هذا كله من تخطيطي عمود نوكع الدكتور بالفخ المهم نطته الابره وراحت اني تمددت على السرير الثاني سويت نفسي نايم نص ساعة اجه الدكتور يفحصه فرح كعدتني عساس ديطمنوني عليه
الدكتور . . فرح السماعه
نطته فرح السماعه سوه نفسه يحفص بيه قاس النبض وماعرف شنو بعد نزع السماعه وباوعلي بنظره حزن خوش يمثل
الدكتور . . اسف بس المريض مات
جاسر يسوي نفسه مصدوم . . دكتور بس قبل شويه جان كلشي مبي
الدكتور . . الاعمار بيد الله
جاسر . . انا لله وانا اليه لراجعون . . بحزن
الدكتور . . لازم ننقله للثلاجه باجر الصبح تكدرون تستلمو
جاسر . . ليش باجر هسه منكدر ناخذه
الدكتور . . لازم نطلعله شهاده وفات وتتاخر شويه
جاسر بحزن. . ماشي دكتور اروح اخابر اهلي نحضر القاتحة
الدكتور . . البقيه بحياتك . . كاله وطلع
هو طلع فرح نزلت دموعه بصوت عالي وتبجي
جاسر بعصبيه . . وووجع فضحتينه جان سمعج كله تمثيل عايش مابي شي
فرح . . اعرف بس دبجي على الشي الي جنت اسوي ومحاسه على نفسي شلون جنت اكدر اسوي هيج من صرت بنفس الموقف وكال مات رغم هو عايش بس هو راح يموته لكن اكو شي غصني ضميري موتني بساعته
جاسر . . الله غفور رحيم
هو كال هيج هي زادت بالبجي
جاسر . . وتالي مامستعد اخسر هل مهمه من وره البجي مالج الي ماله داعي هسه يله فوتي بهذا الحمام . . واشر على الحمام الملحق بالغرفة . . غسلي وجهج وطلعي بره المستشفى كله مثل ماتفقنه
فرح وتمسح دموعه . . ماشي
راحت فرح تغسل وجه جاسر طلع عساس يختبر اهله بهل اثناء اخذو بكر للثلاجة او بالاصح للتشريح
طلعت فرح ملكت بكر بسريره غصه بكلبه خابرت على جاسر
فرح . . اخويه إلحك اخذو بكر اخذو
جاسر . . وين اخذو
فرح . . طلعت من الحمام مالكيته اكيد للتشريح ويكلك للثلاجة إلحك عليه عفيه
جاسر جان بره المستشفى واكف اشر للجنود يلحكو . . ماشي فرح هسه اطلعي من المستشفى فورا يله . . بعياط
فرح بسرعة سدته منه وراحت للغرفة مال ممرضات ذبت الصدريه البيضه واخذت جنطته وطلعت بره المستشفى مثل ماكلله جاسر لمت سيارة بيضه وصلت يمه نفتحت الباب الخلفية له باوعت عسكري
العسكري . . تفضلي اختي الضابط جاسر اكلي اخذه للبيت
فرح وركبت وياه
اخذه للبيت تباوع هذا مو طريق بيتهم
ВИ ЧИТАЄТЕ
الشيخ & العشگ
Романтикаانت الشيخ و العشگ مالتي أول شخابيط الكاتبة حقيقية و بيه من خيال بقلم بسمل علوان
بارت 30
Почніть із самого початку
