﻤﻨﻄﻘﻪ ﺍﻟﻨﺴﻮﺍﻥ ﺍﻟﺘﻤﻦ ﺍﻟﻨﺴﻮﺍﻥ ... ﻳﻬﺪﻥ ﺑﻴﻪ ﻭﺑﺒﻴﺒﻲ ﺍﻟﻠﻲ ﻓﻘﺪﺕ ﻣﻦ ﺍﻟﺪﻙ ﻭﺍﻟﺼﻴﺎﺡ ﻭﺍﻧﻲ ﻓﺎﻗﺪﻩ ﺑﺲ ﺍﺩﻙ ﻭﺍﻟﻄﻢ ﻫﺪﻭﻣﻲ ﺗﺸﻜﻜﻦ ﻭﻭﺟﻬﻲ ﺧﺮﻣﺸﺘﻪ ﺑﺴﺎﻋﺘﻬﺎ ﻣﺎ ﺍﺩﺭﻱ ﺑﺮﻭﺣﻲ
ﺗﻘﺮﻳﺒﺎ ﺑﺎﻝ ٨ ﺟﺎﺑﻮﺍ ﺗﺎﺑﻮﺗﻪ ﻭﻳﺎ ﺭﻳﺘﻨﻲ ﻣﺎ ﺷﻔﺖ ﺗﺎﺑﻮﺗﻪ ﻧﺺ ﻋﻤﺮﻱ ﺭﺍﺡ ﺑﺸﻮﻓﺘﻲ ﺍﻟﻪ
ﺣﻄﻮﻩ ﺍﻟﺰﻟﻢ ﻳﻤﻨﻪ ﻭﻫﺠﺮﺱ ﻳﺒﺠﻲ ﻭ ﻳﺒﺎﻭﻋﻠﻲ ﺷﻠﻮﻥ ﺫﺑﻴﺖ ﻧﻔﺴﻲ ﻉ ﺍﻟﺘﺎﺑﻮﺕ ﻭﺍﺻﺮﺥ ﻭﺍﻟﻨﺴﻮﺍﻥ ﺍﻟﺘﻤﻦ ﻛﺎﻣﻦ ﻳﺪﻛﻦ ﻉ ﺍﻟﺘﺎﺑﻮﺕ ﻭﺍﻧﻲ ﺍﻭﺧﺮ ﺑﻴﻬﻦ ﻣﺜﻞ ﺍﻟﻤﺨﺒﻠﻪ ﻭﺍﺻﻴﺢ ﺍﻛﻮﻟﻬﻢ
.. ﻫﺬﺍ ﺍﺑﻮﻱ ﺑﺲ ﺍﻟﻲ ﻻ ﺗﻠﺰﻣﻮﻩ
ﺑﻘﻴﺖ ﻓﺎﺣﻄﻪ ﺑﺠﻲ ﻧﺎﻳﻤﻪ ﻋﻠﻴﻪ ﻭﺍﺻﺮﺥ ﺣﺘﻪ ﺻﻮﺗﻲ ﺭﺍﺡ
.. ﺑﺎﺑﺎﺍﺍﺍﺍﺍﺍ ﻓﺪﻭﻩ ﺍﺭﻭﺣﻠﻚ ﺍﻛﻌﺪ ﻟﺒﻨﻴﺘﺘﺘﺘﺘﺘﺘﺘﺘﺘﻚ ... ﻻ ﺗﺨﻠﻴﻬﺎ ﻭﺣﻴﺪﻩ ..... ﻣﻨﻮ ﺑﻌﺪﻙ ﺍﺻﻴﺤﻠﻪ ﻳﺎﺑﻬﻬﻬﻬﻬﻬﻪ .... ﻟﻴﺶ ﻛﺴﺮﺗﻨﻴﻴﻴﻴﻴﻴﻲ .. ﻟﻴﺶ ﻳﺘﻤﺘﻨﻲ ﻭﺍﻧﻲ ﺑﻌﺪﻧﻲ ﺻﻐﻴﺮﺭﺭﺭﺭﺭﺭﺭﻩ .. ﺑﻘﻴﺖ ﺑﻼﻳﻪ ﺍﺏ ﻭﺍﻡ ﻟﻴﺶ ﻋﻔﺘﻮﻧﻴﻴﻴﻴﻴﻴﻴﻲ .... ﺍﺫﺍ ﺍﻟﻜﻢ ﻧﻴﻪ ﺗﻌﻮﻓﻮﻧﻲ ﻟﻴﺶ ﺟﺒﺘﻮﻧﻴﻴﻴﻴﻴﻴﻲ ... ﺍﺧﺬﻧﻲ ﻭﻳﺎﻙ ﺑﺎﺑﺎﺍﺍﺍﺍﺍﺍﺍﺍﺍﺍﺍﺍ
ﻫﺠﺮﺱ ﺗﺨﺒﻞ ﻋﻠﻴﻪ ﻣﻦ ﺷﺎﻓﻨﻲ ﺗﻬﺴﺘﺮﺕ ﻛﺎﻟﻬﻢ ﺗﻌﺎﻟﻮ ﺷﻴﻠﻮﻩ
ﺍﺟﻮﺍ ﻳﺮﺩﻭﻥ ﻳﺸﻴﻠﻮﻥ ﺍﻟﺘﺎﺑﻮﺕ ﻣﺎ ﺧﻠﻴﺘﻬﻢ ﻟﺰﻣﺖ ﺍﻟﺘﺎﺑﻮﺕ ﻭﻛﻤﺖ ﺍﺻﻴﺢ ﺍﻟﻨﺴﻮﺍﻥ ﺑﻌﺪﻧﻲ ﻋﻨﻪ ﺷﺎﻟﻮ ﺍﻟﺘﺎﺑﻮﺕ ﺩﻓﻌﺖ ﺍﻟﻨﺴﻮﺍﻥ ﻭﻃﻠﻌﺖ ﺍﺭﻛﺾ ﻭﺭﺍﻫﻢ ﺑﻼ ﺣﺠﺎﺏ ﻭﺷﻌﺮﻱ ﻣﻨﺜﻮﺭ
ﻫﺠﺮﺱ ﺷﺎﻓﻨﻲ ﺗﺨﺒﻞ ﻋﺎﻑ ﺍﻟﺠﻨﺎﺯﻩ ﻭﻧﺰﻉ ﺷﻤﺎﻏﻪ ﻭﺣﻄﻪ ﻋﻠﻰ ﺭﺍﺳﻪ ﻭﺣﻀﻨﻨﻲ ﻭﻫﻮ ﻳﺒﺠﻲ ﻛﻤﺖ ﺍﺻﻴﺢ
.. ﺑﻮﻭﻭﻭﻭﻭﻭﻭﻭﻭﻭﻭﻭﻭﻭﻭﻳﻪ
ﺻﺎﺡ ﺑﻬﺎﺷﻢ ﺑﻌﺎﻟﻲ ﺻﻮﺗﻪ
.. ﻟﻚ ﻫﺎﺷﻤﻤﻤﻤﻤﻤﻤﻤﻤﻢ ﺍﺧﺬﺕ ﺍﻟﺘﺎﺑﻮﺕ ... ﺭﺍﺡ ﺗﻤﻮﻭﻭﻭﻭﻭﻭﻭﻭﺕ
ﺍﻟﺰﻟﻢ ﺍﺧﺬﻭﻩ ﻭﺍﺧﺬﻭﺍ ﺭﻭﺣﻲ ﻭﻳﺎﻩ ﺍﻧﻲ ﻟﺰﻣﺖ ﻳﺎﺧﺘﻪ ﻭﺻﻮﺗﻲ ﻣﺒﺤﻮﺡ ﻭﻭﺟﻬﻲ ﻣﺨﺮﻣﺶ ﻭﻣﻼﺑﺴﻲ ﻣﺸﻜﻜﻪ ﺍﺑﺎﻭﻋﻠﻪ ﻭﺍﺛﻨﻴﻨﻪ ﻋﻴﻮﻧﻨﻪ ﺗﺠﺮﻱ
.. ﻻ ﺗﺎﺧﺬﻭﻩ ﻫﺠﺮﺱ .... ﺍﺑﻮﺱ ﺍﻳﺪﻙ ﻻ ﺗﺎﺧﺬﻭﻩ .. ﺧﻠﻮﻩ ﻳﻤﻲ
ﺣﻀﻨﻨﻲ ﻭﺑﺎﺱ ﺭﺍﺳﻲ ﻭﻫﻮ ﻳﺒﺠﻲ ﻭﺷﺎﻟﻨﻲ ﺣﻄﻨﻲ ﻳﻢ ﺍﻟﻨﺴﻮﺍﻥ ﻭﻛﺎﻝ ﻟﻌﻤﺘﻲ ﻛﻮﺍﻛﺐ
.. ﻋﻤﻪ ﺩﻳﺮﻱ ﺑﺎﻟﺞ ﻋﻠﻴﻬﺎ ﻓﺪﻭﻩ ﺍﺭﻭﺣﻠﺞ
.. ﺭﻭﺡ ﻋﻤﻪ ﻻ ﺗﺨﺎﻑ ﻋﻠﻴﻬﺎ
ﺑﺎﻭﻋﻠﻲ ﺑﻘﻬﺮ ﻭﻃﻠﻊ
