فتحت لي الباب رنا
ولسه مامليت عيني فيها اسمع ليك استاز خالد ادخل يابكري انت ود البيت مالك واقف بره
ابتسمت لي رنا ابتسامه نستني كل الامي القديمه والجديده
وقالت لي اتفضل وكانت كانو بتعزف البت فيها صوت مبالغه وبسمه مبالغه
وكان اكتر شي بميزه الوجنه اااي والله وجنه كانو منحوته بي عنايه فائقه
المهم دخلته واستاز خالد قالي شوف يابكري ولدي في مزكرات بتاعت فيزيا وكيميا والشامل بتاع الامتحانات عاوزك تجيبم لي من الخرطوم
باقي رنا السنه دي نازله سنه تالته ومصره تدخل طب قلت ليهو انشالله ربنا يوفقه
دخل يدو في جيبو وطلع لي قروش قلت ليهو يا استاز الموضوع مابستاهل بجيبم ولمن اجي اديني القروش اصره وحلف الي اشيل القروش وانا كمان اصريت ما اشيل القروش
وفي نص حليفتنا ديك جااات رنا شايله عصير
ولمن شفتها قلت في سري استاز خالد ده مجنون عاوزني اشيل قروش بتاعت مزكرات مرتي
وانا سارح مع الشايل العصير وفحئه سمعته ليك استاز خالد بكري شيل العصير
اتاري رنا ماده العصير وانا سارح هههههه
اخته لي خجله كده وشلته العصير
قالت لي بكري رفعته عيني قالت لي ابوي قالي انت مسافر الخرطوم قلت ليها انشالله
قالت لي خلاص عليك الله لو لقيت زمن امي قالت ليك عاوزه ليها بخور تيمان وحبه كمون
ومدت لي 50 جنيه
قلت ليها مابحتاج ختتم لي في الصنيه ومشت
ماحتصدقوني لو قلت ليكم شلته ال50 بتاعت رنا وحلفته ما اشيل القروش من استاز خالد
حت هو استغرب بس ماقالي حاجه
استازنته منو وطلعته ودعني
وفي اخر حته قبل اقفل الباب لاحظته لي رنا متايعاني بي عيونه
انا قلبي وقف
اول نور قابلني في الشارع وقفته وفكيت الخمسين جنيه بتاعت رنا
كانو متخيل تكون كاتبه لي فيها بحبك بكري
ههههههه
بقيت تقلب في الخمسين زي الزول وقت يكون عاوز يتاكد القروش اصليه ولي مزوره
وصلته البيت
جهزته شنطتي
وطبقته الخمسين بتاعت رنا صغيره خليته زي الحجاب
وربطها في منديل وختيته في المحفظه ورا البطاقات
قلت اخيرآ بقي عندي حاجه فيها ريحت رنا
نمته والصباح جاني حسن ود الفكي بالوري ماشي الخرطوم يودي ليهو بصل
ركبته معاهو
والطريق كلو مافي راسي حاجه غير بخور التيمان والكمون والمزكرات
براي قلت اكيد بخور التيمان امها عاوزه تبخر بيهو رنا عشان مايسحروها والكمون عاوزه تربطو ليها في رقبته من العين
اكيد رنا بسحروها هههه ضحكته في نفسي قلت والله الشافعه دي مافي زول يسحره غيري ياربي امها تكون خايفه عليها من عيني .فجئه اتزكرته عمي عثمان واولادو الجاين
نسيت عمي عثمان واولادو ههههه
المهم المغربيه كده وصلنا المركزي شمبات
نزلت من حسن وركبته حافلات بحري ومنها علي ام درمان بيت ناس خالي حسن
كان ساكن في الثوره الحاره الرابعه
وصلته وسلمته عليهم وجابو لي غدا
قلت ليهم ماشي البسطه ام درمان عندي حجات اجيبه واجي
خالي ياود انت مجنون يادوب واصل من السفر
ارتاح وبكره بعد ترجع من المطار امشي جيب حجاتك
كان نفسي اول حاجه اعمله بعد وصلته امشي اجيب المزكرات والبخور والكمون ههههه
قلته خلاص لي بكره بعد ارجع من المطار
المهم كان مجدي ود خالي حسن عندو امجاد
مشينا المطار
الساعه 2 طيارتم وصلت
بقيت اعاين في الناس الطالعين
تصدقو اولاد خالي مابعرفم كويس لانو اخر مره شفتهم فيها كانو شفع
المهم فجئه شاب طويل وجيه ونضيف قالي انت بكري قلت ليهو بالحيل
قالي انا منزر ماعرفتني
قلت ليهو منزر ود عمي عثمان مشالله والله مابصدق
حمدله ع السلامه
قالي سلم علي سهي اختي وكانت سهي
مشالله مشالله ماشالله فهمتوني صااااح مشالله هههه
طول وسماحه ارتبكته وسلمته عليهم
جرينا الشنط انا ومجدي ود خالي
اتحركنا
سهي قالت لي بكري كيفك
ابوي طوالي بحكي لينا عنك وعن شقاوتك
ضحكته قلت ليها الكلام ده كان زمان اسه بقيت مسكين
المهم عرفته منهم في الطريق انو جاين يقرو الجامعه هنا سهي حتدخل طب جامعه النيلين ومنزر حيمتحن شهاده سودانيه
تاني يوم استازنته منهم ح امشي السوق عندي حجات اجهزه ونسافر البلد
المهم جري علي البسطه ام درمان
لقطه المزكرات والكمون والبخور
كان عندنا الحافلات بتاعت البلد بتتحرك من السوق الشعبي ام درمان
ركبنا انا وسهي ومنزر الكنبه الورا
وركبت جمبنا مره كبيره.المهم وصلنا البيت باليل
امي فرحت بيهم شديد
وطبعا عارفين ناس البلد بالحيل بريدو الضيوف
والله مش الساعه كانت 8 م التقول ضربو ليهم صفاره
الحريم وشباب البلد كلهم جو وسلمو عليهم
حيدر السغيل داك قالي ديل القتلتهم يقتل حيلك ياحيدر والله مافاضي ليك
نطي عمنا خضر كان زول حازم وحاسم قاليهم خلاص بكره كلكم معزومين فطور ح نضبح لي اولاد عثمان
الناس اتكشكشو طلعو
الحمدلله
وانا همي كلو الصباح يصبح واشيل المزكرات والبخور والكون اوديهم لي رنا هههه قصدي استاز خالد
الصباح عمي خضر جا يكورك بكري قوم اصبح الحمل ده ياولد
قلت ليهو خير ياعمي
اتحزمته وصبحته الحمل وكانت سهي بتعاين لي مستغربه
قالت لي بكري قلبك قوي كيف ضميرك سمح ليك تصبحو وهو صغير كده
ضحكته وقلت ليها ياستي ده ربنا خلقو للضبح
وضحكنا
دخلته استحميت وجري علي بيت ناس استاز خالد
دقيت الباب فتحت لي الباب امها بكري حمدله ع سلامة اولاد عمك عثمان
ادخل لي جوه الفطور جاهز
قلت ليها معليش يلخاله والله معاي ضيوف في البيت
وانا بتكلم معاها جات رنا مديت ليها المزكرات اتفصلي يادكتوره وضحكنا انا وامها
قالت لي انشالله يابكري قريب ابقي دكتوره وتجيني اعالجك
فجئه قالت لي .......
يتبع......
