⭕️⭕️⭕️سلسة بداية الخلق⭕️⭕️⭕️
🌹🌹🌹 الحلقة 29🌹🌹🌹
📌موسى عليه السلام الجزء 1🌹🌹🌹🌹🌹🌹🌹🌹🌹
كاان يا ما كان... ولا يحلى الكلام ... الا بذكر الله ثم الصلاة على رسول الله
زماااان زمااااان هنا ف مصر كان فى ملك شرير الملك دا كان بيقولولوا فرعون فرعون يا ولاد كان رجل وحش اوى اوى وكان بيقول ان هو ربنا وكان بيخلى كل الناس تسمع كلامه
🍃🌷🍃🌷🍃🌷🍃🌷
بس ازاى هو ربنا ؟!!
هو اللى خلقنا؟!!
هو اللى خلق الارض والشمس؟!!
هو اللى خلق البحر؟!!
بس هو علشان شرير قال كدة 🌷🍃🌷🍃🌷🍃🌷🍃🌷🍃
وكان عايش ف مصر بنى اسرائيل ودول كانوا ناس غلابة اوى وكان فرعون بيخليهم يعملوا شغلوا كتير وكام بيضربهم ويعذبهم وكان عايش معاهم اهل فرعون كانوا اشرار زيه وكانوا اغنيااء
المهم ف يوم فرعون قرر انه هيقتل كل البيبيهات الولاد بتوع بنى اسرائيل
يااا دا شرير اوى
يقتل بيبيهات ملهمش اى ذنب
🎀🎀🎀🎀🎀🎀🎀🎀🎀
وبدا الجنود بتوعه يمشوا ف البلد يدوروا على البيبيهات الولاد علشان يقتلوها بس لما لاقى ان كدة بنى اسرائيل هتخلص ومش هيكون فى حد يخدمه ويعمل الشغل
قال حاجة غريبة اوى قال ان هيسبهم فى سنة والسنة اللى بعديها هيقتل اى حد يتولد فيها 🌹🌹🌹🌹🌹🌹🌹🌹🌹🌹🌹🌹
وفى السنة اللى مكنش بيقتل فيها اتولد سيدنا هاروون وبعد شوية جت السنة اللى بيقتل فيها اتولد اخوه موسى
ومامته كانت خايفة عليه اوى لحسن الجنود الاشرار يقتلوه راح ربنا اوحلها يعنى جاتلها فكرة ف مخها انها تحط موسى ف صندوق وترميه ف النيل علشان ميتقتلش وهى علشان كانت مؤمنة بربنا عملت كدة وكانت عارفة ان دا الخير
🌹🌹🌹🌹🌹🌹🌹🌹🌹🌹🌹🌹
لفت سيدنا موسى وحطيته ف صندوق ورميته ف النيل
وربنا اوحى للنيل انه مياذيش موسى ويوصله عند قصر فرعون اكنه راكب مركب
الصندوق وصل عند قصر فرعون ومرات فرعون اما شفته فرحت اوى وحبيته وقالت انها هتربيه هى علشان معندهاش اولاد...فرعون لا لازم نقتله بس هى قالتله هنربيه وربنا خلى فرعون يوافق علشان ربنا قدر انه يحمى موسى
🌺🍂🌲🌺🍂🌲🌺🍂🌲
وبعدين موسى اعد يعيط يعيط عايز يرضع وكل اما يجبوله مرضعة ميرضاش يرضع
🌹🌹🌹🌹🌹🌹🌹🌹🌹🌹🌹🌹🌹
وف الوقت دا يا اولاد. مامت سيدنا موسى قالت لاخته روحى شوفى اخبار اخوكى ايه
راحت اخته عندهم وقالتلهم انا اعرف ناس ممكن ترضعه وتاخد بالها منه
قالولها هاتيهم بسرعة لحسن هو جعان اوى
جت مامته اخدته ورضعته وهو رضع ومرات فرعون بقت مبسوطة اوى ان سيدنا موسى رضى يرضع
🌹🌹🌹🌹🌹🌹🌹🌹🌹🌹🌹
وبكدة ربنا حفظ سيدنا موسى ورجعه لمامته زى ما وعدها وقدر انه يتربى ف قصر فرعون الشرير
وتعالوا نشووف المرة اللى جاية هيحصل ايه
يتبع ......
