ﺍﻟﺤﻠﻘﺔ 1
ﺭﻗﻴﺔ : ﺧﻠﻮﺩ ﻳﺎ ﻣﺎﻣﺎ ﻫﻴﺎﺍﺍ ﻧﻮﺿﻲ
ﻭ ﻓﺘﺤﺖ ﺍﻟﺒﺎﺏ
ﻟﻘﺘﻨﻲ ﻭﺍﺗﻴﻪ ﻭ ﻣﺎﺳﻜﻪ ﺍﻟﻜﺘﺎﺏ ﻭ ﺍﻧﺮﺍﺟﻊ
ﻣﺎﻣﺎ ﺍﺑﺘﺴﻤﺖ : ﺻﺒﺎﺡ ﺍﻟﺨﻴﺮ
ﺧﻠﻮﺩ : ﺻﺒﺎﺡ ﺍﻟﻨﻮﺭ
ﻣﺎﻣﺎ : ﻫﻬﻬﻬﻬﻬﻪ ﻛﻨﺖ ﻋﺎﺭﻓﺘﻚ ﻭﺍﻋﻴﻪ
ﺧﻠﻮﺩ : ﻫﻬﻬﻬﻬﻬﻬﻪ ﺍﺻﻼ ﻫﺎﺩﻱ ﺍﻟﻌﺎﺩﺓ ﻣﻌﺮﻭﻓﺔ ﻋﻨﺪﻱ ﻟﻤﺎ ﻧﻘﻌﺪ ﻓﻲ ﺍﻣﺘﺤﺎﻧﺎﺕ ﺍﻟﻨﻬﺎﺋﻴﺔ
ﺍﻧﺎ ﺍﻟﻴﻮﻡ ﺍﺧﺮ ﻳﻮﻡ ﻓﻲ ﺍﻣﺘﺤﺎﻧﺎﺗﻲ ﺑﻌﺪﻫﺎ ﺧﻼﺹ ﺍﻧﻜﻤﻞ ﺍﻟﻤﺪﺭﺳﺔ ﻭ ﺍﻧﺨﺶ ﻟﻠﺠﺎﻣﻌﺔ -_-
ﻣﺎﻣﺎ : ﻫﻴﺎﺍﺍ ﺗﻌﺎﻟﻲ ﺍﻟﻔﻄﻮﺭ ﻭﺍﺗﻲ
ﺍﻧﺎ : ﺍﻧﻲ ﻟﺤﻘﺘﻚ
ﻭ ﻃﻠﻌﺖ ﻣﺎﻣﺎ ﻭ ﺍﻧﺎ ﺗﺎﻛﺪﺕ ﻣﻦ ﺍﻥ ﻓﻮﻧﻲ ﺍﻣﻌﻴﺎﺍﺍ ﻭ ﻛﺘﺎﺑﻲ ﻭ ﺧﺪﻳﺖ ﺍﻟﺸﻨﻄﺔ ﻭ ﻃﻠﻌﺖ
ﻧﺰﻟﺖ
ﺍﻧﺎ : ﺻﺒﺎﺡ ﺍﻟﻮﺭﺩ
ﻛﻠﻬﻢ : ﺻﺒﺎﺡ ﺍﻟﻨﻮﺭ
ﻣﺆﻣﻦ ﻭ ﻫﻮ ﻳﻐﻤﺰ : ﺻﺎﺭ ﺻﺒﺎﺡ ﺍﻟﻮﺭﺩ
ﺍﻧﺎ : ﺑﺎﺑﺎ
ﺑﺎﺑﺎ : ﻣﺆﻣﻦ ﺧﻼﺹ ﺍﻧﻬﻲ
ﻭ ﻗﻌﻤﺰﺕ ﻭ ﻗﻌﺪﺕ ﻧﻔﻄﺮ
..
