حكايات"تملك قلبي "

حب قديم🌹

شفته زمان من ٣ سنين في الدرس بتاعي كنت لسه داخله ث اول لما شفته شدني جدا فضلت ابصله واتابعه في اي مكان يروحوا وهو كان سبب اني ألاقي صديقه ليا زي ألاء كانت شبهي وكانت بتساعدني طول فتره الدراسه عشان اشوفه فتره اكتر
كان هو كمان بيبصلي بس نظرات عاديه متبينش حته انه معجب بيا بس انا حبيته من اول مره شوفته فيها كان حلو اوووي كان بيتكلم مع صحاابه وخدت بالي من طريقه كلامه وهو بيضحك ابتسامه بسيطه تبين اجمل غمازه شوفتها عن جمال عيونه لما كان بيبص لينا فجأه
كنت حبيته لحد ما حصل اللي مكنتش متخيلاه..كنت داخله ٣ ث وفي الاجازه طول الفتره اللي فاتت اكتفيت انا وهو بنظراتنا بس لحد ما روحت لقيته بعتلي اد
لما فتحت وشوفت الاد قلبي كان هيقف معقول.. معقول سيف هيتكلم معايا ..طيب وعاوز ايه ..واشمعنا دلوقتي يعني انا بقالي سنتين مستنيه منه اي رده فعل
رحت اقول ل ألاء
-اقبليه طبعا واخيرا هيعمل خطوه بس خليكي تقيله ي زينه
تقيله! تقيله مين ي ام تقيله ده سيف يعني حب حياتي بس هبقي هاديه بس متخافيش عليا ي بنتي انا اصلا مش عايزه نتكلم
-هههههه واضح اووي
قبلت الاد وفضلت مستنياه يفتح عشان اعرف هو عايز ايه
واخيرا فتح
:ازيك ي زينه
الكلمه دخلت قلبي ..انا مش مصدقه ان سيف هيتكلم معايا اخيرا حس بيا
انا الحمد لله كويسه ونت
: بخير طول ما نتي بخير
كنت عايز حاجه
: لا بس حبيت نبقا صحااب نتعرف علي بعض اكتر
صحاب !قال صحاب قال ده مجنون ولا ايه .بس عادي نبقا صحاب وبعدين اخليه يحبني
ايوه مفيش مشكله عايز تعرف ايه
: اعرف كل حاجه عنك بتحبي ايه ومتحبيش ايه وكده
فضلنا نتكلم كتير اووي وكنت هموت من الفرحه بجد بس محدش سال التاني عند موضوع الارتباط ده
فضلنا نتكلم حوالي اسبوعين وكلامنا كل يوم بيزيد
كنت فرحانه وفي نفس الوقت بفكر ي تري ممكن يكون حته معجب بيا
دخلت الدراسه وهو معايا تقريبا في كل الدروس بشوفه كل يوم بيفضل بيبصلي ويضحك وكنت بدوب في ام ضحكته دي
روحت في يوم وكلمت ألاء
ايوه ي ألاء
-ايوه ي زينه نتي فين
انا في البيت ..هو انا اسال سيف اذا كان مرتبط او لا ولا بلاش
- هو نتي لسه معرفتيش ي حيوانه نتي
لا لسه
- طيب كلميه حالا واساليه يلا
ماشي ي ختي
دخلت كلمته وفي نص الكلام
هو نت مرتبط ي سيف
: اشمعنا جيتي تسالي السوال ده حالا
لا عادي بس انا عايزه اعرف
: هو انا مش مرتبط هو انا بحب بنت بس لسه مستني اخلص دراسه وبعدين اقولها واعترف ليها عشان اكون ليا كيان وشغل وكده وكمان معرفش هي بتحبني ولا لا
قلبي وقف دقيقه ورحت عالم تاني من الألم اللي كنت فيه قلبي وجعني اووي مكنتش عارفه ارد اقوله ايه حته اكتفيت بكلمتين
انا اعرفها ؟هي اسمها ايه
: هتكلم عنها في الوقت المناسب
قلبي وجعني منه اووي كنت مفكره ان الكلام اللي اتكلمناه وبصته ليا في الحصص هيخليه يحبني بس لا طلع بيحب اصلا قبل ما نتكلم امال كلمني ليه
قفلت ومردتش عليه وحذفت كل حاجه ليها علاقه بسوشيال ميديا
وغيرت كل الدروس والمدرسين من تاني يوم مكنتش عايزه اشوفه ولا ألمحه قلبي وجعني منه بس لسه في ذره حب موجوده ليه في قلبي بس قلبي ده موجوع ومكسور منه
-زينه غيرتي المدرسين من غير ما تقولي ليه وكمان سيف جه سألني عنك وانا قولته انك مش مرتاحه مع المدرسين دوول
انا حره وبعدين سيف ده مسمعش عنه حاجه تاني وحكتلها كل حاجه حصلت
-ماشي وانا كمان هاجي معاكي مش هسيبك لوحدك
خلصت السنه دي بالعافيه والله وهي فضلت معايا مكنتش بشوفه خالص ولا كنت حبه ده اصلا
كل ما افتكر الموضوع ده قلبي يوجعني دخلت الكليه
و بعد اسبوع اشوفه صدفه هناك واول ما اشوفه امشي من الكليه باسرع ما يمكن
- مالك ي زينه
انا هموت من وجع قلبي ي ألاء..وكمان اشوفه تاني ليه انا ليه بيحصل كده ..انا مش هروح الكليه بكره..وكمان نتي مجتيش انهارده ليه انا مش عارفه لو شفته تاني هو هيعمل ايه
- نتي مجنونه ي زينه اعتبريه انوا زيه زي غيره واتعاملي عادي
بس هو مش زيه زي غيره ده سيف يعني حب ووجع سنين
قفلت ورحت الكليه معاها الصبح
اول ما دخلت شوفته قاعد واكنه مستني حد
اول لما دخلت وشوفته جه في دماغي فكره واحده واني اروح واحضنه واعيط واقوله ليه انا بحبك ليه مش حاسس بيا ي سيف ليه
هو قام وهو بيضحك وجه عليا انا والاء
: ليه عملتي كده ي زينه ليه سبيتيني فجأه ليه
انا اللي ليه !السوال ده ليك وبعدين انا سيبتك لحبك
: نتي خضتيني عليكي بس كنت بطمن عليكي من صحابي
وانا اهمك في ايه ي سيف
: تهميني في أيه !نتي متعرفيش مش بتحسي ي زينه
مين فينا اللي مش بيحس ي سيف
: ممكن اطلب منك طلب ي زينه ينفع نرجع نتكلم
كنت هموت واقوله ايوه ايوه انا لسه بحبك ومحبش غيرك ي سيف بس كان ردي لا انا مش عايزه يبقي في بينا كلام ومشيت وسبته
اول لما روحت نزلت فيس وكل حاجه كنت مسحتها
اول حاجه كانت في بالي اني ادخل اشوفه كان كتبلي حاجه طول السنه اللي فاتت
لقيته كل يوم طول السنه كان بيحاول يطمن عليا وبيترجاني افتح عشان عايز يقولي حاجه
بس اخر حاجه قالها
مش كنتي عايزه تعرفي انا بحب ولا لا ؟
شوفتهم ومردتش
بس كنت عايزه اعرف هي مين مين اللي تستحق سيف اكتر مني مفيش حد حبه قدي والله بس انا مش هضعف تاني وهشيل ذره الحب دي بقا
بس قلبي لسه بيدق باسمه انا حبيته بجد
تاني اليوم شفته تاني وحاول يكلمني
: مردتش عليا ليه ..عشان خاطري نرجع صحااب تاني انا معرفش انا عملت ايه زعلك اصلا
قررت انه يكون عادي زيه زي غيره
ماشي نبقي صحااب عادي
رجع يكلمني تاني وكنت برد علي قد الكلام
بس كنت فرحانه جدا لانو في حياتي وف نفس الوقت خايفه افتح قلبي المره دي انهار
رجع قلبي يدق تاني من الكلام وهو المره دي كان بيعاملني احسن وبحب كان باين في عيونه
: زينه عايز اطلب منك طلب
قول
: هو نتي مرتبطه
عقلي وقف ولقيت نفسي بقوله
بحب واحد بس معرفش هو بيحبني ولا لا
: اسمه ايه
مش هتكلم حاليا
: طيب مش هتساليني حاجه
ضحكت وقولتله لا
رجعنا نقرب من بعض تاني وهو كان بيعمل كل حاجه عشان افضل فرحانه
لحد ما في يوم كنا قاعدين مع بعض في الكليه ولقته بيقولي
: مش نتي سالتيني مين البنت اللي بحبها واسمها ايه
ايوه
: لما قفلتي معرفتش اقولك حاجه كنت هقولك كلام كتير ي زينه بس نتي مدتنيش فرصه اتكلم قفلتي اول لما عرفتي اني بحب واحده
كمل اديني قدامك قول اللي عايز تقوله ي سيف
: كنت هقولك ان البنت دي ادي في السن و معايا في الدروس حلوه اووي مكلمتش غيرها ولا عمري هكلم بنت غيرها اصلا حبيتها من اول مره شوفتها بس مردتش اقولها عشان كنت لازم اروح اقولها وانا مجهز نفسي لكل حاجه عشان اتجوزها علي طول البنت دي سابتني في نص الطريق ومشيت عشان انا جرحتها بكلامي غصب عني ومردتش تديني فرصه ...ممكن فرصه ي زينه؟!
انا وقفت وفضلت بصاله ومكنتش عارفه اعيط ولا اضحك ولا افرح ولا ازعل بس حسيت قلبي بيرقص من الفرحه انا بحب سيف وعمري م بطلت احبه في يوم من الأيام معقول هو كمان بيحبني
: ها قولتي ايه ممكن فرصه
انا مش فاهمه حاجه وانا مالي باللي بتحبها
: طيب ممكن تساليني تاني السؤال اللي سالتيه من سنه ده ؟
نت مرتبط ي سيف
: ايوه شكلي هرتبط
اسمها ايه وانا اعرفها
: ايوه اكيد تعرفي نفسك ي زينه
اسمها اجمل اسم سمعته ..زينه

""تملك قلبي ذلك العاشق بعينيه""
#إسراء ابراهيم
#تَملك قلبي