خلصت الحصة بعدين صارخت عواش و قالت : اييييييه يا هبلات ما كملت الا و شوي و تعثرت وطاحت كل حد يلس يضحك عليها و هي الهبلة تضحك معاهم ساعدوها عشان تقوم قامت عواش
قالن لها : شو كنتي بتقولين
قالت عواش : كنت بقول انه باقيي عشر دقايق و بنروح البيت
قالت مريم :اها اوكي و شنسويبج يعني
عواش كالعادة ياتها قصف جبهة و ما قدرت تقول شي اما الباقيات يلسن يضحكن عليها
يات وحدة وقالت (^^) : امم سوري خربت عليكم بس بغيت اكلم شما
شما شافتها وقالت : نعم شو تبين ؟
(^^): عادي نتكلم بروحنا
قامت شما و راحت على صوت وياها و قالت : ها شو تبين نعم
(^^): بس ابا احذرج
شما : نعمم !!! اصلن تعرفيني اعرفج لااااا سو باااي و راحت
(^^) عصبت و تمت على اعصابها
ردت شما و قالتلهم السالفة شوي و رن الجرس عشان يرجعون البيت
البنات قالن : منو هاذيج اصلن ؟ و اصلن ليش تحذرج ؟
اليوم الثاني
مرن الشلة ف الممر و شافن البنت (^^) راحت مها عندها و قالت : انتي منو ؟
قالت (^^): ما تذكريني انا ملاك
مها : شو كان قصدج يوم قلتي حق شما انج تحذريها
ملاك : بتعرفون بعدين ( و راحت )
الشلة سمعنها لكن ما فهمن شي
تمن جي لين البريك ف البريك يات عندهم ملاك
و قالت: تذكرون الشلة الي قبل سنة اتضاربتو وياهم
كل حد تم يفكر بعدين انصدم كل وحدة ف عقلها تقول ( هاااي هاي ملاك ملاك الي كنا نعرفها كانت غير ما كان شكلها جي حتى كانت قبل قاصة شعرها !!! ) قطعت تفكيرهم
و قالت : ما توقعتو اني بتغير جي صح ؟!!!
ردن الشلة و قالن : مستحيييييل انتي ملاك الي ف شلة قوم حصيص صح ؟ مستحييل كيف اتغيرتي جي ؟!!
ملاك : تذكرن قبل سنه شو سويتو فيني خليتوني انذل جدام شلتي و خليتيهم يعاملوني كني زبالة
ردت مريم + عواش : نحن ما سوينا شي بس سوينا فيج مقلب انج كنتي تحبين اخو حصيص !!! فجأة سكتن و بعدين قالن : مستحيييييل ليكون حصيص صدقت
ملاك : صدقت و ذلتني خلتني عندها كني زبالة خليتوني لكون من صديقة روحها الين زبالة حياتها
الشلة سكتن
ملاك : سويتو المقلب لكن حصيص ما صدقت انه مقلب كانت تحسبه صدق و بعدين تمت تذلني لين ما صار محد يتكلم معاي انا يتت عندكم عشان انتقم منكم
البنات سكتن و ما يعرفون شو ايسوون •••
فجأة ملاك ضحكت الكل استغرب ليش تضحك خوزت الشعر عن عيونها و مسحت الميك اب ركزو ف ملامحها شوي و انصدمن كانت قبل ما يبين شكلها كانت قصتها مغطية علو عيونها و الشيلة مغطية على ويها لكن احين يوم ركزن بعد ما خازت كل شي اكتشفو انها !!!