ﻝ١٢ ﺍﻟﻈﻬﺮ ﺍﻧﻲ ﻣﺎ ﺍﻋﺮﻑ ﺷﺒﻴﻪ ﺍﺣﺲ ﻧﺎﺭ ﺑﻜَﻠﺒﻲ ﺍﻟﻨﺴﻮﺍﻥ ﻳﺠﻦ ﻳﻌﺰﻧﻲ ﺑﻮﺩﻱ ﺍﻣﻠﺨﻬﻦ ﺑﺴﺎﻋﺘﻬﺎ ﺻﺪﻙ ﺗﺨﺒﻠﺖ
Mariam-almusawi
ﺟﺎﺑﺖ ﻋﻤﺘﻲ ﺍﻛﻞ ﺻﺤﺖ ﺑﻴﻬﺎ
.. ﻣﺎ ﺍﺭﺭﺭﺭﺭﻳﻴﻴﺪ ﻋﻮﻓﻮﻧﻴﻴﻴﻴﻴﻴﻲ
.. ﻋﻠﻰ ﺣﺴﺎﺏ ﺍﺑﻮﺝ ﺣﺒﻮﺑﻪ
ﻣﺎ ﺟﺎﻭﺑﺘﻬﺎ ﺭﺣﺖ ﻣﺜﻞ ﺍﻻﻟﻪ ﺍﻣﺸﻲ ﻭﺣﺪﻱ ﻭﻓﺘﺤﺖ ﻏﺮﻓﺔ ﺑﺎﺑﺎ ﻭﺳﺪﻳﺖ ﺍﻟﺒﺎﺏ ﻭﻗﻔﻠﺘﻪ ﻋﻠﻴﻪ ﺍﺟﻦ ﺍﻟﻨﺴﻮﺍﻥ ﺩﻛﻦ ﺍﻟﺒﺎﺏ ﺭﺍﺩﻥ ﺍﻓﺘﺢ ﻣﺎ ﺟﺎﻭﺑﺘﻬﻦ
ﻛﻌﺪﺕ ﺑﺎﻟﺨﺎﻧﻪ ﺍﻟﻜﻨﺘﻮﺭ ﻣﺎﻝ ﺑﺎﺑﺎ ﺑﻨﺺ ﻣﻼﺑﺴﻪ ﻭﺣﻀﻨﺖ ﻫﺪﻭﻣﻪ ﻛﻤﺖ ﺍﺷﻢ ﺑﻴﻬﻦ ﻭﺍﺑﺠﻲ ﺑﺤﺮﻛَﻪ ﻟﻤﻦ ﻧﻤﺖ
ﻭﺭﻩ ﻣﺪﻩ ﻣﻦ ﺍﻟﺰﻣﻦ ﻣﺎ ﺍﻋﺮﻑ ﺷﻜﺪ ﺳﻤﻌﺖ ﺻﻮﺕ ﻫﺠﺮﺱ ﻳﺪﻙ ﺑﺎﻟﺒﺎﺏ ﺣﻴﻞ ..... ﻣﺎ ﻛﺎﻥ ﺑﻴﻪ ﺣﻴﻞ ﺍﺷﻮﻓﻪ ﺍﺣﺲ ﺟﺴﻤﻲ ﺗﻜﺴﺮ ﻭﺭﻭﺣﻲ ﻣﻴﺘﻪ
ﺩﻙ ﻫﻮﺍﻱ ﻣﺎ ﻓﺘﺤﺘﻪ ﺍﺧﺮ ﺷﻲ ﺿﺮﺏ ﺍﻟﺒﺎﺏ ﺿﺮﺑﻪ ﻗﻮﻳﻪ ﻛﺴﺮﻩ ﺩﺧﻞ ﻭﺷﺎﻓﻨﻲ ﻧﺎﻳﻤﻪ ﺑﺎﻟﻜﻨﺘﻮﺭ ﺍﺟﻪ ﺣﻀﻨﻨﻲ ﻭﻋﻴﻮﻧﻪ ﺣﻤﺮ ﻣﻦ ﺍﻟﺒﺠﻲ
.. ﺑﻨﻴﺘﻲ ﺟﻮﻟﻲ ﻟﻴﺶ ﻫﻴﺠﻲ ﺗﺴﻮﻳﻦ ﺑﻨﻔﺴﺞ ﺣﺒﻴﺒﻪ
ﺗﻠﻤﺲ ﻭﺟﻬﻲ ﺟﺎﻥ ﻧﺎﺭ ﺍﻧﺪﺍﺭ ﻟﻌﻤﺘﻲ ﻛﻮﺍﻛﺐ ﻛﺎﻟﻠﻬﺎ
.. ﻋﻤﻪ ﻫﺎﻱ ﺩﺍﻭﻳﻪ ﻧﺎﺭ
.. ﻋﻤﻪ ﻻ ﺍﻛﻞ ﻭﻻ ﺷﺮﺏ ﻭﺑﺲ ﺗﺼﺮﺥ ﻣﻦ ﺍﻟﺼﺒﺢ ﻟﺴﻪ
ﻓﻄﻮﻣﻪ ﺟﺎﻧﺖ ﻭﺍﻛﻔﻪ ﺗﺒﺠﻲ ﻋﻠﻴﻪ ﻫﻲ ﻭﺑﺸﺮﻯ ﻛﺎﻟﻠﻬﺎ
.. ﻓﺎﻃﻤﻪ ﺭﻭﺣﻲ ﺟﻴﺒﻴﻠﻲ ﺍﻛﻞ ﺧﻠﻲ ﺍﻭﻛﻠﻬﺎ
ﺭﻛﻀﺖ ﻓﺎﻃﻤﻪ ﻭﻫﻮ ﻳﻤﺴﺢ ﺍﻟﻌﺮﻙ ﺑﻜﺼﺘﻲ ﻭﻳﻮﺧﺮ ﺍﻟﺸﻌﺮ ﺍﻟﻤﺒﻠﻞ ﻋﻦ ﻭﺟﻬﻲ ﻭﺍﻧﻲ ﺍﻭﻥ ﺍﺣﺲ ﻋﻠﻰ ﻛﻞ ﺷﻲ ﺑﺲ ﺟﻨﺖ ﺟﺜﻪ ﺑﺴﺎﻋﺘﻬﺎ ﺑﺎﺑﺎ ﺍﺧﺬ ﺣﻴﻠﻲ ﻛﻠﻪ ﻭﺭﺍﺡ
ﺍﺑﺎﻭﻉ ﻟﻠﺴﺎﻋﻪ ﺟﺎﻧﺖ ﻛﺒﺎﻟﻲ ﺏ١ ﺍﻟﻈﻬﺮ ﺍﺟﺖ ﻓﻄﻮﻣﻪ ﻭﺟﺎﺑﺖ ﺻﻴﻨﻴﻪ ﺑﻴﻬﺎ ﺗﻤﻦ ﻭﻣﺮﻛﻪ
ﺍﺧﺬﻫﺎ ﻣﻨﺎ ﻭﺭﺍﺩ ﻳﻮﻛﻠﻨﻲ ﻣﺎ ﻓﺘﺤﺖ ﺣﻠﻜﻲ ﺗﻜﻮﻝ ﺣﺎﻃﻴﻠﻪ ﺻﻤﻎ ﻛﺎﻝ
.. ﺟﻮﻟﻲ ﺣﺒﻴﺒﺘﻲ ﻟﺨﺎﻃﺮﻱ ﺍﺫﺍ ﺗﺤﺒﻴﻨﻲ .. ﻟﺨﺎﻃﺮ ﺍﺑﻮﺝ ﺍﻛﻠﻴﻠﺞ ﻟﻜﻤﻪ ﻭﺍﻟﻠﻪ ﻣﺎ ﻳﻘﺒﻞ ﻳﺸﻮﻓﺞ ﻫﻴﺞ
ﻣﺎ ﺟﺎﻭﺑﺘﻪ ﺑﺲ ﺍﻟﺪﻣﻮﻉ ﺟﺎﻭﺑﺘﻪ ﻭﺣﺪﻫﻦ ﻧﺰﻟﻦ ﻣﻦ ﺫﻛﺮ ﺑﺎﺑﺎ ﺗﺬﻛﺮﺕ ﺭﻭﺣﻲ ﺍﻟﺮﺍﺣﺖ
ﺣﻀﻨﻨﻲ ﻭﺷﺎﻟﻨﻲ ﻓﻮﻙ ﺩﺧﻠﻨﻲ ﻟﺤﻤﺎﻣﻨﻪ ﻭﺻﺎﺡ
.. ﺑﺸﺮﻯ
ﺍﺟﺘﻲ ﺑﺸﺮﻯ
.. ﻫﺎ ﺧﻮﻳﻪ ﻓﺪﻭﻩ ﻃﻠﻌﻴﻠﻬﺎ ﻫﺪﻭﻡ ﺳﻮﺩﻩ ﻣﻦ ﺧﺎﻧﺘﻬﺎ ﻭﺧﺎﻭﻟﻲ ﻋﻠﻤﺎ ﺍﺳﺒﺤﻬﺎ
.. ﺻﺎﺭ
ﻧﺰﻋﻨﻲ ﻫﺪﻭﻣﻲ ﻭﺍﺑﺎﻭﻋﻠﻪ ﻳﺘﻠﻤﺲ ﺑﺎﻟﺨﺪﻭﺵ ﺍﻟﻠﻲ ﺑﺠﺴﻤﻲ ﺑﺠﻰ ﺑﻘﻬﺮ ﻭﻛﻌﺪ ﺑﺎﻟﻜﺎﻉ ﻭﺣﻀﻨﻨﻲ ﻭﻛﺎﻝ
