زواج مؤقت

الفصل السادس عشر

كان أمينة و مريم يعدون طعام الإفطار و انضمت إليهم غدير...

غدير:صباح الخير يا طنط..صباح الخير يا مريم..

أمينة/مريم:صباح النور يا غدير..

مريم:إنتِ لابسة كدة ليه؟؟؟

غدير:هطلع أجري شوية بعد الفطار..مش هروح التمرين لمدة أسبوع فأستفيد بفرصة الجري علي البحر يعني...

أمينة:ماشي يا حبيبتي....بس تفطري كويس بئة عشان متتعبيش..

غدير:حاضر يا طنط..

فاضل:صباح الخير..

رد عليه الثلاثة:صباح النور..

فاضل:غدير...تعالي عايزك في موضوع..

غدير:موضوع إيه يا عمو؟؟

فاضل:تعالي و هتعرفي...و ذهبا إلي غرفة المكتب...
............................

غدير:في إيه يا عمو؟؟؟

فاضل:السؤال دة أنا اللي هسألهولك يا غدير..

غدير:حضرتك قصدك إيه؟؟؟

فاضل:في حاجة بينك و بين شريف..

غدير:حاجة زي إيه؟؟؟

فاضل:غدير إنتِ هتدخليلي قافية..في مشكلة بينكم...إنتوا متخانقين؟؟

غدير بتوتر:لا و هنتخانق ليه يعني يا عمو؟؟

فاضل:متخانقين ليه يا غدير؟؟

غدير:طيب أوكي..شكلي باين إني بكذب مش كدة؟؟؟

فاضل:مش بتعرفي تكذبي...في إيه؟؟؟

غدير باستسلام:ماشي أنا هقول لحضرتك كل حاجة...بس بداية كدة...أنا و شريف هنطلق لما نرجع...

فاضل بصدمة:إييه!!!!!!

غدير:حضرتك إسمع بئة القصة كلها....و قصت عليه ما حدث عندما رأت شريف و سلمي سويًا في النادي و ما حدث يوم حفلة الزفاف...

غدير:يبقي كدة هو كذب عليا و لا لا؟؟؟

فاضل:كذب يا غدير...

غدير:يعني أنا صح كدة...

فاضل:أيوة..

غدير:تمام شكرا...

فاضل:إتفضلي بئة يلا عشان نفطر...و خرجا..

شريف:إيه دة...إنتوا كنتوا بتتكلموا ف إيه؟؟

فاضل:و لا حاجة..

لف شريف ذراعه حول كتف غدير و قال:

كنتوا بتقولوا إيه ها؟؟

غدير:سر بيني و بين عمو..ملكش دعوة إنت..