ﻧﻮﻧﻪ : ﺍﻩ ﻋﺎﺭﻓﻪ ﻳﺎ ﻣﻴﻤﻲ ﺍﻟﻴﻮﻡ ﺍﺧﺮ ﻳﻮﻡ ﻓﻲ ﺍﻣﺘﺤﺎﻧﺎﺕ ﻟﻮﻟﻲ
ﻣﺮﻳﻢ : ﺻﺢ ﺍﻧﺸﺎﺀ ﺍﻟﻠﻪ ﺭﺑﻲ ﺍﻳﻮﻓﻘﻬﺎ
ﺣﻨﻴﻦ : ﺍﻧﺸﺎﺀ ﺍﻟﻠﻪ
ﺧﺸﺖ ﻋﻠﻴﻬﻦ ﺧﻮﻳﻠﺔ
ﺧﻮﻳﻠﺔ ﻧﻌﻴﻤﺔ : ﻣﺸﺎﺀ ﺍﻟﻠﻪ ﺷﻦ ﺍﻟﻲ ﺍﻣﻨﻮﺿﻜﻦ ﺑﺪﺭﻱ
ﻣﺮﻳﻢ : ﻫﻬﻬﻬﻬﻬﻬﻪ ﻧﺤﻨﺎ ﺍﺻﻼ ﻣﺎ ﺭﻗﺪﻧﺎﺵ ﺑﻜﻞ
ﺧﻮﻳﻠﺔ : ﺣﻲ ﻋﻠﻴﻜﻦ ﺗﻮﺍ ﺗﺘﻌﺒﺎﻥ
ﺣﻨﻴﻦ : ﻻ ﻻ ﻉ ﻛﻞ ﺣﺎﻝ ﻫﻴﺎﺍﺍﺍ ﻳﺎ ﻣﻴﻤﻲ ﻧﻮﺿﻲ ﺧﻠﻴﻨﺎ ﺍﻧﻀﻤﻮﻭﻭ ﺍﻟﺤﻮﺵ ﺑﻌﺪﻫﺎ ﻧﺮﻗﺪﻭ
ﻣﺮﻳﻢ : ﺑﺎﻫﻲ ﻫﻴﺎﺍﺍ
ﺧﻮﻳﻠﺔ : ﺑﺎﻫﻲ ﺑﺲ ﺍﻟﻴﻮﻡ ﺭﺍﻧﻲ ﻣﺎﺷﻴﻪ ﻟﺨﺎﻟﻚ ﻓﺮﺝ ﺗﻤﺸﺎﻥ
ﺣﻨﻴﻦ ﻭ ﻣﺮﻳﻢ : ﺍﻛﻴﺪ
ﺧﻮﻳﻠﺔ : ﺑﺎﻩ
..
ﺑﺎﺑﺎ : ﺧﻠﻮﺩ ﻫﻴﺎﺍﺍﺍ
ﺍﻧﺎ : ﻫﻴﺎﺍﺍﺍ ﺍﻧﻲ ﺟﻴﺖ
ﻃﻠﻊ ﺑﺎﺑﺎ ﻭﺭﻛﺐ ﺍﻟﺴﻴﺎﺭﺓ ﺍﻳﺴﺨﻦ ﻓﻴﻬﺎ
..
ﺳﻜﺮﺕ ﺍﻟﺒﺎﺏ
ﻭ ﻋﺪﻳﺖ ﺭﻛﺒﺖ ﺍﻟﺴﻴﺎﺭﺓ
ﺍﻧﺎ : ﺍﻟﺴﻼﻡ ﻋﻠﻴﻜﻢ
ﺑﺎﺑﺎ : ﻋﻠﻴﻜﻢ ﺍﻟﺴﻼﻡ ﺑﺎﻫﻲ ﻟﻠﻲ ﻃﻠﻌﺘﻲ
ﺍﻧﺎ : ﺍﻟﺤﻖ ﻗﺒﻞ ﺑﻨﻄﻮﻝ ﺁﺧﺮﻩ ﺑﺲ ﺗﺤﺸﻤﺖ ﻭ ﻗﻠﺖ ﻋﻴﺐ ﺍﻟﺮﺟﻞ ﺍﻟﻤﺴﻜﻴﻦ ﻟﻪ ﺳﺎﻋﺔ ﻳﺴﺘﻨﺎ
