Ang pag-ibig ng isang makata
Ay sing-kinang ng mga tala,
Mas matamis pa sa ating inaakala,
At mas matatag sa kahit na ano pa
Kapag nagmahal ang isang makata,
Wala siyang ibang gagawin kundi pasayahin ka
Lahat ng nais niyang iparamdam sayo ay isusulat niya
Bawat detalye ng pag-iibigan niyo ay ilalagay niya sa bawat tula niya
Ang mahalin ng isang makata ay masaya,
Dahil kasama ka sa bawat sulok ng kanyang akda
Ang mahalin ng isang makata ay masaya,
Dahil lahat ng isinusulat niya ay nangangahulugan ng isang wagas na pagsinta
Ipaparamdam niya sayong mahal ka niya,
Sa lahat ng tulang sayo ay tanging handog niya
Ipaparamdam niya sayong ikaw lang at wala ng iba,
Gamit ang mga akda niyang tinatangkilik ka
Ang pag-ibig ng isang makata
Ay walang katumbas na halaga,
Dahil sa bawat akdang sayo ay iniaalay niya
Ramdam mong tapat ka niyang sinisinta