.. ﻟﻴﺶ ﻫﻴﺠﻲ ﻣﺴﻮﻳﻪ ﺑﺮﻭﻳﺤﺘﺞ ﻳﺎ ﻋﻤﺮﻱ ﻟﻴﺶ ... ﻭﺍﻟﻠﻪ ﺍﺑﻮﺝ ﻣﺎ ﻳﻘﺒﻞ .... ﻟﻴﺶ ﺗﺤﺮﻛَﻴﻦ ﻛًﻠﺒﻲ ﻋﻠﻴﺞ
ﻣﺎ ﺟﻨﺖ ﺍﻛﺪﺭ ﺍﻧﻄﻖ ﺣﺮﻑ ﺍﺣﺲ ﺷﻲ ﻋﻜًﺪ ﻟﺴﺎﻧﻲ
ﺍﺟﺖ ﺑﺸﺮﻯ ﺩﻛﺖ ﺍﻟﺒﺎﺏ ﻛﺎﻡ ﻣﺴﺢ ﺩﻣﻮﻋﻪ ﺍﺧﺬ ﻣﻨﻬﺎ ﺍﻟﻬﺪﻭﻡ ﻭﺭﺟﻌﻠﻲ ﺳﺒﺤﻨﻲ ﻭﺩﻣﻮﻋﻪ ﺗﺠﺮﻱ ﻋﻠﻴﻪ ﻭﺟﻔﻒ ﺟﺴﻤﻲ ﻭﻟﺒﺴﻨﻲ ﻫﺪﻭﻣﻲ ﻭﺷﺎﻟﻨﻲ ﻭﺩﺍﻧﻲ ﻟﻠﻐﺮﻓﻪ
ﺣﻄﻨﻲ ﻉ ﺍﻟﺠﺮﺑﺎﻳﻪ ﻭﻫﻮ ﻳﺒﻮﺱ ﺑﺮﺍﺳﻲ :
.. ﺟﻮﻟﻲ ﺣﺒﻴﺒﻲ ﺍﻧﻲ ﻭﺭﺍﻱ ﻓﺎﺗﺤﻪ ﺍﺭﻳﺪ ﺍﺭﻭﺡ ﻻ ﺗﺨﻠﻴﻦ ﻛَﻠﻴﺒﻲ ﻳﻤﺞ ﺍﺭﻭﺣﻠﺞ ﻓﺪﻭﻩ ﻻ ﺗﺨﻠﻴﻦ ﺭﻭﻳﺤﺘﻲ ﻣﺤﺮﻭﻛَﻪ ﻋﻠﻴﺞ
ﻣﺎ ﺟﺎﻭﺑﺘﻪ ﺑﺲ ﺩﻣﻮﻋﻲ ﺗﻨﺰﻝ .... ﻣﺴﺢ ﺩﻣﻮﻋﻪ ﺣﺘﻰ ﻟﺤﺪ ﻳﺸﻮﻓﻬﻦ ﻭﺻﺎﺡ
.. ﻓﺎﻃﻤﻤﻤﻤﻤﻪ
ﺍﺟﺖ ﻓﻄﻮﻣﻪ ﺗﺮﻛﺾ ﻛﺎﻟﻬﺎ
.. ﺗﻌﺎﻱ ﺣﺒﻴﺒﺘﻲ ﺗﺒﻘﻴﻦ ﻳﻢ ﺟﻴﻼﻥ ﺧﺎﻑ ﺗﺄﺫﻱ ﻧﻔﺴﻬﺎ ﻣﺎ ﺗﻌﻮﻓﻴﻬﺎ ﺍﻧﻲ ﻭﺭﺍﻱ ﺻﺨﺎﻡ ﻓﺎﺗﺤﻪ ﻭﻭﺍﺩﻡ ﻣﻨﺘﻈﺮﺗﻨﻪ .. ﻓﺎﻃﻤﻪ ﻣﺎ ﺗﻌﻮﻓﻴﻬﺎ ﻭﺍﺫﺍ ﺻﺎﺭ ﺷﻲ ﺧﺎﺑﺮﻳﻨﻲ .. ﻭﺣﺎﻭﻟﻲ ﺗﺠﻴﺒﻴﻠﻬﺎ ﺍﻛﻞ ﻭﺗﻮﻛﻠﻴﻬﺎ
.. ﻣﺎﺷﻲ
ﻋﺎﻓﻨﻪ ﻭﺍﺧﺬ ﻫﺪﻭﻣﻪ ﺳﺒﺢ ﻭﺑﺪﻝ ﻭﺍﺟﻪ ﻣﺸﻂ ﺷﻌﺮﻩ ﻭﺍﺟﻪ ﺑﺎﺳﻨﻲ ﻭﺭﺍﺡ
Mariam-almusawi
ﺑﻘﻴﺖ ﺑﻔﺮﺍﺷﻲ ﻭﻓﺎﻃﻤﻪ ﻛﺎﻋﺪﻩ ﻳﻤﻲ ﺗﺒﺠﻲ ﻭﺗﺤﺠﻲ ﻭﻳﺎﻱ
.. ﺟﻮﻟﻲ .. ﺣﺒﻴﺒﺘﻲ ... ﻟﺨﺎﻃﺮ ﺻﺪﺍﻗﺘﻨﻪ .. ﻻ ﺗﺴﻮﻳﻦ ﺑﻨﻔﺴﺞ ﻫﻴﺞ .. ﺍﺑﺠﻲ ... ﺻﻴﺤﻲ ... ﺑﺲ ﻻ ﺗﺴﻜﺘﻴﻦ ... ﻫﺴﻪ ﺭﺍﺡ ﺗﺠﻲ ﺍﻟﻤﻠﻪ ﺍﻧﺰﻟﻲ ﺟﻮﻩ ﻃﻠﻌﻲ ﺣﺮﻛَﺔ ﻛَﻠﺒﺞ ﺑﺲ ﻻ ﺗﺒﻘﻴﻦ ﻫﻴﺞ
ﻣﺎ ﺟﺎﻭﺑﺘﻬﺎ ﺍﻧﺪﺍﺭﻳﺖ ﻉ ﺍﻟﺠﻬﻪ ﺍﻟﺜﺎﻧﻴﻪ ﻭﺩﻣﻮﻋﻲ ﺗﺠﺮﻱ ﻳﺠﻦ ﻧﺴﻮﺍﻥ ﻟﻐﺮﻓﺘﻲ ﻳﺮﺩﻥ ﻳﻌﺰﻧﻲ ﻣﺎ ﺍﺟﺎﻭﺑﻬﻦ ﻳﺒﻮﺳﻨﻲ ﻭﻳﻄﻠﻌﻦ
ﺍﺟﺖ ﺑﻬﺎﻻﺛﻨﺎﺀ ﺣﻮﺭﻳﻪ ﺷﺒﻜﺘﻨﻲ ﻭﻫﻲ ﺗﺒﺠﻲ ﻭﺑﻮﺳﺘﻨﻲ ﻋﺒﺎﻟﻬﺎ ﺍﺭﺩ ﻋﻠﻴﻬﺎ ﻣﺎ ﺟﺎﻭﺑﺘﻬﺎ ﻛﺎﻟﺘﻠﻬﺎ ﻓﻄﻮﻡ
.. ﺍﺑﻘﻲ ﻳﻤﻬﺎ ﺧﻠﻲ ﺍﺟﻴﺒﻠﻬﺎ ﺍﻛﻞ ﻭﺍﺟﻲ
ﺍﻏﻠﻰ ﺷﻲ ﻣﺎﺕ ﺑﺤﻴﺎﺗﻲ ﺷﻠﻮﻥ ﺗﺮﺩﻭﻧﻲ ﺍﻛﻞ ﻭﺍﺣﺠﻲ ﻭﺍﺳﻮﻟﻒ ﻭﺑﺎﺑﺎ ﺷﻤﻌﺔ ﺣﻴﺎﺗﻲ ﺍﻟﻠﻲ ﺿﺤﻪ ﺑﻨﻔﺴﻪ ﻭﺣﻴﺎﺗﻪ ﻟﺨﺎﻃﺮﻱ ﺟﻮﻩ ﺍﻟﺘﺮﺍﺏ
ﻻﺯﻡ ﺍﻛﻮﻡ ﺍﺻﻠﻴﻠﻪ ﻛﻢ ﺭﻛﻌﻪ ﻛﻤﺖ ﺻﺎﺣﺖ ﺣﻮﺭﻳﻪ
.. ﺟﻮﻟﻲ ﻭﻳﻦ ؟
ﻣﺎ ﺟﺎﻭﺑﺘﻬﺎ ﻫﻲ ﺗﻤﺸﻲ ﻭﻳﺎﻱ ﺧﺎﻳﻔﻪ ﻋﻠﻴﻪ ﺗﺠﺪﺩﺕ ﺑﺪﻭﻥ ﻛﻼﻡ ﻭﺭﺟﻌﺖ ﻓﺮﺷﺖ ﺍﻟﺴﺠﺎﺩﻩ ﻛﻤﺖ ﺍﺻﻠﻲ ﻳﻤﻜﻦ ﻣﻦ ﺍﻝ٢ ﺍﻟﻈﻬﺮ ﻟﻞ٦ ﺍﻟﻤﻐﺮﺏ ﺍﺑﺠﻲ