ﺑﺎﺑﺎ : ﻛﻼ ﺍﻧﺘﻲ ﺭﺑﻲ ﺍﻳﻬﺪﻳﻚ ﻭﺧﻼﺹ
ﺍﻧﺎ : ﺃﺟﻤﻌﻴﻦ ﺍﻧﺸﺎﺀ ﺍﻟﻠﻪ
ﺑﺎﺑﺎ : ﻫﻬﻬﻬﻪ
ﻭ ﻭﻟﻊ ﺍﻟﺴﻴﺎﺭﺓ ﻭ ﻣﺸﻴﻨﺎ
ﺍﻧﺎ : ﺑﺎﺑﺎ ﺍﻧﺖ ﺍﻟﻴﻮﻡ ﺍﻣﻄﻮﻝ ﻓﻲ ﺍﻟﻌﻤﻞ
ﺑﺎﺑﺎ : ﺍﻫﺎ ﺍﻟﻴﻮﻡ ﻋﻨﺪﻱ ﺷﻐﻞ ﻭﺍﺍﺟﺪ
ﺍﻧﺎ : ﺑﺎﻫﻲ ﺑﺎﺑﺎ ﻋﻨﺪﻱ ﻃﻠﺐ
ﺑﺎﺑﺎ : ﺷﻨﻮﻭﻭ ﺍﻧﺸﺎﺀ ﺍﻟﻠﻪ ﺧﻴﺮ ﺍﻧﺘﻲ ﻭ ﻃﻠﺒﺎﺗﻚ
ﺍﻧﺎ : ﻋﺎﺩﻱ ﺍﻧﺠﻴﻚ ﺍﻟﻴﻮﻡ ﻓﻲ ﺍﻟﻤﺴﺘﺸﻔﻲ
ﺑﺎﺑﺎ : ﻋﻠﻴﺶ
ﺍﻧﺎ : ﻧﺒﻲ ﺍﻧﺸﻮﻓﻬﺎ ﻛﻴﻒ ﺷﻜﻠﻬﺎ ﻭ ﻛﻴﻒ ﻳﺸﺘﻐﻠﻮ ﻳﻌﻨﻲ ﺍﺳﺘﻜﺸﺎﻑ
ﺑﺎﺑﺎ : ﺑﺲ ﻳﺎ ﻟﻮﻟﻲ ﻫﺎﺩﻱ ﻣﺴﺘﺸﻔﻲ ﻣﺶ ﻣﺘﺤﻒ
ﺍﻧﺎ : ﺑﺎﺑﺎ ﺑﻠﻴﻴﻴﻴﺰ
ﺑﺎﺑﺎ : ﺑﺎﻩ، ﺍﻟﻴﻮﻡ ﻳﺎﺳﻴﻦ ﺟﺎﻱ ﻭ ﺟﺎﻳﺐ ﺍﻣﻌﻪ ﺍﻭﺭﺍﻕ
ﻟﻴﺎﺍﺍﺍ ﻣﻦ ﺑﺎﺗﻲ
ﺍﻧﺎ ﺑﺎﺳﺘﻐﺮﺍﺏ : ﻳﺎﺳﻴﻦ ﻣﻦ
ﺑﺎﺑﺎ : ﻫﺪﺍ ﻋﻤﻚ ﺍﻟﻲ ﻋﺎﻳﺶ ﻓﻲ ﻃﺮﺍﺑﻠﺲ ﺭﺩ ﻟﻲ ﺑﻨﻐﺎﺯﻱ ﺍﺧﻴﺮﺍً
ﺍﻧﺎ : ﻫﺪﺍ ﺍﻟﻲ ﻣﺮﺓ ﻣﺮﺓ ﺗﻤﺸﻴﻠﻪ ﺍﻧﺖ ﻭ ﻣﺎﻣﺎ ﻭ ﻋﻤﺮ
ﺑﺎﺑﺎ : ﺍﻫﺎ ، ﻭ ﻳﺎﺳﻴﻦ ﻭ ﺧﺎﻟﺪ ﻭ ﻳﻮﺳﻒ ﻭ ﻣﻌﺘﺼﻢ ﻳﻘﻌﺪﻭ ﺍﻭﻻﺩﻩ
