زيجه راس براس

البارت 3

علاء... من راحو بيت ابو مازن حسيت البيت رجع مثل قبل روتين ممل جنت اطلع ويه مازن لان بعمري او ازغر مني بسنه بس مامهم نطلع نسولف ونتونس مايهمنه شي مرت الايام الى ابيوم كاعدين ابوي كال راح يجون بيت ابو مازن عادي ما متهميت اكيد مثل كل مره ولان ما بقى شي ع العيد يومين او 3 للعصر اجو مازن وابو وعمهم و واحد مااعرفه دخلو وسلام ويا هلا ويا مرحبه شلونك وشلون الاهل وصارت هوسه الها اول مالها تالي لحد ما حجه ابو مازن
ابو مازن... حجي اليوم جايين وعندي طلب اريده منك واتمنه ماتردني خايب
الحجي... تفضل خويه مايردك غير السانك
ابو مازن... اليوم جاي تطلب ايد المحروسه بنتك مروه الابني مازن
الحجي... والله خويه انته تشرفنه وابنك يشرفنه وان شاء الله خير انتم اهلنه وبينه عشره عمر
ابو مازن... الشرف النه حجي وبنتك بغلا بنتي الاء
الحجي... ان شاء الله خويه
علاء... من رخصتك حجي ومن رخصه كل الموجودين مازن ع عيني وع راسي و مروه اختي هو ماعاشتره هواي بس ايام والله شاهد صارت معزتوو بمعزه اخواني بس عندي طلب مثل ما انت جاي ومتعني وتريد اختك الابنك اني اريد بنتك الي وان شاء الله اكدر اسعدها
الحجي... هلاء اوزن كلامك لا تضل ترعد
علاء... والله حجي هذا العندي اني رايد البت وردت احجي وياك بس نا صار وكت علمود اجيك
الحجي... بس اهدئ مو هيج خويه ابو مازن مثل ما سمعت الولد رايدها للمحروسه بنتك الابني علاء
ابو مازن... خويه البنيه تريد تكمل دراستها ويعدها صغيره مو مال زواج
الحجي... خويه البنيه تاليها تتزوج ليش مكعدها
ابو مازن... والله ياخوي ماادري شكلك بس البنيه
علاء... حجي كلام ابوي صح البنيه تاليها تتزوج واحنه ننطيكم مره وتنطونه مره وتصير كصه بكصه(رأس براس)
ابو مازن... الله كريم خويه
علاء ضلو يحجون وكل واحد يحجي بصفحه واني بالي كله يم هاي الاء مدري روان هسه اني ليش موت روحي عليها بس الا اشوفها نجوم الظهر مااطلع ابن ابوي شوي وراحو دخلنه للبيت ابوي حجه ويه امي علمود تخبر مروه وتشوف شنو رايها

الاء لليل رجعو بس اشوف ابوي مو ع بعضه ولا مازن نغزني كلبي كعدنه يمهم
ام مازن... شنو صار ليش الوجوه مكلوبه رفضووو
ابو مازن... ياريت رفضوو ولا هذا طلبهم
ام مازن... كول شنو السالفه
ابو مازن... يردون رأس براس يردونها العلاء واني ماريد ازوجها من هسه ولا اريد اخليها بعيده عن عيني
ام مازن... شنو يعني ماينطون اذا ما ننطيهم ما بلازم بنات الناس شكثرهم
ابو مازن... سكتتتي يا مره هذا بحسبه اخوي ترديني اخرب علاقتي وياه علمود مره
ام مازن... وليش المره شوي جمييل الخطبوها احس من هذا اللي اسمه علاء الدكتور وغيره تيردني انطيها الواحد اربع وعشرين ساعه سلاحه بيده ويكتل بالناس
ابو مازن... ويكتل منا والدرب غير شغله
ام مازن..  شغله وكله كتل وهوه مو بعيده بيوم يجي جنازه الها
ابو مازن... انتي ليش تفاولين ع الولد
مازن... كافي شبيكم ان شاء الله خير يمه تنحل حجي وعيونك ماتخرب علاقتك ويه الحجي
الاء عيوني عليهم شنو هاي ع شنو يحجون دخلت للغرفه شوي واجه مازن
مازن... لولو يصير ندخل لو ممنوع
الاء... اكييد تفضل
مازن... اعتقد سمعتي كلشي
الاء... يي بس ما فهمت شنو يعني رأس براس
مازن تنهد... سمعي راس براس يعني مره بمره هم ينطونه مروه واحنه نتطيج الهم اني اخذها المروه وانتي تتزوجين علاء تره والله علاء خوش ولد و محترم والا اسمه بالدوله
الاء... بس مازن اني ماريده
مازن... اعرف يا عمري بس الولد خوش ولد واهله نعرفهم خوش ناس والينحلف براسهم
الاء... ودراستي ماريد اتركها
مازن... نشرط عليهم تكملين
الاء... مااعرف الله كريم ضل كاعد يمي ويسولف طلع من الغرفه بسرعه اتصلت ع إحسان مارد شوي ورجعت اتصلت رد علي
إحسان... هلا
الاء... اعتقد عرفت اخوك شنو يريد
إحسان... يي عرفت
الاء... والحل شنووو راح تسوي اكييد ما تقبل اتزوج اخوك
إحسان...

هلا شلونكم اخباركم مشتاقتلكم كوومه شنو راح يكون رد إحسان وراح يتقبل علاء ياخذ اللي يحبها او يكافح ويرفض زواجه منها انتظروني بارت قادم احبكم من القلب
#فاطمه_كريم