زواج مؤقت

الفصل الخامس

شريف:تصدقي فكرة...

فاضل بسخرية:يا راااجل....أومال داخل تقول قررت أتجوزها...مريم عندها حق فعلا...فكر كويس يا شريف...أنا شايف يا بني إن إنت مش بتحبها...

شريف:خلاص يا بابا....تمام يا مريم...ممكن ناكل بئة....يلا اتفضلوا....و بدأ في تناول طعامه...

مصطفي بهمس:مريم...أنا بحبك..

مريم بابتسامة:و أنا كمان...كُل يلا...

ياسين بفضول:بابا إنت بتقول إيه؟؟؟

مصطفي بمزاح:إنت مالك..أنا بقول حاجة لمراتي بتحشر نفسك ليه؟؟

ياسين بعصبية طفولية:عشان مامتي..

مصطفي:و أنا عرفتها الأول....يلا إفطر...

حمزة:ياسين...أنا فخور بيك يا حبيبي..إنت شبهي أوي..

ياسين:يعني إيه فخور بيا يا ميزو؟؟

حمزة:يعني فرحان بيك...كُل يا ياسين...

نوران:و أنا يا ميزو؟؟

حمزة:إنتِ حبيبة قلبي...إفطري بس...
.......................
بعد مرور عدة ساعات،،

ذهب رأفت و عائلته إلي فيلا الجندي و تبادلوا السلام ثم دلفوا جميعًا إلي غرفة الجلوس..

أمينة:ألف مبروك يا غدير...

غدير:الله يبارك فيكي يا طنط..

فاضل:مبروك يا بنتي..

غدير:شكرا يا عمو..

فاضل:رأفت..تعالي عايزك في موضوع معلش..

رأفت:تمام ماشي..و ذهبا إلي المكتب...

نوران و هي تنظر لشعر غدير باستغراب:
طنط..طنط...هو دة شعرك بجد؟؟

غدير:أولًا متقوليليش طنط..قوليلي غدير عادي أو أقولك قوليلي ديدا...ثانيًا أيوة و الله العظيم دة شعري..أنا شعري لونه كدة اتخلقت به كدة زي ما إنتِ شعرك بني كدة..

نوران:طب ليه شعرك كدة و وشك في نقط برتقاني كدة؟؟؟

غدير:النقط دي إسمها نمش...و شكلي كدة عشان لو بصّيتي علي وش مامتي هتلاقيها كدة و شعرها كدة بردو...و أنا شبهها..أي استفسار تاني يا نوران هانم..؟؟

نوران:لا...شكرا..

ياسين:شكلك حلو أوي...ممكن أبوسك؟

غدير:أنا حبيتك أوي...تعالي تعالي..فذهب ياسين ليقبل وجنتها و جلس بجانبها..

ياسين:إنتِ بتشتغلي إيه؟؟

غدير:أنا يا سيدي دكتورة أطفال....عارف بيجيلي ولد إسمه يوسف...كيوت أوي شبهك كدة...