ﻣﺎ ﻛﺎﻥ ﻳﻄﻠﻊ ﻣﻨﻲ ﺻﻮﺕ ﺑﺲ ﺑﻘﻠﺒﻲ ﺍﺫﻛﺮ ﺭﺑﻲ ﺍﺭﻳﺪﻩ ﻳﺼﺒﺮﻧﻲ ﻭﺣﻮﺭﻳﻪ ﻭﻓﺎﻃﻤﻪ ﻳﺘﻨﺎﻭﺑﻮﻥ ﻋﻠﻴﻪ ﻳﺨﺎﻓﻮﻥ ﻋﻠﻴﻪ
ﺻﺎﺭﺕ ﺑﺎﻝ٦ ﺗﻘﺮﻳﺒﺎ ﺍﻟﻤﻐﺮﺏ ﺗﺬﻛﺮﺕ ﺑﺎﺑﺎ ﻛﻤﺖ ﺍﺻﺮﺥ ﺑﺲ ﺻﻮﺕ ﺑﻼ ﻛﻼﻡ ﻣﺜﻞ ﺍﻻﺧﺮﺱ ﺍﺻﻴﺢ ﻭﺍﻓﺘﺮ ﻭﺍﺣﺲ ﺑﺤﺮﻛَﻪ ﻣﻦ ﻛَﻠﺒﻲ ﺩﺍ ﺗﻄﻠﻊ ﺍﺟﻦ ﺍﻟﻨﺴﻮﺍﻥ ﺍﻟﺘﻤﻦ ﻋﻠﻴﻪ ﻋﻤﺎﺗﻲ ﻭﺑﻨﺎﺕ ﻋﻤﻲ ﻳﺮﺩﻭﻥ ﻳﻬﺪﺅﻧﻲ ﻣﺎﻛﻮ ﺑﺲ ﺻﺮﺍﺥ
ﺍﻟﺒﻴﺖ ﻣﻠﻴﺘﻪ ﺻﻴﺎﺡ ﻭﺻﺮﺍﺥ ﺍﺭﻳﺪ ﺷﻲ ﻳﻄﻔﻲ ﻧﺎﺭﻱ ﺑﺎﺑﺎ ﺍﻟﻴﻮﻡ ﺍﻭﻝ ﻳﻮﻡ ﺍﻟﻪ ﺑﺎﻟﻜَﺒﺮ ﺍﺭﻳﺪ ﺍﻛَﻮﻟﻬﻢ ﺍﺧﺬﻭﻧﻲ ﺍﻟﻪ ﻣﺎ ﺍﻛﺪﺭ ﻣﺨﺎﺭﺝ ﺍﻟﺤﺮﻭﻑ ﻣﺎ ﺗﻄﻠﻊ ﻋﻨﺪﻱ
ﻛﻤﺖ ﺍﺧﺬ ﺍﻟﻨﻔﺲ ﻛﻮﻩ ﻭﺍﺷﻬﻚ ﺣﺴﻴﺖ ﺭﻭﺣﻲ ﺑﺪﺕ ﺗﺼﻌﺪ ﺗﻤﻨﻴﺖ ﺍﻟﻤﻮﺕ ﺑﻠﺤﻈﺘﻬﺎ ﺣﺘﻰ ﺍﻟﺤﻚ ﺑﺎﺑﺎ
ﺻﺎﺣﺖ ﻋﻤﺘﻲ ﺣﺴﻨﻪ
.. ﻭﻟﻜﻢ ﻫﺎﻱ ﺩﺍﻭﻳﻪ ﻧﺎﺭ ﺭﺍﺡ ﺗﻤﻮﺕ .. ﺧﺎﺑﺮﻭ ﻫﺠﺮﺱ
ﻓﻄﻮﻣﻪ ﻫﻢ ﺩﻛﺖ ﻋﻠﻰ ﻫﺠﺮﺱ ﻭﺭﻩ ﺭﺑﻊ ﺍﺟﻪ ﻳﺮﻛﺾ ﺷﺎﻓﻨﻲ ﺍﺻﺮﺥ
ﺻﺎﺡ
.. ﺷﺒﻴﻬﺎ
ﻛﺎﻟﺘﻠﻪ ﻋﻤﺘﻲ ﻛﻮﺍﻛﺐ
.. ﺩﺍﻭﻳﻪ ﻧﺎﺭ ﻭﺑﺲ ﺗﺼﺮﺥ ﺭﺍﺡ ﺗﻤﻮﺕ ﻭﺭﻩ ﺍﺑﻴﻬﺎ ﻻ ﺍﻛﻞ ﻭﻻ ﺷﺮﺏ
ﻛﺎﻝ
.. ﻋﻤﻪ ﻟﺒﺴﻴﻬﺎ ﻋﺒﺎﺗﻬﺎ
ﻋﻤﺘﻲ ﺣﻄﺖ ﻋﺒﺎﺗﻬﺎ ﻋﻠﻴﻪ ﻭﻫﻮ ﺍﺟﻪ ﺷﺎﻟﻨﻲ ﻭﻧﺰﻝ ﻳﺮﻛﺾ ﺑﻴﻪ ﻭﺑﻴﺒﻲ ﺗﺼﻴﺢ ﻭﺗﺒﺠﻲ
.. ﻭﻳﻨﻚ ﻳﺎ ﻋﺪﻧﺎﺍﺍﺍﺍﺍﺍﺍﺍﺍﺍﻥ .. ﺗﻌﺎﻝ ﺷﻮﻑ ﺑﻨﻴﺘﻚ ﺭﺍﺡ ﺗﻤﻮﺕ ﺧﻼﻓﻔﻔﻔﻔﻔﻔﻔﻚ
ﺍﺧﺬﻧﻲ ﻟﻠﺴﻴﺎﺭﻩ ﻭﺣﻄﻨﻲ ﺑﺎﻟﺼﺪﺭ ... ﺷﺎﻓﻨﻪ ﻫﺎﺷﻢ ﺍﺟﻪ ﻳﺮﻛﺾ ﺭﺍﺩ ﻳﺼﻌﺪ ﻛﻠﻪ
.. ﻻ ﺍﻧﺖ ﺍﺑﻘﻪ ﻳﻢ ﺍﻟﺰﻟﻢ ﻫﺴﻪ ﺷﻮﻳﻪ ﻭﻧﺠﻲ
Mariam-almusawi
ﺷﻐﻞ ﺍﻟﺴﻴﺎﺭﻩ ﻭﻣﺸﻰ ﺑﺴﺮﻋﻪ ﻭﻛﻞ ﺷﻮﻳﻪ ﻳﻨﺪﺍﺭﻟﻲ ﻭﻳﺎﺧﺬ ﺍﻳﺪﻱ ﻳﺒﻮﺳﻬﺎ ﻭﺩﻣﻮﻋﻪ ﺗﺠﺮﻱ ﺍﻭﻝ ﻣﺮﻩ ﺍﺷﻮﻑ ﻫﺠﺮﺱ ﻳﺒﺠﻲ ﻭﻫﻴﺞ ﺿﻌﻴﻒ ﻛﺎﻝ ﺑﺨﻮﻑ
.. ﺟﻮﻟﻲ .. ﺭﻭﻳﺤﺘﻲ .. ﻻ ﺗﺴﻮﻳﻦ ﺑﻴﻪ ﻫﻴﺞ .. ﻣﻨﻮ ﺍﻟﻲ ﺍﺫﺍ ﺻﺎﺭ ﺑﻴﺞ ﺷﻲ ﻭﺍﻟﻠﻪ ﺍﻣﻮﺕ ﺧﻼﻓﺞ .. ﻻ ﻋﺒﺎﻟﺞ ﺍﻧﻲ ﻭﺍﻛﻒ ﻭﺑﻴﻪ ﻛﻞ ﺍﻟﺤﻴﻞ ﻧﺺ ﺣﻴﻞ ﺍﻧﻬﺪ ﻣﻦ ﺷﻔﺘﺞ ﻫﻴﺞ
ﺍﺳﻤﻌﻪ ﺑﺲ ﻣﺎ ﺍﻛﺪﺭ ﺍﺟﺎﻭﺑﻪ ﻟﺴﺎﻧﻲ ﺍﻧﻌﻜَﺪ ﻭﻛَﻮﻩ ﺍﺟﺮ ﺍﻟﻨﻔﺲ ﺣﻴﻠﻲ ﻛﻠﻪ ﺍﻧﻬﺪ ﻭﺑﺲ ﺍﺑﺠﻲ ﺍﺣﺲ ﺭﻭﺣﻲ ﻣﺎﺗﺖ
ﻭﺻﻠﻨﻪ ﻟﻠﻤﺴﺘﺸﻔﻰ ﺭﻛﺾ ﺷﺎﻟﻨﻲ ﻟﻠﻄﻮﺍﺭﺉ ﺍﻟﺪﻛﺎﺗﺮﻩ ﺭﻛﻀﻮﺍ ﻋﻠﻴﻪ ﻭﺍﻧﻲ ﻛﻮﻩ ﺍﺟﺮ ﺍﻟﻨﻔﺲ ﻭﻫﻮ ﻳﺸﺮﺣﻠﻬﻢ ﻭﻳﻐﻄﻲ ﺑﻴﻪ ﻭﺑﺸﻌﺮﻱ
ﻓﺤﺼﻮﺍ ﺿﻐﻄﻲ ﻭﻳﺴﺎﻟﻮﻥ ﻫﺠﺮﺱ ﺷﺼﺎﻳﺮ ﻭﻳﺴﻮﻟﻔﻠﻬﻢ ....
ﺍﻟﺪﻛﺘﻮﺭ ﺑﻌﺪ ﺍﻟﻔﺤﻮﺻﺎﺕ ﻛﻠﻪ
.. ﺻﺎﻳﺮ ﻭﻳﺎﻫﺎ ﺍﻧﻬﻴﺎﺭ ﻋﺼﺒﻲ ﻭﻫﺒﻮﻁ ﺑﺎﻟﻀﻐﻂ ﺧﻠﻴﻬﺎ ﻫﻨﺎ ﻉ ﺍﻟﻤﻐﺬﻱ ﻋﻠﻰ ﻣﺎ ﻳﺨﻠﺺ ﻭﺍﺿﺮﺑﻬﺎ ﻫﺎﻱ ﺍﻻﺑﺮﺗﻴﻦ ﻭﻃﻠﻌﻬﺎ
ﺣﻄﻮﻟﻲ ﺟﻬﺎﺯ ﺍﻟﺘﻨﻔﺲ ﻻﻥ ﺷﺎﻓﻮﻧﻲ ﻛﻮﻩ ﺍﺟﺮ ﺍﻟﻨﻔﺲ ﻭﺭﻛﺒﻮﻟﻲ ﻣﻐﺬﻱ ﻭﺭﺍﺣﻮﺍ
ﻫﺠﺮﺱ ﺳﺪ ﺍﻟﺴﺘﺎﺭﻩ ﺍﻟﻠﻲ ﺗﻔﺼﻞ ﺑﻴﻦ ﺍﻻﺳﺮﻩ ﺍﻟﻠﻲ ﺑﺎﻟﺮﺩﻫﻪ ﻭﻛﻌﺪ ﻳﻤﻲ ﻉ ﺍﻟﺴﺮﻳﺮ ﻣﺎﻟﺘﻲ
ﻟﺰﻡ ﺍﻳﺪﻱ ﺑﺎﺳﻬﺎ ﻭﺍﻧﻲ ﺍﺑﺎﻭﻋﻠﻪ ﻭﻋﻴﻮﻧﻲ ﺗﺼﺐ ﻛﺎﻝ ﺑﻘﻬﺮ
.. ﺭﻭﻳﺤﺘﻲ ... ﻟﻴﺶ ﺗﺄﺫﻳﻦ ﻧﻔﺴﺞ ﻫﻴﺞ ... ﻭﺍﻟﻠﻪ ﻋﻤﻲ ﻟﻮ ﻣﻮﺟﻮﺩ ﻫﻨﺎ ﻭﻳﺸﻮﻓﺞ ﻫﻴﺞ ﺣﺎﻟﺘﺞ ﻳﺘﺄﺫﻩ .. ﺗﻘﺒﻠﻴﻦ ﻳﺘﺄﺫﻩ ﺑﻜَﺒﺮﻩ ﻭﻳﺘﻌﺬﺏ ﻟﻴﺶ ﻣﺎ ﺗﺨﻠﻴﻪ ﻣﺮﺗﺎﺡ ... ﺻﺮﺧﻲ ﺍﺑﺠﻲ ﻃﻠﻌﻲ ﺣﺮﻛَﺔ ﻛَﻠﺒﺞ ﺑﺲ ﻻ ﺗﺒﻘﻴﻦ ﺳﺎﻛﺘﻪ ﻭﺗﺨﻮﻓﻴﻨﻲ ﻋﻠﻴﺞ .. ﺍﺗﺮﺣﻤﻴﻠﻪ ﻛﻠﻨﻪ ﻉ ﻫﺬﺍ ﺍﻟﻄﺮﻳﻖ ﻻ ﺗﻌﺮﻑ ﻧﻔﺲ ﺑﺄﻱ ﺍﺭﺽ ﺗﻤﻮﺕ .. ﺍﺑﻮﺝ ﺍﻟﻴﻮﻣﺮﺍﺡ ﻟﺪﺍﺭ ﺣﻘﻪ ... ﻳﺠﻮﺯ ﺍﻧﻲ ﺑﺎﺟﺮ ﺗﻘﺒﻠﻴﻦ ﺍﻣﻮﺕ ؟
ﻫﻮ ﻛَﺎﻝ ﻫﺎﻟﺸﻜﻞ ﻭﺍﻧﻲ ﻭﺧﺮﺕ ﺟﻬﺎﺯ ﺍﻟﺘﻨﻔﺲ ﻭﺣﻀﻨﺘﻪ ﻭﻛﻤﺖ ﺍﺑﺠﻲ ﻭﺍﺻﻴﺢ
.. ﻻ ﺣﺒﺎﺍﺍﺍﺍﺍﺍﺏ ... ﻻ ﻛﻠﻜﻢ ﺗﻌﻮﻓﻮﻧﻴﻴﻴﻴﻴﻴﻲ .. ﺣﺒﺎﺏ ﺍﻟﻠﻪ ﻳﺨﻠﻴﻚ ﻻ ﺗﻌﻮﻓﻨﻴﻴﻴﻴﻴﻴﻴﻴﻴﻲ ... ﺍﺍﺍﺍﺍﺍﺍﺍﺍﺍﻩ .. ﻻ ﺗﻤﻮﻭﻭﻭﻭﻭﺕ
ﺗﻬﺴﺘﺮﺕ ﻣﻦ ﺗﺨﻴﻠﺖ ﻫﻢ ﺑﺎﺑﺎ ﻳﻌﻮﻓﻨﻲ ﻭﻫﻢ ﻫﺠﺮﺱ ﻛﻤﺖ ﺑﺲ ﺍﺻﺮﺥ
ﻫﻮ ﺣﻀﻨﻲ ﻭﺻﺎﺡ
.. ﺩﻛﺘﻮﺭ ﻋﻔﻴﻪ ﺍﺍﻟﺤﻜﻨﻲ .. ﺭﺍﺡ ﺗﻤﻮﻭﻭﺕ
ﺍﺟﺖ ﺍﻟﻤﻤﺮﺿﻪ ﻭﺿﺮﺑﺘﻨﻲ ﺍﻻﺑﺮﺗﻴﻦ ﺍﻟﻤﻬﺪﺋﻪ ﺍﻟﻠﻲ ﻉ ﺍﺳﺎﺱ ﺗﻀﺮﺑﻨﻴﺎﻫﻦ ﻭﺭﻩ ﺍﻟﻤﻐﺬﻱ ﻭﺍﻧﻲ ﻣﻠﺰﻣﻪ ﺑﺄﻳﺪ ﻫﺠﺮﺱ ﻻ ﻳﻌﻮﻓﻨﻲ ﻭﻳﻤﻮﺕ ﻭﺍﺑﺠﻲ
ﻭﻫﻮ ﻳﻘﺮﻩ ﻋﻠﻰ ﺭﺍﺳﻲ ﺍﻳﺎﺕ ﻭﺍﻟﻤﻤﺮﺿﻪ ﺗﻀﺮﺑﻨﻲ ﺑﺎﻻﺑﺮ ﺷﻮﻳﻪ ﺷﻮﻳﻪ ﻫﺪﺃﺕ ﻭﺣﺴﻴﺖ ﺑﺮﺍﺣﻪ ﻭﻇﻼﻡ ﺩﺍﻳﺮ ﻣﺪﺍﻳﺮﻱ ﻇﻼﻡ ﻭﻧﻤﺖ
ﻛﻌﺪﺕ ﺑﺎﻟﻠﻴﻞ ﺟﺎﻥ ﺍﻟﻀﻮﻩ ﻣﺸﺘﻐﻞ ﻛﻌﺪﺕ ﻣﺨﺘﺮﻋﻪ ﺑﺎﻭﻋﺖ ﻫﺠﺮﺱ ﻳﻤﻲ ﻧﺎﻳﻢ ﺑﺎﻟﺪﺍﺧﻠﻴﺎﺕ ﻭﺣﺎﻁ ﺍﻳﺪﻩ ﻋﻠﻰ ﻋﻴﻮﻧﻪ ﺑﺎﻭﻋﺖ ﻟﻠﺴﺎﻋﻪ ﺏ١ ﺑﺎﻟﻠﻴﻞ
ﻛﻤﺖ ﺍﺣﺲ ﻧﻔﺴﻲ ﺿﺎﻳﻌﻪ ﻃﻠﻌﺖ ﺑﺪﺷﺪﺍﺷﺘﻲ ﺑﺪﻭﻥ ﺣﺠﺎﺏ ﻧﺰﻟﺖ ﻟﻐﺮﻓﺔ ﺑﺎﺑﺎ ﺍﻛﻮﻝ ﺑﻠﻜﺖ ﺍﻟﺼﺎﺭ ﺣﻠﻢ ﺑﻠﻜﺖ ﺍﻟﻜﺎﻩ ﺣﺘﻰ ﻟﻮ ﻣﺮﻳﺾ ﻗﺎﺑﻠﻪ ﺑﺲ ﺍﺷﻮﻓﻪ ﻛﺪﺍﻣﻲ ﻭﺍﺷﻤﻪ
ﻧﺰﻟﺖ ﻓﺘﺤﺖ ﺍﻟﻐﺮﻓﻪ ﺗﻔﺎﺟﺄﺕ ﺑﺠﺪﻭ ﻛﺎﻋﺪ ﺑﻔﺮﺍﺷﻪ ﻭﻋﻴﻮﻧﻪ ﺣﻤﺮ ﻣﻦ ﺍﻟﺒﺠﻲ ﻭﺍﻟﺪﻣﻮﻉ ﻣﺒﻠﻠﻪ ﻭﺟﻬﻪ
ﺑﺎﻭﻋﻠﻲ ﺑﻘﻬﺮ ﻭﻣﺴﺢ ﺩﻣﻮﻋﻪ ﻭﻛﺎﻝ
.. ﺗﻌﺎﻱ ﺟﺪﻱ
ﺍﺟﻴﺖ ﺫﺑﻴﺖ ﻧﻔﺴﻲ ﺑﺤﻀﻨﻪ ﻭﻛﻤﺖ ﺍﺑﺠﻲ ﺣﻂ ﺍﻳﺪﻩ ﻉ ﺭﺍﺳﻲ ﻭ ﻛﺎﻝ
.. ﺍﺑﺠﻲ ﻳﺎ ﺟﺪﻱ ﺍﺑﺠﻲ ﻭﻃﻠﻌﻲ ﻛﻞ ﺍﻟﺤﺮﻛَﻪ ﺑﻜَﻠﺒﺞ ... ﺍﻟﻤﺎ ﻳﺒﺠﻲ ﻋﻠﻰ ﻏﺎﻟﻴﻪ ﻫﺬﺍ ﻣﻮﺵ ﺑﺸﺮ ... ﺑﺲ ﺍﺗﺬﻛﺮﻱ ﺷﻐﻠﻪ ﻻ ﺗﻨﻮﺣﻴﻦ ﺍﻟﻌﻤﺮ ﻛﻠﻪ ﻋﻠﻴﻪ ﻻﻥ ﺭﺍﺡ ﺗﻌﺬﺑﻴﻪ ﻭﺗﻌﺬﺑﻴﻦ ﻧﻔﺴﺞ ... ﺧﻠﻲ ﺑﺒﺎﻟﺞ ﺍﺣﻨﻪ ﻫﻢ ﺑﺸﺮ ﻭﻫﻢ ﻧﻤﻮﺕ ﻭﺍﻧﻪ ﺍﻧﺘﻲ ﺭﺍﺡ ﺗﻼﻛﻴﻪ ﻳﻮﻡ ﻣﻦ ﺍﻻﻳﺎﻡ ﺑﻌﺪ ﻋﻤﺮ ﻃﻮﻳﻞ ﻳﻢ ﺭﺑﺞ .... ﻳﺠﻮﺯ ﺗﺘﻌﺬﺑﻴﻦ ﻋﻠﻰ ﻓﺮﺍﻛَﻪ ﺷﻬﺮ ﺍﻭ ﺳﻨﻪ ﺑﺲ ﺗﺎﻟﻴﺘﻬﺎ ﺗﺘﻘﺒﻠﻴﻦ ﺍﻟﻮﺍﻗﻊ ﺑﻌﺪ ﻣﺎ ﺗﺮﻭﺡ ﺻﺤﺘﺞ ﻭﻋﺎﻓﻴﺘﺞ ... ﻣﺎ ﺍﻛﻠﺞ ﺍﻧﺴﻴﻪ ﺟﺪﻱ ... ﻣﺜﻞ ﻣﺎ ﻫﻮ ﺍﺑﻮﺝ ﻭﻏﺎﻟﻲ ﻋﻠﻴﺞ ﺍﻧﻲ ﻫﺬﺍ ﺍﺑﻨﻲ ﺍﻟﺒﺠﺮ ﻭﺍﺑﻦ ﺍﻟﻐﺎﻟﻴﻪ .. ﺑﻌﻤﺮﻧﻪ ﻣﺎ ﺭﺍﺡ ﻧﻜﺪﺭ ﻧﻨﺴﻪ ﺍﻟﻨﺤﺒﻬﻢ ﺑﺲ ﻣﺜﻞ ﻣﺎ ﺟﺎﻧﻮﺍ ﻗﺒﻞ ﻋﺎﻳﺸﻴﻦ ﻭﻳﺎﻧﻪ ... ﻫﺴﻪ ﻭﻫﻢ ﺟﻮﻩ ﺍﻟﺘﺮﺍﺏ ﻣﺎ ﻧﻨﺴﺎﻫﻢ ﻧﺴﻮﻳﻠﻬﻢ ﻛﻠﺸﻲ ﻳﺤﺒﻮﻩ ﺣﺘﻰ ﻳﺮﺗﺎﺣﻮﻥ ﺑﻜَﺒﺮﻫﻢ ﻣﻮ ﻧﻌﺬﺑﻬﻢ ﻭﻧﺨﻠﻲ ﺑﺎﻟﻬﻢ ﻳﻤﻨﻪ ... ﺑﻨﻴﺘﻲ ﺻﻠﻴﻠﻪ . ﺍﻗﺮﻳﻠﻪ ﻗﺮﺁﻥ . ﺛﻮﺑﻴﻠﻪ ﻫﺎﻱ ﺍﻟﺴﻮﺍﻟﻒ ﻛﻠﻬﺎ ﺗﺨﻠﻴﻪ ﻣﺮﺗﺎﺡ ... ﻭﻻ ﺗﻌﺘﺒﺮﻳﻦ ﻧﻔﺴﺞ ﺻﺮﺗﻲ ﻳﺘﻴﻤﻪ ﻛﻞ ﺍﺣﻨﻪ ﺍﻫﻠﺞ ﻭﻋﺘﺒﺔ ﺍﻟﺒﺎﺏ ﺍﻟﻨﻪ ﻭﺍﻟﺼﺪﺭ ﺍﻟﺞ ﻭﻫﺬﺍ ﻫﺠﺮﺱ ﺑﻤﻘﺎﻡ ﺍﺑﻮﺝ ﻭﺍﻧﻲ ﺍﻋﺮﻓﻪ ﻣﺎ ﺭﺍﺡ ﻳﻘﺼﺮ ﻭﻳﺎﺝ ﻣﺎ ﺩﺍﻡ ﺑﻴﻪ ﻧﻔﺲ
ﺣﻀﻨﺘﻪ ﻭﺑﺴﺖ ﺍﻳﺪﻩ ﻭﺍﻧﻲ ﺍﺑﺠﻲ ﺑﺤﺮﻛَﻪ ﺑﻬﺎﻻﺛﻨﺎﺀ ﺍﺟﻪ ﻫﺠﺮﺱ ﻳﺮﻛﺾ ﻋﺒﺎﻟﻪ ﺷﻮ ﻭﻳﻦ ﺭﺣﺖ
ﻫﻮ ﺷﺎﻓﻨﻲ ﺍﺧﺬ ﻧﻔﺲ ﻭﻛﻌﺪ ﺑﻌﺘﺒﺔ ﺍﻟﺒﺎﺏ ﻣﻦ ﺍﻟﺨﻮﻑ ﻭﻣﺴﺢ ﺍﻟﻌﺮﻙَ ﻣﻦ ﻛَﺼﺘﻪ .... ﺍﺟﻪ ﺑﺎﺱ ﺭﺍﺱ ﺟﺪﻱ ﻭﻛﻮﻣﻨﻲ
.. ﻛﻮﻣﻲ ﺟﻮﻟﻲ .. ﻛﻮﻣﻲ ﺍﺭﺗﺎﺣﻲ ﻓﻮﻙ ﺣﺒﻴﺒﻪ
ﻛﻤﺖ ﻭﻳﺎﻩ ﻭﺳﻨﺪﻧﻲ ﻭﻫﻮ ﻳﺼﻌﺪﻧﻲ ﻟﻠﻐﺮﻓﻪ ﺳﺪ ﺍﻟﺒﺎﺏ ﻭﺍﺧﺬﻧﻲ ﻟﺤﻀﻨﻪ ﺑﺎﻟﺠﺮﺑﺎﻳﻪ ﻭﻫﻮ ﻳﺒﻮﺱ ﺑﺮﺍﺳﻲ ﺣﻀﻨﺘﻪ ﻭﺍﻧﻲ ﺍﻧﺎﺷﻎ ﻭﺍﺑﺠﻲ ﻛﺎﻝ
.. ﺟﻮﻟﻲ .. ﺑﻨﻴﺘﻲ ... ﺍﻧﻲ ﺍﺑﻮﺝ ﻭﺍﺧﻮﺝ ﻭﺍﻣﺞ ﻭﺳﻨﺪﺝ ﻭﻛﻠﺸﻲ ﺑﻬﺎﻟﺪﻧﻴﺎ ﻣﺤﺘﺎﺟﺘﻪ .... ﻭﺍﻟﻠﻪ ﻣﺎ ﺍﻋﻮﻓﺞ ﻟﻠﻤﻮﺕ ... ﻋﻴﻮﻧﻲ ﻭﺭﻭﺣﻲ ﻭﻣﺎﻟﻲ ﻭﺣﻼﻟﻲ ﻛﻮﻩ ﺟﻮﻩ ﺭﺟﻠﺞ ﺑﺲ ﻻ ﺗﺄﺫﻳﻦ ﻧﻔﺴﺞ .. ﺷﻨﻮ ﺍﻟﺘﺤﺘﺎﺟﻴﻪ ﺗﺸﻠﻌﻴﻦ ﻋﻴﻮﻧﻲ ﻭﺗﺎﺧﺬﻳﻪ ﺑﺲ ﻻ ﺗﺄﺫﻳﻦ ﻛَﻠﺒﻲ ﺑﻮﻧﻴﻨﺞ ﺍﻧﻲ ﻋﺎﻳﺶ ﺑﻬﺎﻟﺪﻧﻴﺎ ﻋﻠﻤﻮﺩﺝ .. ﺍﻟﺪﻧﻴﺎ ﺍﻟﻤﺎ ﺑﻴﻬﺎ ﻧﻔﺴﺞ ﻭﺭﻳﺤﺘﺞ ﻣﺎ ﻳﻨﻌﺎﺵ ﺑﻴﻬﺎ ...
