راحن ف قروبهن يسولفن لين ما اتيي المس كانن يضحكن و يتضاربن لين ما يات المس دشت و قالت : اس كيوز مي بنات قعدن (( طبعاً مس الكلاس كل حد يحبها هي حلوة لون بشرتها برونزي فيها غمازات واايد طيبة و مرات تسولف مع البنات ف الكلاس طبعاً بعد ما تخلص تدريس )))
..
قعدن البنات ف قروباتهم و يلسن يدرسن يوم المس خلصت خلتهم يلعبون يلسن شلتهم يسولفون فجأة قالت
شما : اقولكن بنااات اسمعن
،،
قالن : ها شوووو
شما: بقولكم قصة رعب
قالن اوكي يلست تقوللهم القصة شوي الا لزقت مها ف مريم كانت خلاااص وصلت حدها شوي و بتصيح بالغلط موزة طيحت غرشتها يوم سمعت مها الصوت خافت و صارخت صرخة هزت المدرسة كاملة
راحتلهم المس و قالت ؛ شو صار شفيج مها طلعلج صرصور ولا شوو ؟
كل حد يلس يضحك بعدين يوم قالت مها انها خافت من قصة الرعب ضحكن البنات زيادة مها صارخت عليهم و قالت : انطبن يا هبلات
يت حور و سحبت شما و قالتلها : اقولج قومي ساعديني بروح عند النيرس
(( حور تلبس نضارة طبية و شعرها لين ضهرها عيونها شوي صغار لكن حادات مرات ادش ف كل سالفة يعني بالمختصر نشبه )
شما : سلامات شفيج عسى ما شر
عليا انتبهت انه حور زخت شما و هي كل ما اتزخ ادور من شلتنا مشاكل تسحب اي وحدة و تروح و اذا خليناها تزعل
بكل برود عليا زخت شما من كتفها و قالت : تعالي انروح الكانتين مع الشله لنه بريك
و شما ما تعرف شو السالفه
شما راحت مع عليا و عطت حور طااف
و شوي لقينا شلة قدامنا
(^^): ليش تمشن بروحكن
ردت عليا وقالت : بنرد لشلتنا ما في شي بس نتمشى
(**): تمام شما لا تنسين في امتحان بايو
شما + عليا شهقن ما كانن يعرف راحن ركض لين الشلة و مب قادرات يتنفسن
مريم شافتهم و قالت : شفيكن ليش منقطع نفسكن
قالن هن ويصارخن : يا هبلات امتحاااااان
كل حد ف الشلة شهق و قال : شووووو متى ؟ و مال شو ؟
قالت شما : انا نسيت اخبركم امس و نسيت ادرس بعد
قالن : يا هبلة كيف تنسين هااا امتحان .... شوي و سكتن و ردن
قالن : انزين امتحان شوو
قالت شما: امتحان بايو
عليا ياتها صدمة لنها اسوء وحدة ف البايو اما مريم كانت طااف عادي عندها مب مهتمة اما موزة و مها متوترات و عوااش عطتهم طاف مع مريم •• شوي و يلسن يدرسن لنه بعد البريك عليهم بايو بعد ما خلص البريك امتحنن المس تصحح و تقول الدرجات وصلت عند الشلة و قالت :
عايشة :81
مريم:86
مها:87
موزة:84
شما:88
عليا: 82
و بعدين قالت : مبيضات الويه اشوف
هن يلسن يضحكن محد يعرف ليش ما كانوا يعرفون انهم غشن ف اول 5 اسألة .
