فرح بصوت ضعيف . . اخوية اخوية
سما بستغراب . . شبي اخوج
فرح و تذكرت المكالمة . . اخوية مات انكتل . . وبدت تبجي بهسترية
سما من الصدمة ماعرف شحجي لزمت عمه رحاب ايدي كومتني وكعدت بمكاني يم فرح سحبته لحضنه
رحاب . . الله يرحمه عمه لاتبجين هذا يومه يموت بي و الموت مو شي يخوف بالعكس شي حلو الموت مو النهاية الدنيا هم بالعكس الموت البداية لدنيا الاخره لنعيم الجنة شحلاتنه كلنه نموت و بالجنة نروح يم الحبيب محمد ( صل الله عليه وسلم )
لاهم و لا غم دعليه حبوبة و قريله قران دموعج تحركه متبرده كومي شو خلي نصليه الله يرحمه ويجعل مثواه الجنة
هدت بعد ما عمه رحاب حجت وياها كومته
رحاب . . عمه سماوي اخذيه انتي وبسمه سبحنه ونطنه هدوم تلبسهن
سما . . اي عمه
اخذته وكلبي مكسور عليه خطية اكيد تحس بذنب ماكدرت تساعد اخوه اخذناه اني وبسمه للحمام الي بغرفتي سبحته بهدومه وهي بس تشهك من البجي نطيته هدوم وخليت بسمه ساعده طلعت اجيب شي تاكله جان يدك التلفون باوعت جاسر رديت عليه
سما . . الوو حبيبي
جاسر . . حبي تصلت اكلج لبنيه وصلت
سما بتنهيده . . اي وصلت من ساعة
جاسر . . جاسر بتسائل . . حبيبتي صاير شي
سما . . فرح
جاسر . . شبيه
سما . . اخوه مات
جاسر بستغراب . . منو كللكم
سما . . جنت تعرف
جاسر . . اي اعرف بس انتو منو كللكم
سما . . فرح اجاه اتصال تخربطت شلناها للغرفة كعدت كتله شبيج كامت تبجي دكول اخويه مات
جاسر . . متعرفين منو كلله
سما . . لا بس من جانت تخابر قبل لا اعوفه سمعته تكول ايوب
جاسر . . ايوب هذا اخوه
سما . . مادري
جاسر . . ماشي سدي هسه بعدين اخابرج
سما . . جاسر
جاسر . . عيونه
سما . . و الله خايفة عليك
جاسر بتنهيده . . لتخافين زوجج زلمه مايكدرون يمسو
سما . . الله يحرسك و يحميك
جاسر . . انشالله يله في امان الله
سما . . الله وياك
سديته منه ورحت اجيب اكل لفرح
VOUS LISEZ
الشيخ & العشگ
Roman d'amourانت الشيخ و العشگ مالتي أول شخابيط الكاتبة حقيقية و بيه من خيال بقلم بسمل علوان
بارت 31
Depuis le début