ﻣﺮﺕ ﺍﺻﻌﺐ ٣ ﺍﺷﻬﺮ ﺑﺤﻴﺎﺗﻲ ﺑﺎﺑﺎ ﺭﻭﻳﺤﺘﻲ ﻣﺎ ﻣﻮﺟﻮﺩ ﺍﺧﺬﺗﻪ ﺍﻟﺪﻧﻴﺎ ﻣﻨﻲ ﺻﺢ ﺑﻴﺖ ﺟﺪﻱ ﻣﺎ ﻗﺼﺮﻭﺍ ﻭﻳﺎﻱ ﻭﺍﺣﺪ ﻳﺮﻭﺡ ﻭﺍﺣﺪ ﻳﺠﻲ ﻳﻤﻲ ﻣﺎ ﻋﺎﻓﻮﻧﻲ ﻟﺤﻈﻪ ﺑﺲ ﻓﺮﺍﻙَ ﺑﺎﺑﺎ ﻛﺴﺮ ﻇﻬﺮﻱ ﻭﺍﺫﺍﻧﻲ ﻭﻛﺴﺮ ﻛﻠﺸﻲ ﺣﻠﻮ ﺑﺤﻴﺎﺗﻲ ﻭﻓﻘﺪﺕ ﻃﻌﻢ ﺍﻟﺤﻴﺎﺓ ﻭﺭﺍﻩ
ﺑﻴﺒﻲ ﻭﺟﺪﻭ ﻭﺭﻩ ﻣﻮﺕ ﺑﺎﺑﺎ ﺍﻧﺘﻜﺴﺖ ﺣﺎﻟﻬﻢ ﻭﻭﺿﻌﻬﻢ ﻣﻦ ﺳﺊ ﻻﺳﻮﺀ ﺑﺎﻻﺧﺺ ﺟﺪﻭ ﻛﻠﺶ ﺗﺪﻣﺮ ﻋﻠﻴﻪ ﻭ ﻋﻤﻮ ﺣﺴﻦ ﺟﺎﻥ ﺍﻟﺤﺰﻥ ﺭﺍﻛﺒﻪ ﻭﻣﺎ ﻳﺤﺠﻲ ﻭﻳﻪ ﺍﺣﺪ ﺑﺲ ﻣﻦ ﻳﺸﻮﻓﻨﻲ ﻳﻜﺎﺑﺮ ﻭﻳﺒﺘﺴﻤﻠﻲ
ﻫﺠﺮﺱ ﺭﺣﺘﻠﻪ ﻓﺪﻭﻩ ﺭﻏﻢ ﺣﺰﻧﻪ ﻋﻠﻴﻪ ﻭﻋﻠﻰ ﺑﺎﺑﺎ ﻛﺎﻥ ﻳﻜﺎﺑﺮ ﻭﻣﺎ ﻋﺎﻓﻨﻲ ﻭﺑﺤﺒﻪ ﻏﻤﺮﻧﻲ ﻭﺑﺤﻨﺎﻧﻪ ﻧﺴﺎﻧﻲ ﻫﻤﻲ ﻭﺣﺰﻧﻲ ﺣﺘﻪ ﻣﻦ ﻳﻄﻠﻊ ﻳﺨﺎﺑﺮﻧﻲ ﻟﻮ ﻳﻨﺰﻟﻨﻲ ﻳﻢ ﺑﻴﺒﻲ ﺍﻛﻌﺪ ﺣﺘﻪ ﺍﻏﻴﺮ ﺟﻮ ﻟﻮ ﻳﻄﻠﻌﻨﻪ ﻧﻐﻴﺮ ﺟﻮ ﺭﺑﻲ ﻳﺤﻔﻈﻪ ﺍﻟﻲ ﻣﺎ ﺑﻘﻪ ﻋﻨﺪﻱ ﺑﻬﺎﻟﺪﻧﻴﺎ ﻏﻴﺮﻩ ﺍﻟﻠﻪ ﻳﺤﻔﻈﻪ ﺍﻟﻲ ﻭﻣﺎ ﻳﺤﺮﻣﻨﻲ ﻣﻦ ﺣﺴﻪ
} ﺭﻏﻢ ﺻﻌﻮﺑﺎﺕ ﺍﻟﺤﻴﺎﺓ، ﺭﻏﻢ ﻣﺸﺎﻏﻠﻬﺎ ﻳﺎ ﺃﺑﻲ ﻓﺄﺳﻤﻚ ﻻ ﻳﻔﺎﺭﻕ ﺷﻔﺘﻲ .... ﻛﻠﻤﺎ ﺭﺃﻳﺖ ﺭﺟﻼً ﻳﺸﺒﻪ ﺃﺑﻲ ﻓﻈﻨﻨﺘﻪ ﻫﻮ ﺛﻢ ﺗﺬﻛﺮﺕ ﺃﻧﻪ ﻣﺎﺕ ﻭﻟﻦ ﻳﻌﻮﺩ ﺃﺑﺪﺍً، ﺭﺣﻤﻚ ﺍﻟﻠﻪ . ﺃﺧﺬﻙ ﻣﻨﺎ ﺍﻟﻤﻮﺕ، ﻣﺎ ﻛﻨﺖ ﺃﺗﻮﻗﻊ ﺃﻥ ﻳُﺴﻠَﺐ ﻣﻨﻲ ﺃﻏﻠﻰ ﻣﺎ ﺃﻣﻠﻚ، ﻓﻤﺘﻰ ﺳﺘﺰﻭﺭﻧﻲ؟ ... ﻓﻮﺍﻟﻠﻪ ﺍﺷﺘﻘﺖ ﻟﻚ ﻭﺗﻌﺒﺖ ﺃﻥ ﺃﻋﻴﺶ ﺩﻭﻧﻚ .... ﻭﺗﻔﺎﺻﻴﻞ ﻛﺜﻴﺮﺓ ﺩُﻓِﻨﺖ ﺑﺠﻮﺍﺭ ﺃﺑﻲ، ﻛﻀﺤﻜﺘﻪ ﺗﻠﻚ ﺍﻟﺘﻲ ﺗﻤﺤﻲ ﻛﻞ ﺃﺣﺰﺍﻧﻲ، ... ﻭﻧﻈﺮﺗﻪ ﺍﻟﻤﻠﻴﺌﺔ ﺑﺎﻟﺤﻨﺎﻥ ﺍﻟﺘﻲ ﺗﺰﻳﻞ ﺃﻭﺟﺎﻋﻲ . ﺫﻛﺮﻯ ﺗﺘﺠﺪﺩ ﺑﺎﺳﺘﻤﺮﺍﺭ ﻳﺎ ﻟﻬﺎ ﻣﻦ ﺫﻛﺮﻯ، ﺗﻘﻄﻊ ﻗﻠﺒﻲ ﻭﺗﻔﻄﺮ ﺷﻮﻗﺎً ﻟﻚ ﻳﺎ ﻣﺎ ﺿﺤﻜﻨﺎ ﺳﻮﻳﺎً ﻳﺎ ﻣﺎ ﺿﻤﻤﺘﻨﻲ ﺇﻟﻰ ﺻﺪﺭﻙ ﺍﻟﺤﻨﻮﻥ، ﻳﺎ ﻣﺎ ﺃﺗﻤﻨﻰ ﻟﻮ ﻋﺎﺩﺕ ﺍﻟﺬﻛﺮﻳﺎﺕ ﻓﻘﺪ ﺻﺒﺮﺕ ﺩﻭﻥ ﺟﺪﻭﻯ، ﻓﻘﺪ ﺗﻜﻠﻢ ﻗﻠﺒﻲ ﻗﺒﻞ ﻟﺴﺎﻧﻲ، ﻓﻘﺪ ﺍﻧﺠﺮﺡ ﻗﻠﺒﻲ ﺟﺮﺣﺎً ﻟﻦ ﻳﺘﺪﺍﻭﻯ ﺑﻔﺮﺍﻗﻚ ﺃﻳﻬﺎ ﺍﻟﻐﺎﻟﻲ، ﻓﻘﺪ ﻋﺠﺰ ﺍﻟﻠﺴﺎﻥ ﺃﻥ ﻳﺘﻜﻠﻢ ﻭﻋﺠﺰ ﺍﻟﻘﻠﻢ ﺃﻥ ﻳﻜﺘﺐ ﺑﺸﻮﻗﻲ ﻟﻚ، ﻓﻘﺪ ﺍﺷﺘﻘﺖ ﻟﻚ ﺷﻮﻕ ﺍﻷﻡ ﻻﺑﻨﻬﺎ ﻭﺷﻮﻕ ﺍﻟﻤﻐﺘﺮﺏ ﻟﺒﻼﺩﻩ، ﻭﺷﻮﻕ ﺍﻟﻌﻄﺸﺎﻥ ﻟﻠﻤﺎﺀ، ﻓﻬﻞ ﻣﻦ ﻛﻼﻡ ﻳﻌﺒﺮ ﻟﻚ ﻋﻦ ﺷﻮﻗﻲ ﻟﻚ؟ ﻭﻟﻲ ﻓﻲ ﻏﻴﺎﺑﻚ ﻗﺼﺔ ﻭﺟﻊ ﻻ ﺗﻨﺘﻬﻲ، ﺭﺣﻤﻚ ﺍﻟﻠﻪ ﻭﺃﺳﻜﻨﻚ ﻓﺴﻴﺢ ﺟﻨﺎﺗﻪ . ﺍﻟﺤﺐ ﻛﻠﻪ ﺩُﻓِﻦ ﻣﻊ ﺃﺑﻲ . ﺃﻟﻒ ﻛﻠﻤﺔ ﻭﻛﻠﻤﺔ ﻻ ﺗﺰﺍﻝ ﻋﺎﻟﻘﺔ ﻓﻲ ﺣﻨﺠﺮﺗﻲ ﻛﺎﻟﻐﺼﺔ ﻟﻢ ﺃﺧﺒﺮﻙ ﻋﻨﻬﺎ ﻗﺒﻞ ﺭﺣﻴﻠﻚ ﺃﻭﻟﻬﺎ ﺃﺣﺒﻚ ﺃﺑﻲ ﻭﺃﺷﺘﺎﻗﻚ ﻛﺜﻴﺮﺍً . ﻓﻘﺪﺍﻥ ﺍﻷﺏ ﻣﻮﺕ ﻋﻠﻰ ﻗﻴﺪ ﺍﻟﺤﻴﺎﺓ، ﻟﻜﻦ ﻣﺎ ﻳﺠﻌﻠﻨﺎ ﻧﻌﻴﺶ ﻫﻮ ﺍﻟﺪﻋﺎﺀ ﻓﻨﺤﻦ ﻧﻌﻴﺶ ﻋﻠﻰ ﻗﻴﺪﻩ . ﺑﺮﻏﻢ ﻛﻮﻧﻚ ﺭﺣﻠﺖ ﻣﻦ ﺍﻟﺪﻧﻴﺎ ﺇﻟّﺎ ﺃﻧّﻚ ﻟﻢ ﺗﺮﺣﻞ ﻣﻨﻲ ﻻ ﺯﻟﺖ ﺗﺴﻜﻨﻨﻲ، ﻭﻻ ﺯﻟﺖ ﺃﺭﺍﻙ ﻓﻲ ﻛﻞ ﺻﻮﺏ ﻭﻧﺎﺣﻴﺔ ﻳﺎ ﺃﺑﻲ . ﻛﺎﻧﻮﺍ ﻳﺴﺄﻟﻮﻧﻲ ﻋﻦ ﺍﻷﻣﺎﻥ، ﺃﻗﻮﻝ : ﺣﺬﺍﺀ ﺃﺑﻲ ﻋﻨﺪ ﺍﻟﺒﺎﺏ، ﺭﺣﻤﻚ ﺍﻟﻠﻪ ﻳﺎ ﺃﺑﻲ . ﻛﺴﺮ ﻇﻬﺮﻱ ﺑﻌﺪ ﻣﻮﺕ ﺃﺑﻲ، ﻟﻴﺲ ﺑﻴﺪﻱ ﺣﻴﻠﺔ ﻏﻴﺮ ﺍﻟﺪﻋﺎﺀ ﻟﻚ ﻳﺎ ﺗﺎﺝ ﺭﺃﺳﻲ ﺑﺎﻟﺮﺣﻤﺔ ﻭﺍﻟﻤﻐﻔﺮﺓ ﻭﺍﻟﻔﺮﺩﻭﺱ . ﺃﺧﺬﻩ ﺍﻟﻜﺮﻳﻢ ﻟﻴﺮﻳﺢ ﺃﻭﺭﺩﺗﻪ ﻣﻦ ﺃﻟﻢ ﺍﺟﺘﺎﺡ ﺟﺴﺪﻩ ﺍﻟﻄﺎﻫﺮ ﻭﺑﺪﺃ ﻳﺆﻟﻤﻪ ﻭﻳﺆﻟﻢ ﻗﻠﻮﺑﻨﺎ ﻣﻌﻪ، ﺃﺑﻲ ﺫﻛﺮﺍﻙ ﻻ ﺯﺍﻟﺖ ﻋﺎﻟﻘﺔ ﺑﺠﺪﺭﺍﻥ ﻗﻠﺒﻲ . ﺃﺑﻲ ﺳﻼﻡ ﻋﻠﻰ ﺭﻭﺣﻚ ﺍﻟﻨﺎﺋﻤﺔ ﻟﻤﺪﺓ ﻃﻮﻳﻠﺔ، ﻭﺭﺍﺋﺤﺘﻚ ﺍﻟﻤﺨﺘﺒﺌﺔ ﻓﻲ ﺟﻮﻑ ﺍﻷﺭﺽ، ﺟﻌﻠﻚ ﺍﻟﻠﻪ ﻓﻲ ﺍﻟﻨﻌﻴﻢ، ﻭﺭﺯﻗﻨﻲ ﺭﺅﻳﺘﻚ ﻳﺎ ﺣﺒﻴﺐ . ... ﺃﺑﻲ ﻣﺎ ﻋﺎﺩ ﺑﻴﺘﻨﺎ ﺣﻠﻮﺍً ﻛﺴﺎﺋﺮ ﺍﻟﺒﻴﻮﺕ، ﺃﺑﻲ ﺃﻟﻘﺎﻙ ﻓﻲ ﺍﻟﻤﻨﺎﻡ ﻭﻛﻠﻤﺎ ﺃﺻﺤﻮ ﺗﻤﻮﺕ، ﻓﻤﺘﻰ ﺗﻌﻮﺩ ﻳﺎ ﺃﺑﻲ ﺃﺻﺒﺤﺖ ﻣﺸﺘﺎﻗﺎً ﺇﻟﻴﻚ، ﻣﺘﻰ ﺳﺘﺰﻭﺭ ﺑﻴﺘﻨﺎ ﻭ ﻧﺮﺗﻤﻲ ﺑﻴﻦ ﻳﺪﻳﻚ ﻓﺠﻤﻴﻌﻨﺎ ﺍﺷﺘﻘﻨﺎ ﺇﻟﻴﻚ، ﺭﺣﻤﻚ ﺍﻟﻠﻪ ﻳﺎ ﺣﺒﻴﺒﻲ . ﻳﺎ ﻣﻦ ﺃﺷﺘﺎﻕ ﺇﻟﻴﻪ، ﺭﺣﻤﻚ ﺍﻟﻠﻪ ﺑﻘﺪﺭ ﻣﺎ ﻫﺰﻧﻲ ﻭﺟﻊ ﺍﻟﺤﻨﻴﻦ ﺇﻟﻴﻚ، ﺃﺑﻲ ﻏﻔﺮ ﺍﻟﻠﻪ ﻟﻚ ﻭﺭﺣﻤﻚ ﻭﺁﻧﺲ ﻭﺣﺸﺘﻚ ﻭﺟﻤﻌﻨﺎ ﺑﻚ ﺑﺠﻨﺘﻪ . {
ﺣﺎﻻﺕ ﻭﺍﺗﺲ ﺍﺏ ﻋﻠﻰ ﻓﺮﺍﻕ ﺍﻻﺏ 😣😣😣
ﻭﻟﻠﺤﻜﺎﻳﻪ ﺑﻘﻴﻪ ..... ﻳﺘﺒﻊ ﻓﻲ ﺍﻟﺠﺰﺀ ﺍﻟﺜﺎﻧﻲ
Mariam-almusawi

#ملاحظه
ﻭﺍﻟﺠﺰﺀ ﺍﻟﺜﺎﻧﻲ ﺑﺄﻗﺮﺏ ﻓﺮﺻﻪ ﺍﻧﺰﻟﻪ ..... ﻣﺎ ﺍﻛﺪﺭ ﺍﻧﺰﻟﻪ ﻫﺴﻪ ﻻﻥ ﻋﻨﺪﻱ ﻋﻤﻠﻴﻪ ﺟﺮﺍﺣﻴﻪ ﺩﻋﻮﺍﺗﻜﻢ ﺍﻟﻲ ﺑﺎﻟﺸﻔﺎﺀ
ﻭﺭﺟﺎﺀﺍ ﺍﻱ ﺗﺠﺎﻭﺯ ﻋﻠﻰ ﻗﺼﺘﻲ ﻣﻦ ﺍﻱ ﻭﺣﺪﻩ ﻳﺘﻢ ﺣﻀﺮﻫﺎ
ﺍﻧﻲ ﻗﺼﺼﻲ ﻛﻠﻬﺎ ﺑﻴﻬﺎ ﺟﺮﺃﻩ ﺍﻟﻴﻌﺠﺒﻪ ﺍﻫﻼ ﻭﺳﻬﻼ ﻭﺍﻟﻤﺎ ﻳﻌﺠﺒﻪ ﻣﺎ ﻣﺠﺒﻮﺭ ﻳﻘﺮﺍﻫﺎ ﻭﻳﺘﺎﺑﻌﻨﻲ
ﺍﻧﻲ ﺩﺍ ﺗﻮﺻﻠﻨﻲ ﺍﻟﻘﺼﻪ ﻫﺎﻟﺸﻜﻞ ﻭﺍﺻﻼ ﺟﺎﻧﺖ ﺑﻄﻠﺔ ﺍﻟﻘﺼﻪ ﻣﺎ ﺗﺘﻌﻤﻖ ﺑﺎﻟﺒﺪﺍﻳﻪ ﺑﺲ ﺍﻧﻲ ﺍﻟﻠﻲ ﻃﻠﺒﺖ ﻣﻨﻬﺎ ﺍﻟﺘﻌﻤﻖ ﺑﺎﻟﻤﻮﺍﻗﻒ ﻧﺰﻭﻻ ﻟﺮﻏﺒﺘﻜﻢ ﻭﺷﻔﺖ ﺍﻻﻏﻠﺒﻴﻪ ﺣﺐ ﻫﺬﺍ ﺍﻟﺸﻲ
ﺍﺫﺍ ﻣﺎ ﺗﺮﺩﻭﻥ ﻫﺎﻱ ﺍﻻﺷﻴﺎﺀ 🔞 ﺑﺎﻟﻘﺼﻪ ﺍﺩﻟﻠﻮ ﺍﻟﺠﺰﺀ ﺍﻟﺜﺎﻧﻲ ﺭﺍﺡ ﻳﻜﻮﻥ ﺑﺲ ﺭﺗﻮﺵ ﺳﻄﺤﻴﻪ ﻭﻣﺎ ﻳﻜﻮﻥ ﺧﺎﻃﺮﻛﻢ ﺍﻻ ﻃﻴﺐ
ﺍﺗﻤﻨﻰ ﺷﻜﻮ ﺷﺨﺺ ﺩﺍ ﻳﻘﺮﻩ ﺍﻟﻔﺼﻪ ﻭﻣﺎ ﻣﺘﺎﺑﻌﻨﻲ ﺍﻧﻪ ﻳﺘﺎﺑﻌﻨﻲ ﻭﺍﻛﻮﻥ ﻣﻤﻨﻮﻧﻪ
ﻭﺍﺫﺍ ﻋﺪﻛﻢ ﺍﺻﺪﻗﺎﺀ ﺍﻭ ﺍﺷﺨﺎﺹ ﺗﻜﺪﺭﻭﻥ ﺗﺴﻮﻭﻟﻬﻢ ﺗﺎﻙ ﻫﻢ ﺍﻛﻮﻥ ﻣﻤﻨﻮﻧﻪ ﻣﻨﻜﻢ
ﺍﺣﺒﻜﻢ ﻣﻮﺕ 😘😘😘😘😘💋💋💋💋
# mariam-almusawi