ချစ်ခြင်းတရားဖြင့်လင်းလက်စေ

အခန်း(၉)

             အိပ်နေရာမှ ရုတ်တရတ်ထထိုင်လိုက်သည့် ကာကာ့ကြောင့် သူပါအယောင်ယောင်အမှားမှားနှင့်ထထိုင်လိုက်မိသည်။ရှုပ်ထွေးနေဟန်တူသည့် ကာကာ့ရဲ့အကြည့်တွေက သူ့ထံတစိုက်မတ်မတ်။တစ်ခုခုကို ပြောလိုဟန်လှုပ်ရွနေသည့် ကာကာ့ရဲ့နှုတ်ခမ်းရဲရဲလေးကြောင့် သူ့နှလုံးသားရပ်ဝန်းက မုန်တိုင်းထန်သွားသည်။ရင်ခုန်စွာဖြင့်မျှော်လင့်နေမိသည့် သူ့အဖြစ်က ကာကာ့စကားတစ်ခွန်းကြောင့်  ကျကွဲသွားသည့်ရေအိုးလို အလဲလဲအကွဲကွဲ။

             "ငြိမ်ငြိမ်အိပ်..."

           တစ်ခွန်းတည်းပြောကာ စောင်ခေါင်းမြီးခြုံ၍ပြန်အိပ်သွားသည့် ထိုဘုဂလန့်ကောင်ကို ကုတင်ပေါ်က ကန်ချချင်စိတ်ကို မနည်းထိန်းထားလိုက်ရသည်။ဘယ်သူမပြု မိမိအမှုဆိုသလို ဒီကိုမျှော်လင့်ချက်အပြည့်ဖြင့် ရောက်လာမိသည့် သူ့အပြစ်ပေမို့...။

   >>>>>>>>>>>>>>>>>>>>>>>>

                       သူ့ဘဝမှာ ဒီလိုအဓိပ္ပါယ်အပြည့်ဖြင့် နံနက်ခင်းတစ်ခုကိုနိုးထလာရမည်ဟု တစ်ခါမှမတွေးဖူးခဲ့။ညကမပိတ်မိသည့် ပြတင်းပေါက်မှ တိုးဝင်လာသည့် နေရောင်အနည်းငယ်က အိပ်ပျော်နေသူ၏နဖူးပေါ်တွင် ခစားလျက်။

                အိပ်ပျော်နေရင်းမှာပင် တွန့်ချို့ထားသည့်ခပ်ထူထူမျက်ခုံးတန်းက တစ်ခုခုကိုမကျေမနပ်ဖြစ်နေဟန်။သူ့ကိုခပ်စူးစူးကြည့်တတ်သည့် မျက်လုံးတစ်စုံက ယခုတော့မျက်တောင်ရှည်ရှည်တွေ၏ဖုံးကွယ်မှုအောက်ရောက်နေပေသည်။အမျိုးသားတွေ၏ မနက်ခင်းအိပ်ယာထချိန်က ဒီလိုပဲ ကျက်သရေရှိရှိခန့်ညားသလားသူမသိပေမယ့် သူ့ဘေးနားတွင်ရှိနေသည့် အမျိုးသားငယ်ကတော့ ခန့်ညားမှုတွေနှင့်ပြည့်စုံလွန်းလှသည်။

               ညကရုတ်တရတ်ကြီးရောက်လာပြီး သူ့ကိုဝန်ခံခိုင်းခဲ့သည့် ကောင်းကင်ကြောင့် သူပြောစရာစကားမဲ့ခဲ့ရသည်။အထူးသဖြင့် သူ့အပေါ်ထားသည့် ကောင်းကင်ရဲ့သဘောထားရယ်ကြောင့်.....။ဖွင့်ပြောစရာမလိုအောင် နားလည်နေနိုင်သည့် ကောင်းကင်၏မျက်လုံးတွေကြောင့် သူ့မှာ အံသြဝမ်းသာဖြစ်မိရသည်။