"ရှိုင်းလေး မင်းစက်နဲ့နေ့ခင်းတုန်းကတွေ့သေးလား"
ခုံပေါ်မှ သူ့ရဲ့မီးခိုးရောင်လွယ်အိတ်လေးအားကောက်လွယ်လိုက်လျက် ရှိုင်းဇေယံကပြန်ဖြေလာခဲ့သည်။
"တွေ့တယ်လေ ပြီးတော့မကြာဘူး ဌာနကနေထွက်သွားတာပဲ"မင်းခန့်ထည်လည်း ရှိုင်းပြန်ဖြေလာတာကိုခေါင်းညိမ့်ကာနားထောင်လိုက်ပြီးနောက် ရှိုင်းရဲ့လွယ်အိတ်လေးအား ဆွဲလုလိုက်လေသည်။လက်ထဲကနေလွတ်သွားတဲ့ကျောပိုးအိတ်လေးကိုကြည့်ပြီးရှိုင်းနဲနဲကြောင်တက်သွားရသည်။
"ဘာဖြစ်လို့လဲ!"
"လွယ်ချင်လို့"
ဟုဆိုလာပြီးနောက် လွယ်အိတ်၂လုံးကိုကိုင်လျက်ရှေ့မှ အရင်ထွက်သွားသော တစ်ယောက်သောသူရဲ့ကျောပြင်လေးကို ငေးကြည့်နေရင်း ရှိုင်းဇေယံရဲ့မျက်နှာထက်တွင် အပြုံးရိပ်တို့တရိပ်ရိပ်တက်လာခဲ့ရပေမယ့် သူ့ရဲ့နက်ရှိုင်းရှိုင်းရင်ထဲတစ်နေရာတွင်တော့ မပြုံးနိုင်ခဲ့ပေ။
အဘယ်ကြောင့်ဆိုသော် သူ ထိုလူသားနဲ့ဝေးဝေးနေဖို့ကြိုးစားလေလေ တိတ်တခိုးချစ်ရသူနဲ့ နီးနီးကပ်ကပ်နေမိလေလေမို့ သူ့ရဲ့စိတ်တို့ကမအေးချမ်းနိုင်ဖြစ်နေရကာ သောကလှိုင်းတချို့က ရင်ထဲ၌ခိုအောင်းလို့နေပေသည်။
"ရှိုင်းလေး လာလေ"
ဌာနအပေါက်ဝနား၌ရပ်ကာလှမ်းခေါ်လာတဲ့မင်းခန့်ထည်ရဲ့ထိုအသံကြားမှပဲ ရှိုင်းဇေယံတစ်ယောက် အဆုံးမရှိကျယ်ပြောစွာသောသူ၏အတွေးပင်လယ်ကို ရပ်တန့်လိုက်ကာ မင်းခန့်ထည်နောက်သို့အပြေးလိုက်သွားတော့လေသည်။
မင်းခန့်ထည်နဲ့ရှိုင်းဇေယံတို့နှစ်ယောက်သား အဆောင်ဆီသို့ပေါက်သော မြေသားဖြူဖြူလမ်းလေးအတိုင်း အတူတကွ လျှောက်လှမ်းလာကြရင်း နှစ်ဦးသားရဲ့ပုခုံးနှစ်သွယ်တို့က ထိတိုက်လုမတတ်အနီးကပ်ဆုံးလျှောက်လှမ်းနေမိကြသည်။ညနေလေရူးသုန်သုန်တို့က နှစ်ဦးသားဆီသို့အပြေးရိုက်ခတ်လျက်။
ပုဇွန်ဆီရောင်နေမင်းကြီးကတော့ အနောက်ဘက်အရပ်ဆီကနေ ထိုလူသားလေး၂ဦးအား ပြုံးရွှင်စွာဖြင့် စီးကြိုနေရှာလေသည်။
![](https://img.wattpad.com/cover/179438606-288-k338841.jpg)
YOU ARE READING
HE=MY FIRST LOVE [ကိုယ့်အချစ်ဦး ](Completed)
Romanceသူဆိုတဲ့ကိုယ့်အချစ်ဦးလေးကကမ်းစပ်လေးဆီငြိမ်သက်စွာနဲ့ဝင်ရောက်တိုက်ခတ်လာပြီး အသိမပေးဘဲပြန်လည်ထွက်ခွာသွားတတ်တဲ့ရေလှိုင်းလေးနဲ့ဆင်တူတယ်။ရေလှိုင်းလေးတွေကပင်လယ်ပြင်ကြီးထဲကိုထွက်ခွာသွားပြီးဘယ်လောက်ထိကြာအောင်ကူးခတ်နေရပါစေ တစ်နေ့နေ့တော့ ကိုယ်ဆိုတဲ့ကမ်းစပ်လေးတ...
အခန်း(၁၈)- Sweet
Start from the beginning