I'm 20 but still NBSB (Published)

Chapter 6

“G, ‘wag kang kukurap.”

She’s holding the door knob. Hindi niya pa binubuksan.

“A, sige,” nasabi ko na lang.

Pagkabukas niya ng pinto ng office ni Boss Lee, wala namang iba. Ordinaryong meeting. Kumpleto ang lahat.  Ano ‘yong sinasabi ni Blesie? I gazed at her.

“Mamaya pa pala. Na-excite lang,” she mouthed.

Naupo na ako sa tabi ng Finance Team. Maya’t-maya ang pagtingin sa’kin ni Blesie. Ngiting-ngiti. Ano kaya’ng problema niya? Hindi ko na lang siya pinansin. Dumating na rin si Boss Lee.

“Good morning.”

Our Boss never frowns. Nakaka-good vibes ang pagbati niya sa amin habang nakangiti. Masaya rin namin siyang binati.

Parang paganda siya nang paganda. Kung lalaki lang ako, nagustuhan ko na siya. Matalino, maganda at mabait pa. Pero tulad ko, NBSB din siya. Tulad ko, hindi pa siya nakakaranas magmahal at mahalin. Pero ang kaibahan naming dalawa, satisfied siya sa buhay niya. Ikaw ba naman ang magmana ng ganitong kompanya?

“This is not a meeting. This is just a very short welcome assembly.”

Nagsimula namang magbulung-bulungan ang mga kasama ko. Masakit pa rin ang ulo ko kaya maya’t-maya ang paghawak ko rito.

“Ladies and gentleman, I’d like you to meet the newest member of the C&K Family, Engr. George Aries Andrade.”

Napahikab pa ako. Talagang hindi ako nakatulog kagabi. Parang wala akong ma-absorb sa sinasabi ni Boss Lee. Napatingin ako kay Blesie na kumakaway-kaway sabay turo sa unahan, sa kasama ni Boss Lee kaya tiningnan ko.

Nanlaki ang mga mata ko.

My co-employees clapped as the new Engineer of C&K bowed. I can’t believe this!

I thought he’s working at KGP Inc. which happened to be the greatest rival of our company. May dalawang kompanya lang kasi sa lungsod ng Dasma. Nauna ang C&K, pero after a year, nagkaroon na rin ng KGP Inc. Parehong food and beverage company. Parehong kilala. Parehong naglalaban sa titulong numero uno sa Dasma. You know, business. At s’yempre, to attract more investors.

Noon pa man, hindi na naging maganda ang samahan ng dalawang kompanya. Hindi nagkaroon ng friendly competition. Actually, maging ang mga empleyado ay ipinagbawal ding makasalamuha sa isa’t-isa. Dati kasi, nagkaroon ng leak. Simula noon, naging mortal na magkaaway ang dalawa.

Pero nabago na rin ‘yong sa mga empleyado. Marami kasi na magkakaibigan o kaya magkamag-anak na nagtatrabaho sa C&K at KGP. Buti na lang. Kaya puwede kong kausapin si George or magkaroon ng communication sa kanya through Facebook.

Okay, si George na naman: I thought, kakalimutan ko na siya? ‘Di ba nga ititigil ko na ‘yong 10 steps? Pero bakit siya nandito? Pa’no na?

“Engr. Andrade, you’ll be accompanied by…” Luminga-linga si Boss Lee – sa Engineering team, tapos sa Finance Team? “By Miss Steve. Okay, that’s all. Ipinakilala ko lang sa inyo ang ating bagong engineer. Back to work. Miss Steve, ikaw na ang bahala sa kanya.”

I was like, Bakit ako pa? Finance team ako. Hindi ako engineer. Bakit ako?

I suddenly looked at Blesie na ngiting-ngiti. Kaya pala. Ito pala ‘yong sinasabi niya. Nilapitan ko siya.  “Ikaw na lang. Ikaw ang engineer, e.”

 “No, no, no. Busy kasi ang lahat ng nasa Engineering Team ngayon. Besides, sabi ni Boss Lee, ang bilis mo raw gumawa ng works mo kaya lahat nagawa mo na. I guess, wala namang problema kung ikaw ang magsasabi kay George ng pasikut-sikot sa kompanya. ‘di ba?”