ﺍﻧﺎ : ﺍﻫﺎ ﺗﺬﻛﺮﺗﻬﻢ ﺑﺲ ﻣﺎ ﻋﻨﺪﺍﺵ ﺑﻨﺎﺕ
ﺑﺎﺑﺎ : ﺍﻫﺎ ﻣﻌﻨﺪﺍﺵ
ﺍﻧﺎ : ﺍﻫﺎ
ﺑﺎﺑﺎ : ﺑﺎﻫﻲ ﺧﻼﺹ ﻳﻮﻡ ﺍﻟﺠﻤﻌﺔ ﺣﺎ ﺍﺗﻜﻮﻥ ﺍﻭﻝ ﻟﻤﺔ ﻟﻠﻌﺎﺋﻠﺔ ﻛﻠﻬﺎ ﻭ ﺣﺎ ﺗﺘﻌﺮﻓﻲ ﻉ ﻣﻌﺘﺼﻢ ﻭ ﻳﻮﺳﻒ ﻭ ﺧﺎﻟﺪ ﻭ ﺍﻟﻴﻮﻡ ﺣﺎ ﺗﺘﻌﺮﻓﻲ ﻉ ﻳﺎﺳﻴﻦ
ﺍﻧﺎ : ﺍ ﻻ ﺧﻼﺹ ﻳﺎ ﺑﺎﺑﺎ ﻣﻌﺎﺵ ﻧﺒﻲ ﺍﻧﺠﻲ ﻟﻠﻤﺴﺘﺸﻔﻲ ﺍﻧﺴﻴﺖ ﺍﻟﻴﻮﻡ ﻧﺒﻮ ﻧﻤﺸﻮﻭﻭ ﻟﻲ ﺧﺎﻟﻮ
ﺑﺎﺑﺎ : ﺍﻫﺎ ﺑﺎﻫﻲ ، ﻭﺻﻠﻨﺎ ﺍﻧﺰﻟﻲ ﻭ ﺍﻧﺸﺎﺀ ﺍﻟﻠﻪ ﺑﺘﻮﻓﻴﻖ
ﺍﻧﺎ : ﺍﻧﺸﺎﺀ ﺍﻟﻠﻪ ﺳﻼﻡ
ﺑﺎﺑﺎ : ﺳﻼﻡ
ﻭ ﻧﺰﻟﺖ
ﻭ ﺧﺸﻴﺖ
ﻭ ﺟﺎﺗﻨﻲ ﻫﻨﺎﺩﻱ
ﻫﻨﺎﺩﻱ : ﺻﺒﺎﺣﻮﻭﻭﻭﻭ
ﺍﻧﺎ : ﺻﺒﺎﺡ ﺍﻟﻨﻮﺭ
ﻫﻨﺎﺩﻱ : ﺷﻦ ﺟﻮﻙ ﻭ ﺷﻦ ﺟﻮ ﺍﻟﻘﺮﺍﻳﺔ
ﺍﻧﺎ : ﺍﻟﺤﻤﺪﻟﻠﻪ ﻭﺍﻧﺘﻲ
ﻫﻨﺎﺩﻱ : ﺍﻟﺤﻤﺪﻟﻠﻪ ، ﻛﻨﻚ ﺍﻟﻴﻮﻡ
ﺍﻧﺎ : ﺷﻲ
ﺟﺖ ﺗﺒﻲ ﺗﺤﻜﻲ ﺭﻥ ﺍﻟﺠﺮﺱ ﻭ ﺧﺸﻴﻨﺎ ﻟﻠﻘﺎﻋﺎﺕ
..
ﻗﻌﻤﺰﺕ ﻉ ﺍﻟﺪﺭﺝ ﺍﺑﺘﺎﻋﻲ
ﻭ ﺍﺷﻮﻳﺎ ﻫﻜﻲ ﻭ ﺟﺎﺑﻮﺍ ﺍﻻﻭﺭﺍﻕ
ﻭ ﻭﺯﻋﻮﺍ ﻭ ﺑﺪﻳﺖ ﺍﻧﺤﻞ
..
ﺣﻨﻴﻦ : ﺍﻟﺤﻤﺪﻟﻠﻪ ﻛﻤﻠﻨﺎ
ﻣﺮﻳﻢ : ﺍﺧﻴﺮﺍً
ﻭ ﺧﺸﻦ ﻟﻠﺪﺍﺭ
ﺣﻨﻴﻦ ﻓﺘﺤﺖ ﺍﻟﺪﻭﻻﺏ
ﺣﻨﻴﻦ : ﻳﺎ ﺗﺮﺍ ﺷﻦ ﻧﻠﺒﺲ
ﻣﺮﻳﻢ : ﺍﻣﻤﻤﻤﻢ ﺷﻮﻓﻲ
ﻭ ﻗﻌﺪﺕ ﺣﻨﻴﻦ ﺍﺗﺸﻮﻑ ﻧﻴﻦ ﻟﻘﺖ
ﺍﺑﻠﻮﺯﺓ ﺍﺑﻴﺾ ﺑﻲ ﺍﻟﻮﺭﺩﻱ ﻭ ﺳﺮﻭﺍﻝ ﻭﺭﺩﻱ ﻭ ﺷﻨﻄﺔ ﻭﺭﺩﻳﻪ ﻭ ﻛﻮﻳﺶ ﺍﺑﻴﺾ ﻭ ﻭﺷﺎﺡ ﻭﺭﺩﻱ
ﺍﻣﺎ
ﻣﺮﻳﻢ ﻓﺎ ﺍﺧﺘﺎﺭﺕ
ﺳﻮﺭﻳﻪ ﺯﺭﻗﺎﺀ ﻭ ﺳﺮﻭﺍﻝ ﺍﺯﺭﻕ ﻭ ﻭﺷﺎﺡ ﺍﺯﺭﻕ ﻭ ﻛﻮﻳﺶ ﺍﺳﻮﺩ
ﻭ ﺑﻌﺪﻫﺎ ﺭﻗﺪﺍﻥ ﻣﻦ ﺍﻟﺘﻌﺐ
..
ﺍﻣﺎ
ﺍﻧﺎ ﻓﺎ ﻛﻤﻠﺖ ﺍﻣﺘﺤﺎﻧﻲ ﻭ ﻃﻠﻌﺖ
ﻟﻘﻴﺖ ﻫﻨﺎﺩﻱ ﺗﺴﺘﻨﺎ ﻓﻴﺎﺍﺍﺍ
ﻫﻨﺎﺩﻱ : ﻛﻨﻚ ﻃﻮﻟﺘﻲ
ﺍﻧﺎ : ﺣﺒﻴﺖ ﺍﻧﺠﺮﺏ ﺷﻌﻮﺭ ﻧﻄﻠﻊ ﺍﺧﺮ ﻭﺣﺪﺓ ﻣﻦ ﺍﻟﻘﺎﻋﺔ
ﻫﻨﺎﺩﻱ : ﻫﻬﻬﻬﻬﻬﻪ ﺍﻣﻄﺮﺷﻘﻪ ، ﺑﺲ ﻋﺎﺭﻓﻪ ﺍﻻﻣﺘﺤﺎﻥ ﻳﻬﺒﻠﻠﻠﻠﻞ
ﺍﻧﺎ : ﻳﺠﻨﻦ ﺍﻟﺤﻤﺪﻟﻠﻪ
ﻫﻨﺎﺩﻱ : ﻋﺮﻓﺘﻲ ﻋﻤﻲ ﺭﺩ ﻟﺒﻨﻐﺎﺯﻱ
ﺍﻧﺎ : ﺍﻫﺎ ﺳﻤﻌﺖ
