مساء الخير ع اجمل متابعين اتمنى لكم قراءه ممتعه
🌹🦋 البارت 7 🦋🌹
🌹🦋 بين الفقر والطغيان 🦋🌹
🌹🦋 للكاتبه رونق 🦋🌹
اتصل بيه ابويه وجان يكلي
عفنه نور يم زينب
اني اتخبلت كتلهم ليش عفتوها
كلي ابويه كامت تبجي واصرت اله تبقه
كتله مااقبل هسه ترجع وتجيبها
اكيد مايعرفولها وماندري شراح يسوون بيها
ومانعرف اذا راح يشبعوها لو يجوعوها
كلي يابه خليناها بايادي امينه
واكيد زينب راح تحافظ عليها وتخاف عليها اكثر من عدنه
ومن ارجع نتفاهم
كمت افور دم احسها كاعد تستغلنا بتصرفاتها
بقيت ع نار لمن
رجعوا ابويه وفاطمه
طبعا حيل عصبت وياهم
كتلهم شنو الدليل الي عدنه اذا اخذت بنتي وانهزمت
شنعرف عنها وعن اهلها
اشو اهلها انطونياها بدون لا مشيه ولاعقد امامهم
يعني كلشي منعرف عنهم لاعمامهم ولا عشيرتهم
كلي ابويه وشنو مصلحتها هيج تسوي
البنيه حبابه واهلها خوش ناس مبين عليهم
هههههه مبين من زواجها الي بالسر
منحكم ع البشر من موقف واحد ياحيدر
البنيه صارلها اكثر من 5 اشهر
ماشفنه المو زينه منها ابد
بس تضوج نور راح تتصل بيه وارح اجيبها
خطيه عدها عطله وتضوج هناد
خليها هناك تغير جو
سكتت بس كلبي ممرتاح ابد
واني متاكد راح تخابرنه باجر وتكول تعالو اخذوها
كوه كدرت انام
ثاني يوم طلبت من فاطمه تخابرها وتسال عن نور
كالتلي فرحانه حيل وتكول مااجي ابقه يم ماما
كلتلي امي خليها خطيه مدامها فرحانه
داومت ومن رجعت بقيت بقلق ابد ممرتاح اول مره تغيب عني بنتي
نمت وكعدت بالليل
دزيت رساله من رقمي اول مره اراسلها من رقمي
دزيت مرحبا
ابد ماكو جواب
كعدت وباوعت ابد ماكو جواب رغم ماقاريتها للرساله
YOU ARE READING
بين الفقر والطغيان
Mystery / Thrillerالقصه تتحدث عن فتاة جميله تجبرها الحياة ان تترك دراستها وتعمل سكرتيره في شركه اهليه لكن الظروف تجبرها ان تتزوج بالسر من مديرها بسبب الفقر وحاجتها للمال لكن هل ياترى تنكشف الاسرار ام تبقى مخبأه ام هناك مفاجئات بالانتظار