ﻫﻨﺎﺩﻱ : ﺍﻣﺲ ﺍﻣﻲ ﺭﻭﺣﺖ ﻣﺎ ﺗﺸﻜﺮ ﺍﻻ ﻓﻴﻬﻢ ﻫﻲ ﻭ ﺍﻣﺠﺎﺩ ﻭ ﺧﺼﻮﺻﺎ ﺍﻣﺠﺎﺩ ﻗﺎﻟﺘﻠﻲ ﺍﻧﻬﻢ ﻛﻠﻬﻢ ﺍﻃﺮﺭﺭﺭﺭﺭﺭﻭﻑ ﺭﻭﺣﺖ ﻣﺴﺤﻮﺭﻩ ﺍﻟﺒﻨﺖ
ﺍﻧﺎ : ﻫﻬﻬﻬﻬﻬﻬﻬﻬﻬﻪ ﺍﺧﺘﻚ ﻫﺎﺩﻱ ﺩﻳﻤﻪ ﺍﻣﻜﺒﺮﻩ ﺍﻟﻤﻮﺍﺿﻴﻊ
ﻫﻨﺎﺩﻱ : ﻣﺶ ﻋﺎﺭﻓﻪ ، ﺧﻼﺹ ﺑﻜﺮﺍ ﺗﻮﺍ ﺍﻧﺸﻮﻓﻮﻫﻢ
ﺍﻧﺎ : ﺍﻧﺸﺎﺀ ﺍﻟﻠﻪ
ﻫﻨﺎﺩﻱ : ﺍﻫﻮﻭﻭﻭﻭ ﺳﺮﺍﺝ ﺟﺎ ﻫﻴﺎﺍﺍ
ﺍﻧﺎ : ﻫﻴﺎﺍﺍﺍﺍ
ﻭ ﻋﺪﻳﻨﺎ ﺭﻛﺒﻨﺎ ﺍﻟﺴﻴﺎﺭﺓ
ﺳﺮﺍﺝ : ﻫﺎ ﺷﻦ ﺩﺭﺗﺎﻥ ﻓﻲ ﺍﻻﻣﺘﺤﺎﻥ
ﺍﻧﺎ : ﺗﻤﻮﻡ ﺍﻟﺤﻤﺪﻟﻠﻪ
ﻫﻨﺎﺩﻱ : ﻣﻴﺔ ﻣﻴﺔ
ﺳﺮﺍﺝ : ﻫﻬﻬﻬﻬﻬﻪ ﺑﺎﻫﻲ ﺍﻧﺸﺎﺀ ﺍﻟﻠﻪ ﺑﺎﻟﻨﺠﺎﺡ
ﺍﻧﺎ ﻭ ﻫﻨﺎﺩﻱ : ﺍﻧﺸﺎﺀ ﺍﻟﻠﻪ
..
ﻳﺎﺳﺮ : ﺻﺒﺎﺡ ﺍﻟﺨﻴﺮ
ﻛﻠﻬﻢ : ﺻﺒﺎﺡ ﺍﻟﻨﻮﺭ
ﻫﻴﺜﻢ : ﺑﺎﺗﻲ ﺍﻣﺘﻲ ﺣﺎ ﻧﺘﻌﺮﻓﻮﺍ ﻉ ﺍﻫﻠﻚ
ﻋﻤﻮ : ﺑﻜﺮﺍ ﻳﺎ ﺍﻭﻟﻴﺪﻱ ﺍﻟﻌﺎﻳﻠﻪ ﻛﻠﻬﺎ ﻣﻠﺘﻤﻪ ﻫﻨﺎ ﻓﻲ ﺣﻮﺵ ﺟﺪﻙ
ﻋﻤﺘﻮ ﻧﺪﻱ : ﺍﻫﺎ ﻭ ﺣﺎ ﺗﺘﻌﺮﻓﻮﺍ ﻋﻠﻴﻬﻢ ﻛﻠﻬﻢ
..
ﺣﻄﻨﻲ ﺳﺮﺍﺝ ﻓﻲ ﺍﻟﺤﻮﺵ
ﺧﺸﻴﺖ
ﻟﻘﻴﺖ ﻣﺎﺭﻱ ﺿﺎﻣﻪ ﺍﻟﺤﻮﺵ ﻭ ﺍﻣﺒﺨﺮﺗﻪ
ﻣﺎﺭﻱ ﻫﺎﺩﻱ ﺍﻟﺨﺎﺩﻣﻪ ﺍﺑﺘﺎﻋﻨﺎ
ﻭ ﻣﺎﻣﺎ ﻓﻲ ﺍﻟﻤﻄﺒﺦ ﻫﻴﺎﺍﺍﺍﺍ ﻭ ﻣﺎﺭﻱ ﺍﻳﺪﻳﺮﺍﻥ ﻓﻲ ﺍﻟﻐﺪﺍ
ﺍﻧﺎ : ﺳﻼﻡ ﻋﻠﻴﻜﻢ
ﻣﺎﻣﺎ : ﻋﻠﻴﻜﻢ ﺍﻟﺴﻼﻡ ، ﻫﺎﺍﺍ ﺷﻦ ﺩﺭﺗﻲ ﻓﻲ ﺍﻻﻣﺘﺤﺎﻥ
ﺍﻧﺎ : ﺍﻟﺤﻤﺪﻟﻠﻪ
ﻣﺎﻣﺎ : ﺍﻧﺸﺎﺀ ﺍﻟﻠﻪ ﺑﺘﻮﻓﻴﻖ ﻳﺎ ﺑﻨﺘﻲ
ﺍﻧﺎ : ﺍﻧﺸﺎﺀ ﺍﻟﻠﻪ ، ﺍﻧﺎ ﻣﺎﺷﻴﻪ ﻟﺪﺍﺭﻱ ﺗﺒﻮ ﺷﻲ
ﻣﺎﻣﺎ : ﻻ ﺳﻠﻤﺘﻚ
ﻭ ﻋﺪﻳﺖ
ﺧﺸﻴﺖ ﻟﺪﺍﺭ
ﺧﺪﻳﺖ ﺍﻟﻔﻮﻥ ﻭ ﺍﺗﺼﻠﺖ ﺑﻲ ﻋﻤﺘﻮ
ﻭ ﻳﺮﻥ ﻓﻮﻧﻬﺎ
ﻋﻤﺘﻮ ﻧﺪﻱ : ﺍﻟﻮ
ﺍﻧﺎ : ﺍﻫﻠﻴﻦ ﻋﻤﺘﻮ ﺷﻨﺠﻚ
ﻋﻤﺘﻮ : ﺗﻤﺎﻡ ﻭ ﺍﻧﺘﻲ ﺷﻦ ﺟﻮﻙ
ﺍﻧﺎ : ﺍﻫﻮﻭﻭ ﻣﺎﺷﻲ ﻧﺒﻲ ﻧﺴﺎﻟﻚ
ﻋﻤﺘﻮ : ﺗﻔﻀﻠﻲ
ﺍﻧﺎ : ﺍﻟﻴﻮﻡ ﻓﺎﺿﻴﻪ
ﻋﻤﺘﻮ : ﺍﻫﺎ ﻓﺎﺿﻴﻪ
ﺍﻧﺎ : ﺧﻠﻴﻨﺎ ﻧﻄﻠﻌﻮﺍ ﻟﻠﺴﻮﻕ ﻭ ﻧﺘﻤﺸﻮﺍ ﻣﺨﻨﻮﻗﻪ ﺑﻜﻞ ﺍﻧﺎ
ﻋﻤﺘﻮ : ﻣﺎﺷﻲ ﺣﺒﻴﺒﺘﻲ ﺗﻮﺍ ﺍﻧﺘﻜﻲ ﻋﻠﻴﻚ ﺑﻌﺪ ﺍﻟﻌﺼﺮ
ﺍﻧﺎ : ﺗﻢ ، ﺳﻼﻡ
ﻋﻤﺘﻮ : ﺳﻼﻡ
ﻭ ﺳﻜﺮﺕ ﺍﻟﺨﻂ
ﺟﺪﻭ : ﻣﻊ ﻣﻦ ﻣﺎﺷﻴﻪ ﺑﻌﺪﻳﻦ ﻳﺎ ﻧﺪﻱ
ﻋﻤﺘﻮ : ﻣﻊ ﺧﻠﻮﺩ ﻧﺒﻮ ﻧﻄﻠﻌﻮﺍ ﻟﻠﺴﻮﻕ ﻭ ﻧﺪﻫﻮﺭﻭ ﺍﺷﻮﻱ
ﺟﺪﻱ : ﺑﺎﻩ ، ﻭ ﺍﻧﺘﻦ ﺍﻣﺮﻭﺣﺎﺕ ﺗﻌﺎﻟﻦ ﻫﻨﺎ ﻻﻧﻲ ﻧﺒﻴﻬﺎ ﻓﻲ ﻣﻮﺿﻮﻉ
ﻋﻤﺘﻮ : ﺍﻧﺸﺎﺀ ﺍﻟﻠﻪ
..
ﺍﻣﺎ ﺍﻧﺎ ﻏﻴﺮﺕ ﺩﺑﺸﻲ ﻭ ﻧﺰﻟﺖ
ﺧﺸﻴﺖ ﻟﺼﺎﻟﺔ ﻗﻌﻤﺰﺕ ﻭ ﺣﻄﻴﺖ ﻓﻮﻧﻲ ﺟﻨﺒﻲ ﻭ ﻓﺘﺤﺖ ﻓﺘﺤﺖ TV
ﺑﻌﺪﻫﺎ ﺷﻔﺖ ﻓﻮﻧﻲ ﻳﻀﻮﻱ
ﺧﺪﻳﺘﻪ ﻟﻘﻴﺘﻬﺎ ﺭﺳﺎﻟﻪ
ﻭ ﺍﻟﺮﻗﻢ ﻣﺶ ﻃﻠﻊ ﻋﻨﺪﻱ
ﻓﺘﺤﺘﻬﺎ
ﻭﻭﻭ
# ﻳﺘﺒﻊ
ﻳﺎ ﺗﺮﺍ ﺷﻦ ﺍﻟﻲ ﻣﻜﺘﻮﺏ ﻓﻲ ﺍﻟﺮﺳﺎﻟﺔ ﻋﺸﺎﻥ ﺧﻠﻮﺩ ﺍﻧﺼﺪﻣﺖ ﻭ ﺷﻦ ﺳﺒﺐ ﺭﻓﻀﻬﺎ ﺍﻧﻬﺎ ﺍﺗﺠﻲ ﻟﻠﻤﺴﺘﺸﻔﻲ ﻭ ﻳﺎ ﺗﺮﺍ ﻫﺪﺍ ﺷﻲ ﻋﺸﺎﻥ ﺑﺲ ﺗﺒﻲ ﺗﻤﺸﻲ ﻟﺨﺎﻟﻬﺎ ﻭ ﻻ ﺷﻲ ﺗﺎﻧﻲ
ﻭﺇﺫ ﻛﺎﻥ ﺷﻲ ﺗﺎﻧﻲ ﺷﻦ ﻋﻼﻗﺘﻪ ﺑﻲ ﻳﺎﺳﻴﻦ
ﻭ ﻳﺎ ﺗﺮﺍ ﺍﻟﺮﺳﺎﻟﺔ ﻫﺎﺩﻱ ﺷﻦ ﺟﺎﻳﺒﻪ ﺍﻣﻌﻬﺎ ﻣﻦ ﻣﺸﺎﻛﻞ
ﻭ ﻫﻞ ﻳﻤﻜﻦ ﻟﺼﺪﺍﻗﺔ 17 ﺳﻨﻪ ﺍﻟﻲ ﺑﻴﻦ ﺧﻠﻮﺩ ﻭ ﻫﻨﺎﺩﻱ ﺃﻧﻬﺎ ﺗﺨﺮﺏ ﺑﺴﺒﺐ ﺭﺳﺎﻟﺔ ﻫﺎﺩﻱ ﻭﻻ ﻻ
ﻭ ﺷﻦ ﻣﻮﻗﻊ ﻧﻮﻧﻪ ﻓﻲ ﺍﻟﻲ ﺣﺎ ﻳﺼﻴﺮ
ﻭ ﻛﻴﻒ ﺣﺎ ﺍﻳﻜﻮﻥ ﺍﻭﻝ ﻟﻘﺎﺀ ﻣﻊ ﻓﺎﺿﻞ ﻭ ﺍﺳﺎﻣﻪ
ﻛﻠﻪ ﺣﺎ ﺗﻌﺮﻓﻮﻩ ﻓﻲ ﺍﻟﺤﻠﻘﺎﺕ
ﺍﻟﺠﺎﻳﻪ ﺍﻣﻌﻴﺎﺍﺍ ﺍﻧﺎ
# ﻧﻴﻤﻮ
ﺭﺍﻳﻜﻢ